Mëguˈuktëjk:

Mä kanäägë ayuk diˈib jaˈäjtp abëtsemy nyaxwinyëdë, kanäk jëmëjt kujk pyëtsemy mä La Atalaya diˈibë jäˈäy yajmoopy, tuˈugë artikulo diˈib xëˈäjtp “Ejemplos de fe”. Duˈun myaytyaˈaky extëm jyawë tyam tyuny jyatyëty parë nbawinmäˈäyëm wiˈix jyukyˈäjttë ja yetyëjk toxytyëjk diˈib yajmaytyakp mä Biiblyë, ets xytyukˈijxëm wiˈix tmëdäjttë mëbëjkën ko twinguwäˈkëdë jotmay o diˈib tsiptakxëdë. ¿Wiˈix të pyudëkëdë pënaty të tkäjpxtë?

Ko pyëtseemy ja artikulo diˈib myaytyakypyë Marta, ta tuˈugë toxytyëjk jyënany: “Kots të ngajpxy, jeˈeyëts këˈëm të nnaytyukxiˈigyëty, ¡duˈunëts meerë extëm yëˈë! Xëmëts njaty nˈooky parëts oy nyajnayjawëyaˈanyëty pënatyëts nwoopy mätsë ndëjk. Ets näˈäty kyajts nwinmay ko diˈib mas jëjpˈam, yëˈë nwäˈkpoˈkxëdëts waanë parëts mëët ngäjpx nmaytyäˈägëdë nmëtnaymyaayëbë”. Tuˈugë kiixy diˈib kyäjpx mä yajnimaytyaˈagyë Ester, jyënany: “Kots ojts ngajpxyë tyäˈädë artikulo, tajëts ojts xyajwinmay ko mbäät pojën nnaytyukwinˈëˈënëmë wit xox ets yëˈëyë nmëmäˈäy nmëdäjënë wit diˈib jembyëtsëëmp. Wenë, jëjpˈam ets tsuj yajxon naywyit nayxyojxëm, per kyaj parë net ndimˈyaˈˈanäjxëm”. Ta yˈakjënany: “Diˈib niˈigyë Jyobaa yajtsobatypy, yëˈë wiˈix yajpäätyë korasoon”. Jatuˈugë nmëguˈukˈäjtëm ko tkäjpxtääy mä yajmaytyaˈagyë apostëlë Pedro, jyënany: “Jamëts naybyëjtakë kots ojts ngajpxy. ¡Duˈunxyëp extëmëts jam nyajpääty! Kyajts jeˈeyë ojts ngajpxy tijaty tuun jäjtë, nnaybyëjtakëtsën jam extëmxyëpts tijaty ndimˈixy, ndimmëdoy ets ndimtony”.

Extëm nˈijxëm, pënaty të tkäjpxtë tyäˈädë artikulo, yajtëyˈäjtëndëjkëp extëm tkujäˈäyë apostëlë Pablo: “Tëgekyë diˈibë wëˈëmp mä ja Diosë jyaaybyajtën, yajkëxjääy es nnaytyukniˈˈijxëm” (Rom. 15:4). Jyobaa ojts dyajwëˈëmy jääybyety mä Biiblyë wiˈix jyukyˈäjttë tëëyëp ja Dios mëduumbë parë xytyukniˈˈijxëm ets xypyudëjkëm. Pääty, mbäät niˈamukë xypyudëjkëm, oy tëëyëp ndëjkëm ëxpëjkpë o näämnëm.

Jantsy jotkujkëts nnayjawëdë ko kanäägë tyäˈädë artikulo të pyëtsemy mä tyäˈädë liibrë. Nˈanmääytyëp ets xykyäjpxtët jantsy jeˈeyë mmadäˈäktët. ¿Tiko xykyaˈëxpëktë mä mDiosˈawdattë mëdë mFamilyë? ¡Seguurë ko ënäˈkuˈunk jyantsy tyukxondäˈägandëp! Ets ko yaˈëxpëkët mä naymyujkën, nˈanmääytyëp ets kyaj mdëgoyˈattët. Käjpxtë yajxon, juuttë tiempë ets xypyawinmaytyët tijaty yajmaytyakp extëmxyëp mijts jam myajpääty. Pawinmaytyë wiˈix nyayjäˈäwëdë ja Dios mëduumbëty ko twinguwäˈkëdë jotmay, ets tixyëp mduundëp koxyëp miitsëty duˈun mjäjttë.

Jantsy jotkujkëts nnayjawëdë ko të pyëtsemyë tyäˈädë ëxpëjkpajn. Nˈawijxtëbëts ets mbudëkëdët mëdë mfamilyë. Mëk ntsoktë niˈamukë.

Diˈib wyooyoˈoytyëbë Jyobaa tyestiigëty