LEKSION 31
Dios të dyajnaxkëdaˈaky tuˈugë gobiernë
Diosë gyobiernë yëˈë mas niˈigyë yajnimaytyakp mä Biiblyë. Dios yëˈë yajtunaambyë yäˈädë gobiernë parë yˈadëwët extëm ojts tjatuknibëjktäˈägë njukyˈäjtëm yä Naxwiiny. ¿Pën të dyajnaxkëdaˈagyë yäˈädë gobiernë? ¿Wiˈix nnijäˈäwëm ko të yˈanaˈamtsondaknë? ¿Ti ja kujk tyuumpy? ¿Ets ti tyunaampy mä tiempë myiny kyëdaˈaky? Yëˈë yaˈˈatsoowëmbitäämp mä yäˈädë leksion ets mä leksion 32 etsë 33.
1. ¿Pën të dyajnaxkëdaˈagyë yäˈädë gobiernë? ¿Ets pën yajkutujkp?
Jyobaa yëˈë të dyajnaxkëdaˈaky tuˈugë gobiernë jam tsäjpotm ets yëˈë yajkutujkpë Jesus (Matewʉ 4:17; Fwank 18:36). Mä Biiblyë jyënaˈany ko Jesus “ninäˈä kyakëxët yëˈë yˈanaˈamën” (Lukʉs 1:32, 33). Kom yëˈë yajkutujkp mä Diosë gyobiernë, pääty niˈamukë naxwinyëdë jäˈäy tˈanaˈamäˈäny.
2. ¿Pënaty mëdë Jesus yˈanaˈamäˈäny?
Jesus kyaj naytyuˈuk yˈanaˈamäˈäny. Të yajwinˈixyë ‘jäˈäy mëdiˈibë tsoˈondëbën mä ja it naxwinyëdën ets mëdiˈibë kyäjpxtëbën kanäk pëky ja ääw ayuk [...] ets yajkutuktëty’ (Apocalipsis 5:9, 10, TY). ¿Ninäägë jäˈäy të yajwinˈixtë parë mëdë Jesus yˈanaˈamdët? Desde ko Jesus jyukyˈajty yä Naxwiiny, miyonkˈamë jäˈäy kujk pyanëjkxëdë. Per jeˈeyë 144,000 jäˈäy mëdë Jesus yˈanaˈamäˈändë tsäjpotm (käjpxë Diˈibʉ Jatanʉp o Apocalipsis 14:1-4). Ja nimaybyë Dios mëduumbë, yä Naxwiiny tˈëwxit tjëjpˈixtë ja jukyˈäjtën ets yëˈë anaˈamanëdëp ja Diosë gyobiernë (Salmo 37:29).
3. ¿Tiko mas oy tyunäˈäny ja Diosë gyobiernë ets kyaj dyuˈunëty ja gobiernëtëjk mëdiˈibë jaˈäjttëp?
Ta anaˈambëtëjk mëdiˈibë jyapudëkëyandëp ja nax käjpn, per kyaj tmëdattë madakën parë ttuundäˈäytyët mëdiˈibë jyatuknibëjktakëdëp. Ets ko pyëtsëëmnëdë, ta net tyëkë wiinkpë gobiernë mëdiˈibë kyaj nëgoo tmëmay tmëdäjy ja nax käjpn. Perë Jesus, mëdiˈibë yajkutujkp mä ja Diosë gyobiernë ninäˈä kyanitëgatsäˈäny. Dios yëˈë yajnaxkëdakë yäˈädë gobiernë ets “ninäˈä kyakutëgoyaˈany” (Daniel 2:44). Jesus abëtsëmy nyaxwinyëdë yˈanaˈamäˈäny ets kyaj winˈixy wingexyë jäˈäy ttsokäˈäny. Yëˈë myëdäjtypyë tsojkën, oyjyaˈay ets tëyˈäjtën myëët tijaty ttuny. Nëjkxëp nanduˈun ttukniˈˈixëyaˈanyë jäˈäy parë tmëdattëdë tsojkën, yˈittët oyjyaˈay ets tëyˈäjtën myëët tijaty ttundët (käjpxë Isaías 11:9).
