LEKSION 02
Biiblyë xyˈawäˈänëmë jotkujkˈäjtën
Naxwinyëdë abëtsëmy pyattëbë jäˈäyë amay jotmay mëdiˈibë yajmoon yajtujkëdëp ets mëdiˈibë mooyëdëbë jäj jëmuˈumën. ¿Të duˈun mnayjyawëty ko të xypyaatyë amay jotmay? Waˈan tyam myaˈˈayoyëtyë yuu päˈäm o të yˈooky të tyëgoyë mjëëky mmëguˈuk, ets waˈanë net mnayajtëyëty pën këxëp näˈä ja mˈamay mjotmay. Biiblyë mbäät mˈagujkmoˈoy mjotkujkmoˈoyëty.
1. ¿Ti jotkujkˈäjtënë xyˈawäˈänëmë Biiblyë?
Biiblyë nyimaytyakypy tiko nëgoo tyimjaˈäjnë ayoˈon jotmay. Per xytyukˈawäˈänëm nanduˈun ko tim tsojkë Dios dyajjëjptëgoyaˈany. Tijatyë Biiblyë wyandakypy mbäät “xymyoˈoyëm ja jotkujkˈäjtën winë xëë winë tiempë es ja oybyë diˈibë nˈawijxëm” (käjpxë 2 Tesalónikʉ 2:16). Ko nnijäˈäwëm tijatyë Biiblyë wyandakypy, yëˈë xypyudëjkëm parë nwinguwäˈkëm ja amay jotmay ets nˈijtëm agujk jotkujk, duˈun tyam ets winë xëëw winë tiempë.
2. ¿Wiˈix yˈixˈatäˈäny ja jukyˈäjtënë mëdiˈibë Biiblyë myaytyakypy?
Biiblyë jyënaˈany ko pyäädaambyë tiempë mä kyaj nyekyˈitäˈäny “ja oˈkën, jëˈëy yaxën o ja pëjk adoˈonën” (käjpxë Diˈibʉ Jatanʉp o Apocalipsis 21:4). Kyaj nyekyjyaˈˈatäˈänyë amay jotmay mëdiˈibë tyam mëk xyaˈˈayoˈowëm, extëmë yuu päˈäm etsë oˈk tëgoˈoyën. Kyaj nanduˈun nyekyjyaˈˈatäˈänyë ayoobë jäˈäy ets kyaj pën axëëk nyekyyajtunäˈäny. Biiblyë wyandakypy ko njukyˈatäˈänëm agujk jotkujk ko nety ja Naxwinyëdë të jyëmbity jantsy tsuj.
3. ¿Ti mbudëkëyanëp parë xymyëbëkët ko tijatyë Biiblyë wyandakypy tunan jatanëp?
Naxwinyëdë jäˈäy mbäät tijaty twandäˈäktë, per kyaj seguurëty pën kyuytyundëp ja yˈayuk. ¿Etsë Dios? ¿Waˈandaa tkuytyunäˈäny tijaty të twandaˈaky mä Biiblyë? Mbäät nmëbëjkëm ko yajxon niˈëxpëjkëm “ja Diosë jyaaybyajtën”, o ja Diosë yˈAyuk (Apostʉlʉty o Hechos 17:11). Ko duˈun xytyunët, yëˈë mbudëkëyanëp parë këˈëm xypyëkëdë kuentë pën mbäät xymyëbëky tijaty wyandakypy.
AK NIJAWË NIˈIGYË
Min nˈokˈijxëm wiˈix yˈixˈatäˈäny ja jukyˈäjtënë mëdiˈibë Biiblyë wyandakypy, ets wiˈix tyam xyjotkujkmoˈoyëm.
4. Biiblyë wyandakypy ko miimp ja tiempë mä njukyˈatäˈänëm agujk jotkujk
Okˈix tijatyë Biiblyë wyandakypy. ¿Mëdiˈibë niˈigyë mˈoymyëdoopy? ¿Ets tiko?
Käjpxtë tekstë mä myinyë yäˈädë Diosë wyandakën, ets nimaytyäˈäktë mëdiˈibë yä yajtëëpy:
-
Wiˈix mˈokjënäˈäny, ¿mjotkujkmooyëbë yäˈädë tekstë? ¿Jadaa pën mëdiˈibë mbäät pyudëkëty, extëmë mjëëky mmëguˈuk o pënaty oy mëët mnayjyawëty?
