LEKSION 32
¡Ja Diosë gyobiernë të tyuundëjkënë!
Diosë gyobiernë ja yˈanaˈamtsondaky mä jëmëjt 1914, ets jaa mä nanduˈun tsyondaky ja tiempë mëdiˈibë jëjpkëxanëp, mä jeˈeyë tuk tiempë yˈakˈanaˈamdë naxwinyëdë jäˈäy. ¿Wiˈix nnijäˈäwëm? Min nˈokˈijxëm wiˈix tyam yˈadëy tijatyë Biiblyë ojts tnaskäjpxë, wiˈix yˈixëty ja jukyˈäjtën ets wiˈixë jäˈäy jyaˈayˈattë desde 1914.
1. ¿Ti mëdiˈibë Biiblyë ojts tnaskäjpxë?
Mä liibrë mëdiˈibë xyëwˈäjtypy Daniel të nety yajnaskäjpxë ko ja Diosë gyobiernë jaa tyuundëkëyaˈany ko nyaxët “wëxtujk tiempë” (Daniel 4:16, 17). Ko nyajxy kanäk mëgoˈpx jëmëjt, ta Jesus nanduˈun tmaytyakyë yäˈädë tiempë ko jyënany: “Axtë ko kyäˈpxët ja tiempë diˈibë Dios të tpëjtaˈaky”, ets yëˈë myaytyäˈägan ko kyajnëmë nety jyëjpkëxy (Lukʉs 21:24). Extëm nˈakˈixäˈänëm, yäˈädë wëxtujk tiempë ja ojts jyëjpkëxy mä jëmëjt 1914.
2. Desde 1914, ¿wiˈix yˈixëty ja jukyˈäjtën ets wiˈixë jäˈäy jyaˈayˈattë?
Ja Jesusë yˈapostëlëtëjk duˈun ojts yajtëwëdë: “¿Ti yajtukˈijxwëˈëmëp ko tamë nety myajpääty ets ko pyatnëp ja tiempë mä jyëjptëgoyanë yäˈädë jukyˈäjtën?” (Mateo 24:3, TNM). Jesus kanäk pëky ojts tnaskäjpxë tijatyë nety tunan jatanëp ko yajkutujktsondäˈägët mä Diosë gyobiernë. Ojts jyënaˈany ko jaˈˈatäämbë tsip, yuu ets ko naxwinyëdë yuˈkxäˈäny (käjpxë Matewʉ 24:7). Biiblyë ojts nanduˈun tnaskäjpxë ko “ayoˈon mëët yˈaknaxäˈäny ja xëëw tiempë” mët ko axëëk jyaˈayˈatäˈändë jäˈäy mä ja tiempë jyëjpkëxanë (2 Timotee 3:1-5). Ets duˈunën ja nˈijxëm desde 1914.
3. ¿Tiko niˈigyë jukyˈäjtën të myäˈtnë desde ko tyuundëjkë ja Diosë gyobiernë?
Ko Jesus tyëjkë anaˈambë tsäjpotm mä ja Diosë gyobiernë, ta tsyiptuuny mëdë Satanás etsë kyaˈoybyëtëjk. Biiblyë jyënaˈany ko Satanás kyaj ojts myadaˈaky, “ta naxwiiny yajkujëbijpnäjxy mët ja yˈanklësëty” (Diˈibʉ Jatanʉp o Apocalipsis 12:9, 10, 12). Yäˈädë yëˈë xytyukˈijxëm tiko nëgoo tyim jaˈäjnë abëtsëmy nyaxwinyëdë ayoˈon jotmay. Satanás të jyantsy jyotˈambëky, pes nyijäˈäwëp ko tim tsojk kyutëgoyaˈany. Pääty, nëgooyë yä Naxwiiny dyajjaˈäjnë ayoˈon jotmay, per ja Diosë gyobiernë yëˈë mëdiˈibë yajjëjptëgoyaampy.
AK NIJAWË NIˈIGYË
Min nˈokˈijxëm tiko njënäˈänëm ko ja Diosë gyobiernë ja tyuuntsondaky 1914 ets wiˈix mbäät nyajnigëxëˈkëm ko nmëbëjkëm.
4. Biiblyë ojts tnaskäjpxë ko Diosë gyobiernë tyuundëkëyaˈany 1914
Dios ojts dyajwingumäˈäy ja rey Nabucodonosor mëdiˈibë nety anaˈamp Babilonia ets ttukˈijxy ti tunan jatanëp. Mëdiˈibë yˈijx mä ja kyumäˈäy ets wiˈixë Daniel ojts dyajniwijy dyajnikejy, yëˈë myaytyäˈägan ja yˈanaˈamdaknë Nabucodonosor ets ja Diosë gyobiernë (käjpxtë Daniel 4:17). a
Käjpxtë Daniel 4:20-26. Ta net xyˈixtët ja rekuäädrë parë xynyimaytyäˈäktët mëdiˈibë yä yajtëëpy:
-
A) ¿Ti yˈijxë Nabucodonosor mä wyingumääy? (Ixtë bersikulo 20 etsë 21).
