1. ¿Ti diˈib xyyajnayjyäˈäwëm agujk jotkujk?

JANTSY jotkujk nnayjyäˈäwëm ko Jyobaa kyäjpn niˈigyë nyimayëˈadëˈëtsy. Ets pääty dyuˈunëty mët ko niˈamukë Dios mëduumbë tyam tyëˈkx jyäjtë. Mä tadë jëmëjt të nyaxy, ja mäjk miyonk naxyë jäˈäy të tˈëxpëktë Biiblyë. Nan miyonkˈam yˈojtstë jäˈäy mä yajjamyejtsyë Jesusë yˈoˈkën xëëw, ets tnijäˈäwëdë wiˈixë Dios dyajnigëxëˈkyë tsyojkën ko tkejxy ja yˈUˈunk parë ojts xyjyuuybyëtsëˈëmëm (1 Fwank 4:9).

2, 3. 1) ¿Ti kyaj xyyajtuˈuˈadujkëm parë ndëˈkx njäjjëm? 2) ¿Ti nˈixäˈänëm mä tyäˈädë artikulo?

² Mä Jyobaa kyäjpn wiˈixëm ja ayuk yajkajpxy. Per kyaj yëˈë xyyajtuˈuˈadujkëm parë tuˈugyë nmëjkumäˈäyëmë Jyobaa, diˈib nDeetyˈäjtëm (Diˈibʉ Jat. 7:9). Oy mëdiˈibë ayuk ngäjpxëm ets oy mä ntsënäˈäyëm, mbäät nˈijtëm mä naxwinyëdë jäˈäy “extëmë mëtsäˈä ko jyajy tyeˈxy mä koots itën” (Filip. 2:15).

³ Nyajmëjpëtsëˈëmë Jyobaa, ko nduˈunëmë tyuunk, ko tuˈugyë nyajpatëm ets ko kyaj nnaygyumanäjxëm. ¿Wiˈix mbäät ndëˈkx  njäjjëm mä tyäˈädë tëgëk pëkypyë? Yëˈë diˈib nˈixäˈänëm mä tyäˈädë artikulo (käjpxë Matewʉ 5:14-16).

4, 5. 1) ¿Jaayë ndëˈkx njäjjëm ko ngäjpxwäˈkxëm? 2) ¿Wiˈix wyimbëtsëmy ko nˈijtëm ajiiky amëguˈuk? (Ixë dibujë mä tsyondaˈaky).

⁴ Tuk pëky wiˈix njäj ndëˈkxëm, yëˈë ko ngäjpxwäˈkxëm ets ko nbudëjkëmë jäˈäy parë tmëdundëdë Jyobaa (Mat. 28:19, 20). Mä tyäˈädë rebistë 1 äämbë junië 1925, pyëtsëëmy tuˈugë artikulo diˈib xyëwˈäjt “Jäj tëˈkxën mä kootsˈat”, jap tnimaytyaky ko nipën mbäät kyajënäˈäny ko Dios mëduump pën kyaj tyëˈkxy jyajy mä tyäˈädë tiempë kyugëxëyanë. ¿Wiˈix tyëˈkxy jyajy? “Ko tkäjpxwaˈkxy ja oybyë ayuk mä naxwinyëdë jäˈäy ets ko tyuˈuyoˈoy mä ja tëˈkx jäjjën” (). Ja tuk pëky wiˈix ndëˈkx njäjjëm ets nyajmëjpëtsëˈëmë Jyobaa, jaˈko nyaˈijxëmë oybyë jäˈäyˈäjtën mä nˈëwäˈkx ngäjpxwäˈkxëm, pes mayë jäˈäy yëˈë yˈijxtëp wiˈix njäˈäyˈäjtëm. Ko tsuj yajxon nˈëboˈkx ngäjpxpoˈkxëm, ta oy wyinmayaˈany mä ëtsäjtëm ets mä ja Dios diˈib nˈawdäjtëm.

