LEKSION 24
¿Wiˈixë Biiblyë tnimaytyaˈagyë anklëstëjk?
Jyobaa myëdäjtypyë fyamilyë jam tsäjpotm ets tsyojkypy nˈixyˈäjtëm. Mä yäˈädë fyamilyë yajpäättë anklëstëjk mëdiˈibë nanduˈun yajtijtëp “Diosë yˈuˈunk yˈënäˈk” (Job 38:7). ¿Wiˈixë Biiblyë tnimaytyaˈagyë anklëstëjk? ¿Ti tyuundëp? ¿Niˈamukëdaa yajpäättë mä Diosë fyamilyë?
1. ¿Pënën yajtijtëp anklëstëjk?
Jyobaa yëˈë jawyiin ojts dyajkojˈyë anklëstëjk mä tkayajkojynyëmë Naxwinyëdë. Jam tsyëënëdë tsäjpotm ets kyaj yaˈixtë duˈun extëmë Jyobaa (Hebreos 1:14, TNM). Miyonkˈam jyamˈatyë anklës ets kyaj tyuknaxˈattë (Diˈibʉ Jatanʉp o Apocalipsis 5:11). Yëˈë “tyuundëp wiˈix yˈanëˈëmxëdë [Jyobaa] ets myëmëdoowëdëp ja yˈanaˈamën” (Salmo 103:20). Tëëyëp, Jyobaa yëˈë yajtuunë anklës parë ojts dyajkugajpxyˈaty o parë ttukpudëjkë ja nyax kyäjpn ets dyaˈˈawäˈätspëtsëëmy. Ets tyam, yëˈë nanduˈun yajtuumpy parë yajpäätyë jäˈäy mëdiˈibë yˈixyˈataambyë Dios.
2. ¿Pënën Satanás ets ja kyaˈoybyëtëjk?
Satanás yëˈë ja tim jawyiimbë anklës mëdiˈibë ojts kyujuundaˈaky, yajtijy “mëjkuˈugopk es Satanás, diˈibë wyinˈiˈimpy nidëgekyë ja naxwinyëdë jäˈäy” (Diˈibʉ Jatanʉp 12:9). Yëˈë yˈatsojk ja anaˈamën, pääty ojts twinˈëëny ja Adán mëdë Eva. Ok, ta nanduˈun nimay pyuwäˈkëdë anklëstëjk mëdiˈibë yajtijtëp kaˈoybyëtëjk. Yëˈëjëty kyaj ojts tnekymyëmëdowdë Jyobaa, pääty ojts yˈëxkaxëdë jam tsäjpotm, kyujëbijpnäjxëdë yä Naxwiiny ets tim tsojk yajkutëgoyäˈänëdë (käjpxë Diˈibʉ Jatanʉp 12:9, 12).
3. ¿Wiˈixë Satanás mëdë kyaˈoybyëtëjk xywyinˈëënäˈänëm?
Satanás mëdë kyaˈoybyëtëjk wyinˈëˈëndëp mayë jäˈäy, mët ko wiˈixëm dyajtun dyajkäjpxtë mëdë tsuu poj o mëdë jäˈäy. Extëm nˈokpëjktakëm, näägë jäˈäy nyinëjkxtëbë xëwëj xëmaabyë, brujëtëjk, mëdiˈibë tijaty nyasjäˈäwëdëp ets mëdiˈibë yaˈˈaybyajt yajtsoybyajttëp. Ets ta nanduˈunë jäˈäy mëdiˈibë myëbëjktëp ko mbäät tmëtmaytyäˈäktë oˈkpë. Perë Jyobaa xyˈanmäˈäyëm: “Këdii xynyinëjkxtë brujëtëjk ets kyaj ti nanduˈun xyajnidëwët mä jäˈäy mëdiˈibë tijaty nyasjäˈäwëbën” (Levítico 19:31). ¿Tiko duˈunë Jyobaa xyˈanmäˈäyëm? Mët ko xykyuwäˈänäˈänëm mä Satanás etsë kyaˈoybyëtëjk, pes myëtsipˈäjttëbë Dios ets xyˈaxëktunäˈänëm.
AK NIJAWË NIˈIGYË
Min nˈokˈijxëm tijaty oyˈäjtënë tyuundëbë Jyobaa yˈanklëstëjk, tiko kyujotmayëty ko jäˈäy tyun kyajpxy mëdë tsuu poj ets wiˈix mbäät nnaygyuentëˈäjtëm mä Satanás mëdë kyaˈoybyëtëjk.
4. ¿Wiˈixë anklëstëjk tpudëkëdë jäˈäy parë tˈixyˈattëdë Jyobaa?
Diosë yˈanklëstëjk kyaj këˈëm ttimymyëgäjpxtë jäˈäy. Per pyudëjkëdëp ja Dios mëduumbë parë ttukniwowdë jäˈäy mëdiˈibë yˈixyˈatandëbë Jyobaa. Käjpxtë Diˈibʉ Jatanʉp 14:6, 7 ets nimaytyäˈäktë mëdiˈibë yä yajtëëpy:
-
¿Tiko nyajtëgoyˈäjtëm etsë anklëstëjk xypyudëjkëm mä ngäjpxwäˈkxëm?
-
¿Wiˈix myajnayjyawëty ko mbäädë anklëstëjk mdukniwoyëtyë jäˈäy mëdiˈibë myëdowaambyë Diosë yˈAyuk? ¿Ets tiko?