-
B) ¿Wiˈixë nety jyatäˈäny ja mëj kepy? (Ixtë bersikulo 23).
-
C) ¿Ti nety tunan jatanëp ko kyäˈpxët “wëxtujk tiempë”? (Ixtë bersikulo 26).
Ja kepy mëdiˈibë yajwingumää ets ja Diosë gyobiernë
TIJATYË NETY TUNAN JATANËP (Daniel 4:20-36)
Anaˈamdakn
A) Tuˈugë mëj kepy
Kyaj pën nyekyˈaneˈemy tuk tiempë
B) “Poˈtëˈëktë taabë kepy” ets waˈan tnaxy “wëxtujk tiempë”
Nyaxkëdaˈaky jatëgok ja anaˈamdakn
C) “Myajmoˈoyäämp jatëgok yëˈë mgutujktakn”
Ko tim jawyiin yˈadëëy:
-
D) ¿Pën ojts tˈandijy ja kepy? (Ixtë bersikulo 22).
-
E) ¿Näˈä ojts ja yˈanaˈamën jyëjptëgoy? (Käjpxtë Daniel 4:29-33).
-
F) ¿Ti tuun jäjtë ko ojts kyaˈpxy “wëxtujk tiempë”? (Käjpxtë Daniel 4:34-36).
KO TIM JAWYIIN YˈADËËY
Anaˈamdakn
D) Nabucodonosor mëdiˈibë nety yajkutujkp jam Babilonia
Kyaj pën nyekyˈaneˈemy tuk tiempë
E) Ko nyajxy ja jëmëjt 606 mä k.m.J. b ta Nabucodonosor ojts lyokëjaty ets kyaj ojts yˈokˈanaˈamnë nuˈun nyajxy wëxtujk jëmëjt
Nyaxkëdaˈaky jatëgok ja anaˈamdakn
F) Nabucodonosor ojts tyëkë jatëgokë jyot wyinmäˈäny ets yˈanaˈamtsondaky jatëgok
Wiˈix ok yˈadëëy:
-
G) ¿Pënaty ojts tˈandijy ja kepy? (Käjpxtë 1 Crónicas 29:23).
-
H) ¿Näˈä ojts ja yˈanaˈamën jyëjptëgoytyë? ¿Wiˈix nnijäˈäwëm ko kyaj nety yëˈë yˈokˈanaˈamnëdë ko Jesus jyukyˈajty yä Naxwiiny? (Käjpxtë Lukʉs 21:24).
-
I) ¿Näˈä ets mä ojts nyaxkëdaˈaky ja anaˈamën?
WIˈIX OK YˈADËËY
Anaˈamdakn
G) Ja israelitëty mëdiˈibë ojts yˈanaˈamdë mä Diosë kyutujktakn
Kyaj pën nyekyˈaneˈemy tuk tiempë
H) Kyutëgoy ja Jerusalén käjpn mä jëmëjt 607 mä k.m.J.; ets ja israelitëty kyaj ojts nyekyˈanaˈamdë nuˈun nyajxy 2,520 jëmëjt
Kyaj pën nyekyˈaneˈemy tuk tiempë
I) Jesus yˈanaˈamtsondaˈaky 1914 mä ja Diosë gyobiernë jam tsäjpotm
¿Nuˈunën jyeky ja wëxtujk tiempëbë?
Parë näˈäty njaygyujkëm ti myaytyäˈägaampy tuˈugë tekstë, tsojkëp nˈijxëmë wiinkpë tekstë wiˈix jyënaˈany. Extëm nˈokpëjktakëm, mä Biiblyë jyënaˈany ko tëgëk tiempë jakujkm o tëgëk jëmëjt ja kujkm, ja tˈandijy 1,260 xëëw (Diˈibʉ Jatanʉp 12:6, 14). Pääty wëxtujk tiempë ja tˈandijy 2,520 xëëw. Ets ko mä Biiblyë näˈäty tmaytyaˈaky tuk xëëw, ja tˈandijy tuk jëmëjt (Ezequiel 4:6). Pääty ko Daniel ojts tnaskäjpxë nyaxäˈäny wëxtujk tiempë, ja tˈandijy 2,520 jëmëjt.
5. Tëgäjts ja jukyˈäjtën mä jëmëjt 1914
Jesus ojts tnaskäjpxë wiˈixë nety ja jukyˈäjtën yˈixˈatäˈäny ko tyëkët anaˈambë. Käjpxtë Lukʉs 21:9-11 ets nimaytyäˈäktë mëdiˈibë yä yajtëëpy:
-
Duˈun extëm yä ojts yajnaskäjpxë, ¿ti ja mˈijxypy tyuny jyatyëty o mmëdoyˈajtypy?
