WIˈIXË JÄˈÄY NYAJTËJKËM ËXPËJKPË
LEKSION 11
Nˈokˈyaˈëxpëjkëm wingëjxy
Biiblyë jyënaˈany: “Ko xykyäjpxtëty ja ääw ayuk mëdiˈibë käˈäp yajwinmëdoyën, ¿wiˈix yajnijawëty ti mjanimëtyaktëp?” (1 Cor. 14:9, TY).
¿Ti tyuunë Jesus?
1. Ixë BIDEO o käjpxë Matewʉ 6:25-27, ets winmay mëdiˈibë yä yajtëëpy:
¿Ti xytyukniˈˈijxëmë Jesusë yˈijxpajtën?
2. Ko wingëjxyë jäˈäy nyaˈëxpëjkëm o extëm kyaj tsyipëty, mbäät yˈajäˈt jyotjäˈtëty ets nan jyamyatsaampy.
Panëjkxë Jesusë yˈijxpajtën
3. Kyaj nëgoo mmaytyäˈägët. Kyaj xytyukmëtmaytyäˈägët tukëˈëyë tijaty mnijäˈäwëp, yëˈëyë mëdiˈibë jam mˈëxpëjktëp. Ets ko net xyajtëwët, awxit maˈkxtujkën myëët waˈan tˈatsoowëmbity. Per pën kyaj tnijawë wiˈix yˈatsoowëmbitët o tëgatsy tnigajpxy, oy ko xywyinmayët tijaty mbäät xyˈakˈyajtëy parë tnigäjpxët extëmë yaˈˈatsoowëmbitäˈäny. Pën të tjaygyujkë mëdiˈibë jam mnimaytyaktëp, mbäädë net xyˈakˈyajnëjkxtë ja ëxpëjkën.
4. Tukjamyats ja jäˈäy tijaty kujk nyijäˈäwëp parë xytyukmëtmaytyäˈägët mëdiˈibë kyajnëm tnijawë. Extëm nˈokpëjktakëm, pën yëˈë mëët xyˈëxpëkäˈäny wiˈixë oˈkpë jyukypyëkäˈändë, oy ko jawyiin xytyukjamyatsët wiˈix ja oˈkpë yajpäättë, taanëmë net mëët mˈëxpëkët.
5. Winˈixy yajxon ja yˈijxpajtën mëdiˈibë myajtunaampy. Mä xykyapëjktaˈakynyëm tuˈugë ijxpajtën, winmay: