NˈOKPAWINMÄˈÄYËM ko muum nëjkxëm koots, ets ajotkumonë nmëdoˈowëm ko ta pën xypyamiˈinëm. Ko nwäˈkwëˈëmëm, ta wyäˈkwëˈëmë, ko njotëgoˈoyëm ta jyotëgoy. Per ta njamyajtsëm ko jatsoo tsyëënë tuˈugë mëtnaymyaayëbë, ta nbëyëˈktsoˈonëm axtë njäjtëm mä tyëjk. Ko jam njäjtëm, ta dyaˈˈawäˈätsyë tyëjk ets xyajnäjxëm, ta njotkujkëm mët ko nnijäˈäwëm ko kyaj wiˈix njatäˈänëm.

Waˈan kyajnëm duˈun ndimjäjtëm, per waˈan jam tii nmëmäˈäy nmëdäjëm. Extëm nˈokpëjtakëm, ¿njatuˈunëmë mëjääw parë kyaj xyajkäˈäjëm tuˈugë jotmay, per janääm jatsojk xyajtëgoˈoyëm? ¿Ojts nyaˈëxkajxëm mä nety nmëduˈunëm ets tyam tsip nbatëmë tuunk? ¿Nmëmäˈäy nmëdäjëm ko tam nmëjjäˈäyënë ets ko näˈä nˈyubajt nbäˈämbajtëm? ¿O jam tii wiinkpë diˈib xyjotmaytyuˈunëm?

Per oy tii nmëmäˈäy nmëdäjëm, oy ko nmëdäjtëm tuˈugë mëtnaymyaayëbë diˈib mbäät ndukmëtmaytyakëm ets mbäät xypyudëjkëm. ¿Jamë duˈumbë mmëtnaymyaayëbë? Tam, yëˈë Jyobaa. Yëˈë duˈun yˈijty extëm tuˈugë oybyë mëtnaymyaayëbë parë Abrahán, extëm jyënaˈany mä Isaías 41:8-13. Mä bersikulo 10, Jyobaa xytyukwandakëm niduˈuk niduˈuk: “Këdii mtsëˈëgë, yëˈko nyajpäätyëts mët mijts. Këdii may mdäjy, mët ko ëjts xyDiosˈäjtp. Ëjts mijts njotmëkmoˈoyaampy, duˈun, ëjts mijts nbudëkëyaampy, nwijtsˈitaampy mëdëtsë nˈaˈoygyëˈë diˈib tyuumbyë tëyˈäjtën”. Etsë bersikulo 13 yˈakjënaˈany: “Mët ko ëjts, Jyobaa diˈib mDiosˈäjtypy, nmäjtsˈijtypyëtsë mˈaˈoygyëˈë, diˈib mˈanmääyëp: Kyaj mtsëˈëgët. Ëjts mijts nbudëkëyaampy”.

Mëjwiin kajaa xyjotkujkmoˈoyëm extëmë Jyobaa xyˈanmäˈäyëm mä Isaías. ¿Të näˈä nbawinmäˈäyëm tidën xytyukwandakëm? Mä bersikulo 13 kyaj jyënaˈany ko nˈyoˈoyëm Jyobaa pyëˈääy ets xypyawijtsëm. Koxyëp dyuˈunëty, yëˈëxyëp myajtsypyë nˈanäjnygyëˈëˈäjtëm. Per mä tyäˈädë bersikulo Jyobaa xyˈanmäˈäyëm: “Nwijtsˈitaampy mëdëtsë nˈaˈoygyëˈë diˈib tyuumbyë tëyˈäjtën” ets yëˈë myajtsypyë nˈaˈoygyëˈëˈäjtëm, duˈunxyëp extëm xyäjtëy ets xyjuˈtëm mä tuˈugë jotmay. Ko xymyäjtsëm mä aˈoygyëˈë, ta xyˈanmäˈäyëm: “Kyaj mtsëˈëgët. Ëjts mijts nbudëkëyaampy”.