Apostëlë Pablo ojts tnimaytyaˈaky wiˈix jyaˈayˈatäˈändë jäˈäyëty ko nety kyugëjxënë ja tiempë mä yˈakˈanaˈamdë gobiernëtëjk mëdiˈibë yä naxwiiny. Käjpxtë 2 Timotee 3:1-5 ets nimaytyäˈäktë mëdiˈibë yä yajtëëpy:
-
Extëm jyënaˈanyë yäˈädë tekstë, ¿wiˈix xyˈixy tyamë jäˈäy jyaˈayˈattë?
6. Ko të nnijäˈäwëm ko ja Diosë gyobiernë të tyuundëjkënë, ¿ti net mbäät nduˈunëm?
Käjpxtë Matewʉ 24:3, 14 ets nimaytyäˈäktë mëdiˈibë yä yajtëëpy:
-
¿Ti tyam ja yajtuump parë nyigëxëˈëky ko të tyuundëjkënë ja Diosë gyobiernë?
-
¿Wiˈix mijts mbäät nanduˈun xytyunyë yäˈädë tuunk?
Ja Diosë gyobiernë tam tyam yˈanaˈamnë, ets waanë tiempë yˈaktëgoyˈaty parë nanduˈun yˈanaˈamët yä Naxwiiny. Käjpxtë Ebreeʉsʉty 10:24, 25 ets nimaytyäˈäktë mëdiˈibë yä yajtëëpy:
-
¿Ti mbäät niduˈuk niduˈuk nduˈunëm mët ko wingon yˈijnë ja tiempë?
Koxyëp tuˈugë mëguˈuk yajpääty oˈkën jëjpˈam ets xynyijawë ti yajtsoˈogëdëp, ¿tixyëp mduumpy?
MBÄÄT NÄÄGË JÄˈÄY MYAJTËYËTY: “¿Tiko Jyobaa tyestiigëty tmëbëktë ko Jesus ja tyëjkë anaˈambë 1914?”.
-
¿Wiˈix xyˈatsowët?
TI TË NJÄJTËM
Tijaty ojts yajnaskäjpxë mä Biiblyë ets extëm tyam yˈixëty ja jukyˈäjtën, yëˈë xytyukˈijxëm ko të tyuundëjkënë ja Diosë gyobiernë. Ets nmëbëjkëmë nety ko nimaytyakëmë yäˈädë gobiernë ets ko nëjkxëm reunyonk.
Ajamyatsë
-
¿Ti tuun jäjtë ko ojts kyaˈpxy ja wëxtujk tiempëbë mëdiˈibë ojts yajnaskäjpxë mä Biiblyë?
-
¿Tiko mˈity seguurë ko Diosë gyobiernë ja tyuundëjkë 1914?
-
¿Ti mbäät xytyuny pën mmëbëjkypy ko tam tyam yˈanaˈamnë ja Diosë gyobiernë?
AK PAYEˈEY
Nijawë wiˈixë ëxpëkyjyaˈaytyëjk të tpayeˈeytyë ko ojts jyantsy tyëgatsyë jukyˈäjtën desde 1914.
“Ojts jyaˈty ja tiempë mä tyim tëgäjtstääy ja jukyˈäjtën” (¡Despertad!, abril 2007)
Nijawë wiˈix tuˈugë yetyëjk dyajtëgäjtsyë jyukyˈäjtënë ko ojts tˈixy wiˈix yˈadëyë Matewʉ 24:14.
“Nëgooyëtsë nety ndukˈëyëˈëgan ndukkuyatanë beisbol” (Diˈib Xytyukˈawäˈänëm, num. 3 2017)
¿Wiˈix nnijäˈäwëm ko mëdiˈibë ojts yajnaskäjpxë mä Daniel kapitulo 4 yëˈë myaytyäˈägaampy ja Diosë gyobiernë?
“¿Näˈä tyëjkë tuumbë Diosë yˈAnaˈam Kyutujkën? (Myëduk pëky)” (Diˈib Xytyukˈawäˈänëm, nobiembrë-disiembrë 2014)
¿Wiˈix nnijäˈäwëm ko ja “wëxtujk tiempë” mëdiˈibë yajmaytyakp mä Daniel kapitulo 4 ja jyëjpkëjxy mä jëmëjt 1914?
a Mä jyënaˈany “ Ak payeˈey”, käjpxë rebistë mëdiˈibë miimp mä myëdëgëëkpë etsë myëmäjtaxkpë.
b Ko tyunyë yäˈädë letrë k.m.J, yëˈë yˈandijpy mä kyajnëm myinyë Jesus etsë J.t.m, mä Jesus të myiinë.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
