Mä tyäˈädë myëmäjtaxk pëkypyë, yëˈë yajnimaytyäˈägäämbë José, Job, Moisés ets ja israelitëty. Niˈamukë tmëmadaktë ayoˈon jotmay diˈib mooyëdë Satanás. Nääk kyaj yajtuundë tyëyˈäjtën, yajtsuumdë, yajtuumbëˈäjt yajmosëˈäjttë ets axtë ajotkumonë yˈoˈktë jyiiky myëguˈuk. Per kanäkˈokë Jyobaa ojts kyuwäˈänëdë. Pën mijts jamë mˈuˈunk mˈënäˈk, pudëkëdë parë tjaygyukëdët wiˈixë tyäˈädë Dios mëduumbëty kyaj dyajtëgooytyë myëbëjkën, oy nuˈun dyajnäjxtë amay jotmay.

Jyobaa yëˈë yajtuun ja mäjkpë ayoˈon parë dyajnigëxëˈky ko yëˈë diˈib mas kumëjääw ets kyaj dyuˈunëty tukëˈëyë ja dios diˈib Egipto.  Tukjaygyukëdë ja mˈuˈunk mˈënäˈk ko Jyobaa yëˈë diˈib tëëyëp kyuwan ja kyäjpn ets ko nanduˈun tyam ttuny.