¿MIXYˈAJTYPYË tyäˈädë kiixyë tsujpë diˈib yam nyimiimbyë Davit? Ja txëˈaty Abigaˈil. Tapë jyot wyinmäˈäny, ojts tëgok tpudëkë Davit ets kyaj tyuundëgoyët. Per min jawyiin nˈokˈijxëm wixatyë Davit jyajty, ets okë net nijäˈäjëm wiˈixë Abigaˈil pyudëjkë.

Ko ja Davit tkugekyë Saúl ta nyayuˈtsë tsäˈäängoty. Ta ja myëgaˈaxëty ets ja fyamilyë nyimiinëdë mä nety jam. Nandëˈën nyimiinëdë taxk mëgoˈpxë yetyëjk, ets yëˈë netë Davit wintsënˈäjt. Ta net ja Davit ojts tninejxy ja rey diˈib Moˈap ets tˈanmääjy: Tunë mayˈäjtënë, waˈanëtsë ndääk ndeety tweˈemy yä, axtë kots nˈixët wiˈixëts njaty. Ok ta Davit mëdë jyaˈay ojts nyayuˈutsëdë tunoty kopkoty.

Ko tiempë yˈaknäjxy ta Davit tˈixyˈajtyë Abigaˈil tuˈugë toxytyëjk diˈib jantsy tsuj, etsë nyaˈay ja txëˈäjty Nabal. Nabal mëkjäˈäy kanäk pekyë nyax tmëdaty. Tmëdäjty tëgëk milë byorreegë ets tuk milë tsyiip. Nabal mëk axëkjäˈäy. Perë nyëdoˈoxy nyijäˈäp wiˈix tijaty ttunët. Tëgok ojts tpudëkë fyamilyë ets kyaj wiˈix jyatët. Min nˈokˈijxëm wiˈix.

Davit mët ja jyaˈay oyjyaˈaytyaktë mëdë Nabal. Kyuentˈäjttë ja Nabalë byorreegë. Tuˈugë xëë Davit tkejxy ja jyaˈay mä Nabal ets tˈamdowdëdë jeˈxy peky. Ko jam jyäjttë tamë netyë Nabal tnikeebyë byorreegë mët ja jäˈäyëty diˈib pudëjkëdëp, xëduundëbë nety jam ets tamˈäjtpë käˈäy ukënë. Ta ja Davitë tyuumbëty tˈanmääyë Nabal: Ëëtsëty tëts nˈoyjyaˈaytyäˈäktë mët mijts. Nituˈugëtsë mborreegë të ngamaatstë, niˈigyëts të nguentˈattë. Pääty tunë mayˈäjtënë, mooytyëgëts tyam waanë mgäˈäy mˈukënë.

Nabal ta axëëk jyantsy yˈatsoojy: Dëˈëmbë jäˈäy extëm miitsëty kyajts nmoˈoyaˈanyë ngäˈäy nˈukënë. Ta mëk axëëk ojts tjantsy kyäjxpäätyë Davit. Ta ko ja Davitë jyaˈayëty tyukmëtmaytyakëdë ta jyantsy jotˈambejky ets jyënany: ¡Pëjtäˈäktë mˈespäädë! Ko tpëjtaktääytyë ta tsyoˈondë ets nëjx dyaˈoogäˈändë Nabal mëdë jyaˈayëty.

Per ta tuˈugë Nabalë jyaˈay tmëdoojy wiˈixë nety mëk axëëk të kyajxy, ta tˈawäˈänë Abigaˈil. Ta netyë Abigaˈil tˈijxy ja käˈäy ukënë, ta tkëxwëˈëny byurrëkëjxy ets tsyoˈony. Ta ko nyaybyatë mëdë Davit, ta ttukjënajkyë byurrë, ta tniwindaky ets tˈanmääjy: Tunë mayˈäjtënë, wintsën katë xymyëjpëjtaˈaky wiˈixëtsë nyaˈay të jyënaˈany. Tsuu lokë yëˈë, ets kyaj tnijawë ti tyuumpy. Tyäts nmëminy tijatyëty, tunë mayˈäjtënë axäjë ets maˈxtëgëts oy ti wiˈix të yˈokjaty.

Davit ta yˈatsoojy: Tapë mjot mwinmäˈäny, mijts yam xypyudëjkëp etsëts kyaj nëjxë mnyaˈay ndukkumëdoy ko yˈaxëkjäˈäyëty. Jëmbijnë mä mdëjk agujk jotkujk. Ok, ko ja Nabal ojts yˈoˈknë, ta Davit ojts nandëˈën tnëdoˈoxyˈäjnë Abigaˈil.