LEKSION 19
Jyobaa tyestiigëty, ¿jyantsy pyanëjkxtëbë Jesus?
Ëëtsëty, Jyobaa tyestiigëty, ijttëbëts seguurë ko yëˈëts njantsy pyanëjkxtëbë Jesus. ¿Tikots duˈun njënäˈändë? Min nˈokˈijxëm mäts nyajpëtsëmdë tijatyëtsë jäˈäy ndukniˈˈijxëdëp, tikots nxëwˈattë Jyobaa tyestiigëty ets wiˈixëts nyajnigëxëˈëktë ja tsojkën.
1. ¿Mä Jyobaa tyestiigëty dyajpëtsëmdë tijatyë jäˈäy tyukniˈˈijxëdëp?
Jesus duˈun tˈanmääyë Tyeety: ‘Yëˈë mˈääw mˈayuk tëyˈäjtën yëˈë’ (Juan 17:17, TY). Jyobaa tyestiigëty jap dyajpëtsëmdë mä Biiblyë tijatyë jäˈäy tyukniˈˈijxëdëp duˈun extëm ttuunyë Jesus. Naa ja mä jëmëjt 1870, tuk grupë nmëguˈukˈäjtëm mëdiˈibë nety yˈëxpëjktëbë Biiblyë ojts tpayeˈeytyë këkpäät wiˈix jyënaˈany ja Diosë yˈAyuk. Ets yëˈë net myëbëjktë tijaty ojts tˈëxpëjkpäättë, oyë nety duˈunë jäˈäy kyatukniˈˈixëdë mäjaty ja tsäjptëjk. Ta net ttukmëtmaytyaktë jäˈäy ja tëyˈäjtën mëdiˈibë nety të tnijawëdë mä Biiblyë. a
2. ¿Tikots nxëwˈattë Jyobaa tyestiigëty?
Jyobaa jyënaˈany ko pënaty awdäjtëp, yëˈë tyestiigëˈäjtypy mët ko nyimaytyäˈägëdë tëyˈäjtën myëët (Ebreeʉsʉty 11:4-12:1). Extëm nˈokpëjktakëm, ja kyäjpn mëdiˈibë myëdäjt tëëyëp duˈun tˈanmääy: “Miitsëtyë duˈun ndestiigëˈäjttëp” (käjpxë Isaías 43:10). Etsë Jesus, Testiigë nanduˈun mët ko yëˈë ‘mëdiˈibë ja Diosë yˈääw yˈayuk kyäjpxnäjxypyën extëm tˈijxy tmëdooyën’ (Apocalipsis 1:5, TY). Pääty, mä jëmëjt 1931 nyajxëëwmooytyëts Jyobaa tyestiigëty. Jantsy agujk jotkujkëts nnayjyawëdë kots ëëtsëty duˈun nxëwˈattë.
3. ¿Wiˈixë Jyobaa tyestiigëty dyajnigëxëˈëktë tsojkën extëmë Jesus?
Jesus mëk ttsojky ja yˈëxpëjkpëty ets duˈun tjäˈäwë extëmë fyamilyën (käjpxë Markʉs 3:35). Jyobaa tyestiigëty nanduˈunëts nnayjyawëdë tukjëëky tukmëguˈukpën ets päätyëts nayˈanëˈëmxëdë nixim niyam “mëguˈuk” (Filemón 1, 2). Yëˈëts nanduˈun nmëmëdoowdëbë yäˈädë anaˈamën mä jyënaˈany: “Tsoktë mmëmëbëjkpëty” (1 Peedrʉ 2:17). Wiˈixëmëts nyajnigëxëˈëktë yäˈädë tsojkën, extëm kots nbudëkëdë nmëguˈuktëjk abëtsëmy nyaxwinyëdë ko yˈamaybyäät jyotmaybyäättë.
AK NIJAWË NIˈIGYË
Min nˈagaknijäˈäwëm wiˈixë Jyobaa tyestiigëty tsyonëˈk tsyondaktë ryelijyonk ets ti mëdiˈibë yajnigëxëˈkypy ko yëˈë jyantsy pyanëjkxtëbë Jesus.
