Jesus ojts jyënaˈany ko tsojkëp nnëbajtëm pën nbanëjkxäˈänëm (käjpxë Matewʉ 28:19, 20). Per ¿wiˈixën tuˈugë jäˈäy nyëbety? ¿Ets ti mbäät ttuny parë nyëbatët?

1. ¿Wiˈixën tuˈugë jäˈäy nyëbety?

Ko Jesus nyëbejty mä ja Jordán mëj nëë, nipaˈtstääy ets ta ojts “pyëtsemy nëjotm” (Markʉs 1:9, 10). Pënaty jyantsy pyanëjkxtëbë Jesus, nanduˈun tyam nyipaˈtstäˈäytyë ko nyëbattë.

2. ¿Ti yajnigëxëˈkypy tuˈugë jäˈäy ko nyëbety?

Ko tuˈugë jäˈäy nyëbety, yëˈë yaˈijxëp ko të nyaywyandaˈagyëty mä Jyobaa. Per ¿wiˈixën tuˈugë jäˈäy nyaywyandaˈagyëty? Ko tmënuˈkxtaˈagyë Dios mä kyanëbetynyëm ets tˈanëëmë ko winë xëëw winë tiempë tmëdunäˈäny. Tyukwandakypy nanduˈunë Jyobaa ko yëˈëyë naytyuˈuk yˈawdataampy, ets ko mëdiˈibë jëjpˈam pyëjktäˈägaampy mä jyukyˈäjtën, yëˈë ko ttunäˈäny mëdiˈibë Dios tsyojkypy. Ja jäˈäy mëdiˈibë nëbatäämp të nanduˈunë wyinmäˈäny tpëjktaˈaky ko yëˈë Jesusë yˈijxpajtën pyanëjkxanëp ets tijaty tukniˈˈijxë. Pesë Jesus duˈun jyënany: “Pën jaats pën xypyanëjxäˈäny, tsojkëp tmastuˈudët ja kyëˈëm winmäˈäny [...] esëts xypyatsoonët” (Matewʉ 16:24). Ko tuˈugë jäˈäy nyaywyandaˈagyëty ets nyëbety, mbäädë net mas oy yˈity mëdë Jyobaa ets pënaty mëduunëdëp.

3. ¿Ti mbäät tuˈugë jäˈäy ttuny parë nyëbatët?

Pën mijts mnëbatäämp, tsojkëp jawyiin xyˈixyˈatëdë Jyobaa ets xyajkëktëkët ja mëbëjkën (käjpxë Ebreeʉsʉty 11:6). Pën mˈëxpëjkp, ta niˈigyë Jyobaa xytsyokäˈäny, xyˈixyˈatäˈäny ets ja mëbëjkën kyëktëkëyaˈany. Ko duˈun xytyunët, yëˈë mbudëkëyanëp parë net jyënäˈänët ja mˈääw mjot ko mgäjpxwäˈkxäämp ets mjukyˈatäämp extëmë Jyobaa tniˈanaˈamë (2 Timotee 4:2; 1 Fwank 5:3). Ko tuˈugë jäˈäy jyukyˈäjnë “extëmë Jyobaa ttukjotkëdaˈaky”, mbäädë net ja wyinmäˈäny tpëjktaˈaky parë ttukwandäˈägëdë jyukyˈäjtën etsë net nyëbajnët (Colosenses 1:9, 10, TNM). a

 AK NIJAWË NIˈIGYË

4. ¿Ti xytyukniˈˈijxëm extëmë Jesus nyëbejty?

Parë nnijäˈäwëm wiˈixë Jesus nyëbejty, käjpxtë Matewʉ 3:13-17. Ta net xynyimaytyäˈäktët mëdiˈibë yä yajtëëpy:

• ¿Ja Jesus nyëbejty ko myaxuˈunkˈäjty?

• ¿Jeˈeyëdaa ojtsë nëë yajtukujäˈxëˈëky? ¿Wiˈix nyëbejty?

Ko Jesus nyëbajtääy, ta dyajtsondaky ja tuunk mëdiˈibë netyë Dios të tyuknipëkyëty. Käjpxtë Lukʉs 3:21-23 etsë Fwank 6:38, ets nimaytyäˈäktë mëdiˈibë yä yajtëëpy:

• Ko Jesus nyëbajtääy, ¿ti tuunk mas jëjpˈam pyëjktak?

5. Pëjktäˈägë mwinmäˈäny ets mnëbatët

Waˈan xyjëjptsëˈëk xyjëjpjawë mnaywyandäˈägëdët mä Jyobaa ets mnëbatët, per ko niˈigyë xyˈixyˈatët, mbäädë net xyaˈˈaduˈugë ja mjot mwinmäˈäny ets mjënäˈänët ko mnëbatäämp. Parë xyˈixyˈatëdë jäˈäy mëdiˈibë ojtsë jyot wyinmäˈäny dyaˈˈaduˈugëdë, ixtë BIDEO.

Käjpxtë Fwank 17:3 etsë Santya̱ˈa̱gʉ 1:5, ets nimaytyäˈäktë mëdiˈibë yä yajtëëpy:

• ¿Ti mbäät tuˈugë jäˈäy pyudëkëty parë nyayjyëjpˈixëdët etsë net nyëbatët?

1. Ja nnaywyandakëm mä Jyobaa ko nˈanmäˈäyëm nmëdunäˈänëm winë xëëw winë tiempë.

2. Ko nnëbajtënë, ta mayjyaˈay wyindum nyaˈijxëm ko të Dios ndukkëdëjkëm ja jukyˈäjtën.

 6. Ko tuˈugë jäˈäy nyëbajnë, ta yajpatnë mä Diosë nyax kyäjpn

Ko nnëbajtënë, ta nyajpatënë mä Diosë nyax kyäjpn mëdiˈibë tuˈugyë ijtp abëtsëmy nyaxwinyëdë. Niˈamukë yëˈë xyajtuˈugyëm tijaty nmëbëjkëm ets ko njukyˈäjtëm extëmë Diosë yˈAyuk tniˈanaˈamë, oy mä ntsoˈonëm ets oy wiˈixëm të njukyˈäjtëm. Käjpxtë Salmo 25:14 etsë 1 Peedrʉ 2:17, ets nimaytyäˈäktë mëdiˈibë yä yajtëëpy:

• Extëm të ngäjpxëmë yäˈädë tekstë, ¿wiˈix ndukˈoyˈäjtëm ko nnëbajtëm?

 TI TË NJÄJTËM

Jesus ojts jyënaˈany ko tsojkëp nnëbajtëm pën nbanëjkxäˈänëm. Ets parë duˈun nduˈunëm, tsojkëp nyajkëktëjkëm ja mëbëjkën mä Jyobaa, nmëmëdoˈowëm ja yˈanaˈamën etsë net ndukwandakëm ko nmëdunäˈänëm.

Ajamyatsë

• ¿Wiˈix tuˈugë jäˈäy nyëbety, ets tiko jyëjpˈamëty?

• ¿Ti yajnigëxëˈkypy tuˈugë jäˈäy ko nyëbety?

• ¿Ti jawyiin mbäät ttuny tuˈugë jäˈäy mä tkatukwandaˈakynyëmë jyukyˈäjtënë Dios ets mä kyanëbetynyëm?