LEKSION 09
Mënuˈkxtäˈägë Dios parë xymyëwingonët
¿Myajtëgoyˈajtypy näˈäty ets pën mnëˈëmoˈoy mduˈumoˈoyëdët? ¿Mtsojkypy ets pën mbudëkëdët mä xyajnaxyë amay jotmay? ¿Myajtëgoyˈajtypy ets pën mjotkujkmoˈoyëdët o mmëjääwmoˈoyëdët? ¿Mjajawëyaambyë Jyobaa mas wingon? Mbäät mbudëkëty ko mnuˈkxtäˈägët. Per ¿wiˈixën mbäät nnuˈkxtakëm? ¿Myëdoowˈijtaabyëdaa Dios ko niˈamukë jäˈäy myëgäjpxëdë? ¿Wiˈix mbäät mˈity seguurë ko Dios myëdoowˈitaampy ko xymyënuˈkxtäˈägët? Min nˈokˈijxëm.
1. ¿Pën mbäät nmënuˈkxtakëm?
Jesus ojts tyukniˈˈijxë ko yëˈëyë mbäät nmënuˈkxtakëmë nDeetyˈäjtëmë tsäjpotmëdë. Duˈun extëm yëˈë ttuuny, yëˈë myënuˈkxtakë Jyobaa. Tëgok duˈun jyënany: “Miitsëty duˈun mnuˈkxtäˈäktët: NDeetyˈäjtëm mä mˈity jam tsäjpotm...” (Mateo 6:9, TNM). Ko nmënuˈkxtakëmë Jyobaa, ta mas niˈigyë nmëwingoˈonëm.
¿Tijaty mbäät ninuˈkxtakëm? Mbäät oytyim tiijëty. Per parë Dios xymyoˈoyëm, tsojkëp nˈamdoˈowëm tijaty yëˈë tyukjotkëdakypy. Biiblyë jyënaˈany ko pën “nˈamdoˈom diˈibë ijtp tiˈigyë [mët] diˈibë yëˈë tsyejpy, yëˈë xymyëdoˈom” (1 Fwank 5:14). Jesus ojts tnigajpxy tuk pëky majtsk pëky tijaty mbäät nˈamdoˈowëm (käjpxë Matewʉ 6:9-13). Oy ko nanduˈun nmoˈoyëmë dyoskujuyëmë Dios tijaty xytyukmëduˈunëm ets ninuˈkxtakëmë wiink jäˈäy.
2. ¿Wiˈix mbäät nnuˈkxtakëm?
Biiblyë xyˈanmäˈäyëm: ‘Yajtukwäˈäts yëˈë mˈääw mjot mä Wintsënën’ (Lamentaciones 2:19, TY). Pääty, winë ääw winë jotën mbäät nmëgäjpxëmë Dios. Mbäät nmëgäjpxëm japyë jodoty winmäˈänyoty o nˈëbëtsëˈëm ngäjpxpëtsëˈëmëm, ets oy wiˈix naybyëjtakëm nëgokë nyaˈijxëmë wintsëˈkën. Mbäät nanduˈun nmëgäjpxëm oytyim näˈäty ets oytyim määjëty.
3. ¿Wiˈixë Dios xyˈatsoowëmbijtëm?
Wiˈixëm ttuny. Jyobaa të xymyoˈoyëmë yˈAyuk parë jap tˈatsoowëmbity tijaty nnijawëyäˈänëm. Ets mä Salmo 19:7 jyënaˈany ko xymyoˈoyëm nanduˈun ja wijyˈäjtën ko ngäjpxëmë yˈAyuk (käjpxë Santya̱ˈa̱gʉ 1:5). Ko nmëdäjtëmë amay jotmay, Jyobaa mbäät dyajpoˈkxy ja jot winmäˈäny. Mbäät nanduˈun dyajtunyë nmëguˈukˈäjtëm parë xypyudëjkëm ko nyajtëgoyˈäjtëm.
AK NIJAWË NIˈIGYË
Min nˈokˈijxëm wiˈix mbäädë Dios nmënuˈkxtakëm winë ääw winë jot extëm ttukjotkëdäˈägët ets wiˈix xypyudëkëyäˈänëm.
4. ¿Ti tsojkëp nduˈunëm parë Dios tmëdowëdë nuˈkxtakën?
¿Pënatyë Dios myëdoowëbë nyuˈkxtakën? Ixtë BIDEO.
Jyobaa tsyojkypy ets yëˈëyë nmënuˈkxtakëm. Käjpxtë Salmo 65:2 ets nimaytyäˈäktë mëdiˈibë yä yajtëëpy:
-
¿Tsyojkypyëdaa Dios xymyëgäjpxët mëdiˈibë “myëdoowˈijtypyë nuˈkxtakën”? ¿Ets tiko duˈun mwinmay?
Pën ntsojkëm etsë Dios tmëdowët ko nmëgäjpxëm, jëjpˈam ets njukyˈäjtëm extëm yëˈë tniˈanaˈamë. Käjpxtë Miqueas 3:4 etsë 1 Peedrʉ 3:12, ets nimaytyäˈäktë mëdiˈibë yä yajtëëpy:
-
¿Wiˈix mbäät mˈity seguurë ko Dios jyantsy myëdoowˈijtypyë mnuˈkxtakën?
