¿Të xyyajwëˈëmy tijaty näämnëm të xykyajpxy mä rebistë Diˈib Xytyukˈawäˈänëm? Pën tëë, ix pën mbäädë net xyˈatsoowëmbijtäˈäyë tyäˈädë yajtëˈëwën:

¿Ti mbäät ttundë pënaty myënëjkxtëbë jëjpˈamˈäjtën, extëm sirkuitë etsë mëjjäˈäytyëjk ko Diosë kyäjpn tyuˈumoˈoyëdët?

Tsojkëp netyë tmëmëdowdët. Mbäät nyayajtëwëdë: “¿Nˈanmaabyëtsë nmëguˈuktëjk parë xëmë tmëmëdowdëdë Jyobaa? ¿Pojënëts nmëmëdoy ets ngupëjkypyëts wiˈix tijaty ttukniwitsëdë pënaty myënëjkxtëbë jëjpˈamˈäjtën?” (w16.11, paj. 12).

¿Desde näˈä Dios mëduumbëty të yˈittë tsumy matsypyëm mä Babilonia?

Ja ko ojts yˈoˈktääynyëdë pënaty jyantsy pyanëjkxtë Jesus. Ja ogäˈän tyëjkë tuumbë teety o pënaty nyiwintsënˈäjttëbë relijyonk. Ta pënaty tuundëp tsäjptëgoty mëdë gobiernë ojts tˈyajmëjwindëkëdë ja relijyonk diˈib nëgoobë nayajnäjxëdëp ko tpanëjkxtë Kristë ets tˈyajmoongëdaktë ja yˈääw yoˈkn pënaty jyantsy pyanëjkxtëbë Kristë, diˈibë nety näjxtëp extëmë triigë. Per mä tkatukjäˈtynyëmë jëmëjt 1914, të nety ogäˈän yˈawäˈätspëtsëmdë mä Mëj Babilonia pënaty nëjkxandëp tsäjpotm (w16.11, paj. 23-26).

¿Wiˈix tyëgatsyëty ko jäˈäy tpëjtaˈagyë wyinmäˈäny mä “diˈibë nyiniˈx kyëbäjk tsyejpy” ets ko tpëjtaˈaky “mä yëˈë espiritë santë”? (Rom. 8:6)

Ko nbëjtakëmë winmäˈäny mä diˈibë niniˈkx këbäjk tsyojkypy, yëˈë yˈandijpy ko yëˈëyë nyajjotkujkˈatäˈänëm ets yëˈë xëmë nmaytyaˈakyˈäjtëm, perë tyäˈädë wyimbëtsëmy oˈkën. Ets ko nbëjtakëmë winmäˈäny mä espiritë santë, yëˈë yˈandijpy ko nnaygyëyäjkëm mä Jyobaa tyuunk. Nasˈijxëm etsë myëjääw ttuˈumoˈoyët ja jot winmäˈäny parë nwinmäˈäyëm extëm yëˈë. Tyäˈädë wyimbëtsëmy jotkujkˈäjtën ets jukyˈäjtën winë xëëw (w16.12, paj. 11-14).

¿Tijaty mbäät nduˈunëm parë kyaj nëgoo tijaty nmëmäˈäy nmëdäjëm?

Ix jawyiin ti diˈib mas jëjpˈam, kupëk nuˈun tijaty xymyëmadaˈaky, juudë tiempë bom bom parë mwinmäˈäny xyyajpoˈkxët, tukxondäˈägë Diosë kyojy pyëjtaˈaky, oy ko nanduˈun mxikoj mxoongojët, xytyunëdë ejersisyë ets mäˈä mboˈkxët (w16.12, paj. 19, 20).

¿Tiko jyëjpˈamëty nˈijtëm yujy tudaˈaky?

Yëˈko tuˈugë jäˈäy diˈib yujy tudaˈaky nayˈixyˈäjtëp këˈëm ets nyijäˈäwëp ko ta diˈib kyaj mbäät ttuny o kyaj tmëdatyë madakën parë ttunët. Nˈokjamyajtsëm ko tijaty nduˈunëm, mbäädë wiinkpë yˈaxëktunyëty ets ko kyaj yˈoyëty naymyëjpëjtakëm (w17.01, paj. 16).

¿Wiˈix nnijäˈäwëm ko Jyobaa yëˈë tyuˈumooy pënaty wyoowˈyoˈoytyë Diosë kyäjpn mä primer siiglë ets pënaty tyam wyoowˈyoˈoytyëp?

Yëˈë espiritë santë pudëjkëdë parë yajxon tjaygyujkëdë tijaty tukniˈˈijxëbë Biiblyë, nan pudëjkëdë anklës parë ojts tyuˈuyoˈoy ja Diosë tyuunk ets naytyuktuˈumooyëdë Diosë yˈAyuk. Ets tyam, nanduˈun ttundë (w17.02, paj. 24-26).

¿Tijaty xypyudëkëyäˈänëm parë nmëjjäˈäwëm ko ojts nyajjuuybyëtsëˈëmëm?

Taxk pëky jyaˈˈaty: ko nnijäˈäwëm pën ojts xyjuuybyëtsëˈëmëm, tiko duˈun ttuuny, nuˈun ojts tsyiptakxëty ets wiˈix ndukˈoyˈäjtëm. Tsojkëp nbawinmäˈäyëmë tyäˈädë taxk pëkypyë (wp17.2-S, paj. 4-6).

¿Mbäät tuˈugë Dios mëduumbë wyinmääytyëgatsy ko nety të twinˈixy ti tyunaampy?

Jëjpˈam nguytyuˈunëm ja ayuk, per näˈäty tsojkëp jatëgok nwinmäˈäyëm pën oy diˈib të nwinˈijxëm ndunäˈänëm. Jyobaa winmääytyëgäjts ko tˈijxy ja Nínive jäˈäy të jyodëmbittë ets kyaj tˈyajkutëgooy. Näˈäty, tsojkëp jatëgok nwinmäˈäyëm pën oy diˈib të nwinˈijxëm ndunäˈänëm, extëm ko näˈäty tyëgatsy ja jotmay o ko nyajtukˈawäˈänëm diˈibë nety kyaj nnijäˈäwëm (w17.03, paj. 13, 14).

¿Tiko kyujotmayëty ko axëëk nimaytyakëmë nmëguˈukˈäjtëm?

Yëˈko mbäät niˈigyë tˈyajmëjwindëkë ja jotmay. Per oy tyëyˈäjn kyatëyˈäjtënëty, kyaj yˈoyëyaˈany ja jotmay ko nyajpëtsëˈëmëmë ääw ayukë mëkatypyë (w17.04, paj. 19).