5. Jëjpkudijë mä jäˈäy tyun kyäjpxtë
Satanás mëdë kyaˈoybyëtëjk myëtsipˈäjttëbë Jyobaa ets xymyëtsipˈäjtëm nanduˈun. Käjpxtë Lukʉs 9:38-42 ets nimaytyäˈäktë mëdiˈibë yä yajtëëpy:
-
¿Wiˈixë kaˈoybyëtëjk tˈaxëktundë jäˈäy?
Kyaj nasˈixëyäˈänëm etsë kaˈoybyëtëjk tyëkët jënoty tëgoty ets xytyuktuˈunëm tijaty. Käjpxtë Deuteronomio 18:10-12 ets nimaytyäˈäktë mëdiˈibë yä yajtëëpy:
-
¿Wixatyë kaˈoybyëtëjk tˈëxtäˈäytyë winmäˈäny parë mëët nduˈun ngäjpxëm? ¿Wixatyë jäˈäy tyun kyäjpxtë mä mijts mtsëënë?
-
Wiˈix mˈokwinmay, ¿oyëdaa ko Jyobaa dyajkubokyë yäˈädë tuˈunën käjpxën? ¿Ets tiko duˈun mwinmay?
Ixtë BIDEO ets nimaytyäˈäktë mëdiˈibë yä yajtëëpy:
-
Wiˈix mˈokwinmay, ¿axëktunanëbëdaa nety ja këjan mëdiˈibë Palesa tyukkëjaˈanë ja nyëëxuˈunk?
-
¿Ti tyuunë Palesa parë kyaj tˈlugäärmooy ja kaˈoybyëtëjk?
Pënaty jyantsy pyanëjkxtëbë Jesus kyaj tˈlugäärmooytyë kaˈoybyëtëjk. Käjpxtë Apostʉlʉty o Hechos 19:19 etsë 1 Korintʉ 10:21, ets nimaytyäˈäktë mëdiˈibë yä yajtëëpy:
-
¿Tiko jyëjpˈamëty xyajkutëgoyët pën jam ti xymyëdaty mëdiˈibë jäˈäy yajtuundëp mä tyun kyäjpxtë mëdë brujëtëjk?
6. Mbäät xyjëjpkudijë Satanás mëdë kyaˈoybyëtëjk
Niˈamukë anklëstëjk mëdiˈibë jëmbijttë kaˈoybyë, yëˈë anaˈamëdëbë Satanás. Per ja anklëstëjk mëdiˈibë myëmëdoowdëbë Jyobaa, yëˈë niwintsënˈäjtëdëbë arkanklës Miguel o Jesus. ¿Nuˈunë Miguel tmëdatyë mëkˈäjtën? Käjpxtë Diˈibʉ Jatanʉp 12:7-9 ets nimaytyäˈäktë mëdiˈibë yä yajtëëpy:
-
¿Pën mas kumëjääw: Miguel mëdë yˈanklëstëjk o Satanás mëdë kyaˈoybyëtëjk?
-
Pënaty pyanëjkxtëbë Jesus, ¿mbäädëdaa ttsëˈëgëdë Satanás mëdë kyaˈoybyëtëjk?
Mijts mbäät xyjëjpkudijë Satanás mëdë kyaˈoybyëtëjk. Käjpxtë Santya̱ˈa̱gʉ 4:7 ets nimaytyäˈäktë mëdiˈibë yä yajtëëpy:
-
¿Ti mbäät xytyuny parë xyjëjpkudijëdë Satanás mëdë kyaˈoybyëtëjk?
NÄÄGË JÄˈÄY JYËNÄˈÄNDË: “Kyaj wyiˈixëty ko ndukˈëyëˈk ndukkuyäjtëmë bideojueegë o nˈijxëmë pelikula mä jäˈäy tyun kyäjpxtë mëdë kaˈoybyë, tsuu poj o mä ttundë majia. Kyaj xyˈaxëktuˈunëm nëgoo ko nˈijx njäˈäwëm”.
-
¿Tiko kyujotmayëty ko duˈun nwinmäˈäyëm?
TI TË NJÄJTËM
Xypyudëjkëmë anklëstëjk mëdiˈibë myëduundëbë Jyobaa. Satanás mëdë kyaˈoybyëtëjk myëtsipˈäjttëbë Jyobaa ets wyinˈëˈëndëbë jäˈäy ko wiˈixëm dyajtun dyajkäjpxtë.
Ajamyatsë
-
¿Ti tyuundëbë anklëstëjk parë tpudëkëdë jäˈäy ets tˈixyˈattëdë Jyobaa?
-
¿Pën yajtijp Satanás mëdë kyaˈoybyëtëjk?
-
¿Tiko yˈoyëty ets jagam mnayaˈitëdët mä jäˈäy tyun kyäjpxtë mëdë kaˈoybyë?
AK PAYEˈEY
Nijawë tiko Jesus yajtijy arkanklës Miguel.
Nijawë tiko njënäˈänëm ko Satanás jantsy taa jyukyˈaty.
Nijawë wiˈix tuˈugë toxytyëjk yˈawäˈätspëtsëmy mä kaˈoybyëtëjk.
“Ojtsëts nbääty ja agujkˈäjt jotkujkˈäjtën” (Diˈib Xytyukˈawäˈänëm, 1 äämbë julië 1993)
Nijawë wiˈixë Satanás twinˈëënyë jäˈäy ko dyajtuny dyajkajpxy mëdë kaˈoybyë.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
