Apostëlë Pablo duˈun tnijäˈäyë ja Diosmëduumbëty mëdiˈibë Tesalónica: “Pën ja pën kyaj tmëdoogukëyaˈany diˈibëts nmaytyakypy mä tyäˈädë neky, mˈixtëp pënëtyë dëˈën”, o mˈijxwëˈëmdëp (2 Tes. 3:14). Ko yäˈädë tekstë duˈun jyënaˈany, duˈunë nety yajjaygyukë ko yëˈë duˈun yaˈˈanmääytyëp ja mëjjäˈäytyëjk. Ko pën tuˈugë jäˈäy kyaj tmëjpëjktaˈaky ja ëwij käjpxwijënë mëdiˈibë yajpatp mä Biiblyë oy jyayajpudëjkë kanäkˈok, ta ijty ja mëjjäˈäytyëjk dyajnaxtë tuˈugë diskursë parë yaˈˈanëëmë ja kongregasionk ets nyaygyuentëˈatëdët mëdë yäˈädë jäˈäy. Duˈuntsoow ja nmëguˈukˈäjtëm kyaj mëët nyekytyuˈukmuktët, jaayë ko nyaybyäädëdët mä reunyonk o ko nyëjkxtët ëwäˈkx käjpxwäˈkxpë.

Per extëmë Pablo jyënany, tyam duˈun yajjaygyukë ko tuˈuk tuˈugë Diosmëduumbë këˈëm mbäät tˈixtë ja jäˈäy mëdiˈibë kyaj tmëmëdoy ja ëwij käjpxwijën. Kyaj tyimtsokyëty ets ja mëjjäˈäytyëjk dyajnaxtët tuˈugë diskursë parë nnaygyuentëˈäjtëm mëdë yäˈädë jäˈäy. ¿Tiko tyam duˈun yajjaygyukë? Min nˈokˈijxëm wiˈixë apostëlë Pablo jyënany mä duˈun tkanigajpxynyëm.

Pablo apostëlë Pablo jyënany ko mä ja kongregasionk tamë nety ja Dios mëduumbëty mëdiˈibë kyaj yajjëwijtsëmbitäˈändë o mëdiˈibë kyaj tmëpëjktäˈäktë ja ëwij käjpxwijën. Extëm nˈokpëjktakëm, ko netyë Pablo të yˈokˈojtspë, duˈun ojts tkäjpxwijtë: “Diˈibë kyaj tyunäˈäny, kyaj kyay yˈuugët”. Per oyë nety duˈunë Pablo të jyaˈˈanëˈëmxëdë, tamˈäjtpë netyë Diosmëduumbë mëdiˈibë kyaj tyunäˈändë oyë nety mbäät jyatun jyaˈayowdë. Tamˈäjt nanduˈun mëdiˈibë tyuktëjkëdë ja myëguˈuktëjkë jyukyˈäjtën. ¿Wiˈixë nety mbäät ja Diosmëduumbëty yˈittë mët pënaty kyaj yajjëwijtsëmbitäˈäny? (2 Tes. 3:​6, 10-12).

Ko Pablo jyënany: Mˈixtëp pënëtyën duˈun. Mä ayuk grieegë yëˈë yˈandijpy ko yaˈixäämbën ja jäˈäy parë net nnaygyuentëˈäjtëm ets duˈuntsoow kyaj xytyukninäjxëm wiˈix jyaˈayˈaty o tijaty tyuumpy. Apostëlë Pablo yëˈë duˈun yä yˈanëmääy ja kongregasionk, kyaj yëˈëjëty ja mëjjäˈäytyëjkëty (2 Tes. 1:1; 3:6). Pääty pën tuˈugë Diosmëduumbë yˈijxypy ko ja myëguˈuk kyaj tnekymyëjpëjktaˈaky ja ëwij käjpxwijënë mëdiˈibë yajpatp mä Biiblyë, ta këˈëm tmastuˈudët ets kyaj mëët oy nyekyˈitët.

¿Per yëˈëdaa yäˈädë yˈandijaampy ko kyaj mbäät nˈokmëtmaytyakënë extëm ja jäˈäy mëdiˈibë të yajjuuty mä Diosë kyäjpn? Kyaj, ¿tiko duˈun njënäˈänëm? Yëˈko Pablo jyënany : “Niˈigyë xynyëˈëmoˈoy xytyuˈumoˈoytyët extëmë mmëguˈugën”. Yäˈädë jäˈäy duˈunyëm mëët nduˈukmukäˈänëm ko nëjkxëm reunyonk o ëwäˈkx käjpxwäˈkxpë, per kyaj mëët tijaty ndunäˈänëm, kyaj mëët nëjkxäˈänëm muum o nyajpäädäˈänëm mëët mä ja kombiibyë. Etsë apostëlë Pablo nyimaytyak tiko duˈun jyënany: “Es dëˈën tsyoydyuˈungäˈäjët”. Ko nganekytyuˈukmujkëm mëdë yäˈädë Diosmëduumbë mëdiˈibë kyaj yajjëjwijtsëmbitäˈäny, mbäät tsyoytyuny ets dyajtëgatsët ja jyukyˈäjtën (2 Tes. 3:​14, 15).

Ets ëtsäjtëm ¿wiˈix mbäät nbaduˈunëm yäˈädë ëwij käjpxwijënë? Tim jawyiin, tsojkëp nˈijxëm pën ja nmëguˈukˈäjtëm jantsy kyaj nyayakyëty parë yajjëjwijtsëmbitët. Apostëlë Pablo kyaj yëˈë tmaytyäˈäganyë nmëguˈukˈäjtëm mëdiˈibë kyaj mëët tyuknaxëty ja nwinmäˈänyˈäjtëm o tijaty ntsojkënyëˈäjtëm. Nan kyaj yëˈë tmaytyäˈägany ja nmëguˈukˈäjtëm mëdiˈibë jam wiˈix xytyuˈunëm o xyˈanmäˈäyëm, yëˈëjën myaytyäˈägan ja Diosmëduumbëty mëdiˈibë kyaj tmëmëdowäˈändë tuˈugë käjpxwijënë extëmë Biiblyë jyënaˈany.

Pën nbëjkëmë kuentë ko tuˈugë nmëguˈukˈäjtëm kyaj tmëjpëjktaˈaky ja ëwij käjpxwijënë mëdiˈibë yajpatp mä Biiblyë a ta këˈëm ëtsäjtëm nmëjagamgaˈagäˈänëm, kyaj mëët tijaty ndunäˈänëm o nëjkxäˈänëm muum o nyajpäädäˈänëm mëët mä ja kombiibyë. Per kom ëtsäjtëmë nety duˈun ja winmäˈäny të nbëjktakëm, yëˈëyë nduknijawëyäˈänëm ja njiikyˈäjt nmëguˈukˈäjtëm mëdiˈibë tuˈugyë mëët ntsënäˈäyëm. Jaayë mëët nduˈukmukäˈänëm ja nmëguˈukˈäjtëm ko nëjkxëm reunyonk ets ëwäˈkx käjpxwäˈkxpë. Per ko dyajtëgatsët ja jyukyˈäjtën jeˈeyëm jatëgok oy mëët nˈitäˈänëm.