LEKSION 15
¿Pënën Jesusˈäjtp?
Nuˈun kujkë xëëw tiempë nyaxy, mayë jäˈäy mëj dyajnaxtë Jesus, nyijäˈäwëdëbë xyëëw, per kyaj yajxon tˈixyˈattë. Ets nimay wiˈixëm wyinmaytyë mä pënën yëˈë. ¿Wiˈixë Biiblyë tnimaytyaˈagyë Jesus?
1. ¿Pënën Jesusˈäjtp?
Jesus yëˈë tuˈugë anklës mëdiˈibë kumëjääw ets jam jyukyˈaty tsäjpotm. Yëˈë tim jawyiinë Jyobaa ojts yajkojˈyëty mä nety ti tkayajkojynyëm. Päätyë Biiblyë jyënaˈany ko yëˈë ‘myëduˈuk Uˈunkˈäjtypy mä käˈänëm ënety ti kyojynyëm’ (Colosenses 1:15, TY). Nanduˈun jyënaˈany ko Jesus yëˈë Diosë “tyuˈukˈUˈunk” mët ko yëˈë këˈëmë Jyobaa ojts ttimyˈyajkojy (Fwank 3:16). Jesus ojts tpudëkë Tyeety parë ojts dyajkojtäˈäytyë tijaty (käjpxë Proverbios 8:30). Axtë tyambäät, Jesus duˈunyëm jantsy oy yˈity mëdë Tyeety. Yëˈë nanduˈun yajtijp ja “Ayuk” mët ko yëˈë kyäjpxnäjxypy ja Tyeetyë yˈayuk (Fwank 1:14).
2. ¿Tiko Jesus myiiny yä Naxwiiny?
Jesus yëˈë nety tuˈugë anklës mëdiˈibë kumëjääw, per tam nyëjkxnë naa 2,000 jëmëjt mä Jyobaa ttuuny tuˈugë miläägrë, ojts dyajtëgäjtsë jyukyˈäjtën ets ojts tpëjktakë María jyodoty, tuˈugë kiixy mëdiˈibë nety kyajnëm pyeky. Duˈunë Jesus myiiny jyajty yä Naxwiiny (käjpxë Lukʉs 1:34, 35). Jyobaa yëˈë kyajxë Jesus extëm ja Mesías o Kristë mëdiˈibë nety të twandaˈaky ko myinäˈäny parë dyaˈˈawäˈätspëtsëmäˈäny ja naxwinyëdë jäˈäy. a Tukëˈëyë mëdiˈibë netyë Biiblyë të tnaskäjpxë mä ja Mesías, yëˈë Jesus yaˈˈadëëwdääy. Pääty ja jäˈäy yˈëxkäjpë extëm “ja Kristë, ja Diosë yˈUˈunk” (Matewʉ 16:16).
3. ¿Mä net tyam ja Jesus?
Ko Jesus yˈoˈky tyëgooy yä Naxwiiny, ta Dios yajjukypyëjkë ets ojts pyatëjkënë tsäjpotm. Ko jam jyajty, ta Dios ojts “myoˈoyëty tëgekyë mëjˈäjtën esë anaˈamën” (Filipʉs 2:9). Tyamë Jesus këjxmë kutujkën tmëdaty; yëˈëyë Jyobaa mëdiˈibë kyaj twinäjxë ja kyutujkën.
AK NIJAWË NIˈIGYË
Min nˈokˈijxëm pënën Jesusˈäjtp ets tiko jyëjpˈamëty nˈixyˈäjtëm.
4. Jesus kyaj duˈunë mëkˈäjtën tmëdaty extëmë Dios
Biiblyë jyënaˈany ko Jesus yëˈë tuˈugë anklës mëdiˈibë kumëjääw, per myëmëdoobyë Jyobaa mëdiˈibë Tyeetyˈajtypy ets Diosˈäjtypy. ¿Wiˈix nnijäˈäwëm? Ixtë BIDEO wiˈixë Biiblyë tnimaytyaˈaky ko Jesus tëgatsy mëdë Dios.
Yëˈë tekstë mëdiˈibë yä miimp, xytyukˈijxëm pënën Jesus ets pënën Jyobaa. Käjpxtë tuˈuk tuˈuk ets nimaytyäˈäktë mëdiˈibë yä yajtëëpy:
Käjpxtë Lukʉs 1:30-32.
-
¿Wiˈix ja anklës jyënany mëdiˈibë xytyukjaygyujkëm ko Jyobaa mëdë Jesus kyaj tyuknaxëty?
Käjpxtë Matewʉ 3:16, 17.
-
Ko Jesus nyëbejty, ¿wiˈix ja ayuk yajmëdooy jam tsäjpotm?
-
Wiˈix mˈokwinmay, ¿pënëdaa ja yˈääw yˈayuk yajmëdoow?
Käjpxtë Fwank 14:28.
-
¿Pën mas niˈigyë ja kutujkënë myëdäjtypy: tuˈugë uˈunkteety o ja yˈuˈunk?
