Maytyaˈagyë 1

1. ¿Mä tëgekyë të tsyoony diˈib oy? ¿Mbäät xyˈoknigajxy extëm tijatyëty?

2. ¿Ti diˈib tim jayëjpë Dios yajkoj?

3. ¿Tiko nety tyëgatsyëty ja tim jawyiimbë anklës?

4. Ok këxˈix mä dibujë ets maytyäˈäk wiˈixë nety yˈixëtyë Naxwinyëdë mä kyaˈoyënëm.

5. ¿Wiˈixë Dios dyaˈoˈoyëtsyondakyë Naxwinyëdë ets yˈitëdë jëyujk animal etsë jäˈäyëty?

Yajtëˈëwën diˈib këˈëm mˈatsoojëmbitëp:

1. Käjxë Jeremías 10:12.

   ¿Diˈibë jyaˈayˈäjtënë Dios këxëˈkp mä kyojy pyëtaˈaky? (Isa. 40:26; Rom. 11:33.)

2. Käjxë Kolosʉ 1:15-17.

   ¿Ti tyuunë Jesús mä Dios dyajkojtääjy tijaty? Ets ko yëˈë dëˈën tyuuny, ¿wiˈixë net ëtsäjtëm mbäät nˈokwinmäˈäyëm mä yëˈë?

3. Käjxë Génesis 1:1-10.

   1. ¿Mä të tsyoonyë tyäˈädë Naxwinyëdë? (Gén. 1:1.)

   2. ¿Ti tuun jäjtë mä ja myëduk xëë tijaty kyojy? (Gén. 1:3-5.)

   3. ¿Ti tuun jäjtë mä ja myëmajtsk xëë tijaty kyojy? (Gén. 1:7, 8.)

Maytyaˈagyë 2

1. ¿Wiˈixë Dios dyaˈoˈoyë Naxwinyëdë ets nduktsënäˈäyëm?

2. Ok ix mä dibujë ja jëyujk animal diˈibë Dios yajkoj, ¿mbäät tuˈuk majtskë xyëë xynyigajxy?

3. ¿Tiko tyëgatsyëty ja lugäärë tsujpë diˈib xyëˈäjt Eden?

4. ¿Wiˈixë Dios tjatsojky ets jyëmbitët tëgekyë Naxwinyëdë?

Yajtëˈëwën diˈib këˈëm mˈatsoojëmbitëp:

1. Käjxë Génesis 1:11-25.

   1. ¿Ti tyuunë Dios mä ja myëdëgëk xëë tijaty dyajkojy? (Gén. 1:12.)

   2. ¿Ti tuun jäjtë mä ja myëmäjtaxk xëë tijaty kyojy? (Gén. 1:16.)

   3. ¿Ti jëyujk animalë Dios yajkoj mä ja myëmëgoxk xëë ets mä ja myëdëdujk xëë? (Gén. 1:20, 21, 25.)

2. Käjxë Génesis 2:8, 9.

   Nëˈën tëgekyë ääjy kepy mä ja it lugäärë tsujpë, ¿diˈibë majtskë ujts kepy pyëjtakë Dios tëgatsy, ets wiˈix tmëdatyë nyikajën?

Maytyaˈagyë 3

1. ¿Wiˈix tyëgatsyëtyë tadë dibujë myëdëgëëkpë mëdë myëmajtskpë?

2. ¿Pën ojts dyajkojy ja tim jawyiimbë yetyëjk, ets ti txëˈäjtyë tadë yetyëjk?

3. ¿Ti tuungë Dios myooyë Adán?

4. ¿Tiko Dios dyajmëkmäädëgooyë Adán?

5. ¿Nëˈënë nety mbäädë Adán mëdë Eevʉ jyukyˈattët, ets ti tuungë Jyobaa jyatsojk ets ttundët?

Yajtëˈëwën diˈib këˈëm mˈatsoojëmbitëp:

1. Käjxë Salmo 83:18.

   ¿Ti Dios txëˈaty ets wiˈix yëˈë jeˈeyë naytyuˈuk yajpääty abëtsemy Nyaxwinyëdë? (Jer. 16:21; Dan. 4:17.)

2. Käjxë Génesis 1:26-31.

   1. Mä ja myëdëdujk xëë ja Diosë tyuunk dyajkugëjxënë, ¿ti diˈib tim jëjpˈam yˈakˈyajkoj, ets wiˈixë tyäˈädë tyëgatsyëty mëdë jëyujk animal? (Gén. 1:26.)

   2. ¿Ti jeˈxy peky pyëjtakë Jyobaa diˈib jyëˈxëbë jäˈäy etsë jëyujk animal? (Gén. 1:30.)

3. Käjxë Génesis 2:7-25.

   1. ¿Ti tyuunë Adán ets oy txëëmooytyaajy ja jëyujk animal? (Gén. 2:19.)

   2. ¿Wiˈix xypyudëjkëmë Génesis 2:24 ets njaygyujkëm mä wiˈix wyinmayë Jyobaa ko jäˈäy pyeky, ko jäˈäy nyaymyastuˈutyëty ets ko yaˈajääywyaˈxy? (Mat. 19:4-6, 9.)

Maytyaˈagyë 4

1. Ok ix mä dibujë, ¿wiˈix jam jyattë Adán mëdë Eevʉ?

2. ¿Tiko Jyobaa yˈëxkajxëdë?

3. ¿Wiˈix tuˈugë tsäˈäny tˈanmääyë Eevʉ?

4. Ko ja tsäˈäny ojts tmëgajxyë Eevʉ, ¿pën yajkäjxë?

5. ¿Tiko dyajtëgooytyë Adán mëdë Eevʉ ja tsujpë yˈit lyugäär?

Yajtëˈëwën diˈib këˈëm mˈatsoojëmbitëp:

1. Käjxë Génesis 2:16, 17 etsë 3:1-13, 24.

   1. Extëm ja tsäˈäny dyajtëëyë Eevʉ, ¿tiko axëëk ojts dyajweˈemyë Jyobaa? (Gén. 3:1-5; 1 Fwank 5:3.)

   2. ¿Wiˈixë Eevʉ yˈijxpajtënë xytyuˈunxëm ets kyaj nandëˈën nˈadëtsëm? (Fili. 4:8; Sant. 1:14, 15; 1 Fwank 2:16.)

   3. ¿Wiˈix nyaynyikäjxtutë Adán mëdë Eevʉ ko nety të tyuundëgoytyë? (Gén. 3:12, 13.)

   4. Jam Eden yajpëjtakyë anklësëty diˈib xyëˈäjttëp kerubin, ¿wiˈix yëˈëjëty dyaˈijxëdë ko pyuwäˈkëdëp ja madakënë diˈibë Dios myëdäjtypy ets yˈanaˈamët? (Gén. 3:24.)

2. Käjxë Diˈibʉ Jatanʉp (Apocalipsis) 12:9.

   ¿Nëˈën kujkë Satanás ttukˈoybyëtsemy ko naxwinyëdë jäˈäy ttukjëjpkudijë Diosë yˈAnaˈam Kyutujkën? (2 Kor. 4:4.)

Maytyaˈagyë 5

1. ¿Wiˈixë net ja Adán mëdë Eevʉ jyukyˈäjttë ko yajkajxpëtsëëmdë Eden?

2. ¿Wiˈixë net jyäjttë Adán mëdë Eevʉ, ets tiko?

3. ¿Tiko nety myëjäˈäyëyanëdë ets yˈooganëdë ja yˈuˈunk yˈënäˈkë Adán mëdë Eevʉ?

4. Koxyëbë Adán mëdë Eevʉ tmëmëdoodë Jyobaa, ¿wiˈix dyajnäjxtëxyëp jyukyˈäjtënë mëdë yˈuˈunk yˈënäˈk?

5. Ko kyamëdooyë Eevʉ, ¿wiˈixë netë ayoˈon jotmay tyukmiinë?

6. ¿Ti txëˈäjttë ja tim jawyiimbë yˈuˈungë Adán mëdë Eevʉ?

7. ¿Pënatyë tadë wiinkpë ënäˈkuˈunk diˈib jam mä tadë dibujë?

Yajtëˈëwën diˈib këˈëm mˈatsoojëmbitëp:

1. Käjxë Génesis 3:16-23 etsë 4:1, 2.

   1. Ko ja Naxwinyëdë yajtuknikäjxpejtyë ayoˈon, ¿wiˈix yˈaxëktuunë Adán? (Gén. 3:17-19; Rom. 8:20, 22.)

   2. Tadë xëë Eevʉ yëˈë yˈandijpy “diˈib jukyˈäjtp”, ¿tiko yˈoyëty ko yëˈë dëˈën yajxëëmoojy? (Gén. 3:20.)

   3. Oyë nety të tyuundëgoytyë Adán mëdë Eevʉ, ¿wiˈixë Jyobaa dyaˈijxë yˈoyjyaˈayˈäjtënë mët yëˈëjëty? (Gén. 3:7, 21.)

2. Käjxë Diˈibʉ Jatanʉp 21:3, 4.

   ¿Tijaty mtsojkypy ets nëjx jyëjptëgoy diˈib tyam jaˈäjtp?

Maytyaˈagyë 6

1. ¿Ti tyuunkˈäjttë Kaín mëdë Abel?

2. Kaín mëdë Abel, ¿ti nyamooytyë Jyobaa?

3. ¿Tiko Jyobaa ttukjotkëdaky diˈib namooyë Abel ets tiko kyaj ttukjotkëdaky diˈib namooyë Kaín?

4. ¿Wiˈix jyaˈayˈajtyë Kaín, ets wiˈixë Jyobaa jyaˈanmääyë ets nyayaˈoyëdët?

5. ¿Ti tyuunë Kaín ko nimajtsk yajpattë kamoty mëdë myëgaˈax?

6. Ok nimaytyäˈäk wiˈix jyajtyë Kaín ko nety ja myëguˈuk të dyaˈooky.

Yajtëˈëwën diˈib këˈëm mˈatsoojëmbitëp:

1. Käjxë Génesis 4:2-26.

   1. ¿Wiˈixë Jyobaa ttukˈijxyë Kaín ko mbäädë nety tyuundëgoy extëm jyaˈayˈaty? (Gén. 4:7.)

   2. ¿Wiˈixë Kaín dyaˈijxë ti nety jap mä jyot kyorasoon? (Gén. 4:9.)

   3. ¿Wiˈixë Jyobaa tˈixy ko tyemy yekyë nyëë nyeˈpynyë jäˈäy diˈib kyaj ti ttuundëgoy? (Gén. 4:10; Isa. 26:21.)

2. Käjxë 1 Fwank 3:11, 12.

   1. ¿Tiko myëkjotˈambejkyë Kaín, ets wiˈix xytyuˈunxëmë tyäˈädë mä tyamë ndiempëˈäjtëm? (Gén. 4:4, 5; Pro. 14:30; 28:22.)

   2. Oy niˈamukë mjiiky mëguˈuk tmëtsipˈatëdë Jyobaa, ¿wiˈixë Biiblyë jyënaˈany ko mbäät xymyëdunyë Dios amumduˈukjot ets ninäˈä mgatëgoyët? (Sal. 27:10; Mat. 10:21, 22.)

3. Käjxë Fwank 11:25.

   Niˈamukë pënaty kyuˈoˈkëdëbë Diosë tyuunk, ¿ti tyunaambyë Jyobaa seguurë mët yëˈëjëty? (Fwank 5:24.)

Maytyaˈagyë 7

1. ¿Wiˈixë Enok yˈijty tëgatsy mä ja wiink jäˈäyëty?

2. Mä jyukyˈajtyë Enok, ¿tiko jäˈäy ttuundë mayë axëkˈäjtënë?

3. Ok ixë dibujë, ¿tijaty axëkˈäjtënë jam tyuundëbë jäˈäy?

4. ¿Tiko nety tsyokyëty ets ja Enok yˈitët jotmëk?

5. Ja tiempë mä Enok jyukyˈajty, ¿nëˈën ijtyë jäˈäy jyukyˈattë, per nëˈënë Enok jyukyˈajty?

6. ¿Ti tuun jäjtë ok ko ja Enok ojts yˈoˈknë?

Yajtëˈëwën diˈib këˈëm mˈatsoojëmbitëp:

1. Käjxë Génesis 5:21-24, 27.

   1. ¿Wiˈix ojts nyaymyënëjxëdë Enok mëdë Jyobaa? (Gén. 5:24.)

   2. ¿Wiˈixë Biiblyë jyënaˈany pënë tadë yetyëjk diˈib mas jeky jukyˈäjt, ets näägë netyë jyëmëjt ko ojts yˈoˈknë? (Gén. 5:27.)

2. Käjxë Génesis 6:5.

   ¿Nëˈën ja axëkˈäjtënë myëjwindëjkë yä Naxwiiny ko ja Enok ojts yˈoˈknë, ets wiˈix kyijxyë mët tyamë ndiempëˈäjtëm? (2 Tim. 3:13.)

3. Käjxë Hebreos 11:5, NM.

   ¿Diˈibë yˈoyjyaˈayˈäjtënë Enok tyukjotkëdakë Dios, ets wiˈix wyimbëtseemy? (Gén. 5:22.)

4. Käjxë Juudʉs 14, 15.

   Pënaty tyam myëduundëbë Dios, ¿wiˈix mbäät yˈittë jotmëk extëmë Enok ko tˈawanëdë jäˈäy ko ta myiny kyëdaˈagyë tsip diˈib xyëˈäjtypy Armajedón? (2 Tim. 4:2; Ebre. 13:6.)

Maytyaˈagyë 8

1. ¿Ti tuun jäjtë ko näägë Diosë yˈanklës tmëmëdoodë Satanás?

2. ¿Tiko näägë anklësëty tmastuttë tyuunk jam tsäjpotm ets kyëdaktë yä Naxwiiny?

3. ¿Tiko yˈaxëëgëty ko ja anklës kyëdaktë yä Naxwiiny ets ko nyayajjëmbijtëdë extëmë naxwinyëdë jäˈäy?

4. ¿Tiko kyëxëˈktë tëgatsy ja anklësëtyë yˈuˈunk yˈënäˈk?

5. Extëm xyˈixy mä tadë dibujë, ¿ti tyuundë ja yˈuˈunk yˈënäˈkë anklës ko ojts yaˈknëdë jantsy päjkˈyenyëty?

6. Ko Enok ojts yˈoˈknë, ¿pënë tadë yetyëjk diˈibë net jukyˈäjt yä Naxwiiny, ets tiko Dios tsyojkë?

Yajtëˈëwën diˈib këˈëm mˈatsoojëmbitëp:

1. Käjxë Génesis 6:1-8.

   Extëm jyënaˈanyë Génesis 6:6, ¿wiˈixë njukyˈäjtënëˈäjtëm mbäät dyajnayjawëtyë Jyobaa jyot kyorasoon? (Sal. 78:40, 41; Pro. 27:11.)

2. Käjxë Juudʉs 6.

   ¿Wiˈixtsoo mbäät tyam xytyuˈunxëm ko njamyajtsëmë tadë anklësëty diˈib myastuttë ja tuunk diˈibë netyë Dios të myoˈoyëdë? (1 Kor. 3:5-9; 2 Peed. 2:4, 9, 10.)

Maytyaˈagyë 9

1. ¿Ninäägë Noˈee wyinëˈäjttë, ets tijaty ja myäänk txëˈäjttë?

2. ¿Ti Dios tyukˈanaˈamë Noˈee ets dyajkojët, ets tiko?

3. ¿Wiˈix jyënandë ja jäˈäyëty ko Noˈee jyatukmëtmaytyakëdë tiko nety ja arkë dyajkojy?

4. ¿Wiˈixë Dios tˈanmääyë Noˈee ti tyunëp mët ja jëyujk animal?

5. Ko ja Dios dyaˈadijky ja arkë tëjkˈää, ¿ti net jap tyuundë Noˈee mëdë yˈuˈunk yˈënäˈk?

Yajtëˈëwën diˈib këˈëm mˈatsoojëmbitëp:

1. Käjxë Génesis 6:9-22.

   1. ¿Wiˈixë Noˈee nyigëxeˈky ko myëduumbyë netyë Diosë tëyˈäjtënbë? (Gén. 6:9, 22.)

   2. ¿Wiˈixë Jyobaa tˈixyë mëk awäˈänˈat? ¿Ets wiˈixë net mbäät xypyudëjkëm ets nwinˈijxëmë ixy jawë diˈib nˈijxëm? (Gén. 6:11, 12; Sal. 11:5.)

   3. Ko xynyëˈëmoˈoy xytyuˈumoˈoyëm pënaty myënëjxtëbë jëjpˈamˈäjtënë mä Diosë kyäjpn, ¿wiˈix mbäät nyaˈijxëm ko nbajoˈomëmë Noˈeejë yˈijxpajtënë?(Gén. 6:22; 1 Fwank 5:3.)

2. Käjxë Génesis 7:1-9.

   ¿Wiˈix xymyëjämoˈoyëm ko nijäˈäjëmë Jyobaa tˈijxyë Noˈee oyjyaˈay oyë nety pyoky jyaˈayëty? (Gén. 7:1; Pro. 10:16; Isa. 26:7.)

Maytyaˈagyë 10

1. ¿Tiko kyaj mbäät pën nyekytyëjkë arkoty ko ojts tyëjkënë tuubë?

2. ¿Näk xëë näk tsuˈumë Jyobaa dyajtuujy ets axtë nëˈënën ja nëë pyejty?

3. ¿Wiˈix ja arkë jyajty ko ja Naxwinyëdë ojts nyëpaˈts tsoˈonë?

4. ¿Tsokwëˈëmdë ja päjkˈyeny jyaˈayëty mä ja Ayoˈonduu? ¿Wiˈix jyäjttë ja tyeetyëty?

5. ¿Wiˈix ja arkë jyajty ko mëgoxk poˈo nyajxy?

6. ¿Tiko Noˈee tnasmäjtsë tuˈugë yëk joon?

7. ¿Wiˈix tnijäˈäjë Noˈee ko të nety ja nëë tyëˈëtsy?

8. Ko netyë Noˈee mëdë yˈuˈunk yˈënäˈk të yˈijnëdë tuk jëmëjt naxy arkoty, ¿wiˈixë netë Dios yˈanmääyëdë?

Yajtëˈëwën diˈib këˈëm mˈatsoojëmbitëp:

1. Käjxë Génesis 7:10-24.

   1. Ko myiinyë Ayoˈonduu, ¿pënatyë jyukyˈäjtënë jëjptëgoojy yä Naxwiiny? (Gén. 7:23.)

   2. ¿Nëˈën jyejky ets ja kom nëë jyënäjktääjy? (Gén. 7:24.)

2. Käjxë Génesis 8:1-17.

   ¿Wiˈix xytyuknijäˈäjëmë Génesis 8:17 ko diˈibë Jyobaa ojts ttuknibëjtäägë mëdë Naxwinyëdë kyaj tyëgatsy? (Gén. 1:22.)

3. Käjxë 2 Peedrʉ 2:4.

   1. Ko jyëmbijttë tsäjpotm ja anklësëty diˈib kyaj myëdoodë, ¿ti netë Dios tuknikäjxpajtëdë? (Juud. 6.)

   2. Ko dëˈënë Noˈee mëdë yˈuˈunk yˈënäˈk të yajnimaytyaˈaky, ¿wiˈix tmëjämoˈoyë nmëbëjkënyëˈäjtëm ko Jyobaa myëdäjtypyë madakënë ets dyajtsoˈogëdë nyax kyäjpn? (2 Peed. 2:9.)

Maytyaˈagyë 11

1. Extëm xyˈixy mä dibujë, ¿ti diˈib tim jawyiinë Noˈee tyuun ko pyëtsëëmdë arkoty?

2. ¿Wiˈixë netë Dios tˈanmääyë Noˈee mëdë yˈuˈunk yˈënäˈk ko pyëtsëëmdë arkoty?

3. ¿Ti wyandakë Dios?

4. Ko nˈijxëmë iˈtsy pyëtsemy, ¿ti diˈib mbäät njamyajtsëm?

Yajtëˈëwën diˈib këˈëm mˈatsoojëmbitëp:

1. Käjxë Génesis 8:18-22.

   1. ¿Ti mbäät nduˈunëm tyam etsë Jyobaa nyajnayjäˈäjëm jotkujk? (Gén. 8:21; Ebre. 13:15, 16.)

   2. ¿Wiˈixë Jyobaa jyënany mä wiˈix yajpäätyë naxwinyëdë jäˈäyë jyot kyorasoon, ets wiˈixë net mbäät naygyuentˈäjtëm? (Gén. 8:21; Mat. 15:18, 19.)

2. Käjxë Génesis 9:9-17.

   1. ¿Ti wandakënë tyuunë Jyobaa mëdë naxwinyëdë jäˈäy ets mët tëgekyë jëyujk animal? (Gén. 9:10, 11.)

   2. ¿Nëˈën tiempë jyakäˈäny ja Diosë wyandakënë diˈib tyuun ko tpëjtaky ja iˈtsy? (Gén. 9:16.)

Maytyaˈagyë 12

1. ¿Pën Nemrotˈäjt ¿Ets wiˈixë Dios yˈijxë??

2. Extëm xyˈixy mä tadë dibujë, ¿tiko jamë jäˈäyë ladriyë dyajkojtë?

3. ¿Tiko Jyobaa Dios kyaj tˈoyˈijxy ko ja jäˈäy tniwäˈkëdë ja potsy?

4. ¿Ti tyuunë Dios ets kyaj ja jäˈäyëty tnekyyajpatët ja potsy?

5. ¿Wiˈix yajxëëmoojy ja käjpn, ets wiˈix yˈayukwimbëtsemyë tadë xëë?

6. ¿Ti tyuundë ja jäˈäy ko Dios yajkäjxpëjkëdë wiingaty ayuk?

Yajtëˈëwën diˈib këˈëm mˈatsoojëmbitëp:

1. Käjxë Génesis 10:1, 8-10.

   ¿Wiˈix jyaˈayˈajtyë Nemrot, ets ti käjxwijënë xymyoˈoyëmë Biiblyë? (Pro. 3:31.)

2. Käjxë Génesis 11:1-9.

   ¿Tidën ko tniwinmäˈäyëdë ja jäˈäy dyajpëdëˈëgäˈändë mëj potsy? ¿Ets tiko nety kyaj ttukˈoybyëtsëmäˈändë? (Gén. 11:4; Pro. 16:18; Fwank 5:44.)

Maytyaˈagyë 13

1. ¿Wiˈix ja jäˈäy jyaˈayˈäjttë diˈib tsënääytyë Ur?

2. ¿Pënë tadë yetyëjk diˈib mˈijxypy mä tadë dibujë? ¿Näˈä myaxuˈunkˈäjty ets mä tsyënääjy?

3. ¿Ti Dios tyukˈanaˈamë Abra̱a̱n ets ttunët?

4. ¿Tiko Abra̱a̱n yaˈixyˈajty extëmë Diosë myëtnaymyaayëbë?

5. Ko tsyoˈonyë Abra̱a̱n Ur, ¿pënaty patsoˈonëdë?

6. Ko Abra̱a̱n jyajty mä nyaxë kanán, ¿wiˈix yˈanmääyë Jyobaa?

7. ¿Ti Dios tyukwandakë Abra̱a̱n ko tmëdäjtyë jyëmëjt 99?

Yajtëˈëwën diˈib këˈëm mˈatsoojëmbitëp:

1. Käjxë Génesis 11:27-32.

   1. ¿Wiˈix nyaymyëguˈukˈäjtë Abra̱a̱n mëdë Lot? (Gén. 11:27.)

   2. Génesis 11:31 jyënaˈany ko Taree yëˈë myënëjxë fyamilyë Kanán, ¿wiˈix nijäˈäjëm ko kyaj yëˈë ojts tmënejxy, ets ko yëˈënë Abra̱a̱n? ¿Ets tidën ko yëˈëjëtyë Abra̱a̱n? (Gén. 11:31; Apos. 7:2-4.)

2. Käjxë Génesis 12:1-7.

   Ko Abra̱a̱n jyajty mä nyaxë Kanán, ¿wiˈixë Jyobaa yˈanmääyë ko pënatyë nety nandëˈën tyukˈoyˈataambyë wandakënë diˈibë nety mëët të ttundë? (Gén. 12:7.)

3. Käjxë Génesis 17:1-8, 15-17.

   1. ¿Wiˈixë xyëë tyëgäjtsyë Abra̱a̱n ko tmëdäjtyë jyëmëjt 99? ¿Ets tiko tyëgäjtsyë xyëë? (Gén. 17:5.)

   2. ¿Ti kunuˈxënë Jyobaa yˈawäˈänë Saarʉ? (Gén. 17:15, 16.)

4. Käjxë Génesis 18:9-19.

   1. ¿Wiˈix tnigajxyë Génesis 18: 19 ti tyundëbë uˈunktääk uˈunkteety? (Deu. 6:6, 7; Éfe. 6:4.)

   2. Extëm jyajtyë Saarʉ, ¿ti xytyukniˈijxëm ko nitii mbäät ngatukwinguyuˈtsëmë Jyobaa? (Gén. 18:12, 15; Sal. 44:21.)

Maytyaˈagyë 14

1. ¿Ti Dios tyukwandakë Abra̱a̱n, ets wiˈix tkuytyuuny?

2. Extëm kyëxeˈeky mä dibujë, ¿wiˈixë Dios twinmäˈänyˈijxyë Abra̱a̱n pën myëdäjtypyë mëbëjkën?

3. ¿Tyuunë Abra̱a̱n ti Dios tukˈanaˈamë oy tkajaygyujkë tidën ko dëˈën yaˈanmääjy?

4. ¿Ti tuun jäjtë ko ja Abra̱a̱n tjuˈtyë tsyujkn ets dyaˈoogäˈänyë yˈuˈunk?

5. ¿Nëˈënë Abra̱a̱n tmëdäjtyë mëbëjkën mä Dios?

6. ¿Ti Dios myooyë Abra̱a̱n ets tyukwintsëˈëgëdët, ets wiˈix tmoojy?

Yajtëˈëwën diˈib këˈëm mˈatsoojëmbitëp:

1. Käjxë Génesis 21:1-7.

   Ko tyuktujkxëbejty mä ja Isa̱a̱ myaxuˈunkˈäjty, ¿tiko yajtsijky waanë mä ja yetyëjkˈäjtën? (Gén. 17:10-12; 21:4.)

2. Käjxë Génesis 22:1-18.

   ¿Wiˈix dyaˈijxë Isa̱a̱ ko myëmëdoojë tyeety? Ets extëm tyäˈädë tyuun jyäjtë, ¿pënë nety nandëˈën naygyëyakanëp extëmë Isa̱a̱ diˈibë jäˈäy tyukˈoyˈataampy ko ja tiempë tpäädët? (Gén. 22:7-9; 1 Kor. 5:7; Fili. 2:8, 9.)

Maytyaˈagyë 15

1. ¿Tiko ojts nyaywyäˈxëdë Abra̱a̱n mëdë Lot?

2. ¿Tiko Lot tsyëënëyany Sodomʉ?

3. ¿Wiˈix jyaˈayˈäjttë ja jäˈäy diˈib tsënääytyë Sodomʉ?

4. ¿Tiko Dios ttuknigejxyë Lot majtskë anklës?

5. ¿Tiko jyëmbijty käänbotsy ja nyëdoˈoxyë Lot?

6. ¿Ti xytyukniˈijxëm extëm jyajty ja nyëdoˈoxyë Lot?

Yajtëˈëwën diˈib këˈëm mˈatsoojëmbitëp:

1. Käjxë Génesis 13:5-13.

   Ko nyaˈoyëyäˈänëm tuˈugë jotmay mëdë nmëguˈukˈäjtëm, ¿wiˈix mbäät xypyudëjkëmë Abra̱a̱në yˈijxpajtën? (Gén. 13:8, 9; Rom. 12:10; Fili. 2:3, 4.)

2. Käjxë Génesis 18:20-33.

   Ko nijäˈäjëm wiˈixë Jyobaa myaytyaktë mëdë Abra̱a̱n, ¿wiˈixë net mbäät nˈijtëm seguurë ko Jyobaa mëdë Jesús tyunandëbë tëyˈäjtënë ko myinëdë Armajedón? (Gén. 18:25, 26; Mat. 25:31-33.)

3. Käjxë Génesis 19:1-29.

   1. Extëm jyënaˈanyë Génesis 19:5, 13, ¿wiˈix tˈixyë Dios ko jäˈäy yˈity tsyëënë yetyëjk ak yetyëjk? (Gén. 19:5, 13; Lev. 20:13.)

   2. ¿Wiˈixë Abra̱a̱n mëdë Lot, tëgatsyatyë Dios tmëmëdoodë? ¿Ets ti tyäˈädë xytyukniˈijxëm? (Gén. 19:15, 16, 19, 20; 22:3.)

4. Käjxë Lukʉs 17:28-32.

   ¿Wiˈix tˈijxy ja jukyˈäjt madakënë diˈibë nety myëdäjtypy ja nyëdoˈoxyë Lot? ¿Ets wiˈix xypyudëjkëmë yˈijxpajtënë ets kyaj dëˈën njäˈäyˈäjtëm? (Luk. 12:15; 17:31, 32; Mat. 6:19-21, 25.)

