MIERKËLËS jopy 24 äämbë eneerë 2018, ojts yajnigajpxy mäjatyë Betel diˈib Estados Unidos ets Canadá, ko ja nmëguˈukˈäjtëm Kenneth Cook, yëˈë nety jatuˈuk diˈib tëjkëp tuumbë mä Diˈib wyoowˈyoˈoytyëbë Jyobaa tyestiigëty.

Nmëguˈukˈäjtëm Cook jap myaxuˈunkˈäjty ets yeˈky pyejty Pensilvania (Estados Unidos). Yëˈë tuˈugë myëˈeskuelëˈˈënäˈk diˈib tuknijäˈäwë tëyˈäjtën mä nety dyajkëxanë sekundaaryë, ets ja nyëbejty 7 äämbë junië 1980. Ja tyuundëjkë prekursoor regulaar 1 äämbë septiembrë 1982. Kyum majtsk jëmëjt, ta yajwooy Betel. Ets 12 äämbë oktuubrë 1984, ta tyuundëjkë Wallkill (Nueva York).

Nuˈun nyajxy 25 jëmëjt, nmëguˈukˈäjtëm Cook, kanäk pëkyë tuunk tnikëjxmˈäjty, tuun mä ëxpëjkpajn pyëtsëmy ets Mä yaˈijxtäˈäy wiˈix tijaty nyëˈëyoˈoy tyuˈuyoˈoy Betel. Mä jëmëjt 1996, ta pyejky mëdë nmëguˈukˈäjtëm Jamie, diˈib nanduˈun tuuntsondak Wallkill. Ets disiembrë 2009, ta yajkajxtë mä Betel diˈib Patterson, japë nmëguˈukˈäjtëm Cook tyuuny Mä yaˈˈatsoowëmbity tijatyë jäˈäy yajtëëwdëp mä Biiblyë ets mä ëxpëjkpajn. Ets abril 2016, ta jyëmbijttë mä Betel diˈib Wallkill, jap waanë yˈijttë, ta yajkajxtë Brooklyn. Kyum mëgoxk poˈo, ta yajkajxtë mä Betel diˈib Warwick. Ets eneerë 2017, ta nmëguˈukˈäjtëm Cook yaˈˈanmääy parë tyunët mä Komitee diˈib Jyaaytyëbë ëxpëjkpajn.