WIˈIXË JÄˈÄY NMËTMAYTYAKTSOˈONËM
LEKSION 5
Nˈokkuentëˈäjtëm ja ääw ayuk
Biiblyë jyënaˈany: “Waˈanë mgäjx mmaytyakën dëˈënyëm [tˈity] tsujtiˈknë” (Kol. 4:6).
¿Ti tyuunë Pablo?
1. Ixë BIDEO o käjpxë Apostʉlʉty 17:22, 23, ets winmay mëdiˈibë yä yajtëëpy:
-
¿Wiˈixë Pablo nyayjyäˈäwë ko tˈijxy jam Atenas jantsy mayë awinax? (Käjpxë Apostʉlʉty 17:16).
-
¿Wiˈixë Pablo tkuentëˈäjty ja yˈääw yˈayuk ko tmëtmaytyaky ja Atenas jäˈäy?
¿Ti xytyukniˈˈijxëmë Pablo yˈijxpajtën?
2. Ko mbäädë jäˈäy tmëdoowˈity ti ndukmëtmaytyäˈägäˈänëm pën nguentëˈäjtëm ja nˈääwˈäjt nˈayukˈäjtëm, nwinmäˈäyëm wiˈix nˈanëëmëyäˈänëm ets näˈä duˈun nˈanëëmëyäˈänëm.
Panëjkxë Pablo yˈijxpajtën
3. Winmay ti ääw ti ayuk myajpëtsëmaampy. Extëm nˈokpëjktakëm, ko tuˈugë jäˈäy xymyëtmaytyäˈägët mëdiˈibë yˈawdäjtypyë awinax o myëbëjkypy ko Jesus yëˈë Dios, oy ko xykyuentëˈatët ja ääw ayuk mëdiˈibë myajtunaampy.
4. Këdii netyë xyjyëjpkugäjpxë. Nasˈixë waˈan ja jäˈäy tnimaytyaky tijaty myëbëjkypy ets këdii netyë xyjyëjpkugäjpxë ko jam tnimaytyäˈägët mëdiˈibë kyaj myiny mä Biiblyë (Sant. 1:19). Ko xymyëdoowˈitët tijaty nyimaytyakypy, ta xynyijawëyaˈany tijaty myëbëjkypy ets tiko duˈun tmëbëky (Prov. 20:5).
5. Mëjkugäjpxë ja jäˈäy pën jam tnigajpxy mëdiˈibë tëyˈäjtën, ets yëˈë mjëjpˈëw mjëjpkäjpxëp. Mbäät ja jäˈäy wyinmay ko duˈunën tyëyˈäjtënëty extëm tijaty tmëbëky. Per yëˈëyë mjëjpkäjpx mjëjpmaytyäägëp mëdiˈibë tëyˈäjtën ets ok mbäädë net wanaty wanaty xytyukjaygyukë wiˈixë Biiblyë jyënaˈany.