¿Myëdoowˈijtypyëdaa Dios ko soldäädëtëjk myënuˈkxtäˈägëdë parë myadäˈäktët, myentrës ja myëtsip nanduˈun nyuˈkxtäˈäktë?
5. Nˈokmënuˈkxtakëmë Jyobaa extëm njäˈäwëm ja ääw jot
Näägë jäˈäy agëbajky nyuˈkxtäˈäktë o kyäjpxtäˈäktë. ¿Per yˈoymyëdoobyëdaa Dios ko duˈun nmënuˈkxtakëm? Käjpxtë Matewʉ 6:7 ets nimaytyäˈäktë mëdiˈibë yä yajtëëpy:
-
¿Ti mbäät xytyuny parë kyaj ja mˈääw mˈayuk xynyikäjpxmin xynyikäjpxëpët ko Dios xymyënuˈkxtäˈägët?
Winmay tuˈuk tuˈugë xëëw tijaty kunuˈkxënë mˈaxäjëp ets ta netë Jyobaa xymyoˈoyëdë dyoskujuyëm. Duˈuntsoo ko yˈabatët tuk sëmään, kyaj nety të xynyikäjpxminy të xynyikäjpxëpy wiˈixë Jyobaa të xyˈanëëmë.
Tuˈugë uˈunkteety tsyojkypy ets ja yˈuˈunk tyukmëtmaytyäˈägëdët wiˈix nyayjyawëty. Nanduˈunë Jyobaa, tsyojkypy ets ëtsäjtëm nmënuˈkxtakëm winë ääw winë jot.
6. Nitii duˈun kyaˈoyëty extëm ko Dios nmënuˈkxtakëm
Ko nwinguwäˈkëmë amay jotmay mbäät xypyudëjkëm mëjwiin kajaa ko nnuˈkxtakëm Ixtë BIDEO.
Biiblyë jyënaˈany ko mbäät kyujkë ääw jot ko nnuˈkxtakëm. Käjpxtë Filipʉs 4:6, 7 ets nimaytyäˈäktë mëdiˈibë yä yajtëëpy:
-
Ko nnuˈkxtakëm kyaj dyaˈoˈoyëtyaˈay ja nˈamayˈäjt njotmayˈäjtëm, per ¿wiˈix xypyudëjkëm?
-
¿Tijaty mijts mjaˈˈamdowaampy mjapëjktsowaambyë Dios?
¿Mnijäˈäwëbë nety?
Ko njënäˈänëm amen, yëˈë yˈandijpy ko “duˈunˈatëbë duˈun” o “waˈan duˈun ttuny tjatyëty”. Tëëyëp, ko ijtyë jäˈäy nyuˈkxtaktäˈäytyë, ta jyënäˈändë “amen” (1 Crónicas 16:36).
7. Juudë tiempë parë Dios xymyëgäjpxët
Näˈäty, nëgooyë tuunknë ets kyaj nekyjyamyajtsëm nmëgäjpxëmë Dios. ¿Jëjpˈamë Jesus tˈijxy tmëgäjpxëdë Tyeety? Käjpxtë Matewʉ 14:23 etsë Markʉs 1:35, ets nimaytyäˈäktë mëdiˈibë yä yajtëëpy:
-
¿Ti Jesus tyuun parë tjuˈtyë tiempë ets ojts nyuˈkxtaˈaky?
-
Ets mijts, ¿ti mbäät xytyuny parë mnuˈkxtäˈägët?
NÄÄGË JÄˈÄY JYËNÄˈÄNDË: “Nëgoobë nnuˈkxtakëm, ninäˈäts ngaˈixyë Dios tˈatsoowëmbity kots njamëgajpxy”.
-
¿Wiˈix mijts xyˈatsowët?
TI TË NJÄJTËM
Ko nmëgäjpxëmë Jyobaa winë ääw winë jot, ta nmëwingoˈonëm, kyujkë ja ääw jot ets xypyudëjkëm parë nduˈunëm ti tyukjotkëdakypy.
Ajamyatsë
-
¿Pën mbäät nmënuˈkxtakëm?
-
¿Wiˈix mbäät nmënuˈkxtakëm?
-
¿Wixaty xypyudëjkëm ko Dios nmëgäjpxëm?
AK PAYEˈEY
Ko jäˈäy nyuˈkxtäˈäktë nayajtëëwëdëp tijaty. Nijawë wiˈixë Biiblyë tˈatsoowëmbity.
Nijawë tiko jyëjpˈamëty mnuˈkxtäˈägët ets wiˈix mbäät mas oy xytyuny.
“¿Tiko jyëjpˈamëty nnuˈkxtakëm?” (Myiny mä jw.org)
Ix wiˈixë Biiblyë jyënaˈany pën mbäät nmënuˈkxtakëm.
“¿Oyëdaa ko nmënuˈkxtakëmë santë?” (Myiny mä jw.org)
Ix mä yäˈädë bideo pën nyigajpxypy näˈä mbäät mnuˈkxtaˈaky ets mää.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
