Mä Biiblyë, jap yajpäätyë tyäˈädë oybyë ayuk ko njukyˈatäˈänëm winë xëë yä Naxwiiny (Salmo 37:29). Tyäˈädë liibrë ja tmëminy 66 liibruˈunk, Dios wyinˈijx 40 yetyëjk diˈib jyaaytyë. Tam nyëjkxnë 3,500 jëmëjt mä Moisés tjääy ja tim jawyiimbë mëgoxkpë liibrë, ets 1,900 jëmëjt mä apostëlë Juan tjääy ja tim okpë liibrë. Ja ayuk diˈib yajpatp mä Biiblyë jam tsyoony mä Dios. Yëˈë yajtuunë yˈespiritë santë parë twinmäˈänymyooy ja yetyëjkëty diˈib jyaaytyë Biiblyë (2 Samuel 23:2). Tyäˈädë yetyëjkëty, yëˈë kyujäˈäyëdë Diosë wyinmäˈäny, kyaj yëˈëjëtyë kyëˈëm winmäˈäny. Päätyë Biiblyë, yëˈë Jyobaa yˈayuk. Käjpxë 2 Timotee 3:16 etsë 2 Peedrʉ 1:20, 21.

Ixë bideo ¿Pënë wyinmäˈäny ijtp kujayë mä Biiblyë?

Yëˈko Biiblyë jam tsyoony mä Dios. Ets ijtëm seguurë ko jantsy duˈun, pes tëyˈäjtën tnigajpxy tijaty miin këdakp, diˈib nituˈugë naxwinyëdë jäˈäy tkanijawë (Josué 23:14). Yëˈëyë Dios diˈib myëdäjtypy tukëˈëyë mëjää mbäät tnijawë ti miin këdakp. Käjpxë Isaías 42:9 etsë 46:10.

Kyaj jyaˈˈatyë wiinkpë liibrë extëmë Biiblyë, yëˈë ko jam tsyoony mä Dios. Miyonkˈamë Biiblyë wyaˈkxy ets kanäk mëgoˈpx ayuk pyëtsemy. Oy tëëyëp yajjääy, tuˈugyëp mët diˈibë ëxpekyjyaˈay yˈëxpëjkpëtsëëmdëp. Ets oy 40 jäˈäy tjääytyë tuˈugyë myaytyaˈaky, kyaj nyaywyinguwopëty. * Mä myiny tukˈääyatyë Biiblyë, nyigëxeˈegyë Dios tsyojkën. Ets axtë tyambäät tmëdatyë mëkˈäjtën parë dyajtëgäjtsë jäˈäyë jyukyˈäjtën. Päätyën miyonkˈamë jäˈäy tmëbëktë ko Biiblyë yëˈë Diosë yˈAyuk. Käjpxë 1 Tesalónikʉ 2:13.

Ixë bideo ¿Tiko mbäät nmëbëjkëm ko Biiblyë tëyˈäjtën myaytyaˈaky?

Biiblyë myaytyakypyë oybyë ayuk mä tijatyë Dios tyuknibëjtakëp parë naxwinyëdë jäˈäy. Myaytyakypy wiˈix ja tim jawyiimbë jäˈäy dyajtëgooytyë ja lugäärë tsujpë ets nan nyimaytyakypy wiˈix jatëgok yˈoyëyaˈany. Käjpxë Diˈibʉ Jatanʉp (Apocalipsis) 21:4, 5.

Biiblyë myëmiimbyë anaˈamën etsë käjpxwijën. Nan nyimaytyakypy wiˈixë Jyobaa jyaˈayˈaty mëdë naxwinyëdë jäˈäy, ets duˈun dyajnigëxeˈegyë jyaˈayˈäjtën. Päätyë Biiblyë xypyudëjkëm parë nˈixyˈäjtëmë Dios. Ets nan xytyukniˈˈijxëm wiˈix mëët nnaymyaˈayëm. Käjpxë Salmo 19:7, 11; Santya̱ˈa̱gʉ 2:23, etsë 4:8.

Tyäˈädë foyetë mbäät mbudëkëty parë xyjaygyukëdë Biiblyë. Duˈun tyukniˈˈixë extëmë Jesusë jäˈäy dyaˈëxpejky, yëˈë jawyiin ijty tnigajpxy tuˈugë tekstë ets ta net tnimaytyaky wiˈix nyikejy. Käjpxë Lukʉs 24:27, 45.

Seguurë ko mjantsy nyijawëyaampy niˈigyë ja oybyë ayuk diˈibë Dios xytyuknijäˈäwëm. Per ta näägë jäˈäy diˈib kyaj ttsojkënyëˈattë ets ta diˈib axtë jotˈambëjktëp ko yajtukmëtmaytyäˈäktë. Kyaj xynyasˈixët ets mdukmastuˈudëdët. Pesë Biiblyë jyënaˈany ko pënaty yˈixyˈäjttëbë Dios, nëjkxëp jyukyˈattë winë xëë. Käjpxë Fwank 17:3.