AK NIJAWË NIˈIGYË
Min nˈaknijäˈäwëm tiko njënäˈänëm ko ja Diosë gyobiernë mas oy tyunäˈäny këdiinëm ja anaˈambëtëjk mëdiˈibë jaˈäjttëp naxwiiny.
4. Diosë gyobiernë yˈanaˈamäˈäny abëtsëmy nyaxwinyëdë
Jesus niˈigyë ja madakën tmëdaty ets ja mëkˈäjtën parë yˈanaˈamët këdiinëm nituˈugë naxwinyëdë jäˈäy. Käjpxtë Matewʉ 28:18 ets nimaytyäˈäktë mëdiˈibë yä yajtëëpy:
-
¿Tiko nituˈugë naxwinyëdë jäˈäy duˈun tkamëdatyë kutujkën extëmë Jesus?
Gobiernëtëjk jeˈeyë yˈanaˈamdë mä tuˈugë lugäär ets jëjpkëjxpë yˈanaˈamën. ¿Nanduˈunëdaa tyunäˈäny ja Diosë gyobiernë? Käjpxtë Daniel 7:14 ets nimaytyäˈäktë mëdiˈibë yä yajtëëpy:
-
¿Wiˈix ndukˈoyˈatäˈänëm ko ja Diosë gyobiernë kyaj kyutëgoyaˈany?
-
¿Wiˈix ndukˈoyˈatäˈänëm ko ja Diosë gyobiernë yˈanaˈamäˈäny abëtsëmy nyaxwinyëdë?
5. Gobiernëtëjk mëdiˈibë yä naxwiiny tsojkëbë wyingudëgats
¿Tiko nyajtëgoyˈäjtëm ets ja Diosë gyobiernë tyëkët tuumbë ets twingudëgatsˈatët ja anaˈambëtëjk mëdiˈibë yä naxwiiny? Ixtë BIDEO ets nimaytyäˈäktë mëdiˈibë yä yajtëëpy:
-
¿Wiˈix tyundë yajkutujkpëtëjk mëdiˈibë yä naxwiiny?
Käjpxtë Eclesiastés 8:9 ets nimaytyäˈäktë mëdiˈibë yä yajtëëpy:
-
Wiˈix mˈokwinmay, ¿oyëdaa ko ja Diosë gyobiernë tyuundëkët parë twingudëgatsˈatët ja anaˈambëtëjk mëdiˈibë yä naxwiiny? ¿Ets tiko?
6. Pënaty anaˈamandëp mä ja Diosë gyobiernë jyaygyujkëdëp wiˈix nyaˈijx nyajpatëm
Jesus mëdiˈibë anaˈamp mä ja Diosë gyobiernë ojts jyukyˈaty yä Naxwiiny, pääty jyaygyujkëp yajxon yëˈë “nˈayoˈonˈäjt njotmayˈäjtëm” (Ebreeʉsʉty 4:15). Jyobaa të twinˈixy 144,000 jäˈäy ‘mëdiˈibë tsoˈondëbën mä ja it naxwinyëdën ets mëdiˈibë kyäjpxtëbën kanäk pëky ja ääw ayuk’ parë yajkutuktët mëdë Jesus (Apocalipsis 5:9, TY).
-
¿Tiko mjotkujkmoˈoyëty ko Jesus ets pënaty mëët yˈanaˈamäˈändë jyaygyujkëdëp ja nˈamayˈäjt njotmayˈäjtëm?
Nuˈun kujkë xëëw tiempë nyaxy, Jyobaa të twinˈixyë yetyëjk toxytyëjkëty parë mëdë Jesus yˈanaˈamdët tsäjpotm.