5. Käjxë 2 Peedrʉ 2:6-8.

   Extëmë Lot tˈijxyë axëkˈäjtën, ¿wiˈix ëtsäjtëm nandëˈën mbäät nˈokˈijxëmë axëkˈäjtënë diˈibë jaˈäjtp oy myääjëty? (Eze. 9:4; 1 Fwank 2:15-17.)

Maytyaˈagyë 16

1. ¿Ti txëˈatyë tadë kiixy diˈib jam mˈijxypy mä dibujë, ets pënë tadë mixy diˈib jam nyimiimpy?

2. ¿Ti tyuunë Abra̱a̱n ets ja Isa̱a̱ tpatyë nyëdoˈoxy? ¿Ets tiko dëˈën ttuuny?

3. Ko ja Abra̱a̱në tyuumbë nyuˈkxtaktääjy, ¿ti tuun jäjtë diˈib yaˈijxë ko Jyobaa myëdoo ja nyuˈkxtakën?

4. ¿Wiˈixë Rebekʉ yˈatsoojy ko yaˈanmääjy pën pyëkaambyë Isa̱a̱?

5. ¿Ti diˈib jatëgokë Isa̱a̱ jotkujkmooyë?

Yajtëˈëwën diˈib këˈëm mˈatsoojëmbitëp:

1. Käjxë Génesis 24:1-67.

   1. ¿Wiˈixë Rebekʉ dyaˈijxë yˈoyjyaˈayˈäjtënë ko nyaybyatë mëdë Abra̱a̱në tyuumbë mä ja nëgoondakn? (Gén. 24:17-20; Pro. 31:17, 3 1.)

   2. ¿Wiˈix tyam mbäädë Dios mëduumbëty yˈokpudëkëdë yˈijxpajtënë Abra̱a̱n, ko kyaj ja myäänk ttukpejkyë toxytyëjk diˈib kyaj tˈawdatyë Jyobaa? (Gén. 24:37, 38; 1 Kor. 7:39; 2 Kor. 6:14.)

   3. ¿Tiko yˈoyëty njuˈtëmë tiempë ets nwinmäˈäyëm këkpäät tëgekyë diˈib oy, dëˈën extëm ttuunyë Isa̱a̱? (Gén. 24:63; Sal. 77:12; Fili. 4:8.)

Maytyaˈagyë 17

1. ¿Pën Esa̱ˈuuˈäjt ets Jakoobˈäjt, ets wiˈix tyëgatsyˈäjttë?

2. ¿Näägë netyë jyëmëjtë Esa̱ˈuu mëdë Jakoob ko tyatwelë Abra̱a̱n yˈoˈky?

3. ¿Ti tyuunë Esa̱ˈuu ets päätyë tyääk tyeety myaajy tyäjtë?

4. ¿Tiko Esa̱ˈuu mëk ttukjotˈambejkyë Jakoob?

5. ¿Wiˈixë Isa̱a̱ tˈanmääyë Jakoob?

Yajtëˈëwën diˈib këˈëm mˈatsoojëmbitëp:

1. Käjxë Génesis 25:5-11, 20-34.

   1. ¿Wiˈixë Jyobaa jyënany mä wiˈixë Rebekʉ yˈuˈunk yˈënäˈk yˈitäˈändë? (Gén. 25:23.)

   2. ¿Wiˈix tëgatsyatyë Jakoob mëdë Esa̱ˈuu tˈijxtë ja madakënë diˈibë nety myëdäjttëp mä kyaˈaxkopkˈattët? (Gén. 25:31-34.)

2. Käjxë Génesis 26:34, 35; 27:1-46, etsë 28:1-5.

   1. ¿Wiˈix kyëxeˈky ko Esa̱ˈuu kyaj tmëjjäˈäjë Diosë jyaˈa? (Gén. 26:34, 35; 27:46.)

   2. ¿Wiˈixë Jakoob yˈanmääyë tyeety ti tyunëp ets tˈaxäjët ja Diosë kyunuˈxën? (Gén. 28:1-4.)

3. Käjxë Ebreeʉsʉty 12:16, 17.

   ¿Ti mbäät xyjäjt xykyëbajtëm ko ngamëjäˈäjëmë Diosë jyaˈa extëmë Esa̱ˈuu?

Maytyaˈagyë 18

1. ¿Pënë tadë kiixy diˈib jam mˈijxmiimpy mä dibujë, ets ti Jakoob tyukmëduunë tadë kiixy?

2. ¿Ti Jakoob tyuun ets tpëkëdë Rakel?

3. ¿Ti tyuunë Laban ko jyajty ja tiempë ets tkëyakëdë Rakel?

4. ¿Ti Jakoob kyupëjk tˈaktunäˈäny ets yajmoˈoyëdë Rakel?

Yajtëˈëwën diˈib këˈëm mˈatsoojëmbitëp:

1. Käjxë Génesis 29:1-30.

   1. Oyë Laban tˈokwinˈëˈënyë Jakoob, ¿wiˈixë Jakoob dyaˈijxë ko yëˈë nety tuˈugë jäˈäy diˈib kyuytyuumbyë yˈayuk? ¿Ets ti diˈibë tyäˈädë xytyukniˈijxëm? (Gén. 25:27; 29:26-28; Sant. 5:12.)

   2. Extëmë Jakoob dyaˈijxë ko jyantsy tsyojkë Rakel, ¿wiˈix tyam mbäät kyëxeˈeky ko tuˈugë jäˈäy tjantsy tsyoky pën? (Gén. 29:18, 20, 30; Cant. de Cant. 8:6.)

   3. ¿Tijaty ja toxytyëjk txëˈäjttë diˈib mëdë Jakoob yˈuˈunk yˈënäˈk tpattë? (Gén. 29:23, 24, 28, 29.)

Maytyaˈagyë 19

1. ¿Tijaty txëˈäjttë ja nidëdujkpë myäängë Jakoob diˈib pyat mëdë Lea?

2. ¿Ti txëˈäjttë ja nimajtskpë myäängë Jakoob diˈib pyat mëdë Silpaa, ja Lea tyuumbë?

3. ¿Ti txëˈäjttë ja nimajtskpë myäängë Jakoob diˈib pyat mëdë Bilaa, ja Rakelë tyuumbë?

4. ¿Ti txëˈäjttë ja nimajtskpë myäängë Rakel, ets wiˈix jyajty mä nety dyajmaxuˈunkˈaty ja myëmajtskpë?

5. Extëm kyëxeˈeky mä dibujë, ¿ninäägë Jakoob myäänk tmëdäjty, ets ti ja mëj käjpn txëˈäjty ko ojts jyantsy myayëndë?

Yajtëˈëwën diˈib këˈëm mˈatsoojëmbitëp:

1. Käjxë Génesis 29:32-35; 30:1-26, etsë 35:16-19.

   Extëm të ngäjxëmë Génesis, ¿wiˈixë ijty ja ënäˈkuˈungë xyëë tpëktë?

2. Käjxë Génesis 37:35.

   Biiblyë yëˈëyë myaytyakypyë Dina, ¿wiˈix nijäˈäjëm ko Jakoob kyaj jeˈeyë tuˈugë nyëëx tmëdäjty? (Gén. 37:34, 35.)

Maytyaˈagyë 20

1. ¿Tiko Abra̱a̱n mëdë Isa̱a̱ kyaj ttukmëtsojktë myäängëty ets tpëktëdë toˈoxyˈënäˈk diˈib Kanán?

2. ¿Yˈoyˈijxë Jakoob ko ja nyëëx nyaymyayëty mët ja toˈoxyˈënäˈk diˈib Kanán?

3. Ok ix mä dibujë, ¿pënë tadë mixy diˈib jam yˈijxypyë Dina, ets ti tyukmëduundëgoojy?

4. ¿Ti tyuunë Simeonk mëdë Leví ko tnijäˈäjëdë wiˈixë netyë Dina të jyaty?

5. ¿Wiˈix nyayjäˈäjë Jakoob extëm yˈadëtstë Simeonk mëdë Leví?

6. ¿Wiˈix tsyondakyë tyäˈädë amay jotmay mä ja yˈuˈunk yˈënäˈkë Jakoob?

Yajtëˈëwën diˈib këˈëm mˈatsoojëmbitëp:

1. Käjxë Génesis 34:1-31.

   1. ¿Jeˈeyëdaa Dina tëgok ojts tkuˈixy ja toˈoxyˈënäˈk diˈib tsënääytyëp Kanán? Ok nimaytyäˈäk (Gén. 34:1).

   2. ¿Tiko mbäät njënäˈänëm ko Dina yëˈë nandëˈënë pyoky ko dyajtëgooyë kyixydoˈoxyˈat? (Gal. 6:7.)

   3. ¿Wiˈix tyam mbäädë ënäˈktëjk dyaˈixëdë ko pyëjktëjkëdëbë Dina yˈijxpajtënë ets kyaj nandëˈën jyotmaybyäättët? (Pro. 13:20; 1 Kor. 15:33; 1 Fwank 5:19.)

Maytyaˈagyë 21

1. ¿Tiko tjäˈäjëdë naywyinaxë ja Josee myëgaˈaxëty, ets ti tyuundë?

2. ¿Wiˈix ja Josee myëgaˈaxëty jyatunanëdë, per wiˈix jyënanyë Ruben?

3. ¿Ti tyuundë ko tˈijxmiindë ja ismaelitëty diˈib ajuujy adoˈktëp?

4. ¿Ti tyuundë ja Josee myëgaˈaxëty ets ja tyeety wyinmayët ko të Josee yˈoˈknë?

Yajtëˈëwën diˈib këˈëm mˈatsoojëmbitëp:

1. Käjxë Génesis 37:1-35.

   1. ¿Wiˈix tyamë Dios mëduumbëty mbäät tpanëjxtë yˈijxpajtënë Josee ko nandëˈën tnimaytyäˈäktët ko pën ti ttuundëgoyët mä naymyujkëm? (Gén. 37:2; Lev. 5:1; 1 Kor. 1:11.)

   2. ¿Tidën ko ja Josee kyëyäjkëdë myëgaˈaxëty? (Gén. 37:11, 18; Pro. 27:4; Sant. 3:14-16.)

   3. ¿Ti tyuunë Jakoob ko ja yˈuˈunk tnimääjy tnidäjy diˈib xytyukˈijxëm ko mbäät oypyënëty dëˈën nyayjawëty? (Gén. 37:35.)

Maytyaˈagyë 22

1. ¿Näägë netyë Josee jyëmëjt ko ojts yajmënejxy Ejiptʉ, ets ti tuun jäjtë ko jap yajmëjäjty?

2. ¿Tiko Josee yajpëjtaky pujxndëgoty?

3. ¿Ti yajtuknipëjk jap pujxndëgoty?

4. Ko nety jap yˈittë pujxndëgoty, ¿ti Josee tyukmëduun ja diˈibë Faraón mooyëbë binë, etsë ja diˈib mooyëbë tsäjkaaky?

5. ¿Ti tuun jäjtë ko binë yäjkpë pyëtseemy pujxndëgoty, per ti jyaˈaytyëgoojy ttunët?

Yajtëˈëwën diˈib këˈëm mˈatsoojëmbitëp:

1. Käjxë Génesis 39:1-23.

   ¿Tiko Josee tkugeky ja Potifaarë nyëdoˈoxy, oyë nety mä kyaˈity kujayë ja Diosë yˈanaˈamënë mä dyajkubokyë ijt tsënaaky mëdë wiink yetyëjk o mëdë wiink toxytyëjk? (Gén. 2:24; 20:3; 39:9.)

2. Käjxë Génesis 40:1-23.

   1. Nimaytyäˈäk wiˈix kyumääjy ja diˈibë Faraón mooyëbë binë, ets wiˈixë Josee ojts dyajnikejy mëdë Jyobaa nyaybyudëkë (Gén. 40:9-13).

   2. ¿Wiˈix kyumääjy ja diˈibë Faraongë tsäjkaaky mooyëp, ets wiˈix ja kyumäˈäy ojts nyikejy? (Gén. 40:16-19.)

   3. ¿Wiˈix tyam tpanëjxtë yˈijxpajtënë Josee, tadë tuk grupë “tuumbë diˈibë kuwijy ets tyuumpy diˈibë wyintsën tsyojkypy”? (Gén. 40:8; Sal. 36:9; Fwank 17:17; Apos. 17:2, 3.)

   4. Extëm nˈijxëm ti tuun jäjtë mä Génesis 40:20, ¿wiˈixë net mbäädë Dios mëduumbëty tˈixtë mä jäˈäy nyaynyixëdunëdë ko xyëë jyëmëjt dyaˈabety? (Ecl. 7:1; Mar. 6:21-28.)

Maytyaˈagyë 23

1. ¿Ti jäjtë Faraón mä tuˈugë ux?

2. Ja diˈibë Faraongë byinë yajnäjxëp, ¿näˈänëm tjamyejtsyë Josee?

3. ¿Ti kyumääjë Faraón extëm xyˈixy mä dibujë?

4. ¿Wiˈixë Josee ojts dyajnikejy ja kumäˈäy?

5. ¿Tiko Josee jyajty extëmë myëmajtsk anaˈambë jap Ejiptʉ?

6. ¿Ti nyinëjxtë ja Josee myëgaˈaxëty jap Ejiptʉ, ets tiko kyaj yaˈëxkajpyë Josee?

7. ¿Diˈibë kyumäˈäyë Josee jyamyajts, ets ti jyaygyujkë ko tjamyejtsy ja kyumäˈäy?

Yajtëˈëwën diˈib këˈëm mˈatsoojëmbitëp:

1. Käjxë Génesis 41:1-57.

   1. ¿Wiˈixë Josee ojts tkugäjxë Jyobaa? ¿Ets wiˈix ëtsäjtëm mbäät niˈijxtutëm? (Gén. 41:16, 25, 28; Mat. 5:16; 1 Peed. 2:12.)

   2. Extëm Ejiptʉ jyapˈäjty ja jeˈxy peky jëxtujk jëmëjt, ¿wiˈix tyam yajpääty Dios windum niˈamukë jäˈäy diˈib tyukˈijtëdëbë Diosë kyäjpn? Ets ko jyapˈäjty nandëˈën ja yuu jëxtujk jëmëjt, ¿wiˈix tyam yajpääty Dios windum niˈamukë jäˈäy diˈib tyukˈijtëdëbë relijyonk diˈib jënandëp ko tpanëjxtë Kristʉ? (Gén. 41:29, 30; Amós 8:11, 12.)

2. Käjxë Génesis 42:1-8 etsë 50:20.

   ¿Axëëk ko Dios mëduumbë tniwindäˈägët tuˈugë jäˈäy diˈib myëdäjtypyë kutujkënë, pën dëˈën ja kostumbrë mä ja käjpn? (Gén. 42:6.)

Maytyaˈagyë 24

1. ¿Tiko Josee tniwäämbejty ja myëgaˈaxëty ko jeˈeyë nety të jyäˈttë käjpn niˈijxpë?

2. ¿Tiko Jakoob tnasˈijxë ets ja myutsk määnk nyëjxët Ejiptʉ?

3. ¿Tiko ja kyopë Josee yajpaty mä ja Bejamingʉ xyäˈk?

4. ¿Wiˈixë Judaa jyënany ets ja Bejamingʉ yˈawäˈätspëtsëmët?

5. ¿Wiˈix ja Josee tˈijxy ko të nety ja myëgaˈaxëtyë tyëgatstë ja jyaˈayˈäjtënë?

Yajtëˈëwën diˈib këˈëm mˈatsoojëmbitëp:

1. Käjxë Génesis 42:9-38.

   Extëm yajkujäˈäyë Josee yˈää yˈayuk mä Génesis 42:18, ¿wiˈix tyam mbäät pyudëkëty pënaty nyikëjxmˈäjttëbë tuunk mä Diosë kyäjpn? (Neh. 5:15; 2 Kor. 7:1, 2.)

2. Käjxë Génesis 43:1-34.

   1. ¿Wiˈix nijäˈäjëm ko Judaa yëˈë diˈib xëmë käjxp oymyääty, oyë netyë Ruben yëˈë jyakaˈaxkopkëty? (Gén. 43:3, 8, 9; 44:14, 18; 1 Cró. 5:2.)

   2. ¿Wiˈix ja Josee twinmäˈänyˈijxy ja myëgaˈaxëty, ets tiko twinmäˈänyˈijxy? (Gén. 43:33, 34.)

3. Käjxë Génesis 44:1-34.

   1. ¿Wiˈixë Josee nyayajnäjxë ets kyaj ja myëgaˈaxëty yˈëxkapëdët? (Gén. 44:5, 15; Lev. 19:26.)

   2. ¿Wiˈix dyaˈijxëdë ja myëgaˈaxëtyë Josee ko kyaj nety nyekyˈaxëkjäˈäyˈattë extëm ko tˈaxëkˈijxtë Josee? (Gén. 44:13, 33, 34.)

Maytyaˈagyë 25

1. ¿Ti tuun jäjtë ko ja Josee jyënany: Ëjtsën Josee diˈib miitsëty mëgaˈaxˈäjttëp?

2. ¿Wiˈixë Josee tˈanmääyë myëgaˈaxëty mëdë yuunkˈäjt naxypyˈäjtën?

3. ¿Ti tyuunë Faraón ko tnijäˈäjë të jyäˈttë Josee myëgaˈaxëty?

4. ¿Ninäägë nety nyiwinëˈattë Jakoob ja fyamilyë ko ojts nyëjxtë tsënaabyë Ejiptʉ?

5. ¿Wiˈix yajxëëmoojy ja fyamilyë Jakoob, ets tiko dëˈën yajxëëmoojy?

Yajtëˈëwën diˈib këˈëm mˈatsoojëmbitëp:

1. Käjxë Génesis 45:1-28.

   Extëmë Biiblyë tnimaytyaˈagyë Josee, ¿wiˈix xytyukˈijxëm ko Jyobaa mbäät ok dyaˈoybyëtsemy ko jäˈäy tjatuknibëjtäägëdë tˈaxëktunäˈänyë Dios mëduumbëty? (Gén. 45:5-8; Isa. 8:10; Fili. 1:12-14.)

2. Käjxë Génesis 46:1-27.

   ¿Wiˈixë Jyobaa tjotmëkmooyë Jakoob ko nety nyejxy Ejiptʉ? (Gén. 46:1-4, mˈixëbë nota.)

Maytyaˈagyë 26

1. ¿Pën Jobˈäjt?

2. ¿Wiˈixë Satanás wyinmääjy? ¿Tyukpëtsëëmëdaa wyinmäˈäny?

3. ¿Ti nyasˈijxë Jyobaa ets ttunëdë Satanás, ets tiko?

4. Ok ix mä dibujë, ¿tiko Job yˈanmääyë nyëdoˈoxy mëgäjxtëgoyë Dios ets mˈoˈknët?

5. Extëm mbäät xyˈixy mä myëmajtskpë dibujë, ¿wiˈixë Jyobaa ojts tkuniˈxyë Job, ets tiko?

6. Pën ëtsäjtëm xëmë Jyobaa nmëduˈunëm extëmë Job, ¿ti kunuˈxënë Jyobaa xymyoˈoyäˈänëm?

Yajtëˈëwën diˈib këˈëm mˈatsoojëmbitëp:

1. Käjxë Job 1:1-22.

   ¿Wiˈix tyamë Dios mëduumbëty mbäät tniˈijxtuˈuttë yˈijxpajtënë Job? (Job 1:1; Fili. 2:15; 2 Peed. 3:14.)

2. Käjxë Job 2:1-13.

   Ko Satanás tmooyë amay jotmayë Job, ¿wiˈixë Job jyënany ets wiˈix jyënanyë nyëdoˈoxy? (Job 2:9, 10; Pro. 19:3; Miq. 7:7; Mal. 3:14.)

3. Käjxë Job 42:10-17.

   1. ¿Wiˈixë Dios ojts mas niˈigyë tkuniˈxyë Job etsë Jesús ko ninäˈä ojts kyamastuˈudëdë? (Job 42:12; Fili. 2:9-11.)

   2. ¿Wiˈix xymyëjamoˈoyëm ko nijäˈäjëm ko Job ojtsë Jyobaa kyuniˈxyëty ko kyaj tmastuty? (Job 42:10, 12; Ebre. 6:10; Sant. 1:2-4, 12; 5:11.)

Maytyaˈagyë 27

1. ¿Pënatyë tadë jäˈäy diˈib jam mä dibujë mëdë poˈowojpn, ets pën jam wyojpy?

2. ¿Wiˈix ja israelitëty jyäjttë ko ja Josee ojts yˈoˈknë?

3. ¿Tiko ja Ejiptʉ jäˈäyëty ojts ttsëˈkëndë ja israelitëty?

4. ¿Ti ja Faraón tyukˈanaˈam ja parteerëty?

Yajtëˈëwën diˈib këˈëm mˈatsoojëmbitëp:

1. Käjxë Éxodo 1:6-22.

   1. ¿Wiˈixë Jyobaa dyaˈadëëtsondaky diˈibë netyë Abra̱a̱n të ttukwandaˈaky? (Éxo. 1:7; Gén. 12:2; Apos. 7:17.)

   2. ¿Wiˈix dyaˈijxëdë ja parteerë israelitëty ko myëjˈijxtëbë jukyˈäjtënë? (Éxo. 1:17; Gén. 9:6.)

   3. ¿Ti kunuˈxënë yˈaxäjëdë ja parteerëty mët ko tmëmëdoodë Jyobaa? (Éxo. 1:20, 21; Pro. 19:17.)

   4. ¿Wiˈixë Satanás tjayajtuˈudukany diˈibë netyë Jyobaa të ttuknibëjtäägë mëdë Abra̱a̱në tyëëmp yˈääts? (Éxo. 1:22; Mat. 2:16.)

Maytyaˈagyë 28

1. ¿Pënë tadë maxuˈunk diˈib jam mˈijxypy mä dibujë, ets pënë tadë kiixy diˈib jam kyëˈëmëmäjtsëp?

2. ¿Ti tyuunë Moisesë tyääk etsë Moisés kyaj yˈoogët?

3. ¿Pënë tyäˈädë kixyuˈunk diˈib jam mä dibujë, ets ti tyuun?

4. Ko ja Faraongë nyëëx tpaty ja maxuˈunk, ¿wiˈixë Miiriam yˈanmääyë?

5. ¿Wiˈix ja Faraongë nyëëx tˈanmääjy ja Moisesë tyääk?

Yajtëˈëwën diˈib këˈëm mˈatsoojëmbitëp:

1. Käjxë Éxodo 2:1-10.

   ¿Tiko yëˈë Moisesë tyääk ojts yˈëwijy kyäjxwijˈyëty mä myutskˈäjty? ¿Ets ti tyam mbäädë uˈunktääk uˈunkteety ttuundë mëdë yˈuˈunk yˈënäˈk? (Éxo. 2:9, 10; Deu. 6:6-9; Pro. 22:6; Éfe. 6:4; 2 Tim. 3:15.)

Maytyaˈagyë 29

1. ¿Mä yeˈky pyejtyë Moisés? Ets, ¿nyijäˈäbë nety pën tyääkˈäjty tyeetyˈajtypy?

2. ¿Ti tyuunë Moisés ko tmëdäjtyë jyëmëjt 40?

3. ¿Wiˈixë Moisés tˈanmääjy tuˈugë israelitë diˈibë nety jam tsyiˈkypyë myëguˈuk, ets wiˈix yˈatsoojë?

4. ¿Tiko Moisés kyeky Ejiptʉ?

5. ¿Mä jyajtyë Moisés ko kyeky Ejiptʉ, ets pën jam yˈixyˈäjt?

6. ¿Ti tyuunkˈäjtë Moisés nëˈën jam yˈijty Madyan?

Yajtëˈëwën diˈib këˈëm mˈatsoojëmbitëp:

1. Käjxë Éxodo 2:11-25.

   Oyë Moisés yajmoojy ja ëxpëjkënë mä ja Faraongë tyëjk, ¿wiˈix dyaˈijxë ko tsyojk mëkë Jyobaa ets ko kyaj tnaˈijxy ja kyäjpn? (Éxo. 2:11, 12; Ebre. 11:24.)

2. Käjxë Apostʉlʉty 7:22-29.

   ¿Ti ëtsäjtëm mbäät njäjtëm ko nijäˈäjëm ko Moisés këˈëm tjayaˈawäˈätspëtsëmanyë israelitëty? (Apos. 7:23-25; 1 Peed. 5:6, 10.)

Maytyaˈagyë 30

1. ¿Ti txëˈatyë tadë kopk diˈib jam mä tadë dibujë?

2. ¿Ti yˈijxë Moisés ko ojts jyaˈty mä tadë kopk mëdë byorreegë?

3. ¿Wiˈix jyënany ja ayuk diˈib pëtsëëm mä ja ujts yeeny, ets pënë nety käjxp?

4. ¿Wiˈixë Moisés yˈatsoojy ko Dios yˈanmääyë ets nëjx dyajpëtsemyë kyäjpn jap Ejiptʉ?

5. ¿Wiˈixë Dios tˈanmääyë Moisés tˈatsowëdë israelitëty ko yajtëwëdët pën të kyexyëty?

6. Ko ja Moisés jyäˈtët jap Ejiptʉ, ¿wiˈix dyaˈixëdët ko Diosë nety të kyexyëty?

Yajtëˈëwën diˈib këˈëm mˈatsoojëmbitëp:

1. Käjxë Éxodo 3:1-22.

   Ko nayjäˈäjëm extëm kyaj nmëmadäˈägäˈänëm tuˈugë tuunk diˈib yajmoˈoyëm mä Diosë kyäjpn, ¿tiko mbäät nˈijtëm seguurë ko Jyobaa mbäät xypyudëjkëm extëm tpudëjkë Moisés? (Éxo. 3:11, 13; 2 Kor. 3:5, 6.)

2. Käjxë Éxodo 4:1-20.

   1. ¿Wiˈixë Moisesë jyaˈayˈäjtënë tyëgäjtsy nëˈën yˈijty 40 jëmëjt Madyan? ¿Ets ti net mbäät tjattë pënaty myënëjxandëbë jëjpˈamˈäjtënë mä Diosë kyäjpn? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Ko nyajjëjwijtsëmbijtëm mä Jyobaa kyäjpn, ¿wiˈix mbäät xypyudëjkëmë Moisés yˈijxpajtënë? (Éxo. 4:12-14; Sal. 103:14; Ebre. 12:4-11.)

Maytyaˈagyë 31

1. ¿Wiˈix wyinmääytyë israelitëty ko tˈijxtë ja mëjˈäjtënë diˈib tyuunë Moisés mëdë Arón?

2. ¿Wiˈixë Moisés mëdë Arón tˈanmääytyë Faraón, ets wiˈix yˈatsoojë?

3. Extëm kyëxeˈeky mä dibujë, ¿wiˈix jyëmbijty ja Arongë tyäjk ko tnasjëduˈujë?

4. ¿Ti tyuunë Jyobaa etsë Faraón tnijawët pënë dëˈën yëˈë, per wiˈix jyënanyë Faraón?

5. ¿Ti tyuunë Faraón ko tyukjäjtë ja myëmäjkpë ayoˈon?

Yajtëˈëwën diˈib këˈëm mˈatsoojëmbitëp:

1. Käjxë Éxodo 4:27-31 etsë 5:1-23.

   ¿Tidën ko ja Faraón jyënany: Kyajts nˈixyˈatyë Jyobaa? (Éxo. 5:2; 1 Sam. 2:12; Rom. 1:21.)

2. Käjxë Éxodo 6:1-13, 26-30.

   1. Oyë Abra̱a̱n, Isa̱a̱ mëdë Jakoob yˈanmääyëdë Dios ko txëˈaty Jyobaa, ¿ti diˈib kyaj tyuknijäˈäjëdë? (Éxo. 3:13, 14; 6:3; Gén. 12:8.)

   2. ¿Wiˈix nayjäˈäjëm ko nijäˈäjëmë Jyobaa dyajtuunyë Moisés, oy nyayjäˈäjë extëm kyaj tmëmadäˈägany ja tuunk diˈib Jyobaa tuknipëjkë? (Éxo. 6:12, 30; Luk. 21:13-15.)

3. Käjxë Éxodo 7:1-13.

   1. Ko Moisés mëdë Arón ojts tninëjxtë Faraón ets amëk jotmëk tˈanmääytyë ti netyë Jyobaa tyunaampy, ¿wiˈixë net tyamë Dios mëduumbëty mbäät tpanëjxtë yˈijxpajtënë? (Éxo. 7:2, 3, 6; Apos. 4:29-31.)

   2. ¿Wiˈixë Jyobaa dyaˈijxë ko yëˈë myëdäjtypy niˈigyë mëjää, ets kyaj dyëˈënëty nëˈën tëgekyë dios diˈib Ejiptʉ? (Éxo. 7:12; 1 Cró. 29:12.)

Maytyaˈagyë 32

1. Ok ixë tadë dibujë, ets nigäjx tëgëëgë tim jawyiimbë ayoˈon diˈibë Jyobaa kyajx Ejiptʉ.

2. ¿Patääyë israelitë ja mäjkpë ayoˈon diˈib Jyobaa kyajx Ejiptʉ? Ok nimaytyäˈäk.

3. ¿Ti ayoˈonë Jyobaa kyajx mä ja myëmäjtaxkpë, myëmëgoxkpë etsë myëdëdujkpë?

