IX WIˈIX MBÄÄT NˈËXPËJKËM

Ajamyatsë tijaty jëjpˈam

Ko nˈëxpëjktäˈäyëm kyaj näˈäty nekyjyamyajtsëm tijaty të njäjtëm. Per mëdiˈibë mbäät xypyudëjkëm parë kyaj duˈun njäjtëm, yëˈë ko njamyajtsëm tijaty jëjpˈam të nˈëxpëjkëm.

Ko jam nˈëxpëjkëm, oy ko wanaty niboˈkxëm ets nwinmäˈäyëm tijaty jam njäjtëm. Duˈunën ja apostëlë Pablo tˈanëmääy ja Diosmëduumbëty mëdiˈibë nety jam kyäjpxtëp ja neky mëdiˈibë tyuknigajx: “Yäˈädën jëjpˈam mëdiˈibëts yam nimaytyäˈägaampy” (Heb. 8:​1, TNM). Ko duˈun jyënany, yëˈë nety tsyojkypy ets ja Diosmëduumbëty tjaygyukëdët ti nety myaytyakypy ets wiˈix nyaymyënëjkxyëty ja yˈääw yˈayuk.

Koogoo nˈëxpëjkëm, oy ko nanduˈun njuˈtëmë tiempë naa 10 minutën parë njamyajtsëm tijaty jëjpˈam të njäjtëm. Ets pen kyaj njamyajtsëm, oy ko jatëgok ngäjpxëm ja subtitulo o mäjaty tsyondaˈaky ja parrafo. Ko jam ti jemy njäjtëm, oy ko nimaytyakëm mëdë këˈëm ääw këˈëm ayuk. Ko duˈun nduˈunëm, ta kyaj njäˈäytyëgoyäˈänëm tijaty të nˈëxpëjkëm ets nˈixäˈänëm wiˈix mbäät naytyukpudëjkëm.