OK IX yamë Jesús tam tmënaanˈityë tadë mixyuˈunk. Ja mbäät xypyekyë kuentë ko Jesús tsyojkë ënäˈkuˈunk. Etsë tadë yetyëjkëty diˈib jam ijxëdëp yëˈë yˈapostëlëty. ¿Mnijäˈäp wiˈixë Jesús jam yˈanëˈëmxëdë? Min nˈokˈijxëm.

Jesús mëdë yˈapostëlëty kajaa nety të jyantsy tyuˈuyoˈoytyë. Ets të nety tuˈääjy ja apostëlëty nyaygyajxytsyiigëdë. Pääty ko jyäjttë ta Jesús yajtëëjëdë: ¿Ti të xyajtsiptäˈäktë tuˈääjy? Jesús nyijäˈäbë nety ti të dyajtsiptäˈäktë. Per pääty dyajtëëjy ets tˈixäˈäny pën okˈanmääyëdëp.

Per ja apostëlëty kyaj yˈatsoodë, yëˈko yëˈë nety të dyajtsiptäˈäktë pën diˈib mas mëj ijtp mä yëˈëjëty. Tam nääk ja apostëlë diˈib mëj nayajnäjxëp. ¿Wiˈixë netë Jesús tyukjaygyujkëdë ko kyaj yˈoyëty ets nyayajnaxëdët mëj?

Jesús ta tmëjwoojy tuˈugë mixyuˈunk, ets ta tpëjtaky kujkˈam mä ja yˈapostëlëty. Ta net tˈanmääytyë: Ntsojkypyëts ets xynyijawëdët yajxon, ko pën kyaj mnayajtëgatsëdë ets mjëmbittë extëmë ënäˈkuˈunk, ninäˈä mgatëkëdët mä Diosë yˈAnaˈam Kyutujkën. Tadë jäˈäy diˈib mëj itäämp mä Diosë yˈAnaˈam Kyutujkën yëˈë diˈib jëmbijtp extëmë tyäˈädë mixyuˈunk. ¿Mnijäˈäp tiko dëˈën jyënany?

Wenë, yëˈko ënäˈkuˈungë mutskatypyë kyaj wyinmaytyë yˈitäˈändë mëj këjxm. Pääty ja apostëlëty tsojkëbë nety dëˈën jyaˈayˈattët extëmë ënäˈkuˈunk, ets dëˈën kyaj dyajtsiptäˈäktët mä pënën okˈijtëp mëj.

Kanäk okë Jesús ojts dyaˈixyëty ko mëk ttsojkyë ënäˈkuˈunk. Pes ok, ta jatëgokë jäˈäy tmëmiinyë yˈuˈunk yˈënäˈk mä Jesús. Ta ja apostëlëty ojts tˈoodë ja jäˈäy, perë Jesús ta tˈanmääyë yˈapostëlëty: Mastuˈuttë, waˈanëtsë ënäˈkuˈunk xynyimindë ets katë xyajjëmbittë, mët ko mä ja kutujkënë diˈib tsäjpotm yëˈë tëkëyäämp diˈib dëˈën extëm yëˈëjëty. Ta net ojts tmëneny ja ënäˈkuˈunk, ets ta ojts tkuniˈxy. ¡Jantsy oy ko nijäˈäjëm ko Jesús tsyojkë ënäˈkuˈunk!, ¿këdii?