4. ¿Ti ayoˈonë Jyobaa kyajx mä ja myëjëxtujkpë, myëduktujkpë etsë myëdaxtujkpë?

5. ¿Ti Jyobaa tyukˈanaˈam ja israelitëty ttundët mä nety kyaminyëm ja myëmäjkpë ayoˈon?

6. ¿Ti ayoˈonë Jyobaa kyajx mä ja myëmäjkpë, ets ti net ok tuun jäjtë?

Yajtëˈëwën diˈib këˈëm mˈatsoojëmbitëp:

1. Käjxë Éxodo 7:19-8:23.

   1. Ja xëwëj xëmaabyëty jeˈeyë tmëmadaktë tˈaduunaxtët majtskë ayoˈon diˈibë Jyobaa kyajx jap Ejiptʉ, ets ko tkanekymyëmadaktë ja wiingatypyë, ¿wiˈixë net kuanë ojts jyënanëdë? (Éxo. 8:18, 19; Luk. 11:15-20.)

   2. Mä ja myëmäjtaxkpë ayoˈon diˈibë Jyobaa kyajx, ¿wiˈix dyaˈijxë ko yëˈë myëdäjtypyë madakënë ets tkuwäˈänëdë kyäjpn? Ets ko dëˈën nijäˈäjëm, ¿wiˈixë net tyam mbäät nayjäˈäjëm ets nwinguwäˈkëm ja mëj ayoˈon diˈib miin këdakp? (Éxo. 8:22, 23; Diˈibʉ Jat. 7:13, 14; 2 Cró. 16:9.)

2. Käjxë Éxodo 8:24; 9:3, 6, 10, 11, 14, 16, 23-25, etsë 10:13-15, 21-23.

   1. Mä ja mäjkpë ayoˈon diˈibë Jyobaa kyajx Ejiptʉ, ¿pënaty ojts nyaywyäˈxëdë majtsk grupë? ¿Ets ti tyäˈädë nandëˈën tyam xytyukˈijxëm? (Éxo. 8:10, 18, 19; 9:14.)

   2. ¿Wiˈix xypyudëjkëmë Éxodo 9:16 ets njaygyujkëm tidën ko Jyobaa tnasˈixë etsë Satanás jyukyˈäjtˈadëˈëtsët? (Rom. 9:21, 22, NM.)

3. Käjxë Éxodo 12:21-32.

   Mä ja Paskë, ¿ti tyuundë israelitëty ets nyitsoˈoktët? Ets dëˈën extëm ja Paskë yajnitsoky, ¿pënë nety yajnitsoˈogäämp ko ja tiempë tpäädët? (Éxo. 12:21-23; Fwank 1:29; Rom. 5:18, 19, 21; 1 Kor. 5:7.)

Maytyaˈagyë 33

1. ¿Ninäägë israelitë pyëtsëëmdë Ejiptʉ, ets pënaty patsoˈonëdë?

2. Ko nety ja israelitëty të tsyoˈondääynyëdë Ejiptʉ, ¿wiˈix jyënanyë Faraón, ets ti net tyuundë?

3. ¿Ti pyëjtakë Jyobaa ets ja Faraón mëdë tsyiptuumbëty kyaj tnaspäädëdët ja israelitëty?

4. ¿Ti tuun jäjtë ko Moisés tkäjptëëyë tyäjk mä ja mejny, ets ti net tyuundë ja israelitëty?

5. ¿Ti tuun jäjtë ko ja Ejiptʉ jäˈäy tpadëjkëdë ja israelitëty mä ja mejny?

6. ¿Wiˈix dyaˈijxëdë ja israelitëty ko jotkujk jyantsy nyayjäˈäjëdë ets ko myëjjäˈädëbë nety ko Jyobaa të yajtsoˈogëdë?

Yajtëˈëwën diˈib këˈëm mˈatsoojëmbitëp:

1. Käjxë Éxodo 12:33-36.

   ¿Ti tyuunë Jyobaa ets ja israelitëty yajmoˈoyët tijaty mët ko nety jap Ejiptʉ të yajtuumbëˈat yajmosëˈattë? (Éxo. 3:21, 22; 12:35, 36.)

2. Käjxë Éxodo 14:1-31.

   Extëm jyënanyë Éxodo 14:13, 14, ¿wiˈix mbäät nyayjawëdë Dios mëduumbëty mä ja tsip diˈib miin këdakp diˈib xyëˈäjtypy Armajedón? (2 Cró. 20:17; Sal. 91:8.)

3. Käjxë Éxodo 15:1-8, 20, 21.

   1. ¿Tiko mbäädë Dios mëduumbëty tmëjkumaytyë Jyobaa mëdë ëy? (Éxo. 15:1, 2; Sal. 105:2, 3; Diˈibʉ Jat. 15:3, 4.)

   2. Miiriam mët ja wiingatypyë toxytyëjk myëjkumääytyë Jyobaa mëdë ëy, ¿ti ijxpajtënë pyëjtaktë mëdë toxytyëjkëty diˈib tyam Dios mëduundëp? (Éxo. 15:20, 21; Sal. 68:11.)

Maytyaˈagyë 34

1. Extëm xyˈixy mä dibujë, ¿ti jamë israelitë yajmujktëp, ets ti txëˈaty?

2. ¿Wiˈixë Moisés tˈanmääyë israelitëty dyajmuktëdë manaa?

3. ¿Ti Jyobaa tyukˈanaˈamë israelitëty ttundët mä myëdëdujk xëë, ets tiko?

4. ¿Ti mëjˈäjtënë tyuunë Jyobaa ko ja manaa tpëjkëˈëktë mä ja myëdëdujk xëë?

5. ¿Nëˈën tiempë Jyobaa ojts ttukjeˈxy ja israelitëtyë manaa?

Yajtëˈëwën diˈib këˈëm mˈatsoojëmbitëp:

1. Käjxë Éxodo 16:1-36 etsë Números 11:7-9.

   1. Extëm jyënaˈanyë Éxodo 16:8, ¿tiko jyëjpˈamëty ets nwintsëˈkëm pënaty nyikëjxmˈäjttëbë tuunk mä Diosë kyäjpn? (Ebre. 13:17.)

   2. Mä ja lugäärë äänëˈëk tëtsëˈëkpë, ¿wiˈix ja israelitëty bom bom tˈijxtë ko yëˈë netyë Jyobaa mooyëdëp tijaty ets jyukyˈattët? (Éxo. 16:14-16, 35; Deu. 8:2, 3.)

   3. Jesús myaytyakë manaa, ¿wiˈix ojts dyajnikejy? ¿Ets wiˈix ëtsäjtëm tyam mbäät ndukˈoyˈäjtëmë tadë tsäjkaaky diˈib këdak tsäjpotm? (Fwank 6:31-35, 40.)

2. Käjxë Josué 5:10-12.

   ¿Näk jëmëjt ja israelitëty ojts tjëˈxtë manaa, ets wiˈix tyuuny ets yajwinmäˈänyˈijxtë? ¿Ets wiˈixë tyäˈädë yˈijxpajtënë xytyuˈunxëm? (Éxo. 16:35; Núm. 11:4-6; 1 Cor. 10:10, 11, NM.)

Maytyaˈagyë 35

1. Ko netyë israelitë të pyëtsëmdë naa myajtsk poˈojëp, ¿mä ojts nyaynyikojëdë?

2. ¿Ti tsyojkë Jyobaa ets ttundët ja israelitëty, ets wiˈix ja israelitëty jyënandë?

3. ¿Tiko Jyobaa tmooyë Moisés majtsk pedasë ja tsää?

4. Abeky mä ja Mäjkpë Mandamientë, ¿diˈibatyë anaˈamënë ak yajmooytyë israelitëty?

5. ¿Diˈibë majtskë anaˈamënë nyigäjxë Jesukristʉ ko niˈigyë jyëjpˈamëty?

Yajtëˈëwën diˈib këˈëm mˈatsoojëmbitëp:

1. Käjxë Éxodo 19:1-25; 20:1-21; 24:12-18, etsë 31:18.

   Extëm jyënaˈanyë Éxodo 19:8, ¿tijaty tyuumbyë jäˈäy ko nyaytyukëdëkëtyë Jyobaa? (Mat. 16:24; 1 Peed. 4:1-3.)

2. Käjxë Deuteronomio 6:4-6; Levítico 19:18, etsë Matewʉ 22:36-40.

   ¿Wiˈix dyaˈixëdë Dios mëduumbëty ko tsyojktëbë Dios etsë myëguˈuktëjk? (Mar. 6:34; Apos. 4:20; Rom. 15:2.)

Maytyaˈagyë 36

1. ¿Ti jamë jäˈäy tyuundëp mä dibujë, ets tiko?

2. ¿Tiko Jyobaa jyotˈambejky, ets ti tyuunë Moisés ko tˈijxy wiˈix ja jäˈäy yˈadëˈëtstë?

3. ¿Ti tyukˈanaˈamë Moisés ja yetyëjkëty ets ttundët?

4. ¿Ti xytyukniˈijxëm ko dëˈën yˈadëtstë ja israelitëty?

Yajtëˈëwën diˈib këˈëm mˈatsoojëmbitëp:

1. Käjxë Éxodo 32:1-35.

   1. Extëmë Biiblyë jyënaˈany, ¿wiˈix wyinmayë Jyobaa ko nˈaduˈunmujkëm diˈib tyuumbyë relijyongë tëyˈäjtënbë ets diˈib kyaj tyëyˈäjtënëty? (Éxo. 32:4-6, 10; 1 Kor. 10:7, 11.)

   2. Ko Dios mëduumbëty twinˈixtëdë ixy jawë, ëy yaˈaxy o ajts pujtk, ¿ti diˈib mbäät tmëdattë wyinmäˈänyoty ets nyaygyuentˈatëdët? (Éxo. 32:18, 19; Éfe. 5:15, 16; 1 Fwank 2:15-17.)

   3. ¿Wiˈix tpëjtaktë tuˈugë oybyë ijxpajtën ja Levijë tyëëmp yˈääts ko tpuwäˈkëdë Jyobaa? (Éxo. 32:25-28; Sal. 18:25.)

Maytyaˈagyë 37

1. ¿Ti txëˈatyë tadë witëjk, ets wiˈix tyuny?

2. ¿Tiko Jyobaa tˈanmääyë Moisés ets dyaˈoyëdë witëjk extëm mbäät pojënë yajtukjanë?

3. Tadë käjë diˈib jap mä tadë mutsk kuartuˈunk, ¿ti yëˈë ets ti jap ijtp?

4. ¿Pënë Jyobaa wyinˈijx ets tniwintsënˈatët ja saserdotëty, ets tijaty tyuumpy?

5. ¿Tijaty japˈäjtp mä tadë mëj tëjk?

6. ¿Tijaty japˈäjtp tëjäˈp, ets wiˈix dyajtundë?

Yajtëˈëwën diˈib këˈëm mˈatsoojëmbitëp:

1. Käjxë Éxodo 25:8-40; 26:1-37; 27:1-8, etsë 28:1.

   ¿Ti nyikejy ja majtskpë kerubin diˈib ijtp kääxë nikëjxy? (Éxo. 25:20, 22; Núm. 7:89; 2 Rey. 19:15.)

2. Käjxë Éxodo 30:1-10, 17-21; 34:1, 2, etsë Ebreeʉsʉty 9:1-5.

   1. ¿Tiko Jyobaa janääm jatsojk ttukjamyajtstë ja jäˈäy diˈib tuundëp mä tabernakulo ets nyaymyëdatëdët wäˈäts nikëjxy këbajky? ¿Ets wiˈixë tyäˈädë mbäät xypyudëjkëm? (Éxo. 30:18-21; 40:30, 31; Ebre. 10:22.)

   2. Extëm jyënaˈanyë Ebreeʉsʉty, ¿wiˈixë Pa̱a̱blʉ tˈanmääjy ja jäˈäyëty ko mä tadë tiempë kyaj nety nyekytyuny ja anaˈamënë diˈibë Jyobaa yäjk ets ni ja tabernakulo? (Ebre. 9:1, 9; 10:1.)

Maytyaˈagyë 38

1. ¿Wiˈix xyˈixyë tadë uubës diˈib jam mä tadë dibujë? ¿Mä tmëtsoondë?

2. ¿Tiko Moisés tkejxy mäjmajtskë käjpn niˈijxpë jam Kanán?

3. ¿Wiˈix jyënandë ja nimäjkpë käjpn niˈijxpë ko jyëmbijttë jam Kanán?

4. ¿Wiˈix dyaˈijxëdë ja nimajtskpë käjpn niˈijxpë ko myëbëjktë Jyobaa, ets ti txëˈäjttë?

5. ¿Tiko Jyobaa jyotˈambejky, ets wiˈix tˈanmääyë Moisés?

Yajtëˈëwën diˈib këˈëm mˈatsoojëmbitëp:

1. Käjxë Números 13:1-33.

   1. ¿Pënaty yajwinˈijxtë ets nëjx kyäjpn niˈixtë, ets ti oyˈäjtënë myëdäjttë ko ojts yajkaxtë käjpn niˈijxpë? (Núm. 13:2, 3, 18-20.)

   2. ¿Tiko Joswee mëdë Kalep tëgatsy wyinmääytyë ets nan tëgatsy wyinmääytyë ja nimäjkpë, ets ti tyäˈädë xytyukniˈijxëm? (Núm. 13:28-30; Mat. 17:20; 2 Kor. 5:7.)

2. Käjxë Números 14:1-38.

   1. ¿Wiˈix xytyukniˈijxëmë Biiblyë ko kyaj yˈoyëty nˈëbat ngäjxpatëmë tadë jäˈäy diˈib myënëjxtëbë jëjpˈamˈäjtënë mä Jyobaa kyäjpn? (Núm. 14:2, 3, 27; Mat. 25:40, 45; 1 Cor. 10:10, NM.)

   2. ¿Wiˈix xytyukˈijxëmë Números 14:24 ko Jyobaa yˈijxˈijty kyuentˈäjtypy niduˈuk niduˈuk pënaty yëˈë mëduunëp? (1 Rey. 19:18; Pro. 15:3.)

Maytyaˈagyë 39

1. ¿Pënaty nyibëdëˈktë ja kyutujkënë Moisés mëdë Arón, ets wiˈix tˈanmääytyë Moisés?

2. ¿Wiˈixë Moisés tˈanmääyë Koree ti tyundëp mët ja 250 jyaˈayëty?

3. ¿Wiˈixë Moisés tˈanmääjy ja israelitëty, ets ti tuun jäjtë ko kyäjxtääjy?

4. ¿Wiˈix jyäjttë ja Koree mët ja 250 jyaˈayëty?

5. ¿Wiˈixë Elyaza̱a̱r ja Arongë myäänk ttuuny ja oˈkpë yˈabëjkënë, ets tiko?

6. Ok ix mä dibujë, ¿tiko Jyobaa ojts dyajpëjy ja Arongë tyäjk?

Yajtëˈëwën diˈib këˈëm mˈatsoojëmbitëp:

1. Käjxë Números 16:1-49.

   1. ¿Ti tyuunë Koree mëdë jyaˈayëty ets tiko njënäˈänëm ko yëˈënë Jyobaa diˈib nyibëdëˈktë? (Núm. 16:9, 10, 18; Lev. 10:1, 2; Pro. 11:2.)

   2. ¿Ti jot winmäˈänyë axëëkpë yaˈijxë Koree mët ja 250 wintsëndëjk? (Núm. 16:1-3; Pro. 15:33; Isa. 49:7.)

2. Käjxë Números 17:1-11 etsë 26:10.

   1. ¿Tiko ja Arongë tyäjk ojts pyëjy? ¿Ets tiko Jyobaa jyënany ets yajpëjkëˈëgët mä ja kääxë? (Núm. 17:5, 8, 10.)

   2. ¿Ti mbäät njäjtëm ko nijäˈäjëm ko yëˈë Jyobaa diˈib ojts dyajpëjy ja Arongë tyäjk? (Núm. 17:10; Apos. 20:28; Fili. 2:14, NM; Ebre. 13:17.)

Maytyaˈagyë 40

1. ¿Wiˈixë Jyobaa tˈijxˈijty tkuentˈäjtyë ja israelitëty ko yˈijttë mä ja lugäärë äänëˈëk tëtsëˈëkpë?

2. ¿Tiko tyëjkëdë abajt kutujkpë ja israelitëty ko jyäjttë jatëgok Kades?

3. ¿Wiˈixë Jyobaa dyajkyë nëë ets nyëˈuuktët ja jäˈäyëty etsë jëyujk animal?

4. ¿Pënë tadë yetyëjk diˈib jam mä dibujë, ets tiko jam këˈëm nyaynyiˈixëty?

5. ¿Tiko Jyobaa ttukjotˈambekyë Moisés mëdë Arón, ets wiˈixë Jyobaa yˈanmääyëdë?

6. ¿Pën oˈk mä ja kopk diˈib xyëˈäjtypy Or, ets pënë net tuun wintsën mä ja saserdotëty?

Yajtëˈëwën diˈib këˈëm mˈatsoojëmbitëp:

1. Käjxë Números 20:1-13, 22-29 etsë Deuteronomio 29:5.

   1. ¿Ti xytyukniˈijxëm ko nijäˈäjëm wiˈixë Jyobaa tˈijxˈijty tkuentˈäjtyë kyäjpn mä ja lugäärë äänëˈëk tëtsëˈëkpë? (Deu. 29:5; Mat. 6:31; Ebre. 13:5; Sant. 1:17.)

   2. ¿Wiˈixë Jyobaa tˈijxy ko ja Moisés mëdë Arón kyaj ojts myëjkugajxyëty mä ja israelitëty? (Núm. 20:12; 1 Kor. 10:12; Diˈibʉ Jat. 4:11.)

   3. ¿Ti njäjtëm ko nijäˈäjëm ti tyuunë Moisés ko Jyobaa jyëjwijtsëmbijtë? (Núm. 12:3; 20:12, 27, 28; Deu. 32:4; Ebre. 12:7-11.)

Maytyaˈagyë 41

1. ¿Ti mˈijxypy jam kepykyëjxy mä tadë dibujë, ets tiko Jyobaa tˈanmääyë Moisés ets jam tpëjtäˈägët?

2. ¿Wiˈix ja israelitë dyaˈijxëdë ko kyaj tmëjjäˈäjëdë tijatyë Dios tukmëduunëdë?

3. ¿Wiˈixë israelitëty tˈanmääytyë Moisés ko ja Jyobaa tyuknigajxëdë awäˈän tsäˈäny?

4. ¿Tiko Jyobaa tˈanmääyë Moisés ets dyaˈoyët tuˈugë pujxn tsäˈäny?

5. ¿Ti diˈib xytyukniˈijxëmë tyäˈädë maytyaˈaky?

Yajtëˈëwën diˈib këˈëm mˈatsoojëmbitëp:

1. Käjxë Números 21:4-9.

   1. ¿Wiˈix xypyudëjkëm ko nijäˈäjëmë israelitëty kyaj tmëjjäˈäjëdë diˈibë Jyobaa mooyë? (Núm. 21:5, 6; Rom. 2:4.)

   2. Ko jeky ja tiempë ojts jyantsy nyäjxnë, ¿wiˈix ja israelitëty dyajtuundë ja pujxn tsäˈäny, ets ti net tyuun ja rey Ezekiiʉs? (Núm. 21:9; 2 Rey. 18:1-4.)

2. Käjxë Fwank 3:14, 15.

   ¿Wiˈix ojts kyijxyë ja Jesusë yˈoˈkënë mët ja pujxn tsäˈäny diˈibë Moisés pyëjtak kepykyëjxy? (Gal. 3:13; 1 Peed. 2:24.)

Maytyaˈagyë 42

1. ¿Pën Balakˈäjt, ets tiko tnigajxë Balán?

2. ¿Tiko tuˈääjy nyaygyoˈkë ja byurrë Balán?

3. ¿Wiˈix ja Balán yˈanmääyë byurrë?

4. ¿Wiˈix ja anklës tˈanmääyë Balán?

5. ¿Ti Jyobaa tyuun ko Balán tjatuknikäjxpatanyë ayoˈon ja israelitëty?

Yajtëˈëwën diˈib këˈëm mˈatsoojëmbitëp:

1. Käjxë Números 21:21-35.

   ¿Tiko myadaktë israelitëty ko tsyiptuuny mët ja Seˈon diˈib ryeyˈäjttë amorreos, ets ja Og ja rey diˈib Basan? (Núm. 21:21, 23, 33, 34.)

2. Käjxë Números 22:1-40.

   ¿Tiko ja Balán ojts nyejxy mä ja israelitëty ets tjatuknikäjxpatanyë ayoˈon, ets tijaty xytyukniˈijxëmë tyäˈädë maytyaˈaky? (Núm. 22:16, 17; Pro. 6:16, 18; 2 Peed. 2:15; Juud. 11.)

3. Käjxë Números 23:1-30.

   Oyë Balán dëˈën jyakajxy jyamaytyaky extëmë Dios mëduumbë, ¿wiˈix ja tyuˈunënë yajnigëxëˈkë ko kyaj nety Diosmëduny? (Núm. 23:3, 11-14; 1 Sam. 15:22.)

4. Käjxë Números 24:1-25.

   ¿Wiˈixë tyäˈädë maytyaˈaky dyajkëktëkë nmëbëjkënyëˈäjtëm mä Jyobaa ko yëˈë tyuumpy tëgekyë diˈib tyuknibëjtakëp? (Núm. 24:10; Isa. 54:17.)

Maytyaˈagyë 43

1. ¿Pënë tadë nimajtskpë yetyëjk diˈib jam mëdë Moisés mä tadë dibujë?

2. ¿Wiˈixë Jyobaa tˈanmääyë Joswee?

3. ¿Tiko Moisés pyejty mä ja kopk diˈib xyëˈäjtypy Nebo, ets wiˈixë Jyobaa jam yˈanmääyë?

4. ¿Näägë netyë Moisesë jyëmëjt ko yˈoˈky?

5. ¿Tiko ja israelitëty myaajy tyäjtë, per ti diˈib jotkujk mooyëdë?

Yajtëˈëwën diˈib këˈëm mˈatsoojëmbitëp:

1. Käjxë Números 27:12-23.

   ¿Ti mëj tuungë Jyobaa tyuknipëjkë Joswee, ets wiˈix tyam nˈijxëm ko Jyobaa tsyojkypyë kyäjpn? (Núm. 27:15-19; Apos. 20:28; Ebre. 13:7.)

2. Käjxë Deuteronomio 3:23-29.

   ¿Tiko Jyobaa kyaj dyajtëjkë Moisés mëdë Arón mä ja nax diˈib wyandak, ets ti diˈibë tyäˈädë xytyukniˈijxëm? (Deu. 3:25-27; Núm. 20:12, 13.)

3. Käjxë Deuteronomio 31:1-8, 14-23.

   Ko ja Moisés ojts nyayjëgäjxënë mët ja israelitëty, ¿wiˈix dyaˈijxë ko yˈaxäjë ja Jyobaajë jyëjwijtsëmbijtën? (Deu. 31:6-8, 23.)

4. Käjxë Deuteronomio 32:45-52.

   ¿Wiˈix mbäädë Biiblyë xypyudëjkëm mä njukyˈäjtënëˈäjtëm? (Deu. 32:47; Lev. 18:5; Ebre. 4:12.)

5. Käjxë Deuteronomio 34:1-12.

   Oyë Moisés ninäˈä tkawinˈijxyë Jyobaa, ¿wiˈix jyënaˈanyë Deuteronomio 34:10 mä wiˈix ojts nyaymyënejxyëty mëdë Jyobaa? (Éxo. 33:11, 20; Núm. 12:8.)

Maytyaˈagyë 44

1. ¿Mä tsyënääyë Raap?

2. ¿Pënatyë tadë yetyëjk diˈib jam mä tadë dibujë, ets ti tyuundëp jam Jerikoo?

3. ¿Tiko ja rey tkejxyë tyuumbë mä tyëjkë Raap, ets wiˈix ja Raap yˈatsoojy?

4. ¿Wiˈixë Raap tpudëjkë ja käjpn niˈijxpë, ets ti mayˈäjtënë yˈamdoo?

5. Ets ko ja Raap tˈamdooyë mayˈäjtën, ¿wiˈix ja käjpn niˈijxpë yˈatsoojëdë?

Yajtëˈëwën diˈib këˈëm mˈatsoojëmbitëp:

1. Käjxë Josué 2:1-24.

   Ko ja israelitëty ojts jyäˈttë mä ja Jerikoo gäjpn ets dyajkutëgoyäˈändë, ¿wiˈix yˈadëëjy diˈibë netyë Jyobaa të twandaˈaky mä Éxodo 23:28? (Jos. 2:9-11.)

2. Käjxë Ebreeʉsʉty 11:31.

   ¿Wiˈixë yˈijxpajtënë Raap xytyukˈijxëm ko jëjpˈam nmëdäjtëmë mëbëjkën? (Rom. 1:17; Ebre. 10:39; Sant. 2:25.)

Maytyaˈagyë 45

1. ¿Ti mëjˈäjtënë tyuunë Jyobaa ets ja israelitëty ttuknäjxtë ja Jordán mëj nëë?

2. ¿Ti myëbëktëp ja israelitëty ets ttuknaxtët ja Jordán mëj nëë?

3. ¿Tiko Jyobaa tˈanmääyë Joswee ets ja yetyëjkëty nëjx tkëyëˈëktë mäjmajtskë tsää mä nety jamë saserdotë tyanëdë?

4. ¿Ti tuun jäjtë ko ja saserdotëty pyëtsëëmdë mä nety jam tyanëdë?

Yajtëˈëwën diˈib këˈëm mˈatsoojëmbitëp:

1. Käjxë Josué 3:1-17.

   1. Extëmë tyäˈädë maytyaˈaky të nˈëxpëjkëm, ¿ti mbäät nduˈunëm etsë Jyobaa xypyudëjkëm ets nˈaxäjëmë kyunuˈxën? (Jos. 3:13, 15; Pro. 3:5; Sant. 2:22, 26.)

   2. ¿Wiˈix ja israelitëty ttuknäjxtë ja Jordán mëj nëë ets jyäjttë mä ja nax diˈibë nety të yaˈawanëdë? Ets, ¿wiˈixë tyäˈädë dyajmëjpëtseemyë Diosë xyëë?(Jos. 3:15; 4:18; Sal. 66:5-7.)

2. Käjxë Josué 4:1-18.

   ¿Tiko mäjmajtskë tsää tkëyëˈktë mä ja Jordán mëj nëë ets ojts tmënëjxtë mä ja lugäär diˈib xyëˈäjtypy Gilgal? (Jos. 4:4-7.)

Maytyaˈagyë 46

1. ¿Wiˈixë Jyobaa jyënany ti tyundëp ja tsiptuumbëty ets ja saserdotëty tëdujk xëë?

2. ¿Ti tyundëp mä ja myëjëxtujk xëë?

3. Extëm jam xyˈixy mä dibujë, ¿wiˈix jyajty ja nyabotsë Jerikoo gäjpn?

4. ¿Tiko tyëëynyë tejxynyë tsaptspë mä tadë bentanë?

5. Ko ja Jerikoo gäjpnë nyabots jyijtääjy, ¿wiˈixë Joswee jyënany yajtunëdë jäˈäyëty ets ja käjpn? Ets, ¿wiˈix yajtunëdë oorë, platë, koobrë etsë yerrë?

6. ¿Wiˈixë Joswee tˈanmääjy ja diˈibë nety nimajtsk ojts të kyäjpn niˈixtë?

Yajtëˈëwën diˈib këˈëm mˈatsoojëmbitëp:

1. Käjxë Josué 6:1-25.

   1. Extëm ja israelitë tnaˈawdijttë ja Jerikoo gäjpn mä ja myëjëxtujk xëë, ¿wiˈix tyam mëët kyijxyë ko Jyobaajë tyestiigëty nyëjxtë ëwäˈx käjxwäˈxpë mä ayoˈon tyim minanë? (Jos. 6:15, 16; Isa. 60:22; Mat. 24:14; 1 Kor. 9:16.)

   2. ¿Wiˈix yˈadëëjy kyum mëgoxk mëgoˈpx jëmëjt diˈibë nety të yajkujayë mä Josué 6:26? ¿Ets ti xytyukniˈijxëmë tyäˈädë ko Jyobaa ti tˈëy tkajxy? (1 Rey. 16:34; Isa. 55:11.)

Maytyaˈagyë 47

1. Extëm jam xyˈixy mä dibujë, ¿pënë tadë yetyëjk diˈib yam nyitajpy tijaty, ets pënaty jam mëët?

2. ¿Tiko yˈaxëëgëty diˈib tyuundë Akan mëdë fyamilyë?

3. ¿Wiˈix Jyobaa jyënany ko Joswee yajtëëjë tiko nety kyaj të myadäˈäktë mä nety ojts të tsyiptundë?

4. ¿Ti tuun jäjtë ko Akan mëdë fyamilyë nyigëxeˈky ko yëˈë nety të myaatstë?

5. ¿Ti xytyukniˈijxëm ko nijäˈäjëm wiˈix ja Akan jyajty?

Yajtëˈëwën diˈib këˈëm mˈatsoojëmbitëp:

1. Käjxë Josué 7:1-26.

   1. Mä Joswee tmënuˈkxtakyë Jyobaa, ¿wiˈix nbëjkëmë kuentë mä wiˈixë nety mëdë Jyobaa nyaymyënëjxëdë? (Jos. 7:7-9; Sal. 119:145; 1 Fwank 5:14.)