¿Duˈunë Jyobaa nˈijxëm extëm tuˈugë mëtnaymyaayëbë ets njäˈäwëm extëmë nDeetyˈäjtëm diˈib xytsyojkëm? Yëˈë naytyukjotmaytyuunëp mët ëtsäjtëm ets xypyudëkëyäˈänëm. Ko nmëdäjtëmë amay jotmay, Jyobaa kyaj ttseky ets nëgoo nmëmäˈäy nmëdäjëm. ¿Tiko? Yëˈko mëk xytsyojkëm. Jyobaa yëˈë “tuˈugë naybyudëkë diˈib yajpatp tsojkˈam ko njotmaybyatëm” (Salmo 46:1).

Näägë nmëguˈukˈäjtëm yëˈë axëëk yajnayjäˈäwëdëp ko pyokytyuundë ets nyayajtëwëdë pën të  Dios pyokymyaˈkxëdë. Pën duˈun nnayjäˈäwëm, nˈokwinmäˈäyëmë yˈijxpajtënë Job diˈib xëmë myëduunë Dios. Yëˈë yˈëxkäjp ko tëgooy mä yˈënäˈkˈäjty (Job 13:26). David nan yˈëxkäjp ko tëgooy mä yˈënäˈkˈäjty, pääty tˈanmääyë Jyobaa parë kyaj tnekyjamyatsët ja pyoky kyaytyey (Salmo 25:7). Niˈamukë ak pokyjyaˈay nyajpatëm, Biiblyë jyënaˈany: “Nidëgekyë të pyekytyundë es dëˈën të tmëjagamgaˈaktë ja Dios” (Romanʉs 3:23).

Isaías 41 yëˈë yajtuknijäˈäyëdë ja israelitëty. Të nety kajaa tmëdëgoytyë Jyobaa, pääty yˈanmääyëdë ko yajmënëjkxäˈändë Babilonia tsumytsyënaabyë (Isaías 39:6, 7). Per ta nanduˈun tyukwandakëdë ko yaˈˈawäˈätspëtsëmaampy pënaty myëkjäˈäwëdëp ja pyoky kyaytyey ets pënaty nijëmbijtëdëp (Isaías 41:8, 9; 49:8). Tyam, nanduˈunë Jyobaa dyajnigëxëˈëky ko tsyejpy ets pyaˈˈayoopy pënaty jantsy jodëmbijttëp ets yaˈoˈoyëdëp ja nyëˈë tyuˈu (Salmo 51:1).

Min nˈokˈijxëmë Takuya yˈijxpajtën. * Xëmë ijty tjatunyë mëjääw parë kyaj tnekyˈixëdë pornografía ets kyaj këˈëmë nyax nyiˈkx tnekytyon tnekymyatsët o ttukuyatët. Per janääm jatsojk ijty yajkäˈäyëty. Yëˈë jyënaˈany ko duˈun ijty nyayjawëty extëm kyaj tii tnekytsyoowëty. Per ko ijty tmëwan tmëtsowë Jyobaa parë pyokymyaˈkxëdët, ta tjawë extëmxyëp wyijtsëˈëgyëty. ¿Wiˈix pyudëjkë? Mët yëˈëgyëjxmë mëjjäˈäytyëjk. Yëˈëjëty ojts tˈanëëmëdë Takuya parë myëgäjpxëdët koogoo duˈun kyäˈäjët. Takuya jyënaˈany ko kyaj ijty tjamëgäjpxäˈäny ja mëjjäˈäytyëjk, per ko tmëgajpxy, ta oy nyayjawëty. Tëgok, ta ja mëjjäˈäytyëjk tˈanmääytyë sirkuitë parë nëjkx tkuˈixë Takuya. Ets ko ja sirkuitë ojts nyinëjkxyëty ta yˈanmääyë ko kyaj jam këˈëm winmäˈäny të jyaˈty, ko yëˈë nety ja mëjjäˈäytyëjk të wyinˈixëdë parë yajkuˈixët. Takuya jyënaˈany ko oyë nety pyokytyuny, Jyobaa yëˈë yajtuun ja mëjjäˈäytyëjk parë pyudëkëdët. Ko tiempë nyajxy, ta ojts tmastuˈutyë ja axëkˈäjtën, ta tyuundëjkë prekursoor regulaar, ets tyam tyuny Betel. Jyobaa yëˈë pudëjkë ets nanduˈun xypyudëkëyäˈänëm ko nduundëgoˈoyëm.