Pënaty jyantsy pyanëjkxtëbë Jesus jap dyajpëtsëmdë mä Biiblyë tijaty myëbëjktëp ets tijaty tyukmëtmaytyaktëbë jäˈäy.
4. Tijatyëts nmëbëjktëp japëts nyajpëtsëmdë mä Biiblyë
Jyobaa ojts tnaskäjpxë ko pyäädaambyë tiempë mä niˈigyë yajnijawëyaˈany ja tëyˈäjtën mëdiˈibë yajpatp mä Biiblyë. Käjpxtë Daniel 12:4 ets nimaytyäˈäktë mëdiˈibë yä yajtëëpy:
-
¿Ti nety mëjwindëkëyäämp ko ja Dios mëduumbëty tˈaktimyˈëxpëjkˈadëˈëtstët ja Biiblyë?
Ix wiˈix tuk grupë jäˈäy mëdiˈibë nety yˈëxpëjktëbë Biiblyë ojts tpayeˈeytyë ja tëyˈäjtën mä Diosë yˈAyuk. Niduˈuk yëˈë Charles Russell. Ixtë BIDEO ets nimaytyäˈäktë mëdiˈibë yä yajtëëpy:
-
Extëm të xyˈixy mä bideo, ¿wiˈixë Charles Russell mët ja myëguˈuktëjk ojts tˈëxpëktë Biiblyë?
¿Mnijäˈäwëbë nety?
Näˈäty, yajkäjpxˈoˈoyëp tijatyëts nmëbëjktëp. ¿Tiko? Jaˈko duˈun extëm ko wanaty wanaty xyëënytyaknë ets yajxon tijaty nˈijxënë, nanduˈunë Dios xypyudëjkëm wanaty wanaty parë njaygyujkëm ja tëyˈäjtën mëdiˈibë yajpatp mä Biiblyë (käjpxtë Proverbios 4:18). Biiblyë kyaj tyëgatsy, per ko mas oy yajjaygyukë tidën myaytyäˈägaampy, ta näˈäty yajkäjpxˈoyë tijatyëts nmëbëjktëp.
5. Nnimaytyaktëbëts ja tëyˈäjtën mä pënën Jyobaa
¿Tikots nyajxëëwmooytyë Jyobaa tyestiigëty? Ixtë BIDEO ets nimaytyäˈäktë mëdiˈibë yä yajtëëpy:
-
¿Tiko yˈoyëty kots nxëwˈattë Jyobaa tyestiigëty?
¿Tiko Jyobaa të twinˈixyë jäˈäy mëdiˈibë nidestiigëˈatëdëp? Yëˈko kyaj pën nyimaytyaˈagyëty tëyˈäjtën myëët, pääty të twinˈixyë jäˈäy mëdiˈibë nidestiigëˈatëdëp ko yëˈë ja Dios mëdiˈibë tëyˈäjtën. Min jeˈeyë nˈokˈijxëm majtsk pëky wiˈix yajnimaytyaˈaky.
Näägë relijyonk duˈun ttukniˈˈixëdë jäˈäy ko tsojkëp dyajtundëdë awinax parë tˈawdattëdë Dios. ¿Per tëyˈäjtëndaa? Käjpxtë Levítico 26:1 ets nimaytyäˈäktë mëdiˈibë yä yajtëëpy:
-
¿Wiˈixën tyëyˈäjtënëty? ¿Tsyojkypyë Dios ets nyajtuˈunëmë awinax?
Pënaty nyiwintsënˈäjttëbë relijyonk tyukniˈˈixëdë ko Jesus yëˈë duˈun Diosˈäjtp. ¿Per tëyˈäjtëndaa? Käjpxtë Fwank 20:17 ets nimaytyäˈäktë mëdiˈibë yä yajtëëpy:
-
¿Wiˈixën tyëyˈäjtënëty? ¿Jënäämp ko tuknaxë Jesus mëdë Dios?
-
¿Wiˈix mnayjyawëty ko Jyobaa të tkexyë tyestiigë mëdiˈibë nimaytyäˈägëdëp tëyˈäjtën myëët mä pënën yëˈë ets pënën Jesus?
