MYËDUK PEKY
Mä kyojtsondaky tijaty axtë mä myiinyë Ayoˈonduu
¿Mä të tsyoonyë tsäjp etsë Naxwinyëdë? ¿Wiˈix ojts kyojyë Xëë, Poˈo etsë mëtsäˈä ets tijaty jaˈäjtp yä Naxwiiny? Biiblyë tëyˈäjtën tˈatsoojëmbity ko jyënaˈany, Dios yëˈë tëgekyë të dyajkojtäˈäy. Päätyë tyäˈädë liibrë yëˈë nyimaytyaktsoˈompy wiˈixë Biiblyë jyënaˈany mä wiˈix tijaty ojts kyojy.
Xytyuknijäˈäjëm ko diˈib jayëjpë Dios yajkoj yëˈë anklësëty diˈib kyaj mbäät nˈijxëm dëˈën extëm yëˈë. Etsë Naxwinyëdë ojts kyojy parë jäˈäyëty. Päätyë Dios ojts dyajkojy ja yetyëjk ets ja toxytyëjk diˈib xyëˈäjt Adán mëdë Eevʉ ets tpëjtaky mä tuˈugë it lugäärë tsujpë. Per yëˈëjëty kyaj tmëmëdoodë Dios pääty kyaj tnekymyëdäjttë madakën ets jyukyˈattët winë xëë winë tiempë.
Mä Adán ojts kyojy axtë mä ja Ayoˈonduu myiiny, ja nyajxyë 1,656 jëmëjt. Nëˈënë tadë tiempë nyajxy, jyukyˈäjttë mayë axëkjäˈäy. Jam tsäjpotm tamë netyë Satanás mëdë yˈaxëk anklësëty. Ets yä Naxwiiny jyukyˈajtyë Kaín ets nandëˈënë wiingatypyë axëkjäˈäy. Nääk tim tëgatsy kyëxëˈktë mët ko yˈijttë jantsy kumëjääjëty. Per jukyˈäjttë nandëˈënë oyjyaˈay, extëmë Abel, Enok etsë Noˈee. Mä tyäˈädë MYËDUK Peky nijawëyäˈänëm wiˈix jyukyˈäjttë tyäˈädë jäˈäyëty ets tijaty tuun jäjtë.
TIJATY MYËMIIMPY
MAYTYAˈAGYË 1
Dios dyajkojtsondaˈaky tijaty
Kyaj tsyiptäˈägäˈäny etsë ënäˈkuˈunk tkäjpxtët ets tjaygyukëdët wiˈix ojtsë Dios dyajkojtsondaˈaky tijaty.
MAYTYAˈAKY 2
Tuˈugë tsujpë lugäär
Mä liibrë diˈib xyëwˈäjtypy Génesis tnimaytyaˈaky ko Dios jantsy tsuj ojts dyaˈoyë ja lugäär jam Edén. Dios tsyojkypy etsë tyäˈädë naxwinyëdë jyëmbitët jantsy tsuj extëmë nety yˈixëty jam Edén.
MAYTYAˈAGYË 3
Ja tim jawyiimbë yetyëjk etsë toxytyëjk
Dios yëˈë ojts dyajkojˈyë Adán mëdë Eva ets tpëjtaky mä ja lugäär diˈib xyëwˈäjtypy Edén. Yëˈë diˈib tim jawyiin pëjktë.
MAYTYAˈAGYË 4
Tiko dyajtëgooytyë ja yˈit lyugäärë tsujpë
Mä Génesis jap yajmaytyaˈaky wiˈix tyëgooy ja lugäärë tsujpë.
MAYTYAˈAGYË 5
Tsyondaˈaky ja jukyˈäjtënë mëkpë
Adán mëdë Eva dyajnaxtë amay jotmay ets kyaj yˈokˈyajpatnëdë Edén. Kooxyëp tmëmëdoowdë Dios, agujk jotkujkxyëp ojts jyukyˈattë mëdë yˈuˈunk yˈënäˈk.
MAYTYAˈAGYË 6
Tuˈugë uˈungë oyjyaˈaybyë ets tuˈugë axëkjäˈäybyë
Mä Génesis jap yajnimaytyaˈagyë Caín mëdë Abel, ets yëˈë xytyukˈijxëm wiˈix mbäät njäˈäyˈäjtëm ets mäjaty mbäät nnayajtëgäjtsëm mä kyajnëm ti nduundëgoˈoyëm.
MAYTYAˈAGYË 7
Tuˈugë yetyëjkë jotmëkpë
Yˈijxpajtënë Enoc yëˈë xypyudëjkëm ko mbäät nˈijtëm oyjyaˈay oy tyamë jäˈäy axëëk jyukyˈattë.
MAYTYAˈAGYË 8
Jäˈäyë jantsy päjkˈyenyatypyë yä Naxwiiny
Mä Génesis kapitulo 6, tnimaytyaˈaky ko ja jäˈäyëty diˈib jantsy yenyaty yˈaxëktuundë jäˈäy. Tyäˈädë jäˈäyëty ja txëwˈäjttë nefilim, ets yëˈë uˈunkˈäjtëdë anklëstëjk diˈib tsoˈondë tsäjpotm ets myiindë yä Naxwiiny parë jyukyˈäjttë extëmë naxwinyëdë jäˈäy.
MAYTYAˈAGYË 9
Noˈee ojts dyajkojy tuˈugë arkë
Noé mëdë fyamilyë ojts tsyoˈoktë mä ja Ayoˈonduu mët ko tmëmëdoowdë Dios, oy ja jäˈäyëty kyaj tmëjpëjtaktë.
MAYTYAˈAGYË 10
Ja mëj Ayoˈonduu
Ja jäˈäyëty jeˈeyë tnëxik ttukxiktë Noé, per ko myiiny ja ayoˈonduu kyaj nyeky xyiktë. Yëˈë yajmaytyakp wiˈixë Noé mëdë fyamilyë ets ja jëyujk animal tsyoktë mä ja arkë.