-
Ko Jesus ojts ttijˈyë Jyobaa nDeetyëts, ¿ti xytyukniˈˈijxëm?
Käjpxtë Fwank 12:49.
-
¿Winmaabyëdaa netyë Jesus ko tuknax mëdë Tyeety? Ets mijts, ¿wiˈix mˈokwinmay?
5. Jesus yajnigëxëˈk ko yëˈë ja Mesías
Mä Biiblyë kanäk pëky ojts yajnaskäjpxë wiˈixë nety mbäädë jäˈäy tnijawëdë pënën ja Mesías, mëdiˈibë netyë Dios kyaxaampy parë dyaˈˈawäˈätspëtsëmët niˈamukë naxwinyëdë jäˈäy. Ixtë BIDEO tijaty ojts yajnaskäjpxë mä Biiblyë mëdiˈibë Jesus yaˈˈadëëw ko myiiny yä Naxwiiny.
Käjpxtë mä Biiblyë tijaty ojts yajnaskäjpxë ets nimaytyäˈäktë mëdiˈibë yä yajtëëpy:
Käjpxtë Miqueas 5:2 mä yajnigajpxy mä nety myaxuˈunkˈatäˈäny ja Mesías. b
-
¿Adëëwë yäˈädë tekstë ko Jesus myaxuˈunkˈäjty? (Matewʉ 2:1).
Käjpxtë Salmo 34:20 etsë Zacarías 12:10 mä ojts yajnaskäjpxë wiˈixë nety yˈoogäˈäny ja Mesías.
-
¿Adëëw extëm ojts yajnaskäjpxë? (Fwank 19:33-37).
-
Ets mijts wiˈix mˈokjënäˈäny, ¿waˈandaa Jesus ti ttuuny parë ojts dyaˈˈadëy mëdiˈibë nety të yajnaskäjpxë?
-
Extëm yä të nˈijxëm, ¿wiˈixë net mˈokwinmay mä pënën Jesus?
6. Ndukˈoyˈäjtëm ko nˈixyˈäjtëmë Jesus
Biiblyë nyigajpxypy ko jëjpˈam ets nnijäˈäwëm pënën Jesus, ets ti tuunk të yajtuknipëky. Käjpxtë Fwank 14:6 etsë 17:3, ets nimaytyäˈäktë mëdiˈibë yä yajtëëpy:
-
¿Tiko jyëjpˈamëty nˈixyˈäjtëmë Jesus?
Jesus yëˈë yaˈˈawats ja nëˈë tuˈu parë jatëgok nmëwingoˈonëmë Dios ets tukniˈˈijxë ja tëyˈäjtën mä pënën Jyobaa. Mët yëˈëgyëjxm, nbäädäˈänëm ja jukyˈäjtënë winë xëëbë.
NÄÄGË JÄˈÄY JYËNÄˈÄNDË: “Testiigëty kyaj tmëbëktë Jesukristë”.
-
Ets mijts, ¿wiˈix mˈokjënäˈäny?
TI TË NJÄJTËM
Jesus yëˈë tuˈugë anklës mëdiˈibë kumëjääw, yëˈë ja Diosë yˈUˈunk ets ja Mesías mëdiˈibë kyajx.
Ajamyatsë
-
¿Tiko Biiblyë jyënaˈany ko Dios yëˈë ‘myëduˈuk Uˈunkˈäjtypyë’ Jesus mä kyajnëm ti kyojy?
-
Mä Jesus kyaminynyëm yä Naxwiiny, ¿ti mëdiˈibë nety tyuumpy jam tsäjpotm?
-
¿Wiˈix nnijäˈäwëm ko Jesus yëˈë duˈun ja Mesías?
AK PAYEˈEY
Ak nijawë tiko njënäˈänëm ko Jesus yëˈë duˈun ja Mesías.
“Tijaty ojts yajnaskäjpxë mä Biiblyë, ¿xytyukˈijxëm ko Jesus jantsy yëˈë duˈun ja Mesías?” (Myiny mä jw.org)
Nijawë mä Biiblyë wiˈixënë Dios tˈUˈunkˈatyë Jesus.
Biiblyë kyaj mä tyukniˈˈixë ko jyaˈˈaty tëgëëgë Dios.
“Jesus, ¿yëˈëdaa Dios?” (Diˈib Xytyukˈawäˈänëm, 1 äämbë abril 2009)
Nijawë wiˈix tuˈugë toxytyëjk dyajtëgäjtsyë jyukyˈäjtën ko ojts tpayeˈey wiˈixë Biiblyë tnimaytyaˈagyë Jesus.
a Mä leksion 26 etsë 27 jap yajnimaytyaˈaky tiko netyë naxwinyëdë jäˈäy dyajtëgoyˈattë parë yˈawäˈätspëtsëmdët ets wiˈixë Jesus ojts xyaˈˈawäˈätspëtsëˈëmëm.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