   2. ¿Ti diˈib xytyukˈijxëmë Akangë yˈijxpajtënë, ets wiˈix xyjotˈyujxëm? (Jos. 7:11, 14, 15; Pro. 15:3; 1 Tim. 5:24; Ebre. 4:13.)

2. Käjxë Josué 8:1-29.

   ¿Ti diˈib ëtsäjtëm tyam niduˈuk niduˈuk nikëjxmˈäjtëm mä naymyujkëm? (Jos. 7:13; Lev. 5:1; Pro. 28:13.)

Maytyaˈagyë 48

1. ¿Wiˈix tëgatsy wyinmääytyë ja jäˈäy diˈib tsënääytyëp Gabaon mët ja jäˈäyëty diˈib tsënääytyëp wiink nax wiink käjpn?

2. Extëm jam xyˈixy mä dibujë, ¿ti tyuundë ja jäˈäy diˈib tsënääytyëp Gabaon, ets tiko?

3. ¿Ti Joswee mët ja wintsëndëjkëty diˈib Israel tyukwandaktë ja jäˈäyëty diˈib Gabaon, ets ti pyëjktë kuentë kyum tëgëk xëë?

4. ¿Ti tyuundë ja reyëty ko tnijäˈäjëdë ko ja jäˈäyëty diˈib Gabaon të nyayajtuˈugyëdë mëdë israelitëty?

Yajtëˈëwën diˈib këˈëm mˈatsoojëmbitëp:

1. Käjxë Josué 9:1-27.

   1. Oyë netyë Jyobaa të ttukˈaneˈemyë israelitëty dyajkutëgoyët ja nax käjpn, ¿ti jyaˈayˈäjtënë këxëˈkp ko ojts tpojpëmeˈxy ja jäˈäyëty diˈib Gabaon? (Jos. 9:22, 24; Mat. 9:13; Apos. 10:34, 35; 2 Peed. 3:9.)

   2. Ko ja Joswee tkuytyuuny extëmë nety të tkajxyˈattë mët ja jäˈäyëty diˈib Gabaon, ¿wiˈix tpëjtakyë ijxpajtënë mët tyamë Dios mëduumbëty? (Jos. 9:18, 19; Éfe. 4:25; Sant. 5:12.)

2. Käjxë Josué 10:1-5.

   ¿Wiˈix tyamë tadë may jyaˈay diˈib tsoˈogandëp yä Naxwiiny tpanëjxtë yˈijxpajtënë ja jäˈäyëty diˈib Gabaon, per wiˈixë net jyattë ko dëˈën ttundë? (Jos. 10:4; Zac. 8:23; Mat. 25:35-40; Diˈibʉ Jat. 12:17.)

Maytyaˈagyë 49

1. Ok ix mä dibujë, ¿wiˈixë Joswee jam jyënaˈany, ets tiko?

2. ¿Wiˈixë Jyobaa tpudëjkë Joswee mëdë tsyiptuumbëtëjk?

3. ¿Ninäägë Joswee dyajkutëgooyë rey? ¿Ets nëˈën ndiempë jyejky ets dyajkutëgooytyaaytyë?

4. ¿Tiko Joswee ojts dyajwaˈxy ja nax diˈib Kanán?

5. ¿Näägë netyë Joswee jyëmëjt ko ojts yˈoˈknë? ¿Ets wiˈixë netë jäˈäy yˈadëtstë?

Yajtëˈëwën diˈib këˈëm mˈatsoojëmbitëp:

1. Käjxë Josué 10:6-15.

   ¿Wiˈix xymyëjämoˈoyëm ko nijäˈäjëmë Jyobaa ojts dyajwëˈëmë ja Xëë etsë Poˈo mët ko tpudëjkë ja israelitëty? (Jos. 10:8, 10, 12, 13; Sal. 18:3; Pro. 18:10.)

2. Käjxë Josué 12:7-24.

   ¿Pënën yajmadakëdë ja israelitëty ko dyajkutëgooytyë ja 31 rey diˈib Kanán, ets tiko jyëjpˈamëty nijäˈäjëmë tyäˈädë? (Jos. 12:7; 24:11-13; Deu. 31:8; Luk. 21:25-28.)

3. Käjxë Josué 14:1-5.

   ¿Wiˈixë Joswee ojts dyajwaˈxy ja nax ets tmooytyë ja familyë mëdë tyëëmp yˈääts? ¿Ets ti xytyukˈijxëmë tyäˈädë mä wiˈixë ja nax nyajtukumayäˈänëm mä ja tsujpë it lugäär? (Jos. 14:2; Isa. 65:21; Eze. 47:21-23; 1 Kor. 14:33.)

4. Käjxë Jueces 2:8-13.

   Dëˈën extëmë Joswee tpudëjkëdë ja israelitëty, ¿pënaty tyam nandëˈën pyudëjkëdëbë Dios mëduumbë ets kyaj tmastuˈuttëdë Jyobaa kyäjpn ets dyajtëgatstëdë myëbëjkënë? (Jue. 2:8, 10, 11; Mat. 24:45-47; 2 Tes. 2:3-6; Titʉ 1:7-9; Diˈibʉ Jat. 1:1; 2:1, 2.)

Maytyaˈagyë 50

1. ¿Pënaty fesˈäjttë, ets tijaty txëˈäjttë?

2. ¿Ti mëj tuungë Jyobaa tyuknipëjkë Debora, ets wiˈixë tyäˈädë tuunk ttuuny?

3. Ko ja rey Jabin mëdë Sisara tˈaxëktuundë israelitëty, ¿wiˈixë Jyobaa tˈanmääyë Debora ets tˈanëëmët ja fes Barak? ¿Ets pënë nety ninëjxanëbë mëjˈäjtënë ko myadäˈäktët?

4. ¿Wiˈixë Jael dyaˈijxë ko yëˈë tuˈugë toxytyëjk diˈib jotmëk?

5. ¿Ti net tuun jäjtë ko ja rey Jabin ojts yˈoˈknë?

Yajtëˈëwën diˈib këˈëm mˈatsoojëmbitëp:

1. Käjxë Jueces 2:14-22.

   ¿Tiko Jyobaa ojts ttukjotˈambekyë israelitëty ets ti diˈibë tyäˈädë xytyukniˈijxëm? (Jue. 2:20; Pro. 3:1, 2; Eze. 18:21-23.)

2. Käjxë Jueces 4:1-24.

   Dëˈën extëmë Debora mëdë Jael tmëdäjttë mëbëjkënë etsë jotmëkˈäjtënë, ¿wiˈix tyamë toxytyëjkëty diˈib Dios mëduundëp mbäät tpanëjxtë yˈijxpajtënë? (Jue. 4:4, 8, 9, 14, 21, 22; Pro. 31:30; 1 Kor. 16:13.)

3. Käjxë Jueces 5:1-31.

   Dëˈën extëmë Debora mëdë Barak yˈëëdë ko myadaktë mä ja tsip, ¿ti mbäät nˈamdoˈojëmë Dios ko nmënuˈkxtakëm mä myiny kyëdaˈagyë tadë tsip diˈib xyëˈäjtypy Armajedón? (Jue. 5:3, 31; 1 Cró. 16:8-10; Diˈibʉ Jat. 7:9, 10; 16:16; 19:19-21.)

Maytyaˈagyë 51

1. ¿Tiko Noemii ojts nyejxy tsënaabyë Moˈap?

2. ¿Pën Rutˈäjt ets Orpëˈäjt?

3. ¿Wiˈix yˈatsoodë Rut mëdë Orpë ko Noemii yˈanmääyë ets jyëmbijnëdët mä nyax kyäjpn?

4. ¿Pën Boozˈäjt ets wiˈix tpudëjkë Rut mëdë Noemii?

5. ¿Ti txëˈäjty ja yˈuˈungë Rut diˈib pyat mëdë Booz, ets tiko yˈoyëty nijäˈäjëmë xyëë?

Yajtëˈëwën diˈib këˈëm mˈatsoojëmbitëp:

1. Käjxë Rut 1:1-17.

   1. ¿Wiˈixë Rut tˈanmääyë Noemii mä dyaˈijxë ko mëk tjantsy tsyojky ets ko kyaj tmastuˈudany? (Rut 1:16, 17.)

   2. Dëˈën extëmë Rut jyaˈayˈajty mëdë Noemii, ¿wiˈix tyam nandëˈën dyaˈixëdë jyaˈayˈäjtënë tadë “wiingatypyë borreegë” mëdë jäˈäyëty diˈib akwëˈëmdëp yä Naxwiiny ets nyëjxäˈändë tsäjpotm? (Fwank 10:16; Zac. 8:23.)

2. Käjxë Rut 2:1-23.

   ¿Tijaty ijxpajtënë pyëjtakë Rut ets tpanëjxtët tyamë toxytyëjkë ënäˈkatypyë? (Rut 2:17, 18; Pro. 23:22; 31:15.)

3. Käjxë Rut 3:5-13.

   1. ¿Wiˈixë Booz wyinmääjy ko Rut yëˈë pyëkanë en lugäär tpëkëdë jäˈäy diˈib mas ënäˈk?

   2. Extëmë Rut yajmaytyaˈaky, ¿wiˈix xytyukˈijxëm mä wiˈixën yˈixëtyë tsojkën diˈib tëyˈäjtën? (Rut 3:10; 1 Kor. 13:4, 5.)

4. Käjxë Rut 4:7-17.

   ¿Wiˈix mbäädë yetyëjkëty diˈib Dios mëduundëp tpanëjxëdë yˈijxpajtënë Booz? (Rut 4:9, 10; 1 Tim. 3:1, 12, 13; 5:8.)

Maytyaˈagyë 52

1. ¿Ti jotmay pyattë ja israelitëty, ets tiko?

2. ¿Tiko Jyobaa tˈanmääyë Jedeon ko nimayë tsiptuumbë?

3. ¿Ninääk ojts wyëˈëmdë ja tsiptuumbëty ko ja Jedeon ojts tkexy mä tyëjk ja diˈib tsëˈkëdëp?

4. Extëm kyëxeˈeky mä dibujë, ¿wiˈixë Jyobaa tˈanmääyë Jedeon ets jeˈeyë wyëˈëmët tëgëk mëgoˈpxë tsiptuumbëty?

5. ¿Wiˈixë Jedeon ojts dyajnaywyaˈxyëty ja tëgëk mëgoˈpxpë tsiptuumbëty, ets wiˈix ja israelitëty ojts myadäˈäktë?

Yajtëˈëwën diˈib këˈëm mˈatsoojëmbitëp:

1. Käjxë Jueces 6:36-40.

   1. ¿Wiˈix yajxonë Jedeon tnijäˈäjë tidënë Jyobaa tsyojkypy ets yëˈë ttunët?

   2. ¿Wiˈix ëtsäjtëm tyam mbäät nijäˈäjëm tidënë Jyobaa tsyojkypy ets nduˈunëm? (Pro. 2:3-6; Mat. 7:7-11; 2 Tim. 3:16, 17.)

2. Käjxë Jueces 7:1-25.

   1. ¿Ti diˈib xytyukniˈijxëm mä ja tëgëk mëgoˈpxpë jäˈäy diˈib ojts nyaymyëdatëdë listë, ets ja diˈib kyaj nyaymyëdäjtëdë listë? (Jue. 7:3, 6; Rom. 13:11, 12; Éfe. 5:15-17.)

   2. Extëm ja tëgëk mëgoˈpxpë jäˈäy ttuundë dëˈën extëm tˈijxtë ja Jedeon ttuuny, ¿wiˈix ëtsäjtëm tyam nandëˈën mbäät niˈijxtutëmë Jesukristʉ diˈib yajtijp Mëj Jedeon? (Jue. 7:17; Mat. 11:29, 30; 28:19, 20; 1 Peed. 2:21.)

   3. ¿Wiˈix xypyudëjkëmë Jueces 7:21 ets nduˈunëmë Diosë tyuunk xondaˈakyˈää xondaˈakyjot oy tyim määjëty mä nyajkajxëm? (1 Kor. 4:2; 12:14-18; Sant. 4:10.)

3. Käjxë Jueces 8:1- 3.

   Ko nyaˈoyëyäˈänëm tuˈugë jotmay mët tuˈugë nmëguˈukˈäjtëm, ¿wiˈix xypyudëjkëmë yˈijxpajtënë Jedeon mä wiˈix yëˈë dyaˈoyë jyotmay mët ja efrainitëty? (Pro. 15:1; Mat. 5:23, 24; Luk. 9:48.)

Maytyaˈagyë 53

1. ¿Pën Jefteeˈäjt, ets ti tiempë jyukyˈajty?

2. ¿Ti Jeftee tyukwandakë Jyobaa?

3. ¿Tiko Jeftee jyotmaytyuktëjkë ko jyëmbijty mä tyëjk mä nety ojts të tsyiptuny mët ja amonitëty?

4. ¿Wiˈix jyënany ja Jeftee nyëëx ko tnijäˈäjë ja tyeetyë wyandakën?

5. ¿Tiko ja jäˈäy ttsojktë ja Jeftee nyëëx?

Yajtëˈëwën diˈib këˈëm mˈatsoojëmbitëp:

1. Käjxë Jueces 10:6-18.

   Ko nijäˈäjëmë israelitëty janäämëty tmëdëgooytyë Jyobaa, ¿wiˈix mbäät xypyudëjkëmë yˈijxpajtën ets kyaj dëˈën nˈadëtsëm? (Jue. 10:6, 15, 16; Rom. 15:4; Diˈibʉ Jat. 2:10.)

2. Käjxë Jueces 11:1-11, 29-40.

   1. Jueces 11:31 jyënaˈany ko Jeftee dëˈën dyakäˈäny ja jäˈäy diˈib jëjpˈyoˈoyëp extëmë wintsëˈkënë diˈib yajnoˈkp, ¿wiˈix nijäˈäjëm ko kyaj nety yëˈë tˈandijy ko ja jäˈäy jyantsy yajnoˈogäˈäny? (Jue. 11:31; Lev. 16:24; Deu. 18:10, 12.)

   2. ¿Wiˈixë Jeftee dyajkyë nyëëx extëmë wintsëˈkën?

   3. ¿Ti ëtsäjtëm mbäät njäjtëm mä wiˈixë Jeftee tkuytyuunyë wyandakënë diˈib tyuun mä Jyobaa? (Jue. 11:35, 39; Ecl. 5:4, 5; Mat. 16:24.)

   4. Dëˈën extëmë Jeftee nyëëx aduˈugë Jyobaa tmëduuny, ¿wiˈix tyamë ënäˈktëjk mbäät tpanëjxëdë yˈijxpajtënë mä tmëdundë Dios? (Jue. 11:36; Mat. 6:33; Fili. 3:8.)

Maytyaˈagyë 54

1. Nëˈën kujkë xëë tiempë nyaxy, ¿ti txëˈäjty ja yetyëjkë mas kumëjääbë, ets pën mooyë mëjää?

2. Extëm jam kyëxeˈeky mä dibujë, ¿wiˈix tëgokë Sansón ttuunyë kää?

3. Extëm jam xyˈixy mä dibujë, ¿ti Sansón tyukmëtmaytyakë Dalila diˈibë nety kyaj pën tnijawë? ¿Ets tiko net myäjtsëdë filisteety ko dëˈën tmaytyaky?

4. ¿Wiˈixë Sansón dyaˈoˈky tëgëk milë filisteety ja xëë mä yëˈë yˈoˈky?

Yajtëˈëwën diˈib këˈëm mˈatsoojëmbitëp:

1. Käjxë Jueces 13:1-14.

   1. ¿Wiˈixë Manoa mëdë nyëdoˈoxy tpëjtakyë oybyë ijxpajtënë mët tyamë uˈunktääk uˈunkteety diˈib yajˈyaˈk yajpajttëbë yˈuˈunk yˈënäˈk? (Jue. 13:8; Sal. 127:3; Éfe. 6:4.)

2. Käjxë Jueces 14:5-9 etsë 15:9-16.

   1. Sansón ojts dyaˈoogyë kää, ojts ja tejxynyë jembyë tpoty diˈibë nety mëët të yajkëwëëny ets ojts dyaˈooky tuk milë filisteety mët ja burrë abäjk, ko dëˈën tyäˈädë nijäˈäjëm, ¿ti xytyukˈijxëm mä wiˈix tyunyë Diosë jyot myëjää?

   2. ¿Wiˈix xypyudëjkëm tyamë Diosë jyot myëjää? (Jue. 14:6; 15:14; Zac. 4:6; Apos. 4:31.)

3. Käjxë Jueces 16:18-31.

   ¿Wiˈixë Sansón yˈaxëktuunë ko nyaymyaayë mët ja jäˈäy diˈib kyaj yˈoyëtyë jyot wyinmäˈäny, ets ti diˈibë tyäˈädë xytyukniˈijxëm? (Jue. 16:18, 19; 1 Kor. 15:33.)

Maytyaˈagyë 55

1. ¿Ti txëˈäjtyë tadë mixyuˈunk diˈib jam mä dibujë, ets pënatyëty jam mët?

2. ¿Wiˈix tëgokë Anʉ tmënuˈkxtakyë Dios ko ojts nyejxy mä ja tabernakulo, ets wiˈixë Jyobaa tˈatsoojëmbijty?

3. ¿Näägë netyë Samwelë jyëmëjt ko ojts yajmënejxy mä ja tabernakulo ets jap Dios mëdunët? ¿Ets ti tyääk mënëjxëp jëmëjt jëmëjt?

4. ¿Ti txëˈäjttë ja Elii yˈuˈunk yˈënäˈk, ets wiˈix jyaˈayˈäjttë?

5. ¿Wiˈixë Jyobaa ojts tmëgajxyë Samwel, ets wiˈix tˈanmääjy?

6. Ko ja tiempë nyajxy, ¿wiˈixë Samwel tyuuny ets wiˈix ja käjpn yˈanmääyë ko ojts myëjäˈäyënë?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 1:1-28.

   1. Elkanaa myënëjxë jëjpˈamˈäjtënë mä Dios yaˈawdaty, ¿wiˈix tpëjtakyë ijxpajtënë pënaty tyam nyigëbäjkˈäjttëbë fyamilyë? (1 Sam. 1:3, 21; Mat. 6:33; Fili. 1:10.)

   2. ¿Ti diˈib xytyukniˈijxëm mä wiˈixë Anʉ twinguwäˈkë yˈamay jyotmay? (1 Sam. 1:10, 11; Sal. 55:22; Rom. 12:12.)

2. Käjxë 1 Samuel 2:11-36.

   ¿Wiˈixë Elii niˈigyë dyajnäjxy mëj ja yˈuˈunk yˈënäˈk ets kyaj dyëˈënëty Jyobaa? ¿Ets ti käjxtëˈëjënë tyäˈädë xymyoˈoyëm? (1 Sam. 2:22-24, 27, 29; Deu. 21:18-21; Mat. 10:36, 37.)

3. Käjxë 1 Samuel 4:16-18.

   ¿Ti mäjtaxkë jotmay yajtukmëtmaytyakë Elii diˈibë nety të tyuny të jyatyëty mä ja tsip tyunyëty, ets wiˈix jyajty ko tmëdoodääjy?

4. Käjxë 1 Samuel 8:4-9.

   ¿Wiˈix ja israelitëty kyaj tmëjˈijxtë Jyobaa? ¿Ets wiˈix tyam ëtsäjtëm nyaˈijxëm ko mbuwäˈkëmë Diosë yˈAnaˈam Kyutujkën? (1 Sam. 8:5, 7; Juan 17:16, NM; Sant. 4:4.)

Maytyaˈagyë 56

1. ¿Ti jam tyuumbyë Samwel mä tadë dibujë, ets tiko?

2. ¿Tiko Jyobaa ttukjotkëdakyë Saúl, ets wiˈix jyaˈayˈajty?

3. ¿Ti txëˈäjty ja myäängë Saúl, ets ti tyuun?

4. ¿Tiko Saúl jyawyiinˈäjty ets ojts tmooygyojy ja wintsëˈkënë Jyobaa ets kyaj tˈawijxyë Samwel?

5. ¿Ets ti xytyukniˈijxëm ko dëˈën yˈadëtsyë Saúl?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 9:15-21 etsë 10:17-27.

   ¿Wiˈix tëgokë Saúl pyudëjkë ja yujyˈäjt tudaˈakyˈäjtënë ets kyaj ti ttuundëgoyët ko ja jäˈäyëty dyajtëgooytyë mayˈäjt wintsëˈkënë mët yëˈë? (1 Sam. 9:21; 10:21, 22, 27; Pro. 17:27.)

2. Käjxë 1 Samuel 13:5-14.

   ¿Ti tyuundëgooyë Saúl jam Gilgal? (1 Sam. 10:8; 13:8, 9, 13.)

3. Käjxë 1 Samuel 15:1-35.

   1. ¿Ti tyuunë Saúl mët ja rey diˈib Amalek ets dëˈëntsoo ttuunyë mëj poky? (1 Sam. 15:2, 3, 8, 9, 22.)

   2. ¿Wiˈixë Saúl ojts jyanaynyikäjxtuˈutyëty ets nyaytyuknitijtutë pyoky? (1 Sam. 15:24.)

   3. Ko nyajkäjxwijëm, ¿ti diˈib mbäät nyaˈijtëm winmäˈänyoty? (1 Sam. 15:19-21; Sal. 141:5; Pro. 9:8, 9; 11:2.)

Maytyaˈagyë 57

1. ¿Ti txëˈäjtyë tadë mixyuˈunk diˈib jam mä dibujë, ets wiˈix nijäˈäjëm ko jotmëk?

2. ¿Mä tsyënääyë Davit, ets ti txëˈäjtyë tyeety etsë tyatwelë?

3. ¿Tiko Jyobaa tˈanmääyë Samwel ets nyëjxët mä Jesee tyëjk jam Belén?

4. ¿Ti tuun jäjtë ko Jesee ttukwinguwoˈojë Samwel ja nijëxtujkpë myäänk?

5. ¿Wiˈixë Jyobaa tˈanmääyë Samwel ko yajtukwinguwoˈojë Davit?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 17:34, 35.

   Extëm diˈibë Davit tyuun, ¿wiˈix dyaˈijxë jotmëkˈäjtënë etsë mëbëjkënë mä Jyobaa? (1 Sam. 17:37.)

2. Käjxë 1 Samuel 16:1-14.

   1. Extëmë Jyobaa jyënany mä 1 Samuel 16:7, ¿wiˈix xypyudëjkëm ets kyaj jeˈeyë winˈixy wingexy ntsojkëmë nmëguˈukˈäjtëm, ets nan kyaj jeˈeyë nˈijxëm wiˈix jyaˈayˈaty nikëjxy këbajky? (Apos. 10:34, 35; 1 Tim. 2:4.)

   2. Extëmë Saúl jyajty, ¿wiˈix tuˈugë jäˈäy mbäät tyuktëkëtyë axëkˈäjtën ets axëëk yˈadëˈëtsët ko Jyobaa dyajjëgeˈegyë jyot myëjää? (1 Sam. 16:14; Mat. 12:43-45; Gal. 5:16.)

Maytyaˈagyë 58

1. ¿Wiˈixë Goliat tnixiky ttukxiky ja israelitëty mëdë yˈää yˈayuk?

2. ¿Nëˈënë Goliat yenyëty, ets ti Saúl yˈawäˈänë tmoˈoyaˈanyë jäˈäy diˈib yaˈoˈkypyë Goliat?

3. ¿Wiˈixë Davit yˈatsoojy ko Saúl yˈanmääyë ko kyaj mbäät tsyiptuny mëdë Goliat yëˈko mutsknëm?

4. Extëmë Davit tˈatsooyë Goliat, ¿wiˈix dyaˈijxë ko jam nyaygyubëjkë mä Jyobaa?

5. Extëm kyëxeˈeky mä dibujë, ¿ti Davit mëët dyaˈoˈkyë Goliat, ets ti tyuundë ok ja filisteety?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 17:1-54.

   1. ¿Tiko ja Davit tmëdäjtyë jotmëkˈäjtënë, ets wiˈix mbäät niˈijxtutëmë jyotmëkˈäjtënë? (1 Sam. 17:37, 45; Éfe. 6:10, 11.)

   2. Ko Dios mëduumbë kyuyattë o yˈëyëˈëktë, ¿tiko kyaj yˈoyëty tyim madäˈägäˈändët o tyim nayjawëdët mëj këjxm extëmë Goliat? (1 Sam. 17:8; Gal. 5:26; 1 Tim. 4:8.)

   3. Extëmë Davit tˈanmääyë Goliat, ¿wiˈix dyaˈijxë ko myëdäjtypyë netyë mëbëjkënë ko Jyobaa yëˈë dëˈën diˈibë nety pudëkëyanëp? (1 Sam. 17:45-47; 2 Cró. 20:15.)

   4. Extëm yajmaytyaˈaky tsyiptuundë ja israelitëty mëdë filisteety, ¿wiˈix dyaˈixyëtyë tyäˈädë maytyaˈaky ko yëˈë tsiptuunë Jyobaa tadë Dios diˈib tëyˈäjtën mët ja dios diˈib kyaj tyëyˈäjtënëty? (1 Sam. 17:43, 46, 47.)

   5. Tadë jäˈäyëty diˈib akwëˈëmdëp yä naxwiiny ets nyëjxäˈändë tsäjpotm, ¿wiˈix dyaˈixëdë ko myëbëjktëbë Jyobaa, dëˈën extëmë Davit? (1 Sam. 17:37; Jer. 1:17-19; Diˈibʉ Jat. 12:17.)

Maytyaˈagyë 59

1. ¿Tiko Saúl tˈaxëkˈijxyë Davit, per wiˈix jyaˈayˈajtyë myäänk Jonatan?

2. ¿Ti tuun jäjtë tëgok ko netyë Davit ttukwingoyë arpë Saúl?

3. ¿Wiˈixë Saúl tˈanmääyë Davit ti tyunëp ets tpëkëdë Mikal, ets tiko dëˈën tˈanmääjy?

4. Extëm kyëxeˈeky mä dibujë, ¿ti tyuunë Saúl myëdëgëkˈok mä nety jamë Davit kyoy?

5. ¿Wiˈixë Mikal tpudëjkë Davit ets kyaj yˈoogët, ets ti Davit tyuun jëxtujk jëmëjt?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 18:1-30.

   1. Extëmë Jonatan mëdë Davit nyaytsyojkëdë ets ninäˈä kyanaymyastutëdë, ¿wiˈix tyam nandëˈën nyaytsyokëdë tadë jäˈäyëty diˈib yajtijtëp wiingatypyë borreegë ets diˈib yajtijtëp “tukmutsk kajpëˈëkpë borreegë”? (1 Sam. 18:1; Fwank 10:16; Luc. 12:32, NM; Zac. 8:23.)

   2. Jonatan yëˈë diˈibë nety myëwëˈëmëyaampy ja kyutujkënë tyeety, ¿per wiˈix dyaˈijxë ko yˈaxäjë ja rey diˈibë netyë Jyobaa të twinˈixy, dëˈën extëm jyënaˈanyë 1 Samuel 18:4?

   3. Extëm të nˈijxëmë yˈijxpajtënë Saúl, ¿wiˈix xytyukˈijxëm ko mbäät tuˈugë jäˈäy tyuundëgoy mëjwiin kajaa ko ti tnaywyinaxë jawë? ¿Ets wiˈixë tyäˈädë xytyuˈunxëm ets kyaj dëˈën nˈadëtsëm? (1 Sam. 18:7-9, 25; Sant. 3:14-16.)

2. Käjxë 1 Samuel 19:1-17.

   ¿Wiˈixë Jonatan tpëjtakyë jyukyˈäjtënë jotmay jëjpˈam ko tnikäjxtutyë Davit tyeety wyinduujy? (1 Sam. 19:1, 4- 6; Prov. 16: 14.)

Maytyaˈagyë 60

1. Extëm jam xyˈixy mä dibujë, ¿ti txëˈatyë tadë toxytyëjk diˈib nyimiimbyë Davit, ets wiˈix jyaˈayˈajty?

2. ¿Pën Nabalˈäjt?

3. ¿Tiko Davit tkejxy näägë tyuumbë ets nëjx tˈamdowdë käˈäy ukënë mä Nabal?

4. ¿Wiˈixë Nabal tˈatsoojy ja Davitë tyuumbëty, ets ti tyuunë Davit?

5. ¿Wiˈix Abigaˈil dyaˈijxë ko tapë jyot wyinmäˈäny?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 22:1-4.

   Davit ojtsë fyamilyë pyudëkëdë, ¿wiˈixë yˈijxpajtënë mbäät xypyudëjkëm ets nandëˈën naybyudëjkëm ninëˈën nmëduˈunëmë Dios? (Pro. 17:17; 1 Tes. 5:14.)

2. Käjxë 1 Samuel 25:1-43.

   1. ¿Tiko Nabal yajnimaytyaˈaky mëk axëëk? (1 Sam. 25:2-5, 10, 14, 21, 25.)

   2. ¿Wiˈix mbäädë toxytyëjkëty diˈib të pyëjknëdë tpanëjxëdë yˈijxpajtënë Abigaˈil? (1 Sam. 25:32, 33; Pro. 31:26; Éfe. 5:24.)

