WIˈIXË JÄˈÄY NIJËMBIJTËM
LEKSION 7
Kyaj nmëˈanuˈkxëm
Biiblyë jyënaˈany: “Kyaj tmastuttë esë jäˈäy dyaˈëxpëkët, es tkäjxwäˈxtë ja oybyë ayuk” (Apos. 5:42).
¿Ti tyuunë Pablo?
1. Ixë BIDEO o käjpxë Apostʉlʉty 19:8-10, ets winmay mëdiˈibë yä yajtëëpy:
¿Ti xytyukniˈˈijxëmë Pablo yˈijxpajtën?
2. Ko parë jatëgokë jäˈäy nnijëmbijtëm ets nyaˈëxpëjktsondakëm, tsojkëbë tiempë ets nduˈunëm ja mëjääw.
Panëjkxë Pablo yˈijxpajtën
3. Ninëjkx ti oorë ja jäˈäy yajpäädäˈäny ets mää. Okwinmay: “¿Näˈädaa tiempë tmëdaty ets mä ttsojkënyëˈaty xynyinëjkxët?”. Oy ko xynyinëjkxët näˈä ja jäˈäyë tiempë tmëdaty ets kyaj jyaajëty näˈä mijts mmadaˈaky.
4. Yajtëw ja jäˈäy näˈä mbäät jatëgok xynyijëmbity. Këdii duˈunyë mtsoˈongojnë pën kyajnëm xyajtëy näˈä mbäät jatëgok xynyinëjkxy. Ets jaa xynyinëjkxët näˈä mëët të mnaygyajpxyëty.
5. Këdii xymyëˈanuˈkxë. Kyaj mdimywyinmääygyojët ko ja jäˈäy kyaj yˈëxpëkäˈäny mët ko kyaj yajpääty mä tyëjk o ko nëgoo yˈoktuunnë (1 Kor. 13:4, 7). Këdii xymyëˈanuˈkxë, duˈunyëm ja jäˈäy ninëjkx, per yajxon ja mdiempë xyajtunët (1 Kor. 9:26).