⁵ Jesus duˈun tˈanmääy ja yˈëxpëjkpëty: “Ko mdëjktëkëdët, käjxpoˈxtë” (Mat. 10:12). Mäjaty ojts kyäjpxwäˈkxtë ja Jesusë yˈëxpëjkpëty, yajnäjxp ijtyë jäˈäy tëgoty oy pën tkaˈixyˈaty. Per waˈan mä ntsënäˈäyëm kyaj duˈunë jäˈäyë kostumbrë tmëdaty. Mä näägë lugäär, axtë jotˈambëjkpë jäˈäy ko pën kyugäjpxë diˈib kyaj tˈixyˈaty. Pääty, pën nmëtxikëm ja jäˈäy ets ngäjpxpoˈkxëm mëdë mayˈäjt wintsëˈkën, mbäät oy nyajnayjyäˈäwëm. Nanduˈun mbäät nduˈunëm ko nwindënäˈäyëmë karruˈunk, pes pënaty wyindënääytyëp, të tˈixtë ko oyë jäˈäy nyayjyawëdë ko nˈëboˈkx ngäjpxpoˈkxëm tsuj yajxon. Nääk axtë myëwingoondëp ja karruˈunk, tkondë ja ëxpëjkpajn ets yajmëtmaytyäˈäktë.

6. ¿Ti të ttuny tuˈugë kasäädë jäˈäy parë duˈunyëm tyëˈkx jyäjtë?

⁶ Tuˈugë kasäädë jäˈäy diˈib Inglaterra kyaj mbäät nyekynyëjkxtë käjpxwäˈkxpë tëjkmdëjkm mët ko të myëjjäˈäyëndë ets pëjk ijxëdëp. Per kom të jyot wyinmäˈäny tpëjtäˈäktë ko duˈunyëm tyëˈkxäˈän jyäjjäˈändë, ta tyëjkwiiny tnaskëyëdë tuˈugë meesë mëdë ëxpëjkpajn parë yˈëwäˈkx kyäjpxwäˈkxtë. Ja nyaybyëjtäˈägëdë ko ja tääk teety tninëjkxtë ja yˈuˈunk yˈënäˈk eskuelë. Nimayë tyäˈädë tääk teety, yëˈë kyoondëbë liibrë Los jóvenes preguntan, volumen 1 ets 2 ets nanduˈunë foyetë. Tuˈugë prekursoora jyamyëdäjttsondakë tyäˈädë kasäädë jäˈäy mä duˈun kyäjpxwäˈkxtë. ¿Wiˈix të wyimbëtsëmy? Të tuˈugë uˈunk teety tˈëxpëjktsondaˈagyë Biiblyë, mët ko tyäˈädë prekursoora yˈajiiky yˈamëguˈugëty ets mët ko tyäˈädë kasäädë jäˈäy ttundë mëjääw.

7. ¿Wiˈix mbäät nbudëjkëmë jäˈäy diˈib të kyaktsoˈoktë wiink paˈis?

⁷ Tyää näämnëm, të mayë jäˈäy kyaktsoˈoktë wiink paˈis. ¿Wiˈix mbäät nbudëjkëmë parë tˈixyˈattëdë Jyobaa ets tijaty tyuknibëjtakëp? Ko ogäˈän njäjtëm wiˈix nyaygyäjpxpoˈkxëdë, ets mbäät xypyudëjkëmë JW Language. Nan mbäät njäjtëm tuˈuk majtskë yˈayuk parë xymyëwingoˈonëm. Ta net ndukmëtmaytyakëmë sitio jw.org, ndukˈijxëmë bideo etsë ëxpëjkpajn diˈib miimp mä yˈayuk (Deut. 10:19).

8, 9. 1) ¿Ti naybyudëkë nˈaxäjëm mä reunyonk Wiˈix njukyˈäjtëm ets nDiosmëduˈunëm? 2) ¿Wiˈix mbäädë tääk teety tpudëkëdë yˈënäˈkuˈunk parë kyomentarattët?

⁸ Jyobaa yajjaˈäjtypyë naybyudëkë parë mas oy ngäjpxwäˈkxëm. Extëm mä reunyonk Wiˈix njukyˈäjtëm ets nDiosmëduˈunëm yaˈˈanmäˈäyëm jap tijaty mbäät nduˈunëm, ets xypyudëjkëm parë kyaj ntsëˈk njäˈäwëm ko jatëgokë jäˈäy nnijëmbijtëm o ko nyaˈëxpëjkëm.