Näägë nmëguˈukˈäjtëm myëmääy myëdäjtëp ko dyajtëgoytyë tyuunk ets ko wiinkpë tkapäättë. Seguurë ko mëk tjawëdë tëgok tëgokë jäˈäy yˈanëˈëmxëdë ko kyaj yajtunäˈänëdë. Pääty nimay nyayjawëdë extëm kyaj tii ttsooˈattë. Ko duˈun njäjtëm, ¿wiˈix mbäädë Jyobaa xypyudëjkëm? Mbäät kyaj pojënë xymyoˈoyëm tuˈugë tuunk, per mbäät xypyudëjkëm ets njamyajtsëm extëmë David tkujäˈäyë: “Ojtsëts nˈënäˈkˈaty ets tyam tëjëts nmëjjäˈäyënë, per kyajnëmëts nˈixy nituˈugë oyjyaˈay yajjäˈäytyëgoy, ni ja yˈuˈunk yˈënäˈk tˈëxtäˈäytyëdë tsäjpkaaky” (Salmo 37:25). Jyobaa mëjwiin kajaa xyajtsobatëm. Yëˈë xyˈanmäˈäyëm ets nmäjtsëmë yˈaˈoygyëˈë “diˈib tyuumbyë tëyˈäjtën” parë nbatëm tijaty nyajtëgoyˈäjtëm ets nmëduunˈadëtsëm.

Sara, tuˈugë nmëguˈukˈäjtëm diˈib Colombia ojts tˈixy wiˈixë Jyobaa pyudëjkë. Sëmäänˈabetyë nety tyuny mä tuˈugë empresë diˈib jëjpˈam ets jantsy tsooxë yajmëjuy. Per kom myëdunaambyë nety niˈigyë Jyobaa, ta tmastuty ja tyuunk ets  tyuundëjkë prekursoora. Kom kyaj tpatyë wiinkpë tyuunk mä jeˈeyë tyunët tukkujkxyëëw, ta dyajnaxkëdaky tuˈugë paletería. Per ko ja myeeny ojts yˈagëjxënë, ta dyaˈˈadujky ja nyegosyë. Sara jyënaˈany ko jantsy jeky tjäˈäwë nuˈun nyajxy tëgëk jëmëjt, per yëˈë Jyobaa pudëjkë parë tmëmadaky. Ojts tjaty tˈixët ti diˈibë jyantsy yajtëgoyˈajtypy ets ti diˈib kyaj, ets wiˈix kyaj nëgoo tmëmay tmëdäjët diˈib bom jëxtëjkm (Matewʉ 6:33, 34). Per ko tiempë nyajxy, ta ja wyintsën ojts myëgajpxyëty parë jatëgok jam tyunët. Sara ta tˈanmääy ko kyupëkaampy, per net, pën jeˈeyë tukkujkxyëëw ets pën mmooyëbë permisë parë nyëjkxët reunyonk ets asamblee. Ja wyintsën ta tkupëjky. Tyamë Sara kyaj nëgoo nyekygyanaraty extëm ijty, per duˈunyëm pryekursooraty. Yëˈë jyënaˈany ko yˈijx wiˈixë Jyobaa xyäjtëëy parë pyudëjkë ko dyajnäjxy tsip nimëjääw ja xyëëw tiempë.

