DUˈUNË David tmëjkumääyë Abigail. ¿Tiko? ¿Ets ti xytyukniˈˈijxëmë yˈijxpajtënë Abigail?

David ja tˈixyˈajtyë Abigail ko netyë rey Saúl pyajëdityëty. Abigail yëˈë nety myëmëjjäˈäyˈajtypyë Nabal, tuˈugë yetyëjk diˈib mëkjäˈäy, diˈib yajtënaabyë tsyiibë byorreegë mä tuk pëkyë yˈit lyugäärë Judá. David ets ja yetyëjkëty diˈib jamyëdäjtëdë ojts tkuwäˈändë ja tyuumbëtëjkë Nabal ets ja myay tsyiibë myay byorreegë “extëm tuˈugë mëj potsy”. Tëgok, ta ja David tkejxy nimäjkë tyuumbë parë nëjkx tˈamdowdë käˈäy ukënë Nabal ets myoˈoyëdët ti tyim yakaampy (1 Sam. 25:8, 15, 16). Per kyaj nanëgoobë ojts nyëjkxtë, pes të nety tkuentˈäjtëdë tijaty myëdäjtypy.

Perë Nabal yëˈë kyuytyuun extëmë xyëëw nyikejy “Kyaj jyapëtyë jyot wyinmäˈäny” o “Tsuu lokë”. Mëk tˈatsooy ja tyuumbëtëjkë David ets wyingäjpx jyëjpkäjpx. Ko David tnijäˈäwë, ta tnitsoˈony parë ttukumëdowäˈäny mët ko të kyajapˈatyë jyot wyinmäˈäny ets ko të tˈyajtëgoyë mayˈäjt wintsëˈkën. Axëëgë netyë Nabal jyatäˈäny mët ja tyuumbë myosë (1 Sam. 25:2-13, 21, 22).

Abigail wyinmääy ti ayoˈon jotmayë nety tukmiin tukëdakëdëp ko duˈunë David të yajtuny, ta jyotmëktaky ets ttuktëjkë tyäˈädë jotmay. Ojts tninëjkxyë David ets tˈanmääy mëdë mayˈäjt wintsëˈkën parë yajxon twinmayët ti tyunaampy ets ttukjamyejtsy wiˈix yˈity mëdë Jyobaa. Nan myooy mayë jëˈxy pëky, ja diˈibë nety ok tunäämp rey jam Israel mët ja jyaˈayëty. Ta David tpëjkyë kuentë ko Diosë nety të tkexyë Abigail parë kyaj tyuundëgoyët. Ta tˈanmääy: “¡Waˈan tˈyajmëjkumay ko jyapëtyë mjot mwinmäˈäny! Ets mëjkumay mˈitët mijts ko mä tyäˈädë xëëw të xyjëjpkuwäˈägë parëts kyaj nikëjxmˈatëdë nëë neˈpyny” (1 Sam. 25:18, 19, 23-35).

Extëm nˈijxëm, tsojkëp tijaty nmëjjäˈäwëm ets kyaj njäˈäyˈäjtëm extëmë Nabal. Nan jëjpˈam nyajˈyoˈoyëmë jot winmäˈäny ko nbëjkëmë kuentë ko tam pën tyuundëgoyaˈany ets nˈijxëm ti mbäät nduˈunëm parë kyaj duˈun jyatët. Nan mbäät nˈanmäˈäyëmë Dios extëm niduˈuk diˈib jyaayë Salmo: “Tukniˈˈijxëkës wiˈixës mëpäät winmaˈanymyëët njuukyˈätyën ets jaakmooykyës yë nijaˈawën” (Sal. 119:66, Tios yˈaaw yˈayuk).

Mbäädë wiink jäˈäy tpëktë kuentë ko nyajnigëxëˈkëmë wijyˈäjtën mä tijaty nduˈunëm ets ko tapë jot winmäˈäny. Per oy xyˈanmäˈäyëm o kyaj, mbäät duˈun wyinmaytyë extëmë David: “¡Waˈan tˈyajmëjkumay ko jyapëtyë mjot mwinmäˈäny!”.