KO NBOKYJÄˈÄWËM ti të nduˈunëm, mbäät xyˈaxëktuˈunëm mëjwiin kajaa. Ja rey David mëk yajmoon yajtujkë ko tyëgooy, pääty tkujäˈäyë: “Extëm tuˈugë tsemy këˈëyë jeˈemtsypyë, jantsy jeˈemtsy parëts nyajnëjkxët” (Salmo 38:4). Ta näägë nmëguˈukˈäjtëm diˈib të tyuktëkëtyë mëk moˈon mëk tujkën mët ko wyinmay ko ninäˈä Jyobaa kyapokymyaˈkxëdët (2 Korintʉ 2:7). ¿Mjäˈäwëp ko të Jyobaa xymyëjagamgeˈeky mët ko të mbokytyuny? ¿Mwinmaapy ko mëjwiin kajaa të mbokytyuny ets ko kyaj mbäät meˈkxyëty? Këdii mmay mdäjy, Jyobaa mbudëkëyanëp.

Jyobaa ninäˈä tkaˈëxtijy pënaty jodëmbijtp, niˈigyë tpudëkëyaˈany. Jesus pyëjtak tuˈugë ijxpajtën, mä tuˈugë mixy diˈib tsoˈon mä tyëjk ets axëëk jyukyˈajty, per ok, ta jyëmbijty. ¿Ti tuun jäjtë? Biiblyë jyënaˈany: “Ko naty myinyëm jagam, yëˈë tyeety yˈijxë es pyaˈˈayoojë, es [...] oj jyëjpˈyoˈoyëty, es yˈaxäjë es myënaanë es tsyuˈxë” (Lukʉs 15:11-20). Jyobaa duˈun extëmë tyäˈädë uˈunkteety diˈib paˈˈayoop ets tsojkp. ¿Mëwingonaambyë Jyobaa per duˈunyëm jagam mnayjawëty? It seguurë ko mˈaxäjëyanëp.

¿Mwinmaapy ko të nyipajnë mboky mgaytyey o ko kajaa të mdëgooynyë parë Jyobaa mbokymyaˈkxëdët? Pën duˈun, pawinmay wiˈix jyënaˈanyë Isaías 1:18: “Min, tyam, ets nˈokˈyaˈoˈoyëmë jotmay animajtsk, duˈun jyënaˈanyë Jyobaa. Oyë mboky të jyëmbity tsapts, wäˈätsäämp jantsy poop extëmë tëtsn; oy të jyëmbity tsapts extëmë wit diˈib mëk tsaptsˈooky, jëmbitäämp extëmë lanë”. Duˈunë duˈun, Jyobaa mbäät tmeˈkxyë poky kaytyey diˈib tsip jyëgaˈagët extëm ko poop wit nyidamëtyë tintë diˈib tsapts.

Jyobaa kyaj ttseky ets xëmë xyjawëdë mjot mwinmäˈäny axëëk. Pääty jantsy oy nnayjäˈäwëm ko xymyaˈkxëm ets ko kyaj ti xyˈatsijpëm mä jot winmäˈäny. ¿Ti mbäät xytyuny parë mbokymyaˈkxëdët? Yëˈë diˈibë David tyuun, jyënany: “Yëˈëjëtsë Jyobaa ndukmëtmaytyäˈägaambyë ndëgoˈoyën” (Salmo 32:5). Jyobaa mˈanëˈëmxëty: “Nˈokˈyaˈoˈoyëmë jotmay animajtsk”. Kupëk extëm mˈanëˈëmxëty ets mëwingon ko xymyënuˈkxtäˈägët. Tukmëtmaytyäˈägë mboky mgaytyey ets wiˈix mnayjawëty. David duˈun nyuˈkxtaky amumduˈukjot: “Puj jaˈatsëts ja nboky ngaytyey”. Ets yˈakjënany: “Tuˈugë korasoon diˈib adëj tuktëjë; tuˈugë korasoon diˈib tsayut ets amäˈäts tukmäˈätsë, mijts Dios, kyaj xyjëjpkudijëyaˈany” (Salmo 51:2, 17).

David nan kyupëjk ja naybyudëkë diˈib mooyë ja kugajpxy Natán, diˈibë netyë Dios yajtuunëp (2 Samuel 12:13). Tyam, të Jyobaa twinˈixyë  mëjjäˈäytyëjk parë tpudëkëdët pënaty jodëmbijttëp ets parë jatëgok oy yˈittët mëdë Jyobaa. Ko xymyëtmaytyäˈägët, yëˈë yajtunandëbë Biiblyë parë mbudëkëdët ets jatëgok oy mˈitët mëdë Jyobaa. Nan nuˈkxtäˈägandëp mët mijts parë kyaj axëëk mnekynyayjawëdët ets parë jatëgok mjotkujkët (Santya̱ˈa̱gʉ 5:14-16).

Mbäät mtsiptakxëty xytyukmëtmaytyäˈägëdë Jyobaa etsë mëjjäˈäytyëjk ja mboky mgaytyey. David nan ojts tsyiptakxëty. Mä Biiblyë jyënaˈany ko tuk tiempë kyaj pën ttukmëtmaytyaky ti nety të ttuundëgoy (Salmo 32:3). Per tyukˈoyˈäjt ko tmaytyaky ja pyoky kyaytyey ets ko jyodëmbijty.

Tuk pëky wiˈixë David ttukˈoyˈajty, yëˈë ko ojts jatëgok nyayjawëty agujk jotkujk. Yëˈë tkujäˈäyë: “Jotkujk yajpääty ja diˈib yajmaˈkxpë tyëgoˈoyën, diˈibë pyoky të yajmeˈkxy” (Salmo 32:1). Nan yˈanmääyë Dios: “Jyobaa yajwäˈkxëtsë nˈadaam, parëtsë nˈääw mëjkumayëdët” (Salmo 51:15). David jantsy jotkujk nyayjäˈäwë ets myooyë dyoskujuyëmë Jyobaa ko ojts pyokymyeˈkxyëty, pääty tmëjkumääy mä ja jäˈäyëty.

Jyobaa tsyejpy ets xyjawët wäˈätsë mjot mwinmäˈäny. Ets tsyejpy parë ko xynyimaytyäˈägët pënën yëˈë ets ti tyuknibëjtakëp, kyaj ti xypyokyjawët, niˈigyë xytyukxondäˈägët ets xymyëdunët amumduˈukjot (Salmo 65:1-4). Jyobaa xyˈanmäˈäyëm: “Yajtëgatstë mwinmäˈäny es yajjëmbittë mjot mët ja Dios esë mbojpë yajmaˈxët” (Apostʉlʉty 3:19).

Martha diˈib të yˈokˈyajmaytyakpë, jyënaˈany: “Duˈunyëmëtsë nmäänk xytyuknigejxyë rebistë Diˈib Xytyukˈawäˈänëm etsë ¡Despertad! Tajëts wanaty wanaty nmëwingoonyë Dios. Diˈibëts mas ojts xytsyiptakxë, yëˈë nmënuˈkxtäˈägëdëtsë Dios parëts xypyokymyaˈkxët. Per nˈamdoowëtsë maˈkxën. ¡40 jëmëjtë tiempë nyajxy parëts nnijëmbijtyë Jyobaa! Extëmëts njäjty, yëˈë yaˈijxëp ko oy tëëyëp nmastutënë Jyobaa, mbäät nnijëmbijtëm parë jatëgok xytsyojkëm ets nyajpatëm mä kyäjpn”.