   3. ¿Ti diˈibë Davit kyaj ojts ttuny mët ko ja Abigaˈil pyudëjkë? (1 Sam. 25:31, 33; Rom. 12:19; Éfe. 4:26.)

   4. Ko ja Davit tpëjktëjkë yˈää yˈayukë Abigaˈil, ¿wiˈix mbäät pyudëkëtyë yetyëjkëty ets tˈixtëdë toxytyëjkëty extëmë Jyobaa tˈixy? (Apos. 21:8, 9; Rom. 2:11; 1 Peed. 3:7.)

Maytyaˈagyë 61

1. ¿Ti tyuunë Davit mëdë Abisay mä nety jamë Saúl të myanäjxtäˈäytyë?

2. ¿Tijatyë Davit yajtëëjë Saúl?

3. ¿Mä Davit ojts nyejxy ko myaytyaktääjy mëdë Saúl?

4. ¿Tiko Davit jyantsy jyotmayˈooky ets ojts twaapy tuˈugë ëy?

5. ¿Näägë netyë Davitë jyëmëjt ko ojts tyëkë rey jam Ebron, ets tijatyë yˈuˈunk txëˈäjty diˈib jam maxuˈunkˈäjt?

6. ¿Mä okë Davit ojts yˈaneˈemy?

Yajtëˈëwën diˈib këˈëm mˈatsoojëmbitëp:

1. Käjxë 1 Samuel 26:1-25.

   1. Extëm jyënaˈanyë 1 Samuel 26:11, ¿wiˈixë Davit wyinmääjy mä ja anaˈambë diˈibë netyë Jyobaa të tpëjtaˈaky? (Sal. 37:7; Rom. 13:2.)

   2. Ko ndukmëduˈunëmë oyˈäjtënë nmëguˈukˈäjtëm ets pën kyaj tmëjjawë, ¿wiˈix mbäät xypyudëjkëm extëm jyënanyë Davit mä 1 Samuel 26:23 ets xëmë oyë jot winmäˈäny nmëdäjtëm? (1 Rey. 8:32; Sal. 18:20.)

2. Käjxë 2 Samuel 1:26.

   Extëmë Davit mëdë Jonatan mëk nyaytsyojkëdë, ¿wiˈix ëtsäjtëm mbäät nyaˈijxëmë dëˈëmbë tsojkënë nixim niyam? (1 Peed. 4:8; Kol. 3:14; 1 Fwank 4:12.)

3. Käjxë 2 Samuel 5:1-10.

   1. ¿Näk jëmëjtë Davit ojts yˈaneˈemy, ets mäjaty ojts yˈaneˈemy? ¿Nëˈënaty jyejkyë yˈanaˈamënë? (2 Sam. 5:4, 5.)

   2. ¿Tidën ko ja Davit ojts jyaˈty mëj, ets ti tyäˈädë tyam xytyukniˈijxëm? (2 Sam. 5:10; 1 Sam. 16:13; 1 Cor. 1:31, NM; 2 Kor. 4:7.)

Maytyaˈagyë 62

1. ¿Ti tyuundë ja israelitëty mëdë Jyobaa nyaybyudëkë ko nety jam yajpäättë Kanán?

2. ¿Ti tuun jäjtë mä tuˈugë ux ko nety jamë Davit tyëjknikëjxy?

3. ¿Tiko Jyobaa mëk ttukjotˈambejkyë Davit?

4. ¿Pënë tadë jäˈäy diˈibë jam mä dibujë diˈibë Jyobaa kyajx ets nëjxë Davit ttukmëgajxyë pyoky, ets wiˈix tˈanmääyë Davit?

5. ¿Ti amay jotmayë Davit pyat?

6. ¿Pënë net tëjkë rey jam Israel ko Davit yˈoˈky?

Yajtëˈëwën diˈib këˈëm mˈatsoojëmbitëp:

1. Käjxë 2 Samuel 11:1-27.

   1. ¿Wiˈix xykyuwäˈänëm ko nyaˈijtëmë jot winmäˈäny mä Jyobaa tyuunk?

   2. ¿Tiko ja Davit pyokytyuuny? Ets extëm jyajty, ¿wiˈix mbäät tyuˈunxëdë yˈijxpajtën pënaty tyamë Jyobaa myëduundëp? (2 Sam. 11:2; Mat. 5:27, 28; 1 Kor. 10:12; Sant. 1:14, 15.)

2. Käjxë 2 Samuel 12:1-18.

   1. Extëm ja Natán ojts tkäjxwijˈyë Davit, ¿wiˈix tyam mbäät nandëˈën kyäjxwijtë uˈunk tääk uˈunk teety etsë mëjäˈäytyëjk diˈib mä Diosë kyäjpn? (2 Sam. 12:1-4; Pro. 12:18; Mat. 13:34.)

   2. ¿Tiko Jyobaa tpaˈayooyë Davit? (2 Sam. 12:13; Sal. 32:5; Apos. 3:19.)

Maytyaˈagyë 63

1. ¿Ti Jyobaa yajtëëjë Salomonk, ets wiˈixë Salomonk yˈatsoojy?

2. Jyobaa yˈoymyëdoo ti ja Salomonk amdoojë, ¿wiˈix tˈanmääjy ko tijaty yˈakmoˈoyaampy?

3. ¿Ti mëj jotmay ja majtskpë toxytyëjk tyumëtmaytyaktë Salomonk?

4. Extëm kyëxeˈeky mä dibujë, ¿wiˈix ja Salomonk dyaˈoˈoyë jotmay?

5. ¿Wiˈixë jäˈäy jyukyˈäjttë mä ja Salomonk ojts yˈaneˈemy, ets tiko?

Yajtëˈëwën diˈib këˈëm mˈatsoojëmbitëp:

1. Käjxë 1 Reyes 3:3-28.

   1. Extëm Salomonk jyënany mä 1 Reyes 3:7, ¿ti mbäät tjattë tadë yetyëjkëty diˈib të yajtuknipëktë tuunk mä Diosë kyäjpn? (Sal. 119:105; Pro. 3:5, 6.)

   2. Extëm diˈibë Salomonk yˈamdoo mä 1 Reyes 3:9, ¿ti xytyukniˈijxëm mä ti mbäät nˈamdoˈojëmë Jyobaa? (1 Rey. 3:9, 11; Pro. 30:8, 9; 1 Fwank 5:14.)

   3. Extëm ja Salomonk dyaˈoˈoyë jyotmay ja majtskpë toxytyëjk, ¿ti mbäät nˈawijxëm mä yˈanaˈamäˈänyë Jesukristʉ diˈib yajtijp Mëjpë Salomonk? (1 Rey. 3:28; Isa. 9:6, 7; 11:2-4.)

2. Käjxë 1 Reyes 4:29-34.

   1. ¿Wiˈixë Jyobaa tˈatsoojëmbijtyë Salomonk ko yˈamdoojë tuˈugë jot korasoonë oybyë diˈib mbäät myëdoy? (1 Rey. 4:29.)

   2. Extëm ja jäˈäy ojts tninëjxtë ja Salomonk ets tmëdoˈitanëdë wyijyˈäjtënë, ¿ti net ëtsäjtëm mbäät nˈoktuˈunëm mëdë Biiblyë? (1 Rey. 4:29, 34; Fwank 17:3; 2 Tim. 3:16.)

Maytyaˈagyë 64

1. ¿Nëˈën jyejky ets ja Salomonk tkojˈabejty ja Diosë tyëjk, ets tiko tyuuny mayë meeny sentääbë?

2. ¿Näägë tëjk ojts yajkojy extëm diˈibë nety mä ja tabernakulo, ets ti jap yajpëjtak mä ja kuartë ogäjpë?

3. ¿Wiˈixë Salomonk nyuˈkxtaky ko ja Diosë tyëjk yˈoˈoyëtyaajy?

4. ¿Wiˈixë Jyobaa dyaˈijxë ko yˈoymyëdoo ja Salomongë nyuˈkxtakën?

5. ¿Ti ja Salomongë nyëdoˈoxyëty tuktuunëdë, ets wiˈixë net jyajty?

6. ¿Tiko Jyobaa ttukjotˈambejkyë Salomonk, ets wiˈix tˈanmääjy?

Yajtëˈëwën diˈib këˈëm mˈatsoojëmbitëp:

1. Käjxë 1 Crónicas 28:9, 10.

   Extëmë Davit jyënany mä 1 Crónicas 28:9, 10, ¿ti tsojkëp nduˈunëm bom bom mä njukyˈäjtënëˈäjtëm? (Sal. 19:14; Fili. 4:8, 9.)

2. Käjxë 2 Crónicas 6:12-21, 32-42.

   1. ¿Wiˈixë Salomonk dyaˈijxë ko Jyobaa kyaj mbäät tsyëënë mä tuˈugë tëjk diˈibë naxwinyëdë jäˈäy të tkojy? (2 Cró. 6:18; Apos. 17:24, 25.)

   2. ¿Ti xytyukniˈijxëm mä wiˈix jyaˈayˈatyë Jyobaa extëm jyënanyë Salomonk mä 2 Crónicas 6:32, 33? (Apos. 10:34, 35; Gal. 2:6.)

3. Käjxë 2 Crónicas 7:1-5.

   Dëˈën extëm ja israelitëty ojts tmëjkumaytyë Jyobaa ko tˈijxtë ja myëjˈäjtënë, ¿ti net mbäät nduˈunëm ko nˈijxëm wiˈixë Jyobaa tkuniˈxyë kyäjpn? (2 Cró. 7:3; Sal. 22:22; 34:1; 96:2.)

4. Käjxë 1 Reyes 11:9-13.

   Extëmë Salomonk jyukyˈajty, ¿wiˈix xytyukˈijxëm ko jëjpˈam ets ninäˈä ngamastutëmë Jyobaa? (1 Rey. 11:4, 9; Mat. 10:22; Diˈibʉ Jat. 2:10.)

Maytyaˈagyë 65

1. ¿Ti txëˈäjttë tadë nimajtskpë jäˈäy diˈib mä dibujë, ets pënatyëˈë?

2. ¿Wiˈixë Aˈiya ttuuny ja wyit, ets ti ojts tˈandijy ko dëˈën ttuuny?

3. ¿Wiˈixë Salomonk tjatunanyë Jeroboˈan?

4. ¿Tiko ja jäˈäyëty dyajtëjkëdë rey ja Jeroboˈan mä ja mäjk grupë jäˈäy mëdë tyëëmp yˈääts?

5. ¿Tiko Jeroboˈan dyaˈoˈoyë majtskë awinax dëˈën extëmë tsäjkää maxuˈunk, ets wiˈixë net ok ja käjpn jyajty?

6. ¿Wiˈix jyäjttë ja jäˈäyëty diˈibë Reoboˈam yˈanaˈam, ets wiˈix jyajty ja Jyobaa tyëjk diˈibë nety jam Jerusalén?

Yajtëˈëwën diˈib këˈëm mˈatsoojëmbitëp:

1. Käjxë 1 Reyes 11:26-43.

   ¿Wiˈixë nety jyaˈayˈatyë Jeroboˈan, ets ti Jyobaa tukwandakë pën mëmëdoojëp? (1 Rey. 11:28, 38.)

2. Käjxë 1 Reyes 12:1-33.

   1. Extëmë Reoboˈam dyajtuuny axëëgë kyutujkënë, ¿ti mbäät tjattë uˈunktääk uˈunkteety etsë mëjäˈäytyëjk diˈib mä Diosë kyäjpn? (1 Rey. 12:13; Ecl. 7:7; 1 Peed. 5:2, 3.)

   2. Ko ënäˈktëjk twinmaytyët ti ttunäˈändët mä jyukyˈäjtënë, ¿pën diˈib mbäät oy nyëˈëmoˈoy tyuˈumoˈoyëdë? (1 Rey. 12:6, 7; Pro. 1:8, 9; 2 Tim. 3:16, 17; Ebre. 13:7.)

   3. ¿Tiko Jeroboˈan dyajnaxkëdaky majtskë lugäär mä yaˈawdatët ja awinax diˈib dëˈën extëmë tsäjkää maxuˈunk? Ets ko dëˈën yˈadëtsy, ¿wiˈix dyaˈijxë ko ninëˈënë netyë mëbëjkënë tkamëdaty mä Jyobaa? (1 Rey. 11:37; 12:26-28.)

   4. Mä ja mäjkpë grupë mëdë tyëëmp yˈääts, ¿pën yajmäˈt extëmë nety yaˈawdatyë Jyobaa? (1 Rey. 12:32, 33.)

Maytyaˈagyë 66

1. ¿Pën Jezabelˈäjt?

2. ¿Tiko tuˈugë xëë Akab axëëk nyayjäˈäjë?

3. ¿Ti tyuunë Jezabel etsë nyaˈay tjaˈatët ja Nabotë yˈuubës kam?

4. ¿Pënë Jyobaa kyajx ets ttukumëdowëdë Jezabel?

5. Extëm kyëxeˈeky mä dibujë, ¿ti tuun jäjtë ko ja Jeˈuu jyajty mä tsyëënë Jezabel?

Yajtëˈëwën diˈib këˈëm mˈatsoojëmbitëp:

1. Käjxë 1 Reyes 16:29-33 etsë 18:3, 4.

   ¿Nëˈënë nety të myëjwindëkë ja axëkˈäjtënë jam Israel ko ojts yˈaneˈemyë Akab? (1 Rey. 16:33.)

2. Käjxë 1 Reyes 21:1-16.

   1. ¿Wiˈixë Nabot dyaˈijxë jotmëkˈäjtënë ets ko myëmëdoojë Jyobaa? (1 Rey. 21:1-3; Lev. 25:23-28.)

   2. ¿Ti xytyukniˈijxëmë yˈijxpajtënë Akab mä wiˈix mbäät nwinguwäˈkëmë amay jotmay ko ngatukpëtsëˈëmëmë winmäˈäny? (1 Rey. 21:4; Rom. 5:3-5.)

3. Käjxë 2 Reyes 9:30-37.

   Extëmë Jeˈuu tpëjtakyë jyot kyorasoon mä ttuunyë Jyobaa tyuunk, ¿wiˈix ëtsäjtëm mbäät niˈijxtutëm? (2 Rey. 9:4-10; 2 Kor. 9:1, 2; 2 Tim. 4:2.)

Maytyaˈagyë 67

1. ¿Pën Josafatˈäjt, ets näˈä jyukyˈajty?

2. ¿Tiko ja israelitëty ojts tyuktëkëdë tsëˈëgë, ets ti tyuundë?

3. ¿Wiˈixë Jyobaa tˈatsoojëmbijty ja Josafatë nyuˈkxtakën?

4. ¿Ti tyuunë Jyobaa mä nety ja israelitë kyajäˈttë mä ja myëtsip?

5. ¿Ti xytyukniˈijxëm extëm të yajmaytyaˈagyë Josafat?

Yajtëˈëwën diˈib këˈëm mˈatsoojëmbitëp:

1. Käjxë 2 Crónicas 20:1-30.

   1. ¿Wiˈixë Josafat dyaˈijxë ko ti mbäät ttundë Dios mëduumbëty ko pën tyunäˈänëdët axëëk? (2 Cró. 20:12; Sal. 25:15; 62:1.)

   2. Dëˈën extëmë Jyobaa dyajtuunyë Jaasiel ets ttuknijäˈäjë kyäjpn ti nety tyunaampy, ¿pën nandëˈën tyam yajtuumpy? (2 Cró. 20:14, 15; Mat. 24:45-47; Fwank 15:15.)

   3. Ko netyë Jyobaa dyajtsondaˈaky ja tsip diˈib xyëˈäjtypy Armajedón, ¿wiˈix ëtsäjtëm nyajpäädäˈänëm dëˈën extëm yajpatyë Josafat mëdë jyaˈayëty? (2 Cró. 20:15, 17; 32:8; Diˈibʉ Jat. 16:14, 16.)

   4. Dëˈën extëm ja levitëty, ¿wiˈix tyamë misioneerëty etsë prekusoorëty tˈëwäˈx tkäjxwäˈxtë Diosë yˈää yˈayuk abëtsemy Nyaxwinyëdë? (2 Cró. 20:19, 21; Rom. 10:13-15; 2 Tim. 4:2.)

Maytyaˈagyë 68

1. ¿Pënatyë tadë jäˈäy diˈib jam mä dibujë, ets ti tëgokë tadë mixyuˈunk jäjtë?

2. ¿Wiˈixë Eliiʉs tninuˈkxtakë tadë mixyuˈunk, ets ti net tuun jäjtë?

3. ¿Ti txëˈäjty ja pyudëjkëbë Eliiʉs?

4. ¿Tiko ja toxytyëjk diˈib tsënääjy Sunem tˈëxtääyë Eliseeʉ?

5. ¿Ti tyuunë Eliseeʉ, ets wiˈix ja mixyuˈunk jyajty diˈibë nety të yˈoˈknë?

6. ¿Ti mëjää myëdäjtypyë Jyobaa extëm dyaˈijxë mët yëˈëgyëjxmë Eliiʉs etsë Eliseeʉ?

Yajtëˈëwën diˈib këˈëm mˈatsoojëmbitëp:

1. Käjxë 1 Reyes 17:8-24.

   1. ¿Wiˈixë Eliiʉs yaˈijxmäjtsy pën jyantsy myëmëdoobyë Jyobaa ets pën jyantsy myëdäjtypyë mëbëjkën? (1 Rey. 17:9; 19:1-4, 10.)

   2. ¿Tiko njënäˈänëm ko ja kuˈooky jyaˈay diˈib tsënääjy Sareptʉ myëdäjt mëjwiin kajaa mëbëjkën? (1 Rey. 17:12-16; Luk. 4:25, 26.)

   3. Extëm jyajty ja kuˈooky jyaˈay diˈib Sareptʉ, ¿wiˈix tyëyˈäjtëndëkë extëm jyënanyë Jesús mä Matewʉ 10:41, 42? (1 Rey. 17:10-12, 17, 23, 24.)

2. Käjxë 2 Reyes 4:8-37.

   1. Dëˈën extëm ja toxytyëjk diˈib Sunem yajxon ojts tˈaxäjë ja Eliseeʉ mä tyëjk, ¿wiˈix ëtsäjtëm nandëˈën mbäät njäˈäyˈäjtëm? (2 Rey. 4:8; Luk. 6:38; Rom. 12:13; 1 Fwank 3:17.)

   2. ¿Wiˈix ëtsäjtëm tyam mbäät nˈoyjyaˈaytyakëm mëdë Dios mëduumbëty? (Apos. 20:35; 28:1, 2; Gal. 6:9, 10; Ebre. 6:10.)

Maytyaˈagyë 69

1. Tadë kixyuˈunk diˈib mä dibujë, ¿wiˈix jam tˈanëëmë tadë toxytyëjk?

2. ¿Pënë tadë toxytyëjk diˈib mä dibujë, ets tiko tadë kixyuˈunk jam tsyëënë?

3. ¿Wiˈixë Eliseeʉ tˈanmääyë tyuumbë ets tˈanëëmëdë Na̱a̱mán, ets tiko Na̱a̱mán jyotˈambejky?

4. ¿Wiˈix jyajty ja Na̱a̱mán ko tmëmëdoojy ja tyuumbëty?

5. ¿Tiko Eliseeʉ kyaj ojts tˈaxäjë diˈibë Na̱a̱mán ja namooyë, per ti tyuunë Geˈasii?

6. ¿Wiˈix jyajty ja Geˈasii, ets ti xytyukniˈijxëm extëm jyajty?

Yajtëˈëwën diˈib këˈëm mˈatsoojëmbitëp:

1. Käjxë 2 Reyes 5:1-27.

   1. ¿Wiˈix tyam mbäädë ënäˈktëjk pyudëkëdë extëm ja kixyuˈunk ttuuny? (2 Rey. 5:3; Sal. 8:2; 148:12, 13.)

   2. Ko nyajkäjxwijëm mëdë Biiblyë, ¿tiko yˈoyëty ets njamyajtsëmë yˈijxpajtënë Na̱a̱mán? (2 Rey. 5:15; Ebre. 12:5, 6; Sant. 4:6.)

   3. ¿Ti xytyukniˈijxëm extëmë Eliseeʉ wyinmääjy ko yajmooyë mayˈaty? ¿Ets nan ti xytyukniˈijxëm extëmë Geˈasii wyinmääjy? (2 Rey. 5:9, 10, 14-16, 20; Mat. 10:8; Apos. 5:1-5; 2 Kor. 2:17.)

Maytyaˈagyë 70

1. ¿Pën Jonasˈäjt ets ti Jyobaa tukˈanaˈamë?

2. ¿Ti diˈib tyuunë Jonás ko kyaj nyëjxany mä Jyobaa ojts kyexyëty?

3. ¿Wiˈixë Jonás tˈanmääjy ja barkë yajˈyoˈobyëty ti tyundëp ets ja mejny dëˈënyë wyëˈëmët?

4. Extëm kyëxeˈeky mä dibujë, ¿wiˈix jyajtyë Jonás ko nety jap mejnyoty?

5. ¿Nëˈënë Jonás yˈijty äjkx jodoty, ets ti jap tyuun?

6. ¿Mä Jonás ojts nyejxy ko pyëtseemy äjkx jodoty, ets ti diˈibë tyäˈädë xytyukniˈijxëm?

Yajtëˈëwën diˈib këˈëm mˈatsoojëmbitëp:

1. Käjxë Jonás 1:1-17.

   1. ¿Naa wiˈixë Jonás wyinmääjy ko ojts yajkexy Nínive ets nëjx tˈawanëdë jäˈäy ti netyë Jyobaa tyunaampy? (Jon. 1:2, 3; Pro. 3:7; Ecl. 8:12.)

2. Käjxë Jonás 2:1, 2, 10.

   Dëˈën extëmë Jyobaa tmëdooyë Jonasë nyuˈkxtakën, ¿wiˈix nandëˈën mbäät nˈijtëm seguurë ko Jyobaa myëdoopy ko nmënuˈkxtakëm? (Sal. 22:24; 34:6; 1 Fwank 5:14.)

3. Käjxë Jonás 3:1-10.

   1. Oy jawyiinë Jonás tkamëmëdooyë Jyobaa, ¿wiˈix xypyudëjkëm ko nijäˈäjëm ko Jyobaa yajtuunˈadëtsë Jonás extëmë kugajpxy? (Sal. 103:14; 1 Peed. 5:10.)

   2. Extëmë Jonás wyinmääjy mä ja jäˈäyëty diˈib Nínive, ¿ti xytyukniˈijxëm mä wiˈix mbäät nwinmäˈäyëm mä tadë jäˈäy diˈib ndukmëtmaytyakëmë Diosë yˈää yˈayuk? (Jon. 3:6-9; Ecl. 11:6; Apos. 13:48.)

Maytyaˈagyë 71

1. ¿Pën Isaiiʉˈäjt ets näˈä jyukyˈajty, ets ti Jyobaa tukˈijxë?

2. ¿Ti mdukjamyajtsëp ko xyˈixyë tadë dibujë?

3. ¿Wiˈixë Jyobaa tˈanmääyë kyugajpxy Isaiiʉ ets tkujayët mä wiˈix yˈixˈatäˈäny ja it lugäärë tsujpë?

4. ¿Tiko Adán mëdë Eevʉ dyajtëgooytyë ja it lugäärë tsujpë?

5. ¿Ti Jyobaa tyukwandakypy pënatyëty tsojkëdëp?

Yajtëˈëwën diˈib këˈëm mˈatsoojëmbitëp:

1. Käjxë Isaías 11:6-9.

   1. Extëm jyënaˈanyë Diosë yˈää yˈAyuk, ¿wiˈix yˈitäˈändë tuˈugyë jäˈäy mëdë jëyujk animal mä ja jembyë jukyˈäjtënë? (Sal. 148:10, 13; Isa. 65:25; Eze. 34:25.)

   2. Oy tyam kyajaˈatyë tuˈugyëˈäjtënë extëmë Isaiiʉ jyënany, ¿ti tyam tyuundëbë Dios mëduumbë ets tmëdattëdë tuˈugyëˈäjtënë? (Rom. 12:2; Éfe. 4:23, 24.)

   3. ¿Pën mbäät yajmëjkumay ko tyamë jäˈäy dyajtëgatsyë jyaˈayˈäjtënë ets ko nëjx dyajtëgatsäˈändë mä ja jembyë jukyˈäjtënë? (Isa. 48:17, 18; Gal. 5:22, 23; Fili. 4:7.)

2. Käjxë Diˈibʉ Jatanʉp 21:3, 4.

   1. Biiblyë jyënaˈany ko Dios yˈity mëdë naxwinyëdë jäˈäy, ¿wiˈix nijäˈäjëm ko Dios kyaj jyantsy kyëdaˈaky yä Naxwiiny? (Lev. 26:11, 12; 2 Cró. 6:18; Isa. 66:1; Diˈibʉ Jat. 21:2, 3, 22-24.)

   2. ¿Ti diˈib kyaj xynyekyyajëˈëyäˈän xynyekyyajˈyäˈäxäˈänëm, ets kyaj xynyekymyoˈoyäˈänëmë pëjk adoˈonën? (Luk. 8:49-52; Rom. 8:21, 22; Diˈibʉ Jat. 21:4.)

Maytyaˈagyë 72

1. ¿Pënë tadë yetyëjk diˈib mä dibujë, ets tiko tpaty mëjwiin kajaa amay jotmay?

2. ¿Ti nokyë Ezekiiʉs pyëjtak mä ja Diosë tyëjk, ets ti yˈamdoojë Dios?

3. ¿Wiˈix ojts yˈaneˈemyë Ezekiiʉs, ets wiˈixë Jyobaa yˈanmääyë mët yëˈëgyëjxmë kyugajpxy Isaiiʉ?

4. Extëm kyëxeˈeky mä dibujë, ¿wiˈixë Jyobaa yˈanklës ttuuny ja tsiptuumbëty diˈib Asirië?

5. Ja majtsk grupë jäˈäy mëdë tyëëmp yˈääts jeˈeyë jyotkujkˈäjttë tuk tiempë, ¿ti net tuun jäjtë ko ojts yˈoˈknë ja rey Ezekiiʉs?

Yajtëˈëwën diˈib këˈëm mˈatsoojëmbitëp:

1. Käjxë 2 Reyes 18:1-36.

   1. ¿Wiˈixë Rabsakee tˈanmääyë israelitëty ets ja myëbëjkënë dyajtëgoytyët? (2 Rey. 18:19, 21; Éxo. 5:2; Sal. 64:3.)

   2. ¿Wiˈix tyamë Jyobaajë tyestiigëty tpanëjxëdë yˈijxpajtënë Ezekiiʉs ko twinguwäˈäk tjëjpkuwäˈägëdë jäˈäy diˈib mëtsipˈäjtëdëp? (2 Rey. 18:36; Sal. 39:1; Pro. 26:4; 2 Tim. 2:24.)

2. Käjxë 2 Reyes 19:1-37.

   1. Ko tyamë Diosë kyäjpn yˈamaybyaaty jyotmaybyaaty, ¿wiˈix tpanëjxëdë yˈijxpajtënë Ezekiiʉs? (2 Rey. 19:1, 2; Pro. 3:5, 6; Ebre. 10:24, 25; Sant. 5:14, 15.)

   2. Ok nigäjx wiˈix tëgëk okë Senakerip yajmëmadaky. Ets extëmë Biiblyë jyënaˈany, ¿pën nandëˈën diˈib dëˈën jatäämp? (2 Rey. 19:32, 35, 37; Diˈibʉ Jat. 20:2, 3.)

3. Käjxë 2 Reyes 21:1-6, 16.

   ¿Tiko mbäät njënäˈänëm ko Manasés yëˈë dëˈën diˈib mas axëëk ojts yˈaneˈemy nëˈën niˈamukë rey diˈib anaˈam Jerusalén? (2 Cró. 33:4-6, 9.)

Maytyaˈagyë 73

1. ¿Näägë netyë jyëmëjtë Josiiʉs ko tyëjkë rey, ets ti tyuun ko nety kujk yˈaneˈemy jëxtujk jëmëjt?

2. ¿Ti tyuumbyë Josiiʉs mä tadë dibujë tim jawyiimbë?

3. ¿Ti pyat ja Ilkiyës ko nety ja Diosë tyëjk yˈaˈoyë?

4. ¿Tiko Josiiʉs tkëˈtsyë wyit?

5. ¿Wiˈixë Jyobaa tˈanmääyë Uldaa ets tˈanëëmëdë Josiiʉs?

Yajtëˈëwën diˈib këˈëm mˈatsoojëmbitëp:

1. Käjxë 2 Crónicas 34:1-28.

   1. ¿Ti ijxpajtënë pyëjtakë Josiiʉs parë pënaty të yaak të pyattë mä jyamˈatyë amay jotmay? (2 Cró. 33:21-25; 34:1, 2; Sal. 27:10.)

   2. ¿Ti tyuunë Josiiʉs ets yaˈawdatët aduˈugë Jyobaa ko nety kujk yˈaneˈemy 8 jëmëjt, 12 jëmëjt ets 18 jëmëjt? (2 Cró. 34:3, 8.)

   3. Extëm ja rey Josiiʉs mëdë Ilkiyës ojts dyaˈaˈoyëdë tëjk mä Jyobaa yaˈawdaty, ¿wiˈix mbäät xytyuˈunxëmë yˈijxpajtën? (2 Cró. 34:9-13; Pro. 11:14; 1 Kor. 10:31.)