Okpawinmay ko nety duˈun njukyˈäjtënë:
|
TIJATY JËJPTËGOYÄÄMP |
TIJATY KUNUˈKXËN NˈAXÄJËYÄˈÄNËM |
|---|---|
|
|
|
|
|
|
|
|
|
|
5. Xyjyotkujkmoˈoyëm tijatyë Biiblyë wyandakypy
Mayë jäˈäy axëëk yajnayjyawëdë ets axtë yajjotˈambëjkëdëp ko tˈixtë ja amay jotmay mëdiˈibë jaˈäjtp yä naxwiiny, ets nääk jyaˈëxtääytyëbë winmäˈäny parë dyaˈoyëdët. Min nˈokˈijxëm wiˈix tyamë jäˈäy pyudëkëty ko tnijawë ja jotkujkˈäjtënë mediˈibë Biiblyë yˈawäˈänëp. Ixtë BIDEO ets nimaytyäˈäktë mëdiˈibë yä yajtëëpy:
-
Extëm të xyˈixy mä bideo, ¿ti tëyˈäjtënë nety tsyojkypyë Rafika yajtunët?
-
¿Wiˈixë Biiblyë pyudëjkë oy ja yˈamay jyotmay kyaˈoˈoyë?
Ko nmëbëjkëm tijatyë Biiblyë yˈawäˈänëp, mbäät xypyudëjkëm parë agujk jotkujk nwinguwäˈkëm ja amay jotmay ets kyaj axëëk xytyimˈyajnayjyäˈäwëm. Käjpxtë Proverbios 17:22 etsë Romanʉs 12:12, ets nimaytyäˈäktë mëdiˈibë yä yajtëëpy:
-
Wiˈix mˈokwinmay, ¿mbäädëdaa tyam mbudëkëty ko xymyëbëkët tijatyë Biiblyë wyandakypy? ¿Ets tiko duˈun mjënäˈäny?
NÄÄGË JÄˈÄY JYËNÄˈÄNDË: “Jantsy oy jyayajmëdoy tijatyë Biiblyë wyandakypy, per kyaj yajnijawë pën tëyˈäjtën”.
-
Wiˈix mijts mˈokjënäˈäny, ¿oyëdaa ko nbayeˈeyëm pën jantsy adëwäämp tijatyë Biiblyë wyandakypy?
TI TË NJÄJTËM
Biiblyë xyˈawäˈänëmë jotkujkˈäjtën mä tiempë myiny kyëdaˈaky, mëdiˈibë xypyudëjkëm tyam parë nwinguwäˈkëm ja amay jotmay.
Ajamyatsë
-
¿Tiko tyamë naxwinyëdë jäˈäy dyajtëgoyˈaty ets yaˈˈagujkmoˈoy yajjotkujkmoˈoyët?
-
¿Wiˈixë Biiblyë tmaytyaˈaky myiny kyëdaˈaky ja jukyˈäjtën?
-
¿Wiˈix mbäät mbudëkëty ko tyam xyˈëwxit xyjëjpˈixëdë yäˈädë jotkujkˈäjtën?
AK PAYEˈEY
Ko xyˈëwxit xyjëjpˈixët ja oyˈäjtën mëdiˈibë miimp këdakp, mbäät mbudëkëty ko xypyäädëdë amay jotmay.
“¿Mä mbäät nbatëm mëdiˈibë xyˈagujkmoˈoy xyjyotkujkmoˈoyëm?” (¡Despertad!, 22 äämbë abril 2004)
Nijawë wiˈix tuˈugë jäˈäy mëdiˈibë pëjk ijxëp mbäät pyudëkëty ko tˈëwxity tjëjpˈixy ja jotkujkˈäjtën.
“¿Mbäädë Biiblyë xypyudëjkëm mä nyuˈijt nbäˈämˈijtëm?” (Myiny mä jw.org)
Ko xyˈixëdë yäˈädë bideo, naybyawinmayëdë ko tam mëdë mfamilyë myajpatnë mä ja tsujpë it lugäär mëdiˈibë Biiblyë wyandakypy.
Nijawë wiˈix tuˈugë yetyëjk mëdiˈibë nety yajtëgatsaampy tijaty kyaj tˈoyˈixy, pyudëjkë ko tnijäˈäwë tijatyë Biiblyë wyandakypy.
“Kyajts tyam nekyyajtëgatsäˈäny tijaty extëm ijty” (Myiny mä Diˈib Xytyukˈawäˈänëm)
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