 ⁹ Diˈib mayë jäˈäy yˈoyˈijxtëp ko myindë reunyonk, yëˈë ko ënäˈkuˈunk kyomentarattë. Pääty, oy ko tääk teety ttukniˈˈixëdët ja yˈënäˈkuˈunk ets yˈatsoowëmbittët kyëˈëm ayuk, duˈuntsoo nanduˈun tyëˈkx jyäjtët. Pes ko ënäˈkuˈunk kyomentarattë extëm yëˈë tjaygyukëdë, mbäät näägë jäˈäy tpëkyë kuentë ko të tpääty ja tëyˈäjtën (1 Kor. 14:25).

10. ¿Ti mbäät nduˈunëm parë jyaˈˈatëdë tuˈugyëˈäjtën mä familyë?

¹⁰ Ja tuk pëky wiˈix mbäät ndëˈkx njäjjëm, yëˈë ko nyajmëjwindëjkëm ja tuˈugyëˈäjtën mä familyë ets mä tuˈukmujkën. Extëm nˈokpëjtakëm, jëjpˈam ets miitsëty uˈunkteety xytyukniwitsëdët sëmään sëmään ets mDiosˈawdattët mëdë mfamilyë. Ta mayë familyë diˈib yˈijxtëbë programë diˈib pëtsëëmp poˈoboˈo mä JW Broadcasting. Oy ko niˈamukë xynyimaytyäˈäktët wiˈix xykyuytyunäˈändë tijatyë nety të xyˈixtë. Yëˈë uˈunkteety tsojkëp tjamyatsët ko wiˈixëm yajpudëkëyäˈändë ja yˈuˈunk yˈënäˈk, duˈun diˈib mutskˈäjttëp ets diˈib yaˈkpëtsëëmdëp. Pääty, oy ko twinmaytyët wiˈix mbäät niduˈuk niduˈuk tpadundë parë ttukˈoyˈattët niˈamukë (Sal. 148:12, 13).

11. ¿Wiˈix mbäät niˈamukë nyajmëjwindëjkëmë tuˈugyëˈäjtën ets nbudëjkëmë wiinkpë parë nanduˈun tyëˈkx jyäjtët?

¹¹ Niˈamukë mbäät nyajmëjwindëjkëmë tuˈugyëˈäjtën mä nduˈukmujkëm. Extëmë ënäˈktëjk, mbäät tpëjtäˈäktë wyinmäˈäny ets tmëmay tmëdäjtët ja nmëguˈukˈäjtëm diˈib të myëjjäˈäy myëˈˈënäˈkënë. Mbäät dyajtëwdë wiˈix të myadäˈäktë parë kanäk jëmëjt të Dios mëdundë. Duˈuntsoo nyaymyëjääwmoˈoyëdët ets nyaybyudëkëdët parë dyajtëˈkx dyajjäjtët ja tëyˈäjtën. Ets mbäät niˈamukë nduknibëjtakëm ets tsuj yajxon nˈëboˈkx ngäjpxpoˈkxëm pënaty jäjttëp mä reunyonk. Mbäät nbudëjkëm parë tpäättëdë yˈunyaaybyajn ets ndukˈixyˈäjtëmë nmëguˈukˈäjtëm. Duˈuntsoo nyayjyawëdët extëmxyëp yajpääty mëdë jyiiky myëguˈuk.

12. ¿Wiˈix ja tuk pëky mbäät nyajmëjwindëjkëmë tuˈugyëˈäjtën mä tuˈukmujkën?

¹² Pënaty jyuˈttëbë grupë, ¿wiˈix mbäät xypyudëkëdë pënaty të myëjjäˈäyëndë parë duˈunyëm tyëˈkx jyäjtët? Ko xykyaxtët käjpxwäˈkxpë mä mbäät nyëjkxtë. Nan mbäät xytyukpagexyë ënäˈktëjk parë jyamyëdatëdët. Ets oy ko nanduˈun xyjyaygyukëdët pënaty kyaj mbäät nyekykyäjpxwäˈkxtë extëm ijty mët ko pyëk  yˈixëdë o mët ko jam ti jotmay tmëdattë. Pën mjaygyujkëdëp wiˈix ja mmëguˈuktëjk yajpäättë, ta xypyudëkëdët ets niˈamukë ttukxondäˈäktët ja Diosë tyuunk, duˈunë mëjjäˈäytyëjk, ënäˈktëjk, ja diˈib jemy o diˈib jaayëm käjpxwäˈkxtëp (Lev. 19:32).