Maytyaˈagyë 74

1. ¿Pënë tadë yetyëjk diˈib jap mä dibujë?

2. ¿Wiˈixë Jeremiiʉs yˈatsoojy ko yaˈanmääjy ets tyunët kugajpxy, per wiˈixë Jyobaa yˈanmääyë?

3. ¿Wiˈixë Jeremiiʉs tˈanmääyˈadëtsyë käjpn?

4. ¿Ti jyatunandë ja saserdotëty etsë Jeremiiʉs kyaj tnekyˈëwäˈx tnekykyäjxwäˈxëdë Jyobaa yˈayuk, per wiˈix dyaˈijxë ko kyaj tsyëˈëgë?

5. ¿Wiˈix jyäjttë israelitëty ko dëˈënyëm ttuundë axëkˈäjtënë?

Yajtëˈëwën diˈib këˈëm mˈatsoojëmbitëp:

1. Käjxë Jeremías 1:1-8.

   1. Extëm të nˈijxëmë yˈijxpajtënë Jeremiiʉs, ¿pën yajwijytyakëp tuˈugë jäˈäy mä ttunyë Jyobaa tyuunk? (2 Kor. 3:5, 6.)

   2. ¿Wiˈixë yˈijxpajtënë Jeremiiʉs mbäät pyudëkëdë ënäˈktëjk diˈib Dios mëduundëp? (Ecl. 12:1; 1 Tim. 4:12.)

2. Käjxë Jeremías 10:1-5.

   ¿Ti Jeremiiʉs mëët ojts tˈijxkijxyë awinax ets dëˈën dyaˈijxë ko ni wiˈixtsoo kyatuny ko tuˈugë jäˈäy tmëbeky? (Jer. 10:5; Isa. 46:7; Hab. 2:19.)

3. Käjxë Jeremías 26:1-16.

   1. Tadë jäˈäyëty diˈib akwëˈëmdëp yä Naxwiiny ets nyëjxäˈändë tsäjpotm, ¿wiˈix tmëmëdowdë extëmë Jyobaa tˈanmääyë Jeremiiʉs ko ni tuˈugë ayuk dëˈënyë tkaninaxët, mä tkäjxwäˈxtë ti Jyobaa yajminaampy? (Jer. 26:2; Deu. 4:2; Apos. 20:27.)

   2. ¿Wiˈix mbäädë Jyobaa tyestiigëty tpanëjxtë yˈijxpajtënë Jeremiiʉs mä tˈëwäˈx tkäjxwäˈxtë ti Jyobaa yajmiiny yajkëdakypy? (Jer. 26:8, 12, 14, 15; 2 Tim. 4:1-5.)

4. Käjxë 2 Reyes 24:1-17.

   ¿Wiˈix ojts tkujat tkugëbatëdë ja jäˈäyëty diˈib Judaa ko tkamëmëdoodë Jyobaa? (2 Rey. 24:2-4, 14.)

Maytyaˈagyë 75

1. ¿Pënë tadë nimäjtaxkpë mixy diˈib jam mä dibujë, ets tiko ojts yajmënëjxtë Babiloñʉ?

2. ¿Ti tyukniwinmäˈäyë Nabukodonosoor mëdë tadë nimäjtaxkpë mixy, ets ti tyukˈanaˈam ja tyuumbëty?

3. ¿Ti yˈamdoojë Daniel mëdë myëtnaymyaayëbëty tjëˈxäˈändë ets tˈuugäˈändë?

4. Ko nety ja Daniel mëdë myëtnaymyaayëbëty të tjëˈxtë mäjk xëë ja ääjy ujts, ¿wiˈix yëˈë yajpattë ets wiˈix yajpatyë ja wiingatypyë?

5. ¿Tiko Daniel mëdë myëtnaymyaayëbëty ojts yajmënëjxtë mä ja rey yˈaneˈemy, ets wiˈixën twinwäˈknäjxtë ja saserdotëty ets ja wijy jyaˈayëty?

Yajtëˈëwën diˈib këˈëm mˈatsoojëmbitëp:

1. Käjxë Daniel 1:1-21.

   1. ¿Ti tsojkëp nduˈunëm ets kyaj nbokyäˈäjëm ets ni xykyamëmadakëmë axëkˈäjtën? (Dan. 1:8; Gén. 39:7, 10; Gal. 6:9.)

   2. ¿Tijaty tyam mbäädë ënäˈktëjk yajtëgoyëdë diˈib mayë jäˈäy yˈijxtëp jantsy oy? (Dan. 1:8; Pro. 20:1; 2 Kor. 6:17–7:1.)

   3. Extëm të yajnimaytyaˈagyë tyäˈädë nimäjtaxkpë mixy, ¿wiˈixë net ëtsäjtëm mbäät nˈijxëmë ëxpëjkënë diˈib mä eskuelë? (Dan. 1:20; Isa. 54:13; 1 Kor. 3:18-20.)

Maytyaˈagyë 76

1. Extëm kyëxeˈeky mä dibujë, ¿wiˈix jam jyatyë Jerusalén käjpn etsë israelitëty?

2. ¿Pën Esekyeelˈäjt, ets tijatyë Jyobaa tukˈijxë?

3. Kom ja israelitëty kyaj twintsëˈkëdë Jyobaa, ¿ti netë Jyobaa wyandak?

4. ¿Ti tyuunë Nabukodonosoor ko ja israelitëty kyaj nyekymyëmëdoojë?

5. ¿Tiko Jyobaa tnasˈijxë ets ja israelitëty tyukminëdët ja mëj kutëgoˈoyën?

6. ¿Tiko ja israelitë yˈit lyugäär ojts wyeˈemy tukwäˈäts, ets nëˈën ndiempë dëˈën yˈijty?

Yajtëˈëwën diˈib këˈëm mˈatsoojëmbitëp:

1. Käjxë 2 Reyes 25:1-26.

   1. ¿Pën Sedekyiasˈäjt, ets wiˈix jyajty? ¿Ets wiˈix yˈadëëjy extëmë netyë Biiblyë të jyënaˈany? (2 Rey. 25:5-7; Eze. 12:13-15.)

   2. Ko ja israelitëty tˈawdäjttë wiink dios ets kyaj tmëmëdoodë Jyobaa, ¿pënë Jyobaa pyokyˈijx ko dëˈën yˈadëtstë? (2 Rey. 25:9, 11, 12, 18, 19; 2 Cró. 36:14, 17.)

   3. Käjxë Ezequiel 8:1-18.

      Extëm ja israelitëty diˈib myastuttë Jyobaa ets tˈawdäjttë xëë, ¿wiˈix tyam nandëˈën yˈadëˈëtstë tadë relijyonk diˈib jënandëp ko tpanëjxtë Kristʉ? (Eze. 8:16; Isa. 5:20, 21; Fwank 3:19-21; 2 Tim. 4:3.)

Maytyaˈagyë 77

1. ¿Ti nyiˈanaˈamë Nabukodonosoor ja rey diˈib Babiloñʉ?

2. ¿Tiko tadë Danielë myëtnaymyaayëbëty kyaj tniwindaktë ja awinax diˈib oorë?

3. Ko ja Nabukodonosoor tˈanmääytyë ja mixyˈënäˈk ets jatëgok tniwindäˈäktët ja awinax, ¿wiˈix dyaˈijxëdë ko myëbëjktë Jyobaa?

4. ¿Wiˈix ja Nabukodonosoor tˈanmääjy ja yetyëjkë kujot kumëjääbë ets ttundëdë Sadrak, Mesak etsë Abednego?

5. ¿Ti yˈijxë Nabukodonosoor ko kyuˈijxë ornoty?

6. ¿Tiko ja rey ojts tmëjkugäjxë ja diˈib Diosˈäjtypyë Sadrak, Mesak etsë Abednego, ets ti ijxpajtënë xymyoˈoyëmë tyäˈädë mixyˈënäˈk?

Yajtëˈëwën diˈib këˈëm mˈatsoojëmbitëp:

1. Käjxë Daniel 3:1-30.

   1. Ko yaˈijxmatsët ja nmëbëjkënyëˈäjtëm, ¿wiˈix mbäät naymyëdäjtëm extëm nyaymyëdäjtëdë ja nidëgëëkpë mixyˈënäˈk? (Dan. 3:17, 18; Mat. 10:28; Rom. 14:7, 8.)

   2. ¿Ti Jyobaa tyuknijäˈäjë Nabukodonosoor? (Dan. 3:28, 29; 4:34, 35.)

Maytyaˈagyë 78

1. ¿Ti tuun jäjtë ko nety ja rey diˈib Babiloñʉ kyay yˈuuktë ets ttukˈuugëdë ja kopë diˈib yajjuˈt mä Jyobaa tyëjk jam Jerusalén?

2. ¿Wiˈixë Belsasar tˈanmääjy ja wyijy jyaˈayëty, ets ti diˈib kyaj tmëmadaktë ttundët?

3. ¿Wiˈixë Belsasar yˈanmääyë tyääk?

4. Extëm ja Daniel tˈanmääjy ja rey, ¿tiko Dios dyajkëxeˈky ja këˈë ets tkëxjäˈäyët ja letrë jam potsykyëjxy?

5. ¿Wiˈixë Daniel ojts dyajnikejy ja letrë diˈib yajkëxjääjy potsykyëjxy?

6. ¿Ti tuun jäjtë mä netyë Daniel kyamaytyaktäˈäynyëm?

Yajtëˈëwën diˈib këˈëm mˈatsoojëmbitëp:

1. Käjxë Daniel 5:1-31.

   1. Ok nigäjx wiˈix tyëgatsyëty ko ntsëˈkëmë Jyobaa mët ja tsëˈëgë diˈib myëdäjtë Belsasar ko tˈijxy ja letrë potsykyëjxy (Dan. 5:6, 7; Sal. 19:9; Rom. 8:35-39).

   2. ¿Wiˈixë Daniel dyaˈijxë jotmëkˈäjtënë ko ojts kyajxy wyinduuyë Belsasar ets mä ja jäˈäyëty diˈib ijttëp mëj mä ja käjpn? (Dan. 5:17, 18, 22, 26-28; Apos. 4:29.)

   3. Extëm jyënaˈanyë Daniel kapitulo 5, ¿wiˈix jap dyaˈixyëty ko Jyobaa yëˈë diˈib naytyuˈuk myëdäjtypyë madakënë tˈanaˈamdäˈäyët tëgekyë? (Dan. 4:17, 25; 5:21.)

Maytyaˈagyë 79

1. ¿Pën Dariyëˈäjt, ets wiˈix tˈijxyë Daniel jyaˈayˈaty?

2. ¿Ti ja axëkjäˈäyëty tyuktuundë Dariyë?

3. ¿Ti tyuunë Daniel ko tnijäˈäjë ja jembyë anaˈamënë?

4. ¿Tiko Dariyë jyotmaytyuktëjkë ets kyaj myaajy, ets ti tyuun ja kum bom?

5. ¿Wiˈixë Daniel tˈatsooyë Dariyë?

6. ¿Wiˈix ja jäˈäy jyäjttë diˈib jyayaˈoogandë Daniel, ets wiˈixë ja Dariyë tˈanmääjy niˈamukë ja nax käjpn?

Yajtëˈëwën diˈib këˈëm mˈatsoojëmbitëp:

1. Käjxë Daniel 6:1-28.

   1. Extëm ja jäˈäy ttukniwinmäˈäyëdë ttunandë Daniel, ¿wiˈix tyam nandëˈënë axëkjäˈäy tjayajëjptëgoyäˈändë tadë tuunk diˈib tyuundëbë Jyobaa tyestiigëty? (Dan. 6:7; Sal. 94:20; Isa. 10:1; Rom. 8:31.)

   2. Ko tyamë kuduunk justisë ti xytyukˈanaˈamëm, ¿wiˈix mbäädë Danielë yˈijxpajtënë nbajoˈomëm? (Dan. 6:5, 10; Rom. 13:1; Apos. 5:29.)

   3. ¿Wiˈix mbäädë Jyobaa nmëduˈunëm ets ninäˈä ngamastutëm extëm ttuunyë Daniel? (Dan. 6:16, 20; Fili. 3:16; Diˈibʉ Jat. 7:15.)

Maytyaˈagyë 80

1. Extëm kyëxeˈeky mä dibujë, ¿ti jam tyuundëbë israelitë?

2. ¿Wiˈixë Siro dyaˈadëëjy diˈibë netyë Jyobaa të tnaskäjxë mët yëˈëgyëjxmë kyugajpxy Isaiiʉ?

3. ¿Wiˈixë Siro tˈanmääyë israelitëty diˈib kyaj ojts nyëjxtë Jerusalén?

4. ¿Ti Siro myooyë israelitëty ets tmënëjxtët Jerusalén?

5. ¿Nëˈën ojts tyuˈuyoˈoytyë ja israelitëty ets jyäjttë Jerusalén?

6. ¿Näk jëmëjtë Jerusalén käjpn yˈijty mä ni pën kyatsënääjy?

Yajtëˈëwën diˈib këˈëm mˈatsoojëmbitëp:

1. Käjxë Isaías 44:28 etsë 45:1-4.

   1. ¿Wiˈixë Jyobaa jyënany ko seguurë yˈadëwäˈäny diˈibë nety të yajnaskäjxë mä ti tyunaambyë Siro? (Isa. 55:10, 11; Rom. 4:17.)

   2. Extëm ja Isaiiʉ ojts tnaskäjxë mä ti tyunaambyë Siro, ¿ti xytyukˈijxëmë tyäˈädë mä wiˈixë Jyobaa tnijawë ti tunan jatanëp? (Isa. 42:9; 45:21; 46:10, 11; 2 Peed. 1:20.)

2. Käjxë Esdras 1:1-11.

   Extëm ja israelitëty diˈib wëˈëmdë Babiloñʉ tpudëjkëdë diˈib ojts nyëjxtë Jerusalén, ¿wiˈix tyam nandëˈën mbäät mbudëjkëm pënatyë Dios myëduundëp aduˈuk? (Esd. 1:4, 6; Rom. 12:13; Kol. 4:12.)

Maytyaˈagyë 81

1. ¿Ninäägë israelitë tsyoˈondë Babiloñʉ, ets wiˈix ja käjpn tpattë ko jyäjttë Jerusalén?

2. ¿Ti jawyiin ojts tkojtë ja israelitë ko jyäjttë Jerusalén, ets ti tyuundë ja myëtsipëty?

3. ¿Pën Ajeeˈäjt ets Zakariiʉsˈäjt, ets wiˈix ja jäˈäyëty tˈanmääytyë?

4. ¿Tiko Tatenay tkejxyë noky jam Babiloñʉ, ets wiˈix yaˈatsoojy?

5. ¿Ti tyuunë Esdras ko tnijäˈäjë ko tsojkëp ets ja Diosë tyëjk yˈoytyëkët?

6. Extëm kyëxeˈeky mä dibujë, ¿ti Esdras yˈamdoojë Jyobaa ets wiˈix yaˈatsoojëmbijtyë nyuˈkxtakën? ¿Ets ti diˈibë tyäˈädë xytyukniˈijxëm?

Yajtëˈëwën diˈib këˈëm mˈatsoojëmbitëp:

1. Käjxë Esdras 3:1-13.

   Ko nyajpatëm muum mä kyaj jyamëtyë testiigëty, ¿ti mbäät nduˈunëm? (Esd. 3:3, 6; Apos. 17:16, 17; Ebre. 13:15.)

2. Käjxë Esdras 4:1-7.

   Dëˈën extëm ttuunyë Zorobabel, ¿wiˈix xytyukˈijxëm ko kyaj mbäät nyajtuˈugyëmë mëbëjkënë mëdë wiinkpë relijyonk? (Éxo. 34:12; 1 Kor. 15:33; 2 Kor. 6:14-17.)

3. Käjxë Esdras 5:1-5, 17 etsë 6:1-22.

   1. ¿Tiko kyaj myadaktë ja israelitëtyë myëtsip ets dyajtuˈuwëˈëmët ja tuunk mä nety jamë Diosë tyëjk yajkojy? (Esd. 5:5; Isa. 54:17.)

   2. Extëm ja israelitë myëjäˈäytyëjk tˈëxtääytyë Jyobaa nyaybyudëkë, ¿wiˈix tyam mbäät nandëˈënë mëjäˈäytyëjk diˈib mä Diosë kyäjpn tˈëxtäˈäytyë Jyobaa nyaybyudëkë ko jäˈäy yˈaxëkˈixëdë? (Esd. 6:14; Sal. 32:8; Rom. 8:31; Sant. 1:5.)

4. Käjxë Esdras 8:21-23, 28-36.

   Dëˈën extëmë Esdras ttuuny, ¿ti mbäät nduˈunëm ko nduknibëjtakëm ti ndunäˈänëm mä njukyˈäjtënëˈäjtëm? (Esd. 8:23; Sal. 127:1; Pro. 10:22; Sant. 4:13-15.)

Maytyaˈagyë 82

1. ¿Pën Mardokeoˈäjt ets Esterˈäjt?

2. ¿Tiko ja rey Asuero tˈëxtääyë wiinkpë nyëdoˈoxy, ets pën wyinˈijx?

3. ¿Pën Amanˈäjt ets tiko jyotˈambejky?

4. ¿Wiˈix ja anaˈamënë ojts kyojy, ets ti tyuunë Ester ko ja Mardokeo ojts tyuknigexyëtyë kajxy?

5. ¿Wiˈix jyajtyë Aman ets ti tuungë net yajmooyë Mardokeo?

6. ¿Wiˈix ja israelitëty yˈawäˈätspëtsëëmdë mä ja myëtsipëty?

Yajtëˈëwën diˈib këˈëm mˈatsoojëmbitëp:

1. Käjxë Ester 2:12-18.

   Extëmë Ester jyaˈayˈajty, ¿wiˈix dyaˈijxë ko jëjpˈam nmëdäjtëmë yuunkˈat naxypyˈat? (Est. 2:15; 1 Peed. 3:1-5.)

2. Käjxë Ester 4:1-17.

   Dëˈën extëmë Ester ojts tpudëkë ja Diosë kyäjpn, ¿wiˈix tyam nandëˈën mbäät nyaˈijxëm ko nmëdunäˈänëmë Jyobaa ets ko ninäˈä ngamastuˈudäˈänëm? (Est. 4:13, 14; Mat. 5:14-16; 24:14.)

3. Käjxë Ester 7:1-6.

   ¿Wiˈix tyamë Dios mëduumbëty nyibëdëˈëgëdë jäˈäy dëˈën extëmë Ester? (Est. 7:4; Mat. 10:16-22; 1 Peed. 2:12.)

Maytyaˈagyë 83

1. ¿Wiˈix nyayjäˈäjëdë ja israelitëty ko ja Jerusalén käjpn kyaj nyabotsyëty?

2. ¿Pën Neˈemiyësˈäjt?

3. ¿Ti tyuunkˈäjtë Neˈemiyës, ets tiko ja tyuunk myëjëty?

4. ¿Ti nyijäˈäjë Neˈemiyës diˈib yajjotmaytyuktëjkë, ets ti tyuun?

5. ¿Wiˈix ja rey Artajerjes yˈoyjyaˈaytyaky mëdë Neˈemiyës?

6. ¿Wiˈix jyënanyë Neˈemiyës ets ja myëtsipëty kyaj dyajtuˈuwëˈëmëdët ja tuunk?

Yajtëˈëwën diˈib këˈëm mˈatsoojëmbitëp:

1. Käjxë Nehemías 1:4-6 etsë 2:1-20.

   ¿Wiˈixë Neˈemiyës tˈamdooyë Jyobaa etsë nyëˈëmoˈoy tyuˈumoˈoyëdët? (Neh. 2:4, 5; Rom. 12:12; 1 Peed. 4:7.)

2. Käjxë Nehemías 3:3-5.

   Ja jäˈäyëty diˈib Tekoa ojts tyundë per ja wyintsëndëjk kyaj tyuundë, ¿ti tyäˈädë tukniˈijxëdëbë mëjäˈäytyëjk diˈib tuundëp mä Diosë kyäjpn ets diˈib pudëjkëdëp? (Neh. 3:5, 27; 2 Tes. 3:7-10; 1 Peed. 5:5.)

3. Käjxë Nehemías 4:1-23.

   1. ¿Ti mëjäämooyëdë ja israelitëty ets dyajpajtˈadëˈëtstët ja potsy oy ja jäˈäy jyanibëdëˈkëdë? (Neh. 4:6, 8, 9; Sal. 50:15; Isa. 65:13, 14.)

   2. ¿Wiˈix tyam xypyudëjkëmë yˈijxpajtënë israelitëty?

4. Käjxë Nehemías 6:15.

   Ko ja potsy yˈabejty kyum 52 xëë, ¿wiˈixë tyäˈädë xytyukˈijxëm ko yëˈë Jyobaa diˈib pudëjkëdë mët ko tmëdäjttë mëbëjkën? (Sal. 56:3, 4; Mat. 17:20; 19:26.)

Maytyaˈagyë 84

1. ¿Pënë tadë kiixy diˈib jam mä dibujë?

2. ¿Wiˈixë Gabryel tˈanmääyë Mariiʉ?

3. Oy ja Mariiʉ nety kyaˈity kyatsëënë mëdë yetyëjk, ¿wiˈix yˈanmääyë Gabryel wiˈixën tpäädäˈänyë uˈunk?

4. ¿Ti tuun jäjtë ko Elisabet dyoˈkmëdoojy ja Mariiʉ?

5. ¿Wiˈix jyënanyë Josee ko tnijäˈäjë Mariiʉ uˈunk mëët, ets tiko wyinmääytyëgäjtsy?

Yajtëˈëwën diˈib këˈëm mˈatsoojëmbitëp:

1. Käjxë Lukʉs 1:26-56.

   1. Ko Dios tpëjtaky ja Jesusë jyukyˈäjtënë mä Mariiʉ yˈuˈunk tëjk, ¿tiko kyaj nyaxkëdaky mëdë poky extëm jyënaˈanyë Lukʉs 1:35? (Ageo 2:11-13; Fwank 6:69; Ebre. 7:26; 10:5.)

   2. ¿Wiˈixë Jesús ojts yajmëjkugäjxë mä nety kyamaxuˈunkˈatynyëm? (Luk. 1:41-43.)

   3. ¿Ti ijxpajtënë pyëjtakë Mariiʉ mët pënaty tyam yˈaxäjëdëbë tuungë jëjpˈambë mä Diosë kyäjpn? (Luk. 1:38, 46-49; 17:10; Pro. 11:2.)

2. Käjxë Matewʉ 1:18-25.

   Oyë Jesús tkaxëˈäjty Emanwel, ¿wiˈix dyaˈijxë mä jyukyˈäjtënë ko kyuytyuun extëmë tadë xëë nyikejy? (Mat. 1:22, 23; Fwank 14:8-10; Ebre. 1:1-3.)

Maytyaˈagyë 85

1. ¿Pënë tadë maxuˈunk diˈib jam mä dibujë, ets mä jamë Mariiʉ tkëxkoˈogäˈäny?

2. ¿Tiko myaxuˈunkˈäjtyë Jesús mä yˈityë jëyujk animal?

3. ¿Pënë tadë yetyëjkëty diˈib jam kuˈijxëdëp, ets wiˈix tuˈugë anklës yˈanmääyëdë?

4. ¿Tiko ojts yajmëjawë Jesús?

5. ¿Tiko Jesús yajtijy Diosë yˈUˈunk?

Yajtëˈëwën diˈib këˈëm mˈatsoojëmbitëp:

1. Käjxë Lukʉs 2:1-20.

   1. ¿Wiˈixë Sésʉr Augustʉ ojts dyaˈadëy extëmë nety të yajnaskäjxë mä myaxuˈunkˈatäˈänyë Jesús? (Luk. 2:1-4; Miq. 5:2.)

   2. ¿Ti mbäät tuˈugë jäˈäy ttuny ets yˈitët extëmë jäˈäyëty diˈibë Dios tsojkëp? (Luk. 2:14; Mat. 16:24; Fwank 17:3; Apos. 3:19; Ebre. 11:6.)

   3. Pën ja borreegë kuentˈäjtpëty ojts nyayjawëdë jantsy jotkujk ko myaxuˈunkˈäjty ja Yajnitsokpë, ¿tiko tyamë Dios mëduumbë mbäät nyayjawëdë mas jotkujk? (Luk. 2:10, 11; Éfe. 3:8, 9; Diˈibʉ Jat. 11:15; 14:6.)

Maytyaˈagyë 86

1. ¿Mä tsyoondë tadë yetyëjk diˈib jam mä dibujë, ets tiko jam tuˈuk tniˈixë tadë mëtsäˈä diˈib jantsy tëˈxp?

2. ¿Tiko ja rey Eroodʉs axëëk jyantsy nyayjäˈäjë, ets ti tyuun?

3. ¿Mä ja mëtsäˈä ojts twoonejxy ja yetyëjkëty, ets tiko wiink tuˈu ojts jyëmbijnëdë?

4. ¿Ti nyiˈanaˈamë Eroodʉs, ets tiko?

5. ¿Wiˈixë Jyobaa tˈanmääyë Josee?

6. ¿Pën diˈib yajkëxëˈk ja jembyë mëtsäˈä, ets tiko?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 2:1-23.

   ¿Naa näägë netyë Jesusë jyëmëjt ets mä nety tsyëënëdë ko ojts kyuˈixëdë ja jäˈäy diˈib yˈëxpëjktëbë mëtsäˈä? (Mat. 2:1, 11, 16.)

Maytyaˈagyë 87

1. Extëm kyëxeˈeky mä dibujë, ¿näägë Jesusë jyëmëjt ets mä jam yajpääty?

2. ¿Ti ijtyë Josee tyuumpy jëmëjt jëmëjt mëdë yˈuˈunk yˈënäˈk?

3. ¿Tiko Josee mëdë Mariiʉ jyëmbijttë Jerusalén ko nety tuk xëë të tyuˈuyoˈoytyë?

4. ¿Mä Josee mëdë Mariiʉ tpattë Jesús, ets tiko ja jäˈäy dëˈënyë wyëˈëmëtyaaytyë?

5. ¿Wiˈixë Jesús tˈatsooyë tyääk?

6. ¿Wiˈix mbäädë Jesusë yˈijxpajtënë nbajoˈomëm ko njäjtëmë Diosë yˈayuk?

Yajtëˈëwën diˈib këˈëm mˈatsoojëmbitëp:

1. Käjxë Lukʉs 2:41-52.

   1. Oyë nety ja anaˈamënë jyënaˈany ko yëˈë yetyëjkëty nëjxtëp mä ja xëë diˈib yajtuump jëmëjt jëmëjt, ¿ti ijxpajtënë pyëjtakë Josee mëdë Mariiʉ mët tyamë uˈunktääk uˈunkteety? (Luk. 2:41; Deu. 16:16; 31:12; Pro. 22:6.)

   2. ¿Wiˈix tyamë ënäˈktëjk mbäät tmëmëdowdë tyääk tyeety, dëˈën extëmë Jesús? (Luk. 2:51; Deu. 5:16; Pro. 23:22; Kol. 3:20.)

2. Käjxë Matewʉ 13:53-56.

   ¿Tijaty txëˈäjttë ja nimäjtaxkpë Jesusë myëgaˈax diˈib yajnigäjxp mä Biiblyë, ets wiˈix ok nimajtsk tyuundë mä ja naymyujkën? (Mat. 13:55; Apos. 12:17; 15:6, 13; 21:18; Gal. 1:19; Sant. 1:1; Juud. 1.)

Maytyaˈagyë 88

1. ¿Pënë tadë nimajtskpë jäˈäy diˈib jam mä dibujë?

2. ¿Wiˈix tuˈugë jäˈäy nyëbety?

3. ¿Pënatyë netyë Fwank yajnëbejtypy?

4. ¿Tidën ko Jesús tˈanmääyë Fwank ets yajnëbatëdët?

5. ¿Wiˈixë Dios dyaˈijxë ko yˈagupëjk ko Jesús nyëbejty?

6. ¿Ti tuun jäjtë ko ja Jesús ojts nyejxy 40 xyëë mä ja lugäärë anaytyuˈuktuuybyë?

7. ¿Pënaty jawyiinë Jesús yˈëxpëjkpëˈäjt, ets ti mëjˈäjtënë diˈib tim jawyiin tyuun?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 3:13-17.

   Ko tuˈugë jäˈäy nyëbety, ¿wiˈix mbäädë Jesusë yˈijxpajtënë tpanëjxë? (Sal. 40:7, 8; Mat. 28:19, 20; Luk. 3:21, 22.)

2. Käjxë Matewʉ 4:1-11.

   Ko nijäˈäjëmë Jesús yajxon dyajtuunyë Diosë yˈayuk, ¿wiˈix xypyudëjkëm ets xëmë nˈëxpëjkëmë Biiblyë? (Mat. 4:5-7; 2 Peed. 3:17, 18; 1 Fwank 4:1.)

3. Käjxë Fwank 1:29-51.

   ¿Pën tyukniwoo ja Fwank Yajnëbajtpë yˈëxpëjkpëty, ets wiˈix ëtsäjtëm nandëˈën mbäät nduˈunëm? (Fwank 1:29, 35, 36; 3:30; Mat. 23:10.)

