Diˈib nääk të nyayajtëwëdë
Biiblyë jyënaˈany ko parë ti tyëyˈäjtëndëkët, tsojkëp naa majtskënë testiigë (Núm. 35:30; Deut. 17:6; 19:15; Mat. 18:16; 1 Tim. 5:19). Per ja Ley duˈun ijty jyënaˈany ko pën jam “kamotm” tuˈugë yetyëjk tmëttsëënë atsip tuˈugë toxytyëjk diˈib yajnijamyëˈtˈäjtp ets jyayaˈaxy jyajoky, ja yetyëjk yëˈë nety nyikëjxmˈäjtypy ja poky, per ja toxytyëjk kyaj. ¿Tiko nety duˈun yajpayoˈoy ets pën kyaj jyamˈaty ja testiigëty diˈib të tˈixtë ko të yaˈˈatsipˈaty?
Extëm jyënaˈanyë Deuteronomio 22:25-27 kyaj yëˈë ttim yajnigëxëˈëgäˈäny ko ja yetyëjk yëˈë pyoky, pes jantsy yëˈëjënë pyoky. Tyäˈädë ley yëˈë nety yajtëyˈäjtëndëkëyaampy ko ja toxytyëjk kyaj yëˈë tpokyëty. Per min nˈokˈijxëm ti nyimaytyakypy mä tkatukjäˈtynyëmë tyäˈädë bersikulo.
Jap yajmaytyaˈaky tuˈugë yetyëjk diˈib myëttsënaapy tuˈugë toxytyëjk diˈib pëkanëp, per jam mëët yˈity tsyëënë käjpnoty. Kom ja toxytyëjkëty diˈib yajnijamyëˈtˈäjttëp duˈunë nety nyaxtë extëmxyëp të pyëjknëdë, pääty ja yetyëjk diˈib mëttsënääyëp pokytyuumbë nety. ¿Ets ja toxytyëjk? Nan pokytyuump “mëët ko käˈäp ja pudëjkën të tˈëmëdoy”, pes koxyëp yaxy jyojky, ojtsxyëp tmëdowdë ja jäˈäy ets ojtsxyëp yajpudëkë. Pääty nimajtsk tnikëjxmˈattë ja poky (Deut. 22:23, 24, MNM).
Per ja jotmay tëgatsy ijty yajpayoˈoy ko tyuny jyatyëty extëm jyënaˈanyë tyäˈädë tekstë: “Penë tuˈuk yëˈë yeˈeytyëjk pyatypy muum tuˈuk yëˈë toˈoxytyëjk kamotm mëdiˈibë ënety jamnë yëˈë nyijaymyëëtˈäjtpë, ets tˈatsipˈätëty ets myëëtkoˈknëdëty. Ko jyëduˈunˈätëty yiˈiyë nëjkx ja yeˈeytyëjk yˈooky mëdiˈibë ënety ja toˈoxytyëjk të tˈatsipˈatyën. Ja toˈoxytyëjk käˈäp nëjkx wiˈix yajtuny, jaˈa ko yëˈë nitii tuundëgoˈoyën ënety yëˈë të tkatuny mëdiˈibë mëbäät tkuˈoogë. Ja toˈoxytyëjk mëdiˈibë të yajˈatsipˈatyën duˈun yëˈë tpääty ta jeexyë tuˈuk yëˈë jäˈäy yëˈë myëguˈuk të dyajˈoogyën. Yäˈädë toˈoxytyëjk komë aduˈuk ënety jam yajpääty kamotm tuˈujotm, oyxëp të jyayujkˈyaxpë, nipën jeexyë të kyaniminyë, ets jeexyë të pyudëkëty” (Deut. 22:25-27, MNM).
Ko ijty duˈun tyuny jyatyëty, ja fesëty yëˈë myëbëjktëp wiˈix jyënaˈany ja toxytyëjk. Pes wyinmaytyë ko oyxyëp ja toxytyëjk të jyayax të jyajojpë nipën ojts kyaninëjkxyëty parë pyudëkëdët. Päätyë tyäˈädë toxytyëjk kyaj nety yëˈë të pyokytyuny. Per ja yetyëjk majtsk pëkyë nety të pyokytyuny, tuk pëky, ko atsip të tmëttsëënë, ets ja tuk pëky, yëˈë ko ja toxytyëjk duˈunxyëp extëm tamë myëmëjjäˈäynyë.
Tyäˈädë ley yëˈë nety yajnigëxëˈëgaampy ko ja toxytyëjk kyaj yëˈë tpokyëty, per yajxon nanduˈun dyajnigëxëˈëky ko ja yetyëjk majtsk pëkyë nety të pyokytyuny. Tuk pëky ko atsip të tmëttsëënë, ets ja tuk pëky, yëˈë ko ja toxytyëjk duˈunxyëp extëm tamë myëmëjjäˈäynyë. Mbäät nˈijtëm seguurë ko ja fesëty yajxon ijty tpayoˈoytyë tyäˈädë jotmay ets dyajwingëdäˈäktë extëmë netyë Dios kanäkˈok të tniˈanaˈamë (Éx. 20:14; Deut. 13:14; 17:4).