Nˈokˈijtëm jotkujk mientrës nˈëwxijtëm tijatyë Jyobaa tyunaamp
¿MJANTSY tsyojkënyëˈäjnëp etsë Jyobaa dyajjëjptëgoyëdë axëkˈäjtën ets ak jemy tijaty dyajjëmbitët? Seguurë ko duˈun (Diˈibʉ Jat. 21:1-5). Per tsiptakp näˈäty nmaˈkxtujkëm ets nˈëwxijt njëjpˈijxëm parë Jyobaa tijaty ttunët, mas niˈigyë ko nwinguwäˈkëmë amay jotmay. Päätyënë Biiblyë jyënaˈany: “Ko nˈëwxijt njëjpˈijxëm mëdiˈibë kyaj tyuny jyatyëty yajpäˈämbejtypyë korasoon” (Prov. 13:12, notë).
Perë Jyobaa tsyojkypy ets maˈkxtujkën myëët nˈëwxijt njëjpˈijxëm parë yëˈë tijaty ttunët. ¿Tiko Jyobaa ttsoky nmaˈkxtujkëm? ¿Ets ti xypyudëkëyäˈänëm parë duˈunyëm agujk jotkujk nyajpajtëm?
¿TIKO JYOBAA TTSOKY ETS NMAˈKXTUJKËM?
Biiblyë jyënaˈany: “Jyobaa ëwxijt jëjpˈijxp maˈkxtujkën myëët parë ttunäˈänyë mayˈäjtën, ets pyëdëˈëgäˈäny parë mbaˈˈayowäˈänëdë. Yëˈko Jyobaa yëˈë tuˈugë Dios mëdiˈibë tyuumbyë tëyˈäjtën. Agujk jotkujk yajpäättë niˈamukë pënaty yˈëwxijt jyëjpˈijxtëp” (Is. 30:18). Isaías yëˈë duˈun yˈanmääy ja judiyëtëjk mëdiˈibë kyaj tmëmëdoowdë Jyobaa (Is. 30:1). Per tamˈäjttë ja judiyëtëjk mëdiˈibë myëmëdoowdë Jyobaa, ko duˈunë Isaías yˈanmääyëdë, seguurë ko agujkmooy jotkujkmooyëdë, ets ëtsäjtëm mbäät nanduˈun xyjyotkujkmoˈoyëm.
Pääty, ¿tiijën ko mbäät nmaˈkxtujkëm? Yëˈko Jyobaa maˈkxtujkp nanduˈun. Yëˈë nyijäˈäwënëp ja xëëw ets ja oorë näˈä dyajkutëgoyaˈany ja axëkjäˈäytyëjkëty ets yëˈëyë jam yˈëwxijnëp maˈkxtujkën myëët parë tpäädët ja tiempë (Mat. 24:36). Ko nëjkx duˈun ttuny, ta yajxon nyigëxëˈëgäˈäny ko kyaj tyëyˈäjtënëty extëmë Satanás tniwäämbetyë Jyobaa ets ja Diosmëduumbëty. Jyobaa nëjkxëp dyajkutëgoyë Satanás ets pënaty puwäˈkëdëp, per pënaty mëduunëdëp nëjkxëp tpaˈˈayowäˈäny.
Mientrës nˈëwxijt njëjpˈijxëm duˈunyëm nbäädäˈänëmë jotmay. Perë Jyobaa xytyukwandakëm ko mbäät duˈunyëm nyajpatëm jotkujk. Extëmë Isaías jyënany mbäät duˈunyëm agujk jotkujk nmëduˈunëmë Jyobaa mientrës nˈëwxijt njëjpˈijxëm ets dyajminët ja jembyë jukyˈäjtën (Is. 30:18). a Per ¿wiˈixën mbäät nˈijtëm jotkujk? Min nˈokˈijxëm taxk pëky.
WIˈIX MBÄÄT NYAJPATËM JOTKUJK MIENTRËS NˈËWXIJTËM
Nˈokwinmäˈäyëm tijaty oyˈäjtën të nduˈunëm. Rey David yˈijxë axëkˈäjtën nuˈun jyukyˈajty (Sal. 37:35). Per yëˈë duˈun tkujäˈäyë: ‘Ko myajpäädëty Wintsën winduuy amonyë mˈitëty; jeˈeyë ëwxit maˈkxtuk, xyˈaˈix xyjyëjpˈixëty jënäˈä mbudëkëty. Këdii xyˈaxëkjawëty ko yëˈë jäˈäy nyamëmadäˈägëdëty mä jyukyˈäjtënën, ets ko pën ëxëëk winë ttuknibëjktäägëty’ (Sal. 37:7, TY). David duˈunën ttuuny, yëˈëyë jyëjpˈijx näˈä nety mbäädë Jyobaa yaˈˈawäˈätspëtsëmyëty ets yajtsobat nanduˈun tijatyë Jyobaa tukmëduunë (Sal. 40:5). Pën jamë jot winmäˈäny nbëjktakëm mä wiˈixë Jyobaa xypyudëjkëm ets kyaj mä ja amay jotmay mëdiˈibë nbatëm, ta kyaj nëjkx xytsyiptakxëm nˈëwxijt njëjpˈijxëm maˈkxtujkën myëët axtë koonëmë Jyobaa dyajminët ja jembyë jukyˈäjtën.