13. ¿Ti mbäät nduˈunëm niduˈuk niduˈuk parë nyajjaˈäjtëmë tuˈugyëˈäjtën mä nduˈukmujkëm?

¹³ Ja israelitëty mëjwiin kajaa ijty ttukˈoyˈattë ko tuˈugyë tˈawdattë Jyobaa. Niduˈuk diˈib jyaayë Salmo jyënany: “¡Okˈixtë! Jantsy oy ets jantsy tsuj ko nmëguˈukˈäjtëm yˈittë tuˈugyë” (käjpxë Salmo 133:1, 2). * Yëˈë ojts tˈijxkijpxyë tyäˈädë tuˈugyëˈäjtën mëdë aseytë diˈib ijtyë jäˈäy yajtukutaamëˈkp, xeemywyijtsnë ets jantsy päˈäkxuˈkp. Nanduˈun tyam ëtsäjtëm, mbäät nyajnijk nyajxaˈamëm ja nmëguˈukˈäjtëm pën nmëtxik nmëtxoˈonëm ets pën ijtëm ajiiky amëguˈuk. Duˈuntsoo niˈigyë nyajmëjwindëjkëm ja tuˈugyëˈäjtën. ¿Mbäät niˈigyë nˈixyˈäjtëmë nmëguˈukˈäjtëm diˈib mëët nduˈukmujkëm? (2 Kor. 6:11-13).

14. ¿Ti mbäät nduˈunëm parë nyajnigëxëˈkëm ja tëˈkx jäjjën mä ntsënäˈäyëm?

¹⁴ ¿Mbäät xyyajnigëxëˈëky ja mdëˈkx mjäjjën mä ja it lugäär mä mtsëënë? Ko mˈitët ajiiky amëguˈuk mët ja mëjënbäˈä mëdëjkpäˈä, mbäät tˈoymyëdowdë ja tëyˈäjtën. Pääty oknayajtëwëdë: ¿Wiˈixëtsëdaa xyˈixtë nmëjëmbäˈä nmëdëjkpäˈä? ¿Wäˈätsëts nyaˈityë njëën ndëjk ets kuwijts kugëˈëyëbëts? ¿Yajkëxëˈkypy oy ja it lugäär mäts ntsëënë? ¿Nbudëjkëbëts ja nmëjëmbäˈä nmëdëjkpäˈä? Oy ko nyajtëˈëwëmë nmëguˈukˈäjtëm wiˈix të pyudëkëdë wiink jäˈäy ko dyajnigëxëˈëktë oybyë jäˈäyˈäjtën, extëmë myëdëjkpäˈä, jyiiky myëguˈuk, pënaty mëët tyundë o yˈeskuelëˈattë (Éfes. 5:9).

15. ¿Tiko jyëjpˈamëty ets kyaj nnaygyumanäjxëm?

¹⁵ Pën duˈunyëm ndëˈkxäˈän njäjjäˈänëm mëk, tsojkëp nyaˈijtëm winmäˈänyoty ti tiempë tyam ndukjukyˈäjtëm. Jesus janääm jatsojk tˈanmääy ja yˈëxpëjkpëty: “Wijy mˈittët miitsëty” (Mat. 24:42; 25:13; 26:41). Pën winmäˈäyëm ko jaanëm näˈä tsyondäˈägäˈäny “ja mëk ayoˈon” ets ko ja jyäˈtäˈäny mä nety të nˈoˈkënë, ta kyaj ndukjotëgoyäˈänëm ja Diosë tyuunk (Mat. 24:21). ¿Ets wiˈix nëjkx jyaty ja tëˈkx jäjjën? Ta myoongëdäˈägäˈäny axtë pyiˈitsanë.

16, 17. ¿Wiˈix mbäät nnayaˈijtëm wijy?

¹⁶ Ninäˈänëm duˈun kyajëjpˈamëty ets nnayaˈijtëm wijy extëm tyam, pes niˈigyë yˈoˈktëëwnë tyäˈädë tiempë. Ets nnijäˈäwëm ko ja kutëgoˈoyën ja myinäˈäny näˈä meerë Jyobaa të ttukniwitsë (Mat. 24:42-44). Pääty myentrës jyaˈty, nˈokmaˈkxtujkëm ets nˈoknayaˈijtëm wijy, nˈokkäjpxëmë Diosë yˈAyuk tuˈuk tuˈugë xