WIˈIXË JÄˈÄY NMËTMAYTYAKTSOˈONËM
LEKSION 4
Nˈokˈijtëm yujy tudaˈaky
Biiblyë jyënaˈany: “Naybyëjtäˈägëdë yuunk naxypy, es xyjyawët ko myëjjëty ja [wiinkpë] es këdiinëm miitsëty këˈëm” (Filip. 2:3).
¿Ti tyuunë Pablo?
1. Ixë BIDEO o käjpxë Apostʉlʉty 26:2, 3, ets winmay mëdiˈibë yä yajtëëpy:
-
Extëmë Pablo ojts tmëgajpxy ja rey Agripa, ¿wiˈix dyajnigëxëˈky ko yujy tudaˈaky jyaˈayˈaty?
-
¿Wiˈixë Pablo dyajnigëxëˈky ko kyaj nyayajmëjpëtsëëmë? (Käjpxë Apostʉlʉty 26:22).
¿Ti xytyukniˈˈijxëmë Pablo yˈijxpajtën?
2. Nëjkxëp niˈigyë jäˈäy tmëdoowˈity ja Diosë yˈayuk pën nmëtmaytyakëm wintsëˈkën myëët ets pën jäˈäyˈäjtëm yujy tudaˈaky.
Panëjkxë Pablo yˈijxpajtën
3. Käjpx mmaytyaˈaky wintsëˈkën myëët. Këdii ja jäˈäy xyajnayjyawëty ko niˈigyë tijaty xyjyaty xynyijawë ets kyaj dyuˈunëty yëˈë.
4. Tukˈix ko jap myiny mä Biiblyë mëdiˈibë mdukmëtmaytyakypy. Yëˈë Diosë yˈAyuk mbäädë jäˈäy yˈajäˈt jyotjäˈtëty, pääty ko ndukwingugäjpxëm mbäät niˈigyë tmëbëktë wiˈix jyënaˈany.
5. Atsoowëmbit yuunk naxypy. Kyaj aguanë tijaty ja jäˈäy xytyimtukmëbëkäˈänët, pes kyaj të ninëjkxëm parë tijaty nyajtsiptakëm. Ko mˈitët yujy tudaˈaky, yëˈë mbudëkëyanëp parë mmaˈkxtukët ets xyˈixët näˈä mbäät ja maytyaˈaky xyajjëjpkëxy (Prov. 17:14; Titʉ 3:2). Pën tsuj yajxon ja jäˈäy xyˈatsoy ets yuunk naxypy, mbäät nëjkx mmëtmaytyaˈagyëty ko jatëgok mnaxët mä tyëjk.
