¿KËDII tsujtiˈknë tyäˈädë mixyuˈunk? Ja txëˈäjty Samwel, etsë tadë diˈib jam kuxäjëˈkëp yëˈë Elii diˈib nyiwintsënˈäjtypyë saserdotëty jam Israel. Ets yëˈë jam mëmiinëdëbë tyääk tyeety, Elkanaa mëdë Anʉ.

Samwel ja netyë jyëmëjt naa taxk o mëgoxk ko ojts yajmënejxy mä Jyobaa tyabernakulo, ets jam tsyëënët mëdë Elii ets mët ja saserdotëty. ¿Tidaa ko Anʉ mëdë Elkanaa tim mutsknëm tmëmiindë Samwel mä ja tabernakulo ets tmëdunëdë Jyobaa? Min nˈokˈijxëm.

Anʉ jantsy määjy jantsy täjpë nety yëˈko kyaj mbäädë yˈuˈunk tmëdaty, ets tsyojkypyë nety tuˈugë yˈuˈunk. Ta tuˈugë xëë ko ojts nyejxy mä ja tabernakulo ta tmënuˈkxtakyë Jyobaa ets tˈanmääjy: ¡Ay, Jyobaa, katëts mijts xyjaˈaytyëgoy! Pën mijts xymyoobyëts tuˈuktsë nmäänguˈunk, nwandakypyëts ko ëjts mijts nmoˈoyëp ets mëdunëdët nëˈënë xyëë jyukyˈäjtënë.

Jyobaa ta ojts tˈatsoojëmbijtë ja Anʉ nyuˈkxtakën, ets ko kanäk poˈo nyajxy ta Anʉ dyajmaxuˈunkˈäjtyë Samwel. Mëk ttsojky ja yˈuˈunguˈunk, ets maxuˈunknëmë nety ko ttukniˈijxëtsyondaky ttsokëdë Jyobaa. Ta tˈanmääyë nyaˈay: Jantsy jeˈeyë Samwel wanaty yˈakˈyaagët ets kyaj tnekytsyokëdë nayˈixë, tats nmënëjxäˈäny mä tabernakulo ets jamë Jyobaa tmëdunët.

Ets extëm yam nˈijxëm mä dibujë tamë Anʉ mëdë Elkanaa tkëyäjknëdë Samwel. Ets komë Samwel yajxonë netyë tyääk tyeety të tyukniˈixëdë, pääty jotkujk nyayjäˈäjë ko tmëdunäˈänyë Jyobaa mä ja tabernakulo. Jëmëjt jëmëjt ja tyääk tyeety myindë Dios awdäjtpë mä ja tabernakulo ets tkuˈixtë nandëˈën ja yˈuˈunguˈunk. Ets ja Anʉ tmëmiinë Samwel tuˈugë wyit kejkytyuk diˈib këˈëm të txuy.

Nyajxy kanäk jëmëjt, etsë Samwel japyëm tyuny mä Jyobaa tyëjk, Jyobaa tyukjotkëdak wiˈix ja Samwel tyuny ets nandëˈën ja käjpn. Perë Ofnii mëdë Finees, ja yˈuˈungëty Elii kyaj yˈoyjyaˈayëty. Axëëk jyantsy yˈadëˈëtstë, ets nan axëëk ja jäˈäy dyaˈadëˈëtstë. Elii kyajxyëp ja yˈuˈunk tnekyyajtuundë saserdotë, per yëˈë yajtuunˈadëtstë.

Oy mä ja Jyobaa tyëjk axëëgaty ja jäˈäy yˈadëˈëtstë, Samwel dëˈënyëm tmëduunyë Jyobaa. Mä tyäˈädë tiempë Jyobaa kyaj pënë jäˈäy tˈokmëgäjxnë, yëˈko niwaanë jäˈäy diˈib jantsy tsojkëp. Ta ko Samwel wanaty yˈakˈyeˈky ta tyuun jyäjtë tyäˈädë:

Samwel määbë nety mä ja tabernakulo ko tmëdoojy yajmëgajxy ta ojts jyotwijy. Ta yˈatsoojy ets pyëdeˈky, ta pëyeˈegyë ojts nyejxy mä Elii ets tˈanmääjy: Mijts të xymyëgajxy tyäts të nminy.

Perë Elii ta yˈatsoojë: Kyajts mijts të nmëgajxy nëjx mnaygyoˈogyëty. Ta ja Samwel jyëmbijty.

Ta myëmajtsk ok yajmëgäjxkojpë: ¡Samwel! Ta ja Samwel pyëdeˈky ets ojts tninejxyë Elii. Ta tˈanmääjy: Mijts të xymyëgajxy tyäts të nminy. Perë Elii ta yˈatsoojë: Kyajts mijts të nmëgajxy uˈunk jaˈa. Nëjx mnaygyoˈogyëty. Ta ja Samwel jyëmbijty.

Ta myëdëgëkˈokpë yajmëgäjxkojpë: ¡Samwel! Ta ja Samwel ojts nyejxy pëyeˈegyë mä Elii ets tˈanmääjy: Tyäts të nminy mijts nˈaˈixë tyam të xymyëgäjxnë. Ta ja Elii tmëwinmäˈänybyaty ko yëˈë Jyobaa diˈib mëgäjxëp. Ta tˈanmääyë Samwel: Nëjx mnaygyoˈogyëty ets ko jatëgok myajmëgäjxët ta xyˈanëëmët: Käjx Jyobaa, tyamë mˈuˈunk mjaˈa tmëdooˈity.

Ta dëˈënë Samwel tˈatsooyë Jyobaa ko jatëgok ojts myëgajxyëty. Ta Jyobaa yˈanmääyë ko tyukumëdowaambyë Elii mëdë yˈuˈunk yˈënäˈk ko axëëk yˈadëˈëtstë. Ko waanë yˈijty ta ja Ofnii mëdë Finees yˈoˈktë mä nety tsyiptundë mëdë filisteety, ets ko Elii tnijäˈäjë ta kyäˈtsëmbijty ets yoˈktëjy ojts kyaˈay ta yˈoˈky. Dëˈënë Jyobaa yˈayuk yˈadëëjy.

Ko tiempë nyajxy, ta Samwel yëˈë diˈib tim ok aktuun fes. Ko ojts myëjäˈäyënë ta ja käjpn yˈanmääyë: Pëjtäˈäk tuˈugë rey diˈib anaˈamëp. Perë Samwel kyaj ttsojky yëˈko Jyobaa yëˈë dëˈën diˈib rey. Perë Jyobaa ta yˈanmääyë ets dëˈën ttunët extëm ja käjpn jyënaˈany.