Dios yʼanmaapy oytyim pënëty ets myëwingonëdët mët yëˈëgyëjxmë nuˈkxtakën (Salmo 65:2). Per kyaj yëˈë tˈandijy ko tukëˈëyë nuˈkxtakën tmëdooˈity. Extëm nˈokpëjtakëm, ko tuˈugë yetyëjk nyuˈkxtaˈaky diˈib axëëgë nyëdoˈoxy tyuumpy, mbäät kyaj yajmëdooˈityë nyuˈkxtakën (1 Peedrʉ 3:7). Ko ijty ja israelitëty janääm jatsojk ttundë axëkˈäjtën, Dios kyaj ijty tmëdooˈity ko nyuˈkxtäˈäktë. Per myëdooˈijtypy ko myënuˈkxtäˈägëdë pënaty të jyodëmbittë, oy mëjwiin kajaa të pyokytyundë. Käjpxë Isaías 1:15 etsë 55:7.

Ixë bideo ¿Myëdoowˈijtypyë Dios ko niˈamukë jäˈäy myëgajpxyëty?

Ko nuˈkxtakëm duˈun ja tuk peky nˈawdäjtëmë Dios, pääty yëˈëyë mbäät nmënuˈkxtakëmë Jyobaa (Matewʉ 4:10; 6:9). Ets kom pokyjyaˈay nyajpatëm, tsojkëp nuˈkxtakëm xyëëgyëjxmë Jesus, pes yëˈë kyuˈoˈkë nbokyˈäjtëm (Fwank 14:6). Jyobaa kyaj ttseky ets agëbajky nmënuˈkxtakëm o nbaˈijxëm nekyëjxy, japën mbäät tsyoony ja ää ayuk mä jot korasoon. Käjpxë Matewʉ 6:7 etsë Filipʉs 4:6, 7.

Jyobaa myëdooˈijtypyë nuˈkxtakën axtë diˈib nduˈunëm jodoty winmäˈänyoty (1 Samuel 1:12, 13). Ets xyˈanmäˈäyëm parë xëmë nuˈkxtakëm, extëm ko nguxëënyëm, ko ngutsuˈujëm, ko ngayäˈänëm ets ko nbatëmë amay jotmay. Käjpxë Salmo 55:22 etsë Matewʉ 15:36.

Tyam, njukyˈäjtëm mä jäˈäy kyaj tmëbëktë Dios ets axtë tyukxiktëp ko Dios dyajminäˈänyë jotkujkˈäjtën yä Naxwiiny. Tyäˈädë mbäät xyajtuˈudujkëm parë kyaj nmëwingoˈonëmë Dios (2 Timotee 3:1, 4; 2 Peedrʉ 3:3, 13). Pääty, tsojkëp nduˈukmujkëm mëdë nmëguˈukˈäjtëm ets naymyëjämoˈoyëm nixim niyam. Käjpxë Ebreeʉsʉty 10:24, 25.

 Ko nduˈukmujkëm mëdë jäˈäy diˈibë Dios tsyojktëp, ta niˈigyë nmëwingoˈonëmë Dios. Ets ko nëjkxëm mä tyuˈukmuktë Jyobaa tyestiigëty mbäät xypyudëjkëm ko nˈijxëm wiˈix tmëdattë mëbëjkën. Käjpxë Romanʉs 1:11, 12.

Mbäät xymyëwingony ko xypyawinmayët tijaty të xyjaty mä Biiblyë. Extëm tijaty tyuumbyë Dios, wiˈix xykyäjpxwijëm ets tijaty wyandakypy. Ko duˈun xypyawinmayët ets mnuˈkxtäˈägët, yëˈë mbudëkëdëp parë xyjaygyukët ko Dios mëjwiin kajaa wyijˈyëty ets xytsyojkëm. Käjpxë Josué 1:8 etsë Salmo 1:1-3.

Mbäät xymyëwingonyë Dios pën mmëdäjtypyë mëbëjkën ets pën mdukˈijxpejtypy. Ets duˈun extëm tuˈugë ujts diˈib xëmë xogäämp, nanduˈun jyaty mëdë mëbëjkën, tsojkëp xëmë nbawinmäˈäyëm tiko duˈun tijaty nmëbëjkëm. Käjpxë Matewʉ 4:4 etsë Ebreeʉsʉty 11:1, 6.

Jyobaa naytyukjotmaytyuunëbë jäˈäy diˈib tsojkëp. Ets nan pyudëjkëp parë kyaj dyajtëgoyëdë myëbëjkën etsë jyukyˈäjtënë xëmëkyëjxmbë diˈib yˈawijxypy (Salmo 91:1, 2, 7-10). Xytyukniˈˈijxëm wiˈix oy njukyˈäjtëm ets nan xytyukˈawäˈänëm tijaty mbäät njëjpkudijëm parë njukyˈäjtëm agujk jotkujk ets oy mëk. Käjpxë Salmo 73:27, 28 etsë Santya̱ˈa̱gʉ 4:4, 8.