Nˈokmëjkumäˈäyëmë Jyobaa oytyim näˈäjëty. David yëˈë jyawë jyaayë Salmo 71 ets duˈun tˈanmääyë Jyobaa: ‘Mijts xëmë nˈaˈixaampy njëjpˈixaampy, ets niˈigyë mijts nmëjpëjktäˈägäˈäny’ (Sal. 71:14, TY). ¿Wiˈixën tmëjkumääyë Jyobaa? Ko ojts tnigajpxy tnimaytyaˈagyë Jyobaa ets ko tkuyˈëëy tkuyaxy (Sal. 71:16, 23). Ëtsäjtëm mbäät nanduˈun nmëjkumäˈäyëmë Jyobaa extëmë David ko ndukmëtmaytyakëmë Diosë yˈayuk ja jëëky mëguˈuk, pënaty mëët oy nnayjyäˈäwëm ets ko nanduˈun nguyˈëˈëw nguyyaxëm. Pääty ko mˈëw myäˈäxët, jaygyukë tidën mˈëëpy, pes yëˈë xypyudëkëyäˈänëm parë duˈunyëm agujk jotkujk nnayjyäˈäwëm mientrësë Jyobaa ttuny tijaty të ttuknibëjktäägë.
Nˈokˈyajnäjxëmë xëëw tiempë mëdë nmëguˈukˈäjtëm. Ko David tpatyë amay jotmay duˈun tˈanmääyë Jyobaa: ‘Mijts xëmë nˈëwxitaampy mä jäˈäyëtyën mëdiˈibë wäˈäts jukyˈäjtëbën’ (Sal. 52:9, TY). Duˈun extëmë David yajpaty mëdë myëguˈuktëjk parë nyayjyotkujkmooyëdë, nanduˈun ëtsäjtëm mbäät nyajpatëm mëdë nmëguˈukˈäjtëm ko nduˈukmujkëm reunyonk, ko nëjkxëm käjpxwäˈkxpë ets oytyim näˈäjëty (Rom. 1:11, 12).
Nˈokjëjpˈijxëm niˈigyë tijaty miimp këdakp. Biiblyë jyënaˈany: ‘Jamyë mä Diosën nbäätyëts yëˈë jotkujkˈäjtën; ets yiˈiyës tuˈuk ndukˈijxpejtypy’ (Salmo 62:5, TY). Jëjpˈam ets niˈigyë nmëbëjkëm tijaty wingoomp, mas niˈigyë pën kyaj nyaminynyëm ja kutëgoˈoyën. Oy ko nˈijtëm seguurë ko kyuytyunaampy tijaty të twandaˈaky. Ets ¿wiˈixën mbäät niˈigyë nmëbëjkëm? Ko nˈëxpëjkëmë Biiblyë, nˈijxëm tijaty ojts yajnaskäjpxë, wiˈix yˈadëëy ets tijaty xytyukniˈˈijxëm mä Jyobaa (Sal. 1:2, 3). Oy ko nanduˈun nmënuˈkxtakëmë Jyobaa ets nˈamdoˈowëmë yˈespiritë santë parë xytyukpudëjkëm ets ninäˈä ngamastutëm, mientrës njëjpˈijxëm ja jukyˈäjtënë mëdiˈibë itäämp xëmëkyëjxm (Juud. 20, 21).
Duˈun extëmë rey David, mbäät nanduˈun nˈijtëm seguurë ko Jyobaa pyudëjkëp pënaty ëwxijt jëjpˈijxëp ets pënaty kyaj myastuˈutyëty (Sal. 33:18, 22). Pääty mientrës njëjpˈijxëm maˈkxtujkënë myëët etsë Jyobaa ttunët tijaty të twandaˈaky, nˈokˈijtëm agujk jotkujk. Ko jamyë winmäˈäny nbëjktakëm mä tijaty oy nduˈunëm, nmëjkumäˈäyëmë Jyobaa, nyajnäjxëmë xëëw tiempë mëdë nmëguˈukˈäjtëm ets niˈigyë njëjpˈijxëm tijaty miimp këdakp.
a Ko Biiblyë dyajtunyë yäˈädë ayuk nˈëwxijt njëjpˈijxëm maˈkxtujkëm myëët, mbäät nanduˈun yajkäjpxnaxy ko wijy kujk nnayaˈijtëm. Yäˈädë yëˈë xytyukˈijxëm ko kyaj wyiˈixëty ko njantsy yˈëwxijt njantsy jyëjpˈijxënë maˈkxtujkënë myëët parë Jyobaa dyajminët ja jembyë jukyˈäjtën.
