MYËMËGOXK PEKY
Mä ojts yajmënëjxtë tsimytsyënaabyë axtë mä ojts jatëgok yajnabotsyë Jerusalén käjpn
Ja tiempë nëˈën ja israelitëty jam yˈijttë Babiloñʉ, ojts kanäk ok dyaˈixëdë ko jyantsy myëdäjttëbë mëbëjkënë. Sadrak, Mesak mëdë Abednego ojts yajkujëduwëdë mä ja ornë mëk ambë, perë Dios ojts yajtsoˈogëdë. Ok të nety ja medos etsë persas tjaˈabekyë Babiloñʉ käjpn ko ja Daniel ojts yajkujëduwë kää jutoty, per ojts nandëˈënë Dios kyuniˈxyëty ko tkejxyë yˈanklës ets ja kää tˈamäjtstääjy.
Tim ok, ta ja Ciro ja rey diˈib Persia ojts dyaˈawäˈätspëtsemy ja israelitëty. Ta jyëmbijttë Jerusalén 70 jëmëjtë nety të nyaxy mä yajmënëjxtë tsimytsyënaabyë Babiloñʉ. Ets ko jyäjttë Jerusalén, diˈib tim jawyiin ojts tkojtë yëˈë Jyobaa tyëjk. Per ja myëtsipëty netyë ojts dyajtuˈuwëˈëmëdë ja tuunk. Pääty ja nety ja tiempë të nyaxy 22 jëmëjt mä të jyäˈttë Jerusalén ko tkojˈabajttë ja Diosë tyëjk.
Ok ta net nijawëyäˈänëm ko Esdras ojts nyejxy Jerusalén ets dyaˈoytyëkëyaˈanyë Diosë tyëjk. Ja nety kujk nyaxy 47 jëmëjt mä ja Jyobaa tyëjk yajkojˈabety jam Jerusalén. Ta nyajxy mäjktëgëk jëmëjt, ta ja Neˈemiyës ojts tpudëkë ja israelitëty ets tnabojtstë ja Jerusalén käjpn. Tyäˈädë MYËMËGOXK Peky ja nyajxyë tiempë 152 jëmëjt.
TIJATY MYËMIIMPY
MAYTYAˈAGYË 77
Kyaj tˈawdäjttë ja awinax
¿Waˈandaa netyë Dios mbäät dyajtsoˈoky tyäˈädë nidëgëëkpë yaˈayˈënäˈk parë kyaj wiˈix jyattët mä ja ornë?
MAYTYAˈAGYË 78
Ja letrë diˈib yajkëxjääjy potsykyëjxy
Ja kugajpxy Daniel dyajniwijy dyajnikejy ja taxkpë ayuk.
MAYTYAˈAGYË 79
Daniel yajkujëduwë kää jutoty
Daniel ojts yajtuknikäjpxpetyë oˈkën. ¿Mbäätxyëp ojts ti ttuny?
MAYTYAˈAGYË 80
Ja Israelitëty tsyoˈonëdë Babiloñʉ
Ciro ja rey diˈib Persia yëˈë yaˈˈadëëw ko ojts yajnaskäjpxë tjaˈabëkäˈänyë Babilonia, ets nenduˈun dyaˈˈadëëyë wiinkpë diˈibë nety të yajnaskäjpxë.
HISTORIA 81
Confiando en ayuda divina
Por obedecer a Dios, los israelitas desobedecen algunas leyes humanas. ¿Tendrán la bendición divina?
MAYTYAˈAGYË 82
Mardoqueo mëdë Ester
Vasti yëˈë nety tuˈugë reyna diˈib jantsy tsuj, per oy dyuˈunëty, ja rey Asuero yëˈë wyinˈijxë Ester parë yëˈë twingudëgatsˈatët. ¿Tiko?
MAYTYAˈAGYË 83
Ja Jerusalén käjpn yajnabotsy
Mientrësë nety ja israelitëty dyajpëdëˈëktë ja potsy, tsojkëbë nety nyaygyuentëˈatëdët xëëny koots.