7. Niˈigyë yˈoyëty tijatyë Diosë gyobiernë nyiˈanaˈamëp
Yëˈë gobiernëtëjk yajnaxkëdaktëbë anaˈamën parë tpudëkëyäˈändë ets tkuwäˈänäˈändë ja nyax kyäjpn. Nanduˈunë Diosë gyobiernë, yajnaxkëdakypyë anaˈamën mëdiˈibë tsojkëp tmëmëdowdët ja jyaˈay. Käjpxtë 1 Korintʉ 6:9-11 ets nimaytyäˈäktë mëdiˈibë yä yajtëëpy:
-
¿Wiˈix mˈokwinmay yˈixˈatäˈäny ja jukyˈäjtën ko nety niˈamukë jäˈäy tmëmëdowdë ja anaˈamën mëdiˈibë Diosë gobiernë yajnaxkëdakypy? a
-
Wiˈix mˈokwinmay, ¿myëdäjtypyëdaa Jyobaa madakën parë dyajnaxkëdäˈägëdë anaˈamën mëdiˈibë mbäät nmëmëdoˈowëm? ¿Tiko duˈun mˈatsoy?
-
¿Wiˈix nnijäˈäwëm ko mbäät tuˈugë jäˈäy nyayajtëgatsyëty mëdiˈibë nety kyaj tmëmëdoyë Diosë yˈanaˈamën? (Ixtë bersikulo 11).
Gobiernëtëjk mëdiˈibë yä naxwiiny yajnaxkëdaktëbë anaˈamën parë tpudëkëdë ets tkuwäˈändë ja nax käjpn. Per ja Diosë gyobiernë, mas niˈigyë yˈoyëty ja anaˈamën mëdiˈibë yajnaxkëdakypy, kyuwaampy ets pyudëjkëbë jäˈäy.
NÄÄGË JÄˈÄY JYËNÄˈÄNDË: “Niˈamukë ëtsäjtëm jam mëdë Jesus nˈanaˈamäˈänëm tsäjpotm”.
-
¿Mëdiˈibë tekstë myajtunëp parë xynyimaytyäˈägët ko pënaty pyanëjkxtëbë Jesus kyaj niˈamukë mëët yˈanaˈamäˈändë tsäjpotm?
TI TË NJÄJTËM
Ja Dios gyobiernë jantsy tamën yajpääty tsäjpotm ets yëˈë anaˈamäämp abëtsëmy nyaxwinyëdë.
Ajamyatsë
-
¿Pënaty anaˈamandëp mä ja Diosë gyobiernë?
-
¿Tiko ja Diosë gyobiernë niˈigyë oy tyunäˈäny këdiinëm ja anaˈambëtëjk mëdiˈibë jaˈäjttëp naxwiiny?
-
¿Ti Jyobaa tsyojkypy ets ttundët pënaty jukyˈatandëp mä ja gyobiernë?
AK PAYEˈEY
Nijawë mä yˈitäˈäny ja Diosë gyobiernë extëmë Jesus tnimaytyaky.
¿Tiko Jyobaa tyestiigëty yëˈëyë tpuwäˈägëdë ja Diosë gyobiernë ets kyaj yëˈëjëty ja gobiernëtëjk mëdiˈibë yä naxwiiny?
Nijawë wiˈix yajnimaytyäˈäktë mä Biiblyë ja 144,000 jäˈäy mëdiˈibë Jyobaa të twinˈixy parë mëdë Jesus yˈanaˈamdët.
¿Tiko tmëbëjky tuˈugë toxytyëjk mëdiˈibë nety ijtp pujxndëgoty ko yëˈëyë Dios tyunaampy ja tëyˈäjtënë yä Naxwiiny?
“Ojtsëts nnijawë wiˈix yajtunäˈäny ja tëyˈäjtën” (¡Despertad!, nobiembrë 2011)
a Mä leksion 34 jap yajnimaytyaktsoonäˈäny wiˈix mbäät njukyˈäjtëm extëmë Dios tniˈanaˈamë.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
