Mä leksion 13 të nˈijxëm ko Dios kyaj tkupëky tukëˈëyë relijyonk. Per mbäät nˈawdäjtëm extëm yëˈë jotkujk nyayjyawëdët. ¿Wiˈixëdaa Dios ttsoky ets nˈawdäjtëm, o ja tuk pëky njënäˈänëm, mëdiˈibë “relijyonk” kyupëjkypy? (Santya̱ˈa̱gʉ 1:27). Min nˈokˈijxëm wiˈixë Biiblyë jyënaˈany.

1. ¿Mä yajnigajpxy wiˈixë Dios ttsoky nˈawdäjtëm ets nmëduˈunëm?

Biiblyë nyigajpxypy wiˈix mbäät nˈawdäjtëmë Dios. Jesus duˈun tˈanmääyë Tyeety: ‘Yëˈë mˈääw mˈayuk tëyˈäjtën yëˈë’ (Juan 17:17, TY). Näägë relijyonk kyaj tmëjˈixtë ja tëyˈäjtën mëdiˈibë yajpatp mä Biiblyë. Yëˈë pyanëjkxtëp ja naxwinyëdë jäˈäyë yˈëxpëjkën ets wiˈix ja mëjjäˈäytyëjk tijaty të tnastun tnaskäjpxëdë. Jyobaa axëëk nyayjyawëty ko jäˈäy tjëjpkudijë tijaty yëˈë nyiˈanaˈamëp (käjpxë Markʉs 7:9). Per agujk jotkujk nyayjyawëty ko njaygyujkëm wiˈixë yˈAyuk jyënaˈany ets ko nbanëjkxëm ja kyäjpxwijën.

2. ¿Wiˈix mbäät nˈawdäjtëmë Jyobaa?

Jyobaa pat nitëjkëp ets yëˈëyë naytyuˈuk nˈawdäjtëm mët ko yëˈë të xyajkojëm (Diˈibʉ Jatanʉp o Apocalipsis 4:11). Yäˈädë yëˈë yˈandijpy ko yëˈëyë mëdiˈibë mbäät ntsojkëm ets nˈawdäjtëm, ets ko kyaj mbäät nyajtuˈunëmë awinax ko nˈawdäjtëm (käjpxë Isaías 42:8).

Tsojkëp nmëduˈunëmë Dios “wäˈäts” ets extëm yëˈë tkupëkët (Romanʉs 12:1). O ja tuk pëky njënäˈänëm, tsojkëp njukyˈäjtëm extëm yëˈë tniˈanaˈamë. Extëm nˈokpëjktakëm, pënaty tsyojktëbë Jyobaa myëmëdoowdëp wiˈix yëˈë tniˈanaˈamë etsë jäˈäy kyasäädëˈatët. Kyaj nanduˈun tmëdattë bisyë, kyaj yˈuuktë, jyuˈuktë ets kyaj dyajtundë droogë. a

3. ¿Tiko yˈoyëty nëjkxëm reunyonk parë nˈawdäjtëmë Jyobaa mëdë jäˈäy mëdiˈibë mëmëdoowëdëp?

Ko nduˈukmujkëm sëmään sëmään, ta mbäät nyajmëjpëtsëˈëmëmë Jyobaa mëdë nmëguˈukˈäjtëm (Salmo 111:1, 2). Tuk pëky wiˈix nyajmëjpëtsëˈëmëm, yëˈë ko nguyˈëˈëw nguyyaxëm (käjpxë Salmo 104:33). Ko Jyobaa xyˈanmäˈäyëm ets nreunyonkˈäjtëm, yëˈë duˈun mët ko xytsyojkëm ets mët ko nyijäˈäwëp ko net mbäät njukyˈäjtëm agujk jotkujk winë xëëw winë tiempë. Ets nanduˈun nnaymyëjääwmoˈoyëm nixim niyam.

 AK NIJAWË NIˈIGYË

4. Kyaj yˈoyëty nyajtuˈunëmë awinax mä nˈawdäjtëmë Dios

5. Ko yëˈëyë nˈawdäjtëmë Jyobaa, ta nˈawäˈätspëtsëˈëmëm

 6. Nmëjkumäˈäyëmë Dios ko nreunyonkˈäjtëm

Ko ngomentaräjtëm mä reunyonk ets ko nˈëˈëw nyaxëm, ta nmëjkumäˈäyëmë Jyobaa ets nnaymyëjääwmoˈoyëm nixim niyam. Käjpxtë Salmo 22:22 ets nimaytyäˈäktë mëdiˈibë yä yajtëëpy:

• ¿Mˈoymyëdoopy wiˈixë nmëguˈukˈäjtëm kyomentarattë mä reunyonk?

• Ets mijts, ¿mgomentaratäämp nanduˈun?

7. Jyobaa jantsy jotkujk nyayjyawëty ko nimaytyakëm tijaty njäjtëm

Taaˈäjtp kanäk pëky wiˈix mbäät nimaytyakëm tijaty njäjtëm mä Biiblyë. Käjpxtë Salmo 9:1 etsë 34:1, ets nimaytyäˈäktë mëdiˈibë yä yajtëëpy:

• Tijaty kujk mnijäˈäwëp mä Biiblyë, ¿ti mjatukmëtmaytyäˈägaambyë wiink jäˈäy?

 TI TË NJÄJTËM

Agujk jotkujkë Dios nyajnayjyäˈäwëm ko yëˈëyë naytyuˈuk nˈawdäjtëm, ko nmëjkumäˈäyëm mä reunyonk ets ko nimaytyakëm tijaty kujk njäjtëm.

Ajamyatsë

• ¿Mä yajnigajpxy wiˈixë Dios ttsoky ets nˈawdäjtëm?

• ¿Tiko yëˈëyë mbäät nˈawdäjtëmë Jyobaa?

• ¿Tiko yˈoyëty nëjkxëm reunyonk parë nˈawdäjtëmë Jyobaa mëdë jäˈäy mëdiˈibë mëmëdoowëdëp?