4. Käjxë Fwank 2:1-12.

   ¿Wiˈix dyaˈijxë ja tim jawyiimbë mëjˈäjtënë diˈibë Jesús tyuun ko Jyobaa myoobyë oyˈäjtënë pënaty mëduunëp? (Fwank 2:9, 10; Sal. 84:11; Sant. 1:17.)

Maytyaˈagyë 89

1. ¿Tiko ja jäˈäy ttooktë jëyujk animal mä Diosë tyëjk?

2. ¿Tiko Jesús jyotˈambejky?

3. Extëm xyˈixy mä dibujë, ¿ti tyuunë Jesús, ets wiˈix tˈanmääjy ja diˈibë nety tyoˈktëbë pak?

4. ¿Ti jyamyajtstë Jesusë yˈëxpëjkpëty ko tˈijxtë ti ja Jesús tyuumpy?

5. ¿Mä diˈibë it lugäärë Jesús nyajxy ko ojts nyëjxnë Galileeʉ?

Yajtëˈëwën diˈib këˈëm mˈatsoojëmbitëp:

1. Käjxë Fwank 2:13-25.

   Ko nijäˈäjëmë Jesús mëk jyotˈambejky ko nety ja jäˈäy tyook yaktë mä Diosë tyëjk, ¿wiˈixë tyäˈädë mbäät xyajwinmäˈäyëm ko nˈawäˈänëmë juy tooky mä tadë tëjk mä nˈëxpëjkëm? (Fwank 2:15, 16; 1 Kor. 10:24, 31-33.)

Maytyaˈagyë 90

1. ¿Tiko Jesús ojts tyuˈubeˈxy Samaaryʉ mä ja nëgoondakn, ets wiˈix tˈanmääjy ja toxytyëjk diˈib jam miin?

2. ¿Tiko ja toxytyëjk kyaj tnijäˈäjë tidën ko ja Jesús ojts myëgajxyëty? ¿Wiˈixë Jesús tˈanmääjy, ets tiko?

3. Ko ja Jesús tmaytyaky ja nëë, ¿diˈibë nëë wyinmääjy ja toxytyëjk, per tidënë Jesús myaytyäˈägan?

4. ¿Tiko ja toxytyëjk dëˈënyë ojts wyëˈëmë ko ja Jesús yˈanmääyë wiˈixë nety jyukyˈaty, ets tiko Jesús ojts tnijawë?

5. ¿Ti xytyukniˈijxëmë tyäˈädë maytyaˈaky?

Yajtëˈëwën diˈib këˈëm mˈatsoojëmbitëp:

1. Käjxë Fwank 4:5-43.

   1. Pën nbajoˈomëmë Jesusë yˈijxpajtënë, ¿wiˈix mbäät nˈijxëmë jäˈäy diˈib wiink nax wiink käjpn tsoˈomp, o diˈib mëkjäˈäy o diˈib ayoop? (Fwank 4:9; 1 Kor. 9:22; 1 Tim. 2:3, 4; Titʉ 2:11.)

   2. ¿Wiˈix tuˈugë jäˈäy yˈoytyunyëty ko tpanejxyë Kristʉ? (Fwank 4:14; Isa. 58:11; 1 Peed 5:10.)

   3. Dëˈën extëm ja toxytyëjk diˈib Samaaryʉ tmëjäˈäjë ja tëyˈäjtënë ets ojts tjantsy myaytyakwaˈxy ti nety të tnijawë, ¿wiˈix ëtsäjtëm nandëˈën mbäät nyaˈijxëm ko nmëjjäˈäjëmë tëyˈäjtën? (Fwank 4:7, 28; Mat. 6:33; Luk. 10:40-42.)

Maytyaˈagyë 91

1. Extëm kyëxeˈeky mä dibujë, ¿mä jamë Jesús tyukniˈixë, ets pënaty diˈib jam wingon unyaaytyëp?

2. ¿Ti txëˈäjttë ja nimäjmajtskpë apostëlëty?

3. ¿Tidën yˈandijpyë tadë Anaˈam Kutujkën diˈibë Jesús kyäjxwäˈx?

4. ¿Ti Jesús tyukniˈijxë jäˈäy ets tˈamdowdët ko nyuˈkxtäˈäktët?

5. Extëmë Jesús jyënany, ¿wiˈix mbäädë jäˈäy jyaˈayˈattë mëdë myëguˈuk?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 5:1-12.

   ¿Wiˈix mbäät nyaˈijxëm ko xytyëgoyˈäjtxëm ets niˈigyë nˈaknijäˈäjëmë Diosë jyaˈa? (Mat. 5:3, NM; Rom. 10:13-15; 1 Tim. 4:13, 15, 16.)

2. Käjxë Matewʉ 5:21-26.

   ¿Wiˈix jyënaˈanyë Matewʉ 5:23, 24 ko wiˈix nyajpatëm mëdë nmëguˈukˈäjtëm nandëˈënë nety nyajpatëm mëdë Jyobaa? (Mat. 6:14, 15; Sal. 133:1; Kol. 3:13; 1 Fwank 4:20.)

3. Käjxë Matewʉ 6:1-8.

   ¿Diˈibë jyaˈayˈäjtënë farisee kyaj yˈoyëty tniˈijxtuˈuttëdë Dios mëduumbëty? (Luk. 18:11, 12; 1 Kor. 4:6, 7; 2 Kor. 9:7.)

4. Käjxë Matewʉ 6:25-34.

   ¿Wiˈixë Jesús ojts tnigajxy ko pën nmëdäjtëmë mëbëjkënë, mbäädë Jyobaa xymyoˈoyëm ti xytyëgoyˈäjtxëm? (Éxo. 16:4; Sal. 37:25; Fili. 4:6.)

5. Käjxë Matewʉ 7:1-11.

   ¿Ti ëtsäjtëm mbäät njäjtëm mä ja ijxpajtënë diˈibë Jesús pyëjtak mä Matewʉ 7:5? (Pro. 26:12; Rom. 2:1; 14:10; Sant. 4:11, 12.)

Maytyaˈagyë 92

1. ¿Pën tyeetyˈajtypyë tadë kixyuˈunk diˈib jap mä dibujë, ets tiko jyantsy jotmayˈoˈktë mëdë nyëdoˈoxy?

2. ¿Ti tyuunë Jayrʉ ko tpatyë Jesús?

3. ¿Ti tuun jäjtë ko netyë Jesús nyejxy mä Jayrʉ tyëjk, ets wiˈix tuˈääjy ja kugajpxy tˈanmääyë Jayrʉ?

4. ¿Tiko ja jäˈäyëty diˈibë nety jam mä Jayrʉ tyëjk ttukxiktë Jesús?

5. ¿Ti tyuunë Jesús ko tyëjkë mä nety jap ja kixyuˈunk, mët nidëgëëgë yˈapostëlë ets mët ja kixyuˈungë tyääk tyeety?

6. ¿Pënatyë netyë Jesús nandëˈën të dyajpëdeˈeky, ets ti tyäˈädë xytyukˈijxëm?

Yajtëˈëwën diˈib këˈëm mˈatsoojëmbitëp:

1. Käjxë Lukʉs 8:40-56.

   ¿Tiko mbäät njënäˈänëm ko Jesús pyaˈayoo ets jyaygyujkë tidën ko ja toxytyëjk ojts tyonyëty diˈibë nety myëdäjtypyë windaxyë päˈäm? ¿Ets wiˈix mbäädë mëjäˈäytyëjk tniˈijxtuˈuttë Jesusë yˈijxpajtën? (Luk. 8:43, 44, 47, 48; Lev. 15:25-27; Mat. 9:12, 13; Kol. 3:12-14.)

2. Käjxë Lukʉs 7:11-17.

   Ko nijäˈäjëm wiˈix ja Jesús nyayjäˈäjë ko tˈijxy ja kuˈooky jyaˈay diˈib tsënaapy Naín, ¿tiko mbäät jyotkujkmoˈoyëdë pënatyëty të yˈooktë jyiiky myëguˈuk? (Luk. 7:13; 2 Kor. 1:3, 4; Ebre. 4:15.)

3. Käjxë Fwank 11:17-44.

   ¿Wiˈixë Jesús dyaˈijxë ko koonëm tuˈugë jäˈäy jyëˈëjy yaˈaxy ko yˈoogyë jyiiky myëguˈuk? (Fwank 11:33-36, 38; 2 Sam. 18:33; 19:1-4.)

Maytyaˈagyë 93

1. ¿Wiˈix jantsy axëëk jyajtyë Fwank Yajnëbajtpë, ets wiˈixë Jesús nyayjäˈäjë?

2. ¿Wiˈixë Jesús dyajkääyë may jyaˈay diˈib pajëdijtë, ets nëˈën ja käˈäy ukënë nyadëjkë?

3. ¿Tiko ja Jesusë yˈëxpëjkpëty tsyëˈkëdë koots, ets ti tyuunë Peedrʉ?

4. ¿Wiˈixë Jesús jatëgok dyajkääyë may jyaˈay?

5. ¿Tiko jantsy oy nëjx njukyˈatäˈänëm ko Jesús yˈanaˈamët extëmë Rey diˈibë Dios të wyinˈixyëty?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 14:1-32.

   1. Extëm jyënaˈanyë Matewʉ 14:23-32, ¿wiˈix jap yajnigajxyë Peedrʉ jyaˈayˈaty?

   2. ¿Wiˈixë Biiblyë jyënaˈany ko Peedrʉ ojts ok dyaˈoyë jyaˈayˈäjtënë ets ojts dyajˈyuunk dyajnaxypyë jyot wyinmäˈäny? (Mat. 14:27-30; Fwank 18:10; 21:7; Apos. 2:14, 37-40; 1 Peed. 5:6, 10.)

2. Käjxë Matewʉ 15:29-38.

   ¿Wiˈixë Jesús dyaˈijxë ko myëjjäˈäjë ja käˈäy ukënë diˈibë tyeety mooyë? (Mat. 15:37; Fwank 6:12; Kol. 3:15.)

3. Käjxë Fwank 6:1-21.

   ¿Wiˈix tyam mbäädë Dios mëduumbëty tˈixtë yajkutujkpëty, dëˈën extëmë Jesús tˈijxy? (Fwank 6:15; Mat. 22:21; Rom. 12:2; 13:1-4.)

Maytyaˈagyë 94

1. ¿Ti tuˈääjy yajtsiptaktë ja apostëlëty?

2. ¿Tiko Jesús tmëjwoojy tuˈugë mixyuˈunk ets tpëjtaky kujkˈam mä ja yˈapostëlëty?

3. ¿Wiˈixtsoo dëˈën ja apostëlëty jyëmbittët dëˈën extëmë ënäˈkuˈunk?

4. ¿Wiˈix jatëgokë Jesús dyaˈijxë ko tsyojkypyë ënäˈkuˈunk?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 18:1-4.

   ¿Tiko Jesús dyajtuunyë ijxpajtënë ko yaˈëxpejky? (Mat. 13:34, 36; Mar. 4:33, 34.)

2. Käjxë Matewʉ 19:13-15.

   Pën nˈaxäjëyäˈänëmë kunuˈxënë mä ja Diosë yˈAnaˈam Kyutujkënë, ¿diˈibë jyaˈayˈäjtënë ënäˈkuˈunk mbäät niˈijxtutëm? (Sal. 25:9; 138:6; 1 Cor. 14:20, NM.)

3. Käjxë Markʉs 9:33-37.

   ¿Wiˈixë Jesús jyënany ko tuˈugë jäˈäy tˈasokyë tuunk diˈib yajmëjpëtsëmëdëp? (Mar. 9:35; Mat. 20:25, 26; Gal. 6:3; Fili. 2:5-8.)

4. Käjxë Markʉs 10:13-16.

   ¿Wiˈixë Jesús dyaˈijxë ko mbäät oypyënëty myëwingonyëty, ets wiˈix mbäädë mëjäˈäytyëjk tpanëjxëdë yˈijxpajtënë Jesús? (Mar. 6:30-34; Fili. 2:1-4; 1 Tim. 4:12.)

Maytyaˈagyë 95

1. ¿Ti Jesús yajtëëjë tuˈugë yetyëjk, ets tiko?

2. ¿Wiˈixë Jesús ttukjaygyujkë jäˈäy, ets ti të nˈokˈëxpëjkëmbë mä ja judiyëty mëdë samaritanëty?

3. Ko Jesús tmaytyaky tuˈugë jeky myaytyaˈaky, ¿wiˈix jyajty tuˈugë judiyë mä nety jyëjptaˈaky mä ja tuˈu diˈib nëjxp Jerikoo?

4. ¿Ti tyuun ja saserdotë mët ja levitë ko tˈijxtë ja jäˈäy axëëk të yajtuny?

5. Mä jamë dibujë, ¿pën diˈib ojts tpudëkë ja tsayut jäˈäy?

6. Ko ja Jesús myaytyaktääjy, ¿ti yajtëë ja yetyëjk ets wiˈix yˈatsoojë?

Yajtëˈëwën diˈib këˈëm mˈatsoojëmbitëp:

1. Käjxë Lukʉs 10:25-37.

   1. Ko tuˈugë jäˈäy diˈibë nety yˈëxpejkypyë anaˈamënë dyajtëëyë Jesús pënën myëguˈukˈäjtypy, ¿wiˈixë Jesús tpudëjkë ets këˈëm nyayˈatsoojëmbitëdët? (Luk. 10:26; Mat. 16:13-16.)

   2. ¿Wiˈixë Jesús dyajtuunyë ijxpajtënë ets ja jäˈäyëty ttsoktët oy tyim pënëty? (Luk. 10:36, 37; 18:9-14; Titʉ 1:9.)

Maytyaˈagyë 96

1. ¿Ti Jesús tyuun nëˈën ja nax käjpn ttukjëdijty?

2. Ko nety tëgëk jëmëjt të nyaxy mä nyëbetyë Jesús, ¿wiˈix tˈanmääyë yˈapostëlëty?

3. ¿Pënatyë tadë jäˈäy diˈib jam mä dibujë, ets wiˈixë Jesús tpudëjkë tadë toxytyëjk?

4. ¿Tiko tsyoytyuundë ja diˈib nyiwintsënˈäjttëbë relijyonk extëmë Jesús yˈatsoojë?

5. Ko nety ja Jesús mëdë yˈapostëlëty jyäjnëdë Jerikoo, ¿wiˈixë Jesús tpudëjkë majtskë wiints?

6. ¿Tiko Jesús ttuunyë mëjˈäjtënë?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 15:30, 31.

   ¿Wiˈixë Jyobaa myëjää dyaˈijxë mët yëˈëygyëjxmë Jesús, ets wiˈixë tyäˈädë mbäät xypyudëjkëm ets niˈigyë njaygyujkëm mä tidënë Jyobaa tyunaampy mä ja jembyë jukyˈäjtënë? (Sal. 37:29; Isa. 33:24.)

2. Käjxë Lukʉs 13:10-17.

   Dëˈën extëmë Jesús ttuunyë mëjˈäjtënë sääbëdë xëë, ¿wiˈix dyaˈijxë ko tidën tyunaampy ko tyëkët anaˈambë tuk mil jëmëjt? (Luk. 13:10-13; Sal. 46:9; Mat. 12:8; Kol. 2:16, 17; Diˈibʉ Jat. 21:1-4.)

3. Käjxë Matewʉ 20:29-34.

   ¿Wiˈixë tyäˈädë maytyaˈaky xytyukˈijxëm ko Jesús xëmë tjuˈtyë tiempë ets tpudëjkë jäˈäy, ets wiˈix mbäät mbajoˈomëmë yˈijxpajtën? (Deu. 15:7; Sant. 2:15, 16; 1 Fwank 3:17.)

Maytyaˈagyë 97

1. Ko ja Jesús jyajty mä ja käjpn diˈibë nety wingon Jerusalén, ¿ti tyukˈanaˈam ja yˈapostëlëty?

2. Extëm kyëxeˈeky mä dibujë, ¿ti tuun jäjtë ko nety ja Jesús tmëwingoonë Jerusalén käjpn?

3. ¿Ti tyuundë ja ënäˈkuˈunk ko tˈijxtë Jesús dyaˈagëdaˈaky ja jäˈäyëty diˈib wiints ets xux?

4. ¿Wiˈixë Jesús tˈanmääjy ja saserdotëty diˈib jotˈambëjktë?

5. ¿Wiˈix ëtsäjtëm mbäät nˈijtëm extëm ja ënäˈkuˈunk diˈib myëjkugäjxtë Jesús?

6. ¿Ti diˈib nyijawëyandë ja Jesusë yˈëxpëjkpëty?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 21:1-17.

   1. ¿Ti tëgatsyˈäjtënë jaˈäjt ko Jesús tyëjkë extëmë rey jam Jerusalén ets extëmë ijty tyëkëdë soldäädë wintsën diˈib Romʉ ko myadäˈäktë mä tuˈugë tsip? (Mat. 21:4, 5; Zac. 9:9; Fili. 2:5-8; Col. 2:15, NM.)

   2. Dëˈën extëm ja ënäˈkuˈunk ojts tnigäjxtë Salmo 118 ko Jesús tyëjkë mä Diosë tyëjk, ¿wiˈix tyam mbäädë ënäˈktëjk tpanëjxëdë yˈijxpajtënë ja ënäˈkuˈunk? (Mat. 21:9, 15; Sal. 118:25, 26; 2 Tim. 3:15; 2 Peed. 3:18.)

2. Käjxë Fwank 12:12-16.

   ¿Wiˈix tmëdäjtyë nyikajënë ko ja jäˈäy ojts tˈaxäjëdë Jesús mëdë tëëxy? (Fwank 12:13; Fili. 2:10; Diˈibʉ Jat. 7:9, 10.)

Maytyaˈagyë 98

1. Mä tadë dibujë, ¿pën diˈib Jesusˈäjtp, ets pënaty jam mëët?

2. ¿Wiˈixë Jesús jyatunanëdë ja saserdotëty, ets wiˈix tˈanmääjy ja saserdotëty?

3. ¿Ti ja apostëlëty yajtëëdë Jesús?

4. ¿Tiko Jesús tˈanmääyë yˈapostëlëty tijatyë nety tunan jatanëp yä Naxwiiny ko nety yëˈë të tyëkë anaˈambë jam tsäjpotm?

5. ¿Wiˈixë Jesús jyënany tijaty tunan jatanëp mä nety tkayajëjptëgoynyëmë axëkˈäjtënë yä Naxwiiny?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 23:1-39.

   1. Biiblyë kyaj dyajkuboky ko tuˈugë jäˈäy yajxëëmoˈoy mët ko ti të tˈëxpeky, ¿per wiˈixë Jesús jyënany mä Matewʉ 23:8-11 ko tuˈugë jäˈäy yajxëëmoˈoyët mä Diosë kyäjpn jeˈeyë parë myëjpëtsëmët? (Apos. 26:25; Rom. 13:7; 1 Peed. 2:13, 14.)

   2. ¿Ti tyuundë fariseety ets ja jäˈäy kyaj tnekypyanëjxtëdë Jesús, ets ti nandëˈënë tyam tyuundëp pënaty nyiwintsënˈäjttëbë relijyonk? (Mat. 23:13; Luk. 11:52; Fwank 9:22; 12:42; 1 Tes. 2:16.)

2. 1. Käjxë Matewʉ 24:1-14.

      Extëm jyënaˈanyë Mateo 24:13 [NM], ¿tiko jyëjpˈamëty ets nmadakëm?

   2. ¿Ti yˈandijpyë tadë ayuk “axtë mä jyëjpkexy” diˈib yajpatp mä Mateo 24:13 [NM]? (Mat. 16:27; Rom. 14:10-12; 2 Kor. 5:10.)

3. Käjxë Markʉs 13:3-10.

   ¿Wiˈix tuk peky jyënaˈanyë Markʉs 13:10 ko jëjpˈam yajkäjxwäˈxëdë jembyë ää ayuk? Ets ko dëˈën nijäˈäjëm extëmë Jesús jyënany, ¿ti net mbäät nduˈunëm? (Rom. 13:11, 12; 1 Kor. 7:29-31; 2 Tim. 4:2.)

Maytyaˈagyë 99

1. Extëm kyëxeˈeky mä dibujë, ¿ti jamë Jesús mët nimäjmajtskë yˈapostëlëty tyuundëp mä tadë kuartë?

2. ¿Pën diˈib jam pëtsëëmp, ets ti nëjx ttunäˈäny?

3. ¿Ti aˈuxë jëjpˈambë netë Jesús tyuun ko yˈaˈuxˈäjtääytyë mä ja Paskë xëë?

4. ¿Ti ijtyë israelitë jyamyajtstëp ko yˈaˈuxˈattë mä Paskë xëë? Ets ko Jesús ttuuny ja tuˈugë aˈuxë jëjpˈambë, ¿ti diˈib ja yˈëxpëjkpëty jyamyatstëp?

5. Ko ttundääytyë ja nWintsënˈäjtëmë yˈAˈux, ¿wiˈixë netë Jesús tˈanmääjy ja yˈëxpëjkpëty, ets ti tyuundë?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 26:14-30.

   1. ¿Wiˈix dyaˈixyëtyë Matewʉ 26:15 ko Juudʉs nyiwinmäˈäyë yajxon ko tkëyajkyë Jesús?

   2. Ok nigäjx majtsk nax tiko Jesús yˈoˈky (Mat. 26:27, 28; Jer. 31:31-33; Éfe. 1:7; Ebre. 9:19, 20).

2. Käjxë Lukʉs 22:1-39.

   ¿Wiˈixtsoo dëˈënë Satanás ttuktëjkë Juudʉs? (Luk. 22:3; Fwank 13:2; Apos. 1:24, 25.)

3. Käjxë Fwank 13:1-20.

   1. Extëm jyënaˈanyë Fwank 13:2, ¿mbäädë Juudʉs yajpokymyoˈoy extëm yˈadëtsy, ets ti diˈib ëtsäjtëmë tyäˈädë xytyukniˈijxëm? (Gén. 4:7; 2 Kor. 2:11; Gal. 6:1; Sant. 1:13, 14.)

   2. ¿Ti oybyë ijxpajtënë pyëjtakë Jesús? (Fwank 13:15; Mat. 23:11; 1 Peed. 2:21.)

4. Käjxë Fwank 17:1-26.

   ¿Tiko Jesús ojts tˈamdoy ets ja yˈëxpëjkpëty tuˈuk jeˈeyë wyinmäˈäny tmëdattët? (Fwank 17:11, 21-23; Rom. 13:8; 14:19; Kol. 3:14.)

Maytyaˈagyë 100

1. ¿Mä Jesús ojts nyejxy mëdë yˈapostëlëty ko yˈaˈuxˈäjtääytyë, ets wiˈix tˈanmääjy ja yˈapostëlëty ti tyundëp?

2. Ko Jesús jyëmbijty mä ja yˈapostëlëty, ¿wiˈix tpattë, ets näk ok dëˈën tpaty?

3. Extëm kyëxeˈeky mä dibujë, ¿pënaty nimiinëdë Jesús, ets ti tyuunë Juudʉs Iskaryotʉ?

4. ¿Tiko Juudʉs ojts ttsuˈkxyë Jesús, ets ti tyuunë Peedrʉ?

5. ¿Wiˈixë Jesús tˈanmääyë Peedrʉ, ets tiko Jesús kyaj tˈamdooyë Dios ets tkaxëdë anklës?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 26:36-56.

   1. Dëˈën extëmë Jesusë yˈëxpëjkpëty ojts tkäjxwijy, ¿tiko yˈoyëty etsë mëjäˈäytyëjk nandëˈën tpanëjxtëdë Jesusë yˈijxpajtën? (Mat. 20:25-28; 26:40, 41; Gal. 5:17; Éfe. 4:29, 31, 32.)

   2. ¿Wiˈixë Jesús tˈixy tëgekyë pujxn diˈibë jäˈäy tyuknibëdeˈkypyë jyiiky myëguˈuk? (Mat. 26:52; Luk. 6:27, 28; Fwank 18:36.)

2. Käjxë Lukʉs 22:39-53.

   Ko ja anklës tjotmëkmooyë Jesús jam Jetsemanii, ¿yëˈë nety yˈandijpy ko Jesús kyaj tnekymyëdaty mëkë mëbëjkën? Ok nimaytyäˈäk (Luk. 22:41-43; Isa. 49:8; Mat. 4:10, 11; Ebre. 5:7).

3. Käjxë Fwank 18:1-12.

   ¿Wiˈixë Jesús ojts tkuwäˈänyë yˈëxpëjkpëty mä ja myëtsipëty, ets wiˈix mbäädë yˈijxpajtënë mbajoˈomëm? (Fwank 10:11, 12; 18:1, 6-9; Ebre. 13:6; Sant. 2:25.)

Maytyaˈagyë 101

1. ¿Pënë dëˈën nyigopkˈäjt ets ja Jesús yˈoogët?

2. ¿Ti tyuundë ja apostëlëty ko ja diˈib nyiwintsënˈäjttëbë relijyonk ojts tmënëjxnëdë Jesús?

3. ¿Ti jam tuun jäjtë mä Kaifasë tyëjk?

4. ¿Tiko ja Peedrʉ ojts nyejxy jëëjy yaxpë?

5. Ko jatëgokë Jesús ojts yajmënejxy mä Pilatʉ, ¿wiˈix jyantsy yaxkaktë ja diˈib nyiwintsënˈäjttëbë saserdotëty?

6. ¿Wiˈixë Jesús jyajty byernës kijkxyënaxy, ets ti tyukwandak tuˈugë axëkjäˈäy diˈibë nety jam pyëˈääjy?

7. ¿Mä yˈitäˈäny ja it lugäärë tsujpë diˈibë Jesús myaytyak?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 26:57-75.

   ¿Wiˈix dyaˈijxëdë diˈibë nety nyiwintsënˈäjttëbë judiyëty ko axëëk tmëdattë jyot kyorasoon? (Mat. 26:59, 67, 68.)

2. Käjxë Matewʉ 27:1-50.

   Oyë Juudʉs jyanaytyukjäˈäjë ok extëm yˈadëtsy, ¿tiko njënäˈänëm ko kyaj jyantsy jyodëmbijty? (Mat. 27:3, 4; Mar. 3:29; 14:21; 2 Cor. 7:10, 11, NM.)

3. Käjxë Lukʉs 22:54-71.

   Ja ux mä Jesús yajkëyajky ets yajmäjtsy, ¿ti xytyukniˈijxëm ko nijäˈäjëmë Peedrʉ jyënany ko kyaj tˈixyˈatyë Jesús? (Luk. 22:60-62; Mat. 26:31-35; 1 Kor. 10:12.)

4. Käjxë Lukʉs 23:1-49.

   ¿Ti tyuunë Jesús ko axëëk yajtuuny oyë nety kyanitëkëty dëˈën yajtunët, ets ti tyäˈädë xytyukniˈijxëm? (Luk. 23:33, 34; Rom. 12:17-19; 1 Peed. 2:23.)

5. Käjxë Fwank 18:12-40.

   Oy tëgokë Peedrʉ myëmadakë tsëˈëgë, ¿ti diˈib xytyukˈijxëm ko Peedrʉ yëˈë tuˈugë apostëlë diˈib ok jantsy oy tuun? (Fwank 18:25-27; 1 Kor. 4:2; 1 Peed. 3:14, 15; 5:8, 9.)

6. Käjxë Fwank 19:1-30.

   1. ¿Wiˈixë Jesús tˈijxyë jukyˈäjt madakënë? (Fwank 2:1, 2, 9, 10; 19:23, 24; Mat. 6:31, 32; 8:20.)

   2. Extëmë Jesús jyënany mä nety kyaˈookynyëm, ¿wiˈix dyaˈijxë ja yˈää yˈayuk ko të nety myadaˈaky mä tnitsiptunyë Jyobaa yˈAnaˈam Kyutujkënë? (Fwank 16:33; 19:30; 2 Peed. 3:14; 1 Fwank 5:4.)

Maytyaˈagyë 102

1. ¿Pënë tadë toxytyëjk diˈib jam mä dibujë, ets pënë tadë nimajtskpë yetyëjk, ets mä jam yajpäättë?

2. ¿Tiko Pilatʉ ojts ttukˈaneˈemy ja saserdotëty ets tkaxtëdë soldäädë diˈib nëjx tkuentˈatyë Jesusë jyut?

3. ¿Ti tyuun tuˈugë anklës ko tyëgëk xëbejty mä netyë Jesús të yˈooky, per ti tyuundë ja saserdotëty?

4. ¿Tiko näägë toxytyëjk myony ijx myony jäˈäjëdë ko ojts nyëjxtë mä Jesusë jyut?

5. ¿Tiko Peedrʉ mëdë Fwank ojts nyëjxtë pëyeˈegyë mä Jesusë jyut, ets wiˈix tpattë ja jut?

6. ¿Wiˈix jyajty ja Jesusë nyiniˈx kyëbäjk, ets ti diˈib tyuun ets ja yˈëxpëjkpëty yˈixëdët ko të jyukypyeky?

Yajtëˈëwën diˈib këˈëm mˈatsoojëmbitëp:

1. Käjxë Matewʉ 27:62-66 etsë 28:1-15.

   Ko ja Jesús ojts jyukypyeky, ¿wiˈixë dëˈën tmëbokytyuundë ja Diosë yˈespiritë santë ja diˈib nyiwintsënˈäjttëbë saserdotë, ja fariseety ets ja mëjäˈäytyëjk? (Mat. 12:24, 31, 32; 28:11-15.)

