¿Të xyyajwëˈëmy mwinmäˈänyoty tijaty näämnëm të xykyajpxy mä rebistë Diˈib Xytyukˈawäˈänëm? Pën tëë, ix pën mbäädë net xyˈatsoowëmbijtäˈäyë tyäˈädë yajtëˈëwën:

¿Ti mbäät nduˈunëm taxk pëky parë oy nˈëˈëwëm?

Ndënäˈäyëm yajxon ets ngoonˈijtëm këjxm ja ëy nyoky, nwijtsëmë xejy, nyajwäˈkxëm yajxonë ääw ets nˈëˈëwëm mëk. Duˈuntsoo pyëtsëmët mëk ja ääw yoˈkn (w17.11, paj. 5).

¿Ti xytyukniˈˈijxëm mäjaty twinˈijxtë ja käjpn mä mbäät kyaktsoˈoktë ja israelitëty ets wiˈix yˈixëty ja nëˈë tuˈu diˈib jam jäjtp?

Ja jyamˈäjty tëdujk ja käjpn mä ja paˈis ets oyë nety ja nëˈë tuˈu dyaˈittë. Duˈuntsoo mbäädë nety pojënë jyaˈty mä tuˈugë tyäˈädë käjpn ja yajjäˈäyˈoˈkpë diˈib të yˈayoˈonbääty (w17.11, paj. 14).

¿Tiko njënäˈänëm ko Salmo 118:22 yëˈë myaytyakypy ko Jesus jyukypyejky?

Ja jäˈäyëty kyaj tkupëjktë Jesus extëmë Mesías ets ta dyaˈoˈktë. Per tsojkëbë nety jyukypyëkët parë ja “tëjk tˈëjxˈatët” (w17.12, paj. 9, 10).

¿Yëˈëyë ijty ja kaˈaxkopktëjk myëdäjttëbë madakën parë mä tyëëmp yˈääts myinët ja Mesías?

Mbäät njaygyujkëm ko ja tëëmp ääts mä myiiny ja Mesías, näjx näˈäty mä kaˈaxkopktëjk ets näˈäty kyaj. Ets ja judiyëtëjk nyijäˈäwëdëbë netyë tyäˈädë ets kyupëjktëp, pes jënandë ko ja Kristë myinäˈäny mä tyëëmp yˈäätsë David, ja myutsk määngë Jesé (w17.12, paj. 14, 15).

¿Tiko kyaj wyiˈixëty ko këˈëm nnaytsyojkëm jeˈeyë ko kyaj nyaˈˈaniˈigyëm?

Jëjpˈam ntsojkëmë nmëguˈukˈäjtëm extëm ëtsäjtëm këˈëm (Mar. 12:31). Etsë kasäädë “yetyëjkëty ttsoktët ja yˈuˈunk nyëdoˈoxyëty extëm nyaytsyekyëty këˈëm” (Éfes. 5:28). Kyaj wyiˈixëty ko këˈëm nnaytsyojkëm, jeˈeyë ko nuˈunën pyaatyëty (w18.01, paj. 23).

¿Ti tsojkëp nduˈunëm parë nwimbajtˈadëtsëm mä Diosë jyaˈa?

Tsojkëp këkpäät nˈëxpëjkëmë Biiblyë, nbawinmäˈäyëm etsë net nguytyuˈunëm. Nan tsojkëp nbanëjkxëm extëm xytyuˈumoˈoyëmë Diosë myëjääw ets ngupëjkëm ko nmëguˈukˈäjtëm xypyudëjkëm (w18.02, paj. 26).

¿Ti mbäät nduˈunëm pën të ngupëjkëm nëjkxäˈänëm mä të nyajwoˈowëm?

Pën të ngupëjkëm nëjkxäˈänëm mä të nyajwoˈowëm, oy ko nguytyuˈunëm ja ayuk (Sal. 15:4). Kyaj yˈoyëty ndukäjpxëm diˈib kyaj tyimjëjpˈamëty parë kyaj nekynyëjkxëm. Pes ja diˈib të xywyoˈowëm, waˈan të tniduungë mëjwiin kajaa ja käˈäy ukën (w18.03, paj. 18).

Pënaty të yajtuunkmoˈoytyë parë tyundët mëjjäˈäy ets pyudëjkëbë mëjjäˈäy, ¿wiˈix mbäät tpanëjkxëdë Timoteo yˈijxpajtën?

Timoteo myëmääy myëdäj ja myëguˈuktëjk ets pyëjtak jawyiin ja Diosë tyuunk. Mëk tmëduunyë Jyobaa ets kyuytyuun diˈib yajtukniˈˈijxë. Duˈunyëm ttuundaky ets tyukˈijxpajtë Jyobaa myëjääw. Pääty, niˈamukë yˈoyëty nbanëjkxëmë Timoteo yˈijxpajtën, kyaj yëˈëyëtyë mëjjäˈäytyëjk (w18.04, paj. 13, 14).