Saúl yëˈë diˈib tim jawyiin reyˈäjt jam Israel. Per ta Jyobaa ojts jyëdijˈyëty, ets ta twinˈijxyë Davit ets tyunët rey. Nijawëyäˈänëm wiˈixë Davit jyukyˈajty. Wiˈix tëgok mutsknëmë nety ko tsyiptuuny mëdë Goliat. Ok ta tkugekyë rey Saúl diˈibë nety axëkˈijxëp. Ta nandëˈën nijawëyäˈänëm wiˈixë Abigaˈil tpudëjkë Davit ets kyaj tyuundëgoyët.

Ta net nijawëyäˈänëm diˈib mä Salomonk, ja myäängë Davit diˈib tëjkë rey ko yëˈë ojts yˈoˈknë. Tyäˈädë nidëgëëkpë rey ja ojts yˈanaˈamdë 40 jëmëjtaty. Ok ko ja Salomonk ojts yˈoˈknë ta ja Israel gäjpn ojts nyaywyaˈxyëty majtsk peky. Tuˈugë rey diˈib yˈanaˈam majtsk grupë jäˈäy mëdë tyëëmp yˈääts ets ja tuˈugë rey diˈib yˈanaˈam mäjk grupë mëdë tyëëmp yˈääts.

Ja anaˈamënë diˈib mä ja mäjk grupë jäˈäy ja jyejky 257 jëmëjt, mä nety ja asiriëty kyayajkutëgoyëdë. Ta net nyajxy 133 jëmëjt ets ta kyutëgoojy ja anaˈamënë diˈib mä ja majtsk grupë jäˈäy mëdë tyëëmp yˈääts. Ta ja israelitëty ojts yajmënëjxtë tsimytsyënaabyë Babiloñʉ. Pääty nëˈën yajmaytyaˈagyë tyäˈädë MYËMÄJTAXK Peky, ja tiempë nyajxy 510 jëmëjt. Nëˈënë tyäˈädë tiempë nyajxy ja tijaty tyuun jyäjtë diˈib njantsy oymyëdowäˈänëm.