6. Ntsojktëbëts ja njëëky nmëguˈuk
Biiblyë duˈun tnimaytyaˈaky yˈittë Dios mëduumbëty extëm yˈityë niniˈkx këbäjk. Käjpxtë 1 Korintʉ 12:25, 26 ets nimaytyäˈäktë mëdiˈibë yä yajtëëpy:
-
Extëm jyënaˈanyë yäˈädë tekstë, ¿tixyëp mbäät ttundë pënaty jyantsy pyanëjkxtëbë Jesus ko ja myëguˈuktëjk dyajnaxtë ayoˈon?
-
Ets mijts, ¿wiˈix xyˈixyë Jyobaa tyestiigëty dyajnigëxëˈëktë tsojkën?
Ko muum wiinktsoo Jyobaa tyestiigëty tkuˈix tkubäädëdë ayoˈon, tsojkˈam ja myëguˈuktëjk pyudëkëdë mëdiˈibë yajpattëp abëtsëmy nyaxwinyëdë. Parë nnijäˈäwëm wiˈix nyaybyudëkëdë, ixtë BIDEO. Ta net xynyimaytyäˈäktët mëdiˈibë yä yajtëëpy:
-
¿Mjënäˈänëp ko Jyobaa tyestiigëty yajnigëxëˈktëbë tsojkën ko tpudëkëdë myëguˈuktëjk?
Pënaty jyantsy pyanëjkxtëbë Jesus yajnigëxëˈktëbë tsojkën ko tpudëkëdë pënaty yajtëgoyˈäjttëp.
NÄÄGË JÄˈÄY JYËNÄˈÄNDË: “Testiigëtëjk näämnëmë ryelijyonk nyaxkëdaˈaky”.
-
¿Wiˈix mˈatsowët ko pën duˈun mˈanëˈëmxëdët?
-
¿Desde näˈä Jyobaa ojts ttijy ndestiigëts pënaty mëduunëdëp?
TI TË NJÄJTËM
Jyobaa tyestiigëty yëˈën mëdiˈibë jyantsy pyanëjkxtëbë Jesus. Abëtsëmy nyaxwinyëdë yajpäättë tuk jëëky tuk mëguˈukpën ets tˈawdattë Dios. Yëˈë myëbëjktëp mëdiˈibë miimp mä Biiblyë ets nyimaytyaktëbë Jyobaa Dios tëyˈäjtën myëët.
Ajamyatsë
-
¿Tikots ojts nyajxëëwmoˈoytyë Jyobaa tyestiigëty?
-
¿Wiˈixëts nyajnigëxëˈëktë tsojkën nixim niyam?
-
¿Mjënäämp mijts ko Jyobaa tyestiigëty yëˈë mëdiˈibë jyantsy pyanëjkxtëbë Jesus?
AK PAYEˈEY
Nijawë wiˈix tsyonëˈky tsyondakyë yäˈädë relijyonk.
Jyobaa tyestiigëty jyantsy yajnigëxëˈktëbë mëbëjkën. Myëduk pëky: Pyëtsëmdë agootstuuy (1:00:53)
Ix wiˈixë Jyobaa tyestiigëty të dyajnidëˈkxtë tuˈugë tëyˈäjtën mëdiˈibë jäˈäy tëgatsy tukniˈˈijxëdëp.
Mbäät xynyijawë tijaty mnijawëyaampy mä Jyobaa tyestiigëty.
“Diˈib xëmë nayajtëëwëdëp mä Jyobaa tyestiigëty” (Myiny mä jw.org)
Stephen mëkë nety tˈaxëkˈixyë jäˈäy mëdiˈibë weerë ets jantsy axëëk ijty ttuny. Nijawë ti tyukˈoyˈijxë Jyobaa tyestiigëty ets ti pudëjkë parë dyajtëgäjtsyë jyukyˈäjtën.
“Niˈigyëtsë nety mas axëëk njukyˈäjnë” (Myiny mä Diˈib Xytyukˈawäˈänëm)
a Yëˈë rebistë Diˈib Xytyukˈawäˈänëm ja tim jawyiin pyëtsëëmy 1879 ets axtë tyambäät duˈunyëm pyëtsëmy.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
