¿Pënatyë tyäˈädë yetyëjkëty diˈib mä dibujë?... Ja txëˈäjttë Mateo, Marcos, Lucas, Juan, Pedro, Santiago, Judas ets Pablo. Yëˈëjëty ja jyukyˈäjttë ja tiempë mä Jesus jyukyˈajty ets kyujäˈäyëdë wiˈix jyukyˈajty. Tukëˈëyë diˈib jyaaytyë yajpääty mä Biiblyë. Min nˈokˈijxëm wiˈix yajnimaytyäˈägäˈändë.

Nidëgëëk yëˈë ja apostëlëty diˈib naymyaayëdë mëdë Jesus ets ojts mëët kyäjpxwäˈkxtë, Mateo, Juan etsë Pedro.  ¿Mbäät xynyiˈˈixë mä dibujë?... Mateo mëdë Juan ojts tjäˈäytyë këjk tuˈugë liibrë mä tnimaytyaktë wiˈixë Jesus jyukyˈajty. Juan nan ojts tjäˈäy tuˈugë liibrë diˈib xyëˈäjtypy Diˈibʉ Jatanʉp (o Revelación) ets nan jyaay tëgëëgë neky, diˈib yajtijp ja Myëduˈukpë, Myëmajtskpë etsë Myëdëgëëkpë neky diˈibë Fwank jyaay. Apostëlë Pedro jyaay majtskë neky diˈib yajpatp mä Biiblyë, diˈib yajtijp ja Myëduˈukpë etsë Myëmajtskpë neky diˈibë Peedrʉ jyaay. Mä ja myëmajtskpë neky jap tkujäˈäyë ko Jyobaa ojts kyajpxy desde jam tsäjpotm ets jyënany: Tyäˈädëtsë duˈun ja nˈuˈunk. Mëkëts njantsy tsyeky, ets jotkujkëts xyajnayjawëty.

Wiinkpë yetyëjk diˈib mˈijxypy mä dibujë nan kyujäˈäyëdë wiˈixë Jesus jyukyˈajty. Niduˈuk yëˈë Marcos. Waˈan jam yajpaty ko Jesus ojts yajmatsy ets tˈijxy tukëˈëyë tijaty tuun jäjtë. Jatuˈuk yëˈë Lucas. Yëˈë doktoor tyuuny ets waˈan jaanëm tmëbëjkyë Jesus ko nety të yˈoˈknë.

Tam ja nimajtsk diˈib mˈijxypy mä dibujë, yëˈë Jesusë yˈutsy ets nan kyujäˈäyëdë wiˈixë Jesus jyukyˈajty. ¿Mnijäˈäwëp ti txëˈäjttë?... Tuˈuk txëˈäjty Santiago ets jatuˈuk Judas. Yëˈëjëty, kyaj nety tmëbëktë tijatyë Jesus tukniˈˈijxëp axtë winmääytyë ko të lyokëjaty. Per ok, ta tmëbëjktë ets ojts tpanëjkxtë Jesus.

Ets diˈib tim ok yˈakjääyë Biiblyë diˈib mˈijxypy mä dibujë, yëˈë Pablo. Mä nety tkapanëjkxynyëmë Jesus, ja nety txëˈaty Saulo. Mëkë nety tˈaxëkˈixy pënaty pyanëjkxtëbë Jesus ets tjantsy axëktuny. ¿Ti Pablo yajtëgäjtsë parë ojts tpanëjkxyë Jesus?... Tëgok, tuˈuyeˈebyë nety ko tmëdooy ajotkumonë yajmëgajpxy desde tsäjpotm. ¡Yëˈë netyë Jesus mmëgäjpxëp! Jesus yajtëëwë: ¿Tiko axëëk xytyuny pënatyëts xymyëbëjkp? Ko duˈun tyuun jyäjtë, ta Pablo tyëgäjtsy ets ta ojts tpanëjkxnë Jesus. Pablo ja mäjmäjktsë neky tjääy diˈib yajpatp mä Biiblyë, Romanʉs axtë Ebreeʉsʉty.

¿Këdii ngäjpxäˈänëmë Biiblyë jabom jabom?... Jap niˈigyë yajnimaytyaˈagyë Jesus. ¿Mnijawëyaampy niˈigyë wiˈix yajnimaytyaˈaky?...