2. Käjxë Lukʉs 24:1-12.

   Ko Jyobaa dyajtuunyë toxytyëjk ets tmaytyäˈäktët ko të Jesús pyëdeˈeky, ¿wiˈixë Jyobaa dyaˈijxë ko mbäät yajmëbeky ti toxytyëjkëty myaytyaktëp? (Luk. 24:4, 9, 10; Mat. 28:1-7.)

3. Käjxë Fwank 20:1-12.

   ¿Wiˈix xypyudëjkëmë Fwank 20:8, 9 ko tsojkëp nmaˈxtujkëm pën kyaj ti yajxon njaygyujkëm diˈib të yajnaskäjxë mä Biiblyë? (Pro. 4:18; Mat. 17:22, 23; Luk. 24:5-8; Fwank 16:12.)

Maytyaˈagyë 103

1. ¿Wiˈixë Mariiʉ tˈanmääjy ja yetyëjk diˈib wyinmääjy ko yëˈë nëgamˈijxpë, per wiˈix tpejkyë kuentë ko yëˈë Jesús?

2. ¿Ti tuun jäjtë ko nimajtskë ëxpëjkpëtyë nety nyëjxtë Emaús?

3. ¿Ti tuun jäjtë ko ja nimajtskpë ëxpëjkpëty jyäjttë Jerusalén ets tˈanmääytyë ja apostëlëty ko të tˈixtë Jesús?

4. ¿Näk okë nety kujkë Jesús kyëxeˈeky mä yˈëxpëjkpëty?

5. ¿Wiˈix jyënanyë Tomás ko ja ëxpëjkpëty yˈanmääyëdë ko të tˈixtë ja Wintsën, ets ti tuun jäjtë kyumduktujk xëë?

Yajtëˈëwën diˈib këˈëm mˈatsoojëmbitëp:

1. Käjxë Fwank 20:11-29.

   Extëm jyënanyë Jesús mä Fwank 20:23, ¿yëˈë dëˈën yajjaygyukëyanë ko naxwinyëdë jäˈäy myëdäjtypyë madakënë ets tmaˈxtëdë poky? Ok nimaytyäˈäk (Sal. 49:2, 7; Isa. 55:7; 1 Tim. 2:5, 6; 1 Fwank 2:1, 2).

2. Käjxë Lukʉs 24:13-43.

   ¿Wiˈix ëtsäjtëm mbäät nyaˈawatsëmë jot korasoon ets tˈaxäjët yajxonë tëyˈäjtënë diˈib miimp mä Biiblyë? (Luk. 24:32, 33; Esd. 7:10; Apos. 16:14; Ebre. 5:11-14.)

Maytyaˈagyë 104

1. ¿Ninäägë Jesusë yˈëxpëjkpëty yˈijxëdë tëgok, ets ti tyukmëtmaytyaktë?

2. ¿Ti yˈandijpy Diosë yˈAnaˈam Kyutujkën, ets wiˈix njukyˈatäˈänëm ko Jesús yˈanaˈamäˈäny tuk mil jëmëjt?

3. ¿Näk xëë Jesús ojts yˈity ets nyaytyukˈijxëdë ja yˈëxpëjkpëty, per ko ja tiempë ojts tpääty ti net tuun jäjtë?

4. ¿Ti tyukˈanaˈamë Jesusë yˈëxpëjkpëty mä nety tmastuˈudanëdë?

5. ¿Ti jam tuun jäjtëp mä tadë dibujë, ets wiˈixë Jesús yaˈijxtëgoojy?

Yajtëˈëwën diˈib këˈëm mˈatsoojëmbitëp:

1. Käjxë 1 Korintʉ 15:3-8.

   ¿Tiko Pa̱a̱blʉ yˈijty seguurë mä tmaytyaky ko Jesús të nety pyëdeˈeky? ¿Ets ti tyamë Dios mëduumbëty nyigäjx nyimaytyaktëp ko nyayjawëdë nandëˈën seguurë? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Käjxë Apostʉlʉty 1:1-11.

   Dëˈën extëm ojts yajnaskäjxë mä Apostʉlʉty 1:8, ¿axtë mäbäät ojts yˈëwäˈx kyäjxwäˈxtë ja ëxpëjkpëty? (Apos. 6:7; 9:31; 11:19-21; Kol. 1:23.)

Maytyaˈagyë 105

1. Extëm kyëxeˈeky mä dibujë, ¿ti tuun jäjtë ko nety ja Jesusë yˈëxpëjkpëty yˈawixtë Jerusalén?

2. ¿Tiko dëˈënyë wyëˈëmëtyaaytyë diˈibë nety të jyäˈttë Jerusalén?

3. ¿Ti Peedrʉ tyukmëtmaytyak ja jäˈäyëty?

4. ¿Wiˈix mayë jäˈäy nyayjäˈäjëdë ko tmëdoodääytyë wiˈix ja Peedrʉ jyënany? ¿Ets wiˈixë netë Peedrʉ tˈanmääytyë ti tyundëp?

5. ¿Ninäägë jäˈäy nyëbajttë mä ja Pentekostes xëë?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 2:1-47.

   1. ¿Wiˈix jyënanyë Peedrʉ mä Apostʉlʉty 2:23, 36 ko israelitëty yëˈë diˈib nyikëjxmˈäjttë Jesusë yˈoˈkën? (1 Tes. 2:14, 15.)

   2. ¿Wiˈixë Peedrʉ tpëjtakyë ijxpajtënë mä wiˈixë jäˈäy yajxon ttukjaygyujkë mëdë Biiblyë? (Apos. 2:16, 17, 29, 31, 36, 39; Kol. 4:6.)

   3. ¿Wiˈixë Peedrʉ dyajtuuny ja tim jawyiimbë awatsn diˈib mä Diosë yˈanaˈamënë diˈibë netyë Jesús të yˈanëˈëmxëty ko myoˈoyaˈanyëty? (Apos. 2:14, 22-24, 37, 38; Mat. 16:19.)

Maytyaˈagyë 106

1. ¿Ti tuun jäjtë ko tëgokë Peedrʉ mëdë Fwank tyëjkëdë mä ja Diosë tyëjk?

2. ¿Ti ja tekymyäˈät yˈamdoojë Peedrʉ, ets ti Peedrʉ tukmëduunë diˈib mas tsyobääty?

3. ¿Tiko jyotˈambëjktë ja diˈib nyiwintsënˈäjttëbë relijyonk, ets wiˈix ttuundë Peedrʉ mëdë Fwank?

4. ¿Wiˈixë Peedrʉ tˈanmääyë ja wintsëndëjk, ets wiˈix yˈatsoojëdë?

5. ¿Tiko ja wintsëndëjk tˈaxëkˈijxtë apostëlëty, ets ti tuun jäjtë ko ja apostëlëty yajtsuumdë myëmajtsk ok?

6. ¿Wiˈix ja apostëlëty yˈatsoodë ko ojts yajmënëjxtë mä nety ja wintsëndëjk të nyaymyukëdë?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 3:1-10.

   Oy ëtsäjtëm tyam ngayaˈagëdakëmë jäˈäy, ¿wiˈix xypyudëjkëm extëm jyënanyë Peedrʉ mä Apostʉlʉty 3:6 ets nmëjjäˈäjëmë tadë oybyë ää ayuk diˈib yajkäjxwäˈxp? (Fwank 17:3; 2 Kor. 5:18-20; Fili. 3:8.)

2. Käjxë Apostʉlʉty 4:1-31.

   Ko jäˈäy xytyukmëtsipˈäjtëm mä nˈëwäˈx ngäjxwäˈxëmë Diosë yˈAyuk, ¿wiˈix mbäät mbajoˈomëmë yˈijxpajtën ja nmëguˈukˈäjtëm diˈib jawyiin ojts tpanëjxtë Jesús? (Apos. 4:29, 31; Éfe. 6:18-20; 1 Tes. 2:2.)

3. Käjxë Apostʉlʉty 5:17-42.

   Näägë jäˈäy diˈib kyaj Tyestiigëty dëˈën diˈib tëëyëp jukyˈäjttë ets diˈib tyam, ¿wiˈix dyaˈixëdë ko oy wyinmaytyë mä yaˈëwaˈxy yajkäjxwaˈxy tadë oybyë ää ayuk? (Apos. 5:34-39.)

Maytyaˈagyë 107

1. ¿Pën Esteebʉˈäjt, ets ti tyuun xëmë mëdë Jyobaa nyaybyudëkë?

2. ¿Wiˈixë Esteebʉ jyënany ets yëˈë diˈib mëk yajjotˈambëjkëdë ja diˈib nyiwintsënˈäjttëbë relijyonk?

3. Ko ja Esteebʉ yajjëdojtpëtseemy mä ja käjpn, ¿wiˈixë net yajtuuny?

4. Ok ixë dibujë, ¿pënë tadë mixy diˈib jamë tadë wit kyuentˈäjtypy?

5. ¿Ti Esteebʉ yˈamdoojë Jyobaa mä nety kyaˈookynyëm?

6. ¿Wiˈix mbäädë Esteebʉ yˈijxpajtënë mbajoˈomëm ko pën axëëk xytyuˈunëm?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 6:8-15.

   Diˈib nyiwintsënˈäjttëp tyamë relijyonk, ¿wiˈix mëdë anëë tjayajtuˈudukäˈändë tadë tuunk mä yˈëwäˈx kyäjxwäˈxtë Jyobaajë tyestiigëty? (Apos. 6:9, 11, 13.)

2. Käjxë Apostʉlʉty 7:1-60.

   1. ¿Ti diˈibë Esteebʉ pudëjkë ets tnitsiptuuny yajxon ja oybyë ää ayuk mä nety ja wintsëndëjk të tyuˈukmuktë? ¿Ets wiˈix xypyudëjkëmë yˈijxpajtën? (Apos. 7:51-53; Rom. 15:4; 2 Tim. 3:14-17; 1 Peed. 3:15.)

   2. ¿Wiˈix mbäät nˈijxëmë tadë jäˈäyëty diˈib yˈaxëkˈijxtëbë nduunkˈäjtëm? (Apos. 7:58-60; Mat. 5:44; Luk. 23:33, 34.)

Maytyaˈagyë 108

1. ¿Ti net tyuunë Saulʉ ko dyaˈoˈktë Esteebʉ?

2. ¿Ti jäjt këbajtë Saulʉ tuˈääjy ko nety nyejxy Damaskʉ?

3. ¿Wiˈixë Jesús tˈanmääyë Saulʉ ti tyunëp?

4. ¿Ti Jesús tyukˈanaˈamë Ananiiʉs, ets wiˈixë Saulʉ jatëgok yˈijxpejky?

5. ¿Wiˈix okë Saulʉ ojts yajxëëmoˈoy, ets wiˈix yëˈë mëjwiin kajaa tyuuny?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 8:1-4.

   Ko mëk yajpajëdijttë ja Jesusë yˈëxpëjkpëty, ¿wiˈix tyuuny ets niˈigyë ojts myayë jäˈäy diˈib myëbëjktë Kristʉ ets wiˈix tyam nandëˈën tyuny jyatyëty? (Apos. 8:4; Isa. 54:17.)

2. Käjxë Apostʉlʉty 9:1-20.

   ¿Ti tuungë netyë Jesús myëdäjtypy tëgëk peky ets ttunëdë Pa̱a̱blʉ? (Apos. 9:15; 13:5; 26:1; 27:24; Rom. 11:13.)

3. Käjxë Apostʉlʉty 22:6-16.

   ¿Wiˈix mbäät mbajoˈomëmë yˈijxpajtënë Ananiiʉs, ets tiko jyëjpˈamëty? (Apos. 22:12; 1 Tim. 3:7; 1 Peed. 1:14-16; 2:12.)

4. Käjxë Apostʉlʉty 26:8-20.

   Ko ja Saulʉ dyajtëgäjtsyë jyukyˈäjtënë ets ojts tpanejxyë Kristʉ, ¿wiˈix tyam mbäät myëjäämoˈoyëdë pënatyë nyaˈay o nyëdoˈoxy kyaj yˈëxpeky? (Apos. 26:11; 1 Tim. 1:14-16; 2 Tim. 4:2; 1 Peed. 3:1-3.)

Maytyaˈagyë 109

1. ¿Pënë tadë yetyëjk diˈib jam naygyoxtënääytyakëp mä dibujë?

2. ¿Wiˈix tuˈugë anklës tˈanmääyë Kornelyʉ?

3. ¿Ti Dios tyukˈijxë Peedrʉ ko nety yajpääty Jope jam Simonk tyëjknikëjxy?

4. ¿Tiko Peedrʉ tˈanmääyë Kornelyʉ ko kyaj mbäät wyingoxtanëty ets nan kyaj mbäät yˈawdatyëty?

5. ¿Tiko ja judiyëty myony ijx myony jäˈäjëdë diˈib ojts nyëjxtë mëdë Peedrʉ?

6. ¿Ti ëtsäjtëm mbäät njäjtëm ko nijäˈäjëmë Peedrʉ ojts tninejxyë Kornelyʉ?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 10:1-48.

   Extëmë Peedrʉ jyënany mä Apostʉlʉty 10:42, ¿ti xytyukniˈijxëm mä yaˈëwaˈxy yajkäjxwaˈxyë oybyë ää ayuk? (Mat. 28:19; Mar. 13:10; Apos. 1:8.)

2. Käjxë Apostʉlʉty 11:1-18.

   Ko Jyobaa ttukˈijxyë Peedrʉ ko kyupejkypyë jäˈäy diˈib kyaj jyudiyëty, ¿wiˈixë netë Peedrʉ dyaˈijxë jyaˈayˈäjtënë, ets wiˈix mbäät mbajoˈomëmë yˈijxpajtën? (Apos. 11:17, 18; 2 Kor. 10:5; Éfe. 5:17.)

Maytyaˈagyë 110

1. ¿Pënë tadë mixy diˈib jam mä dibujë, mä tsyënääjy, ets ti txëˈäjtyë tyääk etsë nyanwelë?

2. ¿Wiˈixë Timotee yˈatsoojy ko Pa̱a̱blʉ yajtëëjë pën nëjxäämp mët yëˈë etsë Silʉs ëwäˈx käjxwäˈxpë jagambäät?

3. ¿Mä tim jawyiin ojts yajtijtë kristianë ja Jesusë yˈëxpëjkpëty?

4. ¿Diˈibë nax käjpn kyuˈijxtë Pa̱a̱blʉ, Silʉs etsë Timotee ko tsyoˈondë Listrʉ?

5. ¿Wiˈixë Timotee tpudëjkë Pa̱a̱blʉ, ets ti mbäät nyayajtëwëdë tyamë ënäˈktëjk?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 9:19-30.

   ¿Wiˈixë Pa̱a̱blʉ nyaygyuentˈäjtë ko jäˈäy yˈaxëkˈijxë mä ojts tˈëwaˈxy tkäjxwaˈxy ja oybyë ää ayuk? (Apos. 9:22-25, 29, 30; Mat. 10:16.)

2. Käjxë Hechos 11:19-26, NM.

   Extëm jyënaˈanyë Hechos 11:19-21,  26, ¿wiˈix xytyukˈijxëm ko yëˈë dëˈënë Jyobaa yˈespiritë santë diˈib nyëˈëmoopy tyuˈumoopy mä yaˈëwaˈxy yajkäjxwaˈxy tadë oybyë ää ayuk?

3. Käjxë Apostʉlʉty 13:13-16, 42-52.

   ¿Wiˈix jyënaˈanyë Apostʉlʉty 13:51, 52, ko ja ëxpëjkpëty kyaj tnaˈijxtë ets yaˈëxtëkëwäˈägëdët ko ja jäˈäy pyajëdijtëdë? (Mat. 10:14; Apos. 18:6; 1 Peed. 4:14.)

4. Käjxë Apostʉlʉty 14:1-6, 19-28.

   Ko Biiblyë jyënaˈany ttukëdëjkëdë Jyobaa, ¿wiˈix xyjotkujkmoˈoyëm ets kyaj mëk ndimnaytyukjotmaytyuˈunëm pënaty apënënëm mëbëjktëp? (Apos. 14:21-23; 20:32; Fwank 6:44.)

5. Käjxë Apostʉlʉty 16:1-5.

   Ko Timotee tkupejky ets yajtsukët waanë mä yetyëjkˈäjtën, ¿wiˈixë tyäˈädë xytyukˈijxëm ko jëjpˈam nduˈunëm tëgekyë mët yëˈëygyëjxmë oybyë ää ayuk? (Apos. 16:3; 1 Kor. 9:23; 1 Tes. 2:8.)

6. Käjxë Apostʉlʉty 18:1-11, 18-22.

   ¿Wiˈix jyënaˈanyë Apostʉlʉty 18:9, 10 ko Jesús këˈëm tˈixyë tadë tuunk mä yaˈëwaˈxy yajkäjxwaˈxyë tadë oybyë ää ayuk? Ets ko dëˈën nijäˈäjëm, ¿wiˈixë net nayjäˈäjëm? (Mat. 28:20.)

Maytyaˈagyë 111

1. ¿Pënë tadë mixyuˈunk diˈib jam naxkëjxy, ets ti të jyatyëty?

2. ¿Ti tyuunë Pa̱a̱blʉ ko tˈijxy ja mixyuˈunk të yˈooky?

3. ¿Mä ojts nyejxyë Pa̱a̱blʉ, Timotee ets pënatyë nety jamyëdäjtëdëp, ets ti Pa̱a̱blʉ tyuun ko ojts wyëˈëmëdë Miletʉ?

4. ¿Ti ja kugajpxy Agaabʉ tyukˈawäˈänë Pa̱a̱blʉ, ets wiˈix yˈadëëjy extëmë tyäˈädë kugajpxy jyënany?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 20:7-38.

   1. ¿Ti mbäät nduˈunëm ets kyaj nëjx nyajpokyˈijxëm ko jäˈäy tkuˈoogëdë pyoky, extëm jyënanyë Pa̱a̱blʉ mä Apostʉlʉty 20:26, 27? (Eze. 33:8; Apos. 18:6, 7.)

   2. ¿Tiko mbäädë mëjäˈäytyëjk ttukwäˈkpattë yajxonë Diosë yˈAyuk ko tyukniˈixëdët? (Apos. 20:17, 29, 30; Titʉ 1:7-9; 2 Tim. 1:13.)

2. Käjxë Apostʉlʉty 26:24-32.

   ¿Wiˈixë Pa̱a̱blʉ pyudëjkë ko kyunaxˈäjty kyugäjpnˈäjty Romʉ ets ttunët ja tuunk diˈibë Jesús tuknipëjkë? (Apos. 9:15; 16:37, 38; 25:11, 12; 26:32; Luk. 21:12, 13.)

Maytyaˈagyë 112

1. ¿Wiˈix jyajty ja barkë diˈibë nety tyuknëjxëbë Pa̱a̱blʉ ko nyajxy Kretʉ?

2. ¿Wiˈixë Pa̱a̱blʉ tˈanmääjy pënatyë nety jap nëjxtëp barkoty?

3. ¿Tiko ja barkë ojts tyukjaˈanëtyaˈay?

4. ¿Wiˈix ja soldäädë wintsën jyënany, ets ninääk ja jäˈäy jyäjttë juuky jam mejny byëˈääjy?

5. ¿Ti txëˈaty ja lugäär mä jyäjttë, ets mä ojts yajmënejxyë Pa̱a̱blʉ ko ja tiempë yˈoˈoyë?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 27:1-44.

   Extëmë Biiblyë tmaytyaˈaky mä wiˈixë Pa̱a̱blʉ jyajty Romʉ, ¿wiˈix dyajkëktëkë nmëbëjkënyëˈäjtëm ko tëgekyë diˈibë Biiblyë myaytyakypy tëyˈäjtën? (Apos. 27:16-19, 27-32; Luk. 1:3; 2 Tim. 3:16, 17.)

2. Käjxë Apostʉlʉty 28:1-14.

   Pën ja jäˈäyëty diˈib tsënääytyë Maltʉ kyaj tpanëjxtë Kristʉ ets mëjwiin kajaa yˈoyjyaˈaytyaktë mët ja Pa̱a̱blʉ ets pënatyë nety miindëp mä barkë, ¿tixyëbë net ëtsäjtëm mbäät nduˈunëm extëmë Dios mëduumbëty? (Apos. 28:1, 2; Ebre. 13:1, 2; 1 Peed. 4:9.)

Maytyaˈagyë 113

1. ¿Pënatyë Pa̱a̱blʉ myëtmaytyak ko yˈijty pujxndëgoty Romʉ?

2. ¿Pënë tadë mixy diˈib jam mä meesë, ets ti jamë Pa̱a̱blʉ tuktuunëp?

3. ¿Pën Epafroditʉˈäjt, ets ti myënëjx ko jyëmbijty Filipʉ?

4. ¿Tiko Pa̱a̱blʉ tnijäˈäyë ja myëtnaymyaayëbë Filemón?

5. ¿Ti tyuunë Pa̱a̱blʉ ko yˈawäˈätspëtseemy, ets wiˈix ok jyajty?

6. ¿Pënë Jyobaa yˈaktukjääyë liibrë diˈib mä Biiblyë, ets ti myaytyakypyë tadë liibrë diˈib xyëˈäjtypy Diˈibʉ Jatanʉp?

Yajtëˈëwën diˈib këˈëm mˈatsoojëmbitëp:

1. Käjxë Apostʉlʉty 28:16-31 etsë Filipʉ 1:13.

   ¿Wiˈixë Pa̱a̱blʉ dyajtuunyë tiempë ko yˈijty pujxndëgoty Romʉ? ¿Ets wiˈix pyudëjkëdë pënatyë nety pyanëjxtëbë Kristʉ ko Pa̱a̱blʉ niwiˈixtsoo tkayajtëgooyë myëbëjkënë? (Apos. 28:23, 30; Fili. 1:14.)

2. Käjxë Filipʉ 2:19-30.

   ¿Wiˈixë Pa̱a̱blʉ tnimaytyakyë Timotee etsë Epafroditʉ ets dëˈën dyaˈijxë ko jyantsy tsyojktë, ets wiˈix mbäädë Pa̱a̱blʉ yˈijxpajtënë mbajoˈomëm? (Fili. 2:20, 22, 25, 29, 30; 1 Kor. 16:18; 1 Tes. 5:12, 13.)

3. Käjxë Filemón 1-25.

   1. ¿Wiˈixë Pa̱a̱blʉ tˈanmääyë Filemón tidën myëdatëp ets ttunët diˈib oy, ets wiˈixë tyäˈädë mbäät pyudëkëdë mëjäˈäytyëjk diˈib tuundëp mä Diosë kyäjpn? (File. 9; 2 Kor. 8:8; Gal. 5:13.)

   2. Extëmë Pa̱a̱blʉ jyënany mä Filemón 13, 14, ¿wiˈix dyaˈijxë ko wyintsëˈkë extëm wyinmääytyë ja ëxpëjkpëty? (1 Kor. 8:7, 13; 10:31-33.)

4. Käjxë 2 Timotee 4:7-9.

   Dëˈën extëmë apostëlë Pa̱a̱blʉ, ¿tiko mbäät nˈijtëm seguurë ko Jyobaa xykyumayäˈänëm pën ninäˈä ngamastutëm? (Mat. 24:13; Ebre. 6:10.)

Maytyaˈagyë 114

1. ¿Tiko Biiblyë tmaytyaˈagyë kuääjy jam tsäjpotm?

2. ¿Ti txëˈatyë tyäˈädë Diosë tsyip, ets tiko ttunäˈäny?

3. Extëm kyëxeˈeky mä dibujë, ¿pën nyiwintsënˈataambyë tadë tsip, tiko tmënejxyë kyoronë, ets ti yˈandijpy ko tmënejxy tuˈugë espäädë?

4. Extëm të nˈijxëmë maytyaˈagyë 10, 15 etsë 33, ¿tiko kyaj mbäät nmonyˈijx nmonyjäˈäjëm ko Dios dyajkutëgoyaˈanyë axëkjäˈäy?

5. ¿Wiˈix xytyukˈijxëmë tadë maytyaˈagyë 36 etsë 76 ko Dios yajkutëgoyaambyë axëkjäˈäy oy jyajënäˈändë ko yˈawdatëdë?

Yajtëˈëwën diˈib këˈëm mˈatsoojëmbitëp:

1. Käjxë Diˈibʉ Jatanʉp 19:11-16.

   1. ¿Wiˈix yajxonë Biiblyë xytyukˈijxëm ko diˈib tyukˈunyaabyë tadë poop kuääjy yëˈë Jesukristʉ? (Diˈibʉ Jat. 1:5; 3:14; 19:11; Isa. 11:4.)

   2. Ko Jesús yajnigajxyë wyit neˈpyny neˈpyny, ¿wiˈix xytyukˈijxëm ko yëˈëyë madäˈägäämp mä ja tsip? (Diˈibʉ Jat. 14:18-20; 19:13.)

   3. Ko Jesús kyëxeˈeky myiny poop kuääjygyëjxy, ¿pënatyëdaa tadë tsiptuumbë diˈib pamiinëdëp? (Diˈibʉ Jat. 2:26, 27; 12:7; 19:14; Mat. 25:31, 32.)

Maytyaˈagyë 115

1. Extëmë Biiblyë jyënaˈany, ¿wiˈix ja jukyˈäjtënë yˈixˈatäˈäny mä ja it lugäärë tsujpë?

2. ¿Wiˈixë Biiblyë twandaˈaky jyukyˈatäˈändë jäˈäy mä ja it lugäärë tsujpë?

3. ¿Näˈä Jesús dyajminäˈäny dëˈënë oyˈäjtënë?

4. Ko Jesús yˈijty yä Naxwiiny, ¿ti tyuun diˈib yaˈijxë ko yëˈë diˈib tyunaampy ko tyëkët Rey mä Diosë yˈAnaˈam Kyutujkën?

5. Jesús ets pënaty mëët tˈanaˈamäˈändë Naxwinyëdë jam tsäjpotm, ¿ti tyunandëp?

Yajtëˈëwën diˈib këˈëm mˈatsoojëmbitëp:

1. Käjxë Diˈibʉ Jatanʉp 5:9, 10.

   ¿Tiko mbäät nˈijtëm seguurë ko pënaty anaˈamandëp tuk mil jëmëjt extëmë reyëty ets saserdotëty pyaˈayowandëbë jäˈäy ets jyaygyukëyandëp ti jotmay myëdäjttëp? (Éfe. 4:20-24; 1 Peed. 1:7; 3:8; 5:6-10.)

2. Käjxë Diˈibʉ Jatanʉp 14:1-3.

   ¿Tidën yˈandijpy ko tadë 144,000 tmëdattë këxjäˈäy wyimbokëjxy tadë Dios Teetyë xyëë etsë Borreeguˈunk? (1 Kor. 3:23; 2 Tim. 2:19; Diˈibʉ Jat. 3:12.)

Maytyaˈagyë 116

1. ¿Ti tsojkëp nijäˈäjëm pën jukyˈatäˈänëm winë xëë winë tiempë?

2. ¿Wiˈix mbäät niˈigyë tijaty nijäˈäjëm mä Jyobaa ets mä Jesús, extëm jam ttunyë tadë kixyuˈunk mëdë myëtnaymyaayëbëty?

3. ¿Diˈibë jatuˈugë liibrë mˈijxypy mä tadë dibujë, ets tiko mbäät ijtp ngäjxëm?

4. Abeky mä tijaty nijäˈäjëm mä Jyobaa etsë Jesús, ¿ti mas tsojkëp ets nduˈunëm ets mbatëmë jukyˈäjtënë winë xëë winë tiempë?

5. ¿Ti të xytyukniˈijxëmë tadë maytyaˈagyë 69?

6. ¿Ti xytyukniˈijxëmë yˈijxpajtënë Samwel, mä tadë maytyaˈagyë 55?

7. ¿Wiˈix mbäät nbajoˈomëmë yˈijxpajtënë Jesukristʉ? Ets pën nduˈunëm dëˈën, ¿ti nëjx nˈaxäjëm mä tiempë myiny kyëdaˈaky?

Yajtëˈëwën diˈib këˈëm mˈatsoojëmbitëp:

1. Käjxë Fwank 17:3.

   Ko nijäˈäjëm tijaty diˈib mä Jyobaa Dios etsë Jesús, ¿wiˈixë Biiblyë jyënaˈany ko kyaj jeˈeyë tsyokyëty nijäˈäjëtyaˈayëm tijaty agëbajky? (Mat. 7:21; Sant. 2:18-20; 1 Fwank 2:17.)

2. Käjxë Salmo 145:1-21.

   1. Ok nigäjx, ¿tidën ko mbäät nmëjkumäˈäyëmë Jyobaa? (Sal. 145:8-11; Diˈibʉ Jat. 4:11.)

   2. ¿Wiˈixtsoo Jyobaa yˈoyjyaˈayëty mët niˈamukë jäˈäy, ets wiˈixë tyäˈädë mbäät xytyuˈunxëm ets mas nmëwingoˈonëm? (Sal. 145:9; Mat. 5:43-45.)

   3. Pën ntsojkëmë Jyobaa, ¿ti net mbäät nduˈunëm ets dëˈën nyaˈijxëm ko ntsojkëm? (Sal. 119:171, 172, 175; 145:11, 12, 21.)