Ko tuˈugë jäˈäy nyaywyandaˈagyëty mä Jyobaa, yëˈë yˈandijpy ko tmënuˈkxtaˈaky ets tˈanëëmë ko yëˈëyë yˈawdataampy ets ko mëdiˈibë mas jëjpˈam pyëjktäˈägaampy mä jyukyˈäjtën, yëˈë ko ttunäˈäny mëdiˈibë Jyobaa tsyojkypy (Salmo 40:8). Ets ko nyëbajnë, ta ttukˈixy ja mayjyaˈay ko të nyaywyandaˈagyëty. Nitii duˈun kyajëjpˈamëty extëm ko winmäˈäny nbëjktakëm ets nmëduˈunëmë Jyobaa. Ets pääty duˈun njënäˈänëm mët ko yajtëgäjtsypyë jyukyˈäjtën. ¿Ti mbudëkëyanëp parë mnaywyandäˈägëdët ets mnëbatët?

1. ¿Ti xypyudëkëyäˈänëm parë nnaywyandakëm mä Jyobaa?

Ko ntsojkëmë Jyobaa, yëˈë xypyudëkëyäˈänëm parë nnaywyandakëm (1 Fwank 4:​10, 19). Biiblyë duˈun xyˈanmäˈäyëm: “Mtsokëbë mDios Jyobaa mët tukëˈëyë mgorasoon, mët tukëˈëyë mniniˈkx mgëbäjk, mët tukëˈëyë mwinmäˈäny ets mët tukëˈëyë mjot mëjääw” (Marcos 12:​30, TNM). ¿Wiˈix nyigëxëˈëky ko ntsojkëmë Jyobaa? Ja mä ngäjpx nmaytyakëm ets mä tijaty nduˈunëm. Tuˈugë noobyë mëdiˈibë jantsy naytsyojkëdëp, nayˈanmääyënëdëp ets pyëknëdët. Nanduˈun ëtsäjtëm, ko njantsy tsyojkëmë Jyobaa, ta nbëjktakëm ja winmäˈäny ko ndukwandäˈägäˈänëm ja jukyˈäjtën ets ko nnëbatäˈänëm.

2. ¿Wixatyë Jyobaa tkunuˈkxy pënaty të nyëbattë?

Ko nety mijts të mnëbety, ta tuˈugyë myajpäädanë mët ja mmëguˈuktëjk mëdiˈibë yajpattëp abëtsëmy nyaxwinyëdë. Mˈixaampy mjawëyaampy wiˈixë Jyobaa mdukˈixyëty ko mtsojkëp ets mas niˈigyë xymyëwingonäˈäny (käjpxë Malaquías 3:​16-​18). Mjawëyaampy nanduˈunë Jyobaa extëmë mDeety ets mëdataampy nanduˈunë mjëëky mmëguˈuk mëdiˈibë mjawëyaampy extëmë mfamilyë, mëdiˈibë tsyojktëbë Dios ets mtsojkëdëp nanduˈun (käjpxë Markʉs 10:​29, 30). Per ¿tijaty mbäät xytyuny mä mganëbetynyëm? Tsojkëp xyˈixyˈatëdë Jyobaa, xytsyokët ets xymyëbëkët ja yˈUˈunk. Tim ok, ta netë Jyobaa xytyukkëdëkët ja mjukyˈäjtën. Pën mduumpy duˈun ets mnëbajtp, ta mbäät xyˈëwxity xyjyëjpˈixy ja jyukyˈäjtën xëmëkyëjxmbë. Pesë Diosë yˈAyuk jyënaˈany: “[Ja nëbajtën] yëˈë diˈib nanduˈun tyam myajnitsokëdëp” (1 Peedrʉ 3:​21).

 AK NIJAWË NIˈIGYË

3. Tsojkëp nwinˈijxëm pën nmëdunäˈänëm

Ko ja israelitëty jyukyˈäjttë, duˈun nääk winmääytyë ko mbäät tˈawdattë Jyobaa ets nanduˈun ja dios Baal mëdiˈibë kyaj tyëyˈäjtënëty. Perë Jyobaa ta tkejxy ja kyugajpxy Elías parë nëjkx ttukjaygyukëdë ko kyaj nety dyuˈunëty extëm wyinmaytyë. Käjpxtë 1 Reyes 18:​21 ets nimaytyäˈäktë mëdiˈibë yä yajtëëpy:

• ¿Ti nety tsojkëp twinˈixtët ja israelitëty?

Duˈun extëm ja israelitëty, ëtsäjtëm tsojkëp nanduˈun nwinˈijxëm pën nmëdunäˈänëm. Käjpxtë Lukʉs 16:​13 ets nimaytyäˈäktë mëdiˈibë yä yajtëëpy:

• ¿Tiko mbäät yëˈëyë nˈawdäjtëmë Jyobaa ets kyaj pënë wiinkpë?

• ¿Wiˈix mbäät ndukˈijxëmë Jyobaa ko yëˈë nmëdunäˈänëm?

4. Winmay nuˈunënë Jyobaa mtsokyëty

 5. Mˈaxäjëyaampy mëjwiin kajaa kunuˈkxën ko mnaywyandäˈägëdët mä Jyobaa

 TI TË NJÄJTËM

Ko ntsojkëmë Jyobaa, yëˈë xypyudëjkëm parë ndukkëdëjkëm ja jukyˈäjtën ets nnëbajtëm.

Ajamyatsë

• ¿Tiko Jyobaa pyaaty nyitëkëty ntsojkëm amumduˈukjot ets nˈawdäjtëm?

• ¿Wiˈixë Jyobaa tkunuˈkxy pënaty të nyëbajnëdë?

• ¿Mnaywyandäˈäganëp mijts mä Jyobaa?