Nimayë jäˈäy myëmääy myëdäjtëp ko tam myëjjäˈäyëndë ets nyayajtëwëdë wiˈix dyajnaxtët ja xyëëw jyukyˈäjtën. Nan myëmääy myëdäjtëp ko nëjkx näˈä yubat pyäˈämbattë. Waˈan yëˈëjëtyë David diˈib duˈun myënuˈkxtakë Jyobaa: “Këdiijëts xyˈëxtijy mäjëts të nmëjjäˈäyënë; këdiijëts xyjaˈaytyëgoy kojëtsë nety kyaj nˈokmëdäjnë mëjääw” (Salmo 71:9, 18).

¿Ti mbäät pyudëkëdë mëjjäˈäytyëjk ets kyaj nëgoo tmëmay tmëdäjtët wiˈix tˈokˈyajnaxtët ja xyëëw jukyˈäjtën? Ko dyajkëktëkëdët ja myëbëjkën mä Dios ets tmëbëktët ko moˈoyanëdëp tijaty yajtëgoyˈäjttëp. Waˈan ko ijty nääk tmëdattë meeny sentääbë dyajtundë mä tijaty tsyojkënyëˈäjttëp. Per tsojkëbë net jyukyˈattët adëyë ets jyotkujkˈattët mët yëˈëyë diˈib myëdäjttëp. Mbäät axtë tpëktë kuentë ko niˈigyë pyudëkëdë parë yajpäättët oy mëk ko ttukkaytyët “tuk texyë ujtskëˈëw” ets kyaj ko tuk texyë tsuˈutsy (Proverbios 15:17). Pääty pën jam nbëjtakëmë winmäˈäny mä Jyobaa tyuunk, yëˈë naytyuknipëkanëp parë xymyoˈoyëm tijaty nety nyajtëgoyˈäjtëm ko nmëjjäˈäyënët.

Nˈokˈijxëm wiˈix yajnimaytyaˈagyë José mëdë Rose, tyäˈädë kasäädë jäˈäy ja kujk aduˈuk tmëdundë Jyobaa naxy 65 jëmëjt. Ets të tpäättë amay jotmay. Extëmë Rose, ojts tkuentˈatyë tyeety, diˈibë nety xëëny koots yajkuentˈatanëp. Etsë José ojts yajtsuky mët ko tmëdatyë kanser ets ojts tˈaxäjë quimioterapia. ¿Wiˈixë Jyobaa txäjtëëy ja yˈaˈoygyëˈë parë pyudëjkëdë? Ko dyajkëxëˈky pën pudëkëdëp, Tony mëdë Wendy. Yëˈëjëty tamë nety abëky tuˈugë tyëjk diˈib tyukˈanuˈkxandëp pënaty tuundëp prekursoor. Tony ta tjamyejtsy ko ijty yˈeskuelëˈaty mä sekundaaryë, xëmë ijty tˈixyë José mëdë Rose ko nyëjkxtë käjpxwäˈkxpë. Jantsy oy ijty yajnayjawëty ko tˈixy wiˈix ttukxondäˈäktë Diosë tyuunk, ets yëˈë diˈib mëjwiin kajaa pudëjkë. Komë José mëdë Rose jamë jyukyˈäjtënë të dyajtundë mä Jyobaa tyuunk, ta Tony mëdë Wendy yˈawäˈänëdë tyëjk. Ja kujk tpudëkëdë José mëdë Rose 15 jëmëjt, ets tyam ja jyëmëjtëty naa 85. José mëdë Rose duˈun tjawëdë Tony mëdë Wendy extëmë Jyobaa kyunuˈkxën.

Jyobaa duˈun xytyukwandakëm: “Kyaj mtsëˈëgët. Ëjts mijts nbudëkëyaampy”. Nanduˈun xyˈanmäˈäyëm: “Nwijtsˈitaampy mëdëtsë nˈaˈoygyëˈë diˈib tyuumbyë tëyˈäjtën”. ¿Xäjtëwäˈänëm ëtsäjtëm parë nmäjtsëmë kyëˈë?