¿Ti tyuunë Jesus?

¿Ti xytyukniˈˈijxëmë Jesusë yˈijxpajtën?

2. Ko ta näägë jäˈäy mëdiˈibë tsojk kyupëjkypy ja Diosë yˈAyuk ets nääk jekyë tiempë dyajnaxy, pääty oy ko nmëmaˈkxtujkëm.

 Panëjkxë Jesusë yˈijxpajtën

3. Winmay ti mbäät xytyuny. Pën ja jäˈäy kyaj tkupëky ets xyaˈëxpëjktsondäˈägët, kyaj xytyukˈaguanëˈatët. Winmay näˈä mbäät xytyukˈixy tuˈugë bideo o tuˈugë artikulo parë tnijawët wiˈixë jäˈäy nyaˈëxpëjkëm ets wiˈix pyudëkëyaˈanyëty ko yˈëxpëkët.

4. Kyaj ja jäˈäy xyˈijxkijpxyët. Kyaj niˈamukë jäˈäy tyuknaxˈattë. Pääty pën tuˈugë njëëkyˈäjt nmëguˈukˈäjtëm o tuˈugë jäˈäy kyaj tkupëky ets nyaˈëxpëjkëm o ti Biiblyë tukniˈˈijxëp, oy ko xywyinmayët tidaa ko kyaj tkupëky. ¿Waˈandaa mët ko kyaj tmastuˈudäˈäny tuˈugë kostumbrë o ti të yajtukniˈˈixë mä ryelijyonk? ¿O waˈandaa mët ko wiˈix yˈanëˈëmxëdë ja jyëëky myëguˈuk o ja myëjënbäˈä myëdëjkpäˈä? Mmoˈoyë tiempë waˈan twinmay wiˈix mëët të mgajpxy të mmaytyaˈaky parë tˈixët ko pudëkëyanëp ko tˈëxpëkëdë Biiblyë.

5. Ninuˈkxtäägë ja jäˈäy. Anëëmë Jyobaa ets kyaj mwinmayët ko kyaj ja jäˈäy yˈëxpëkäˈäny ets mmëtmaytyäˈäk tsuj yajxon. Anëëmë nanduˈun waˈan mdukˈixyëty näˈä mbäät ja jäˈäy xymyastuˈuty mëdiˈibë kyaj nëgoo ttsojkënyëˈaty (1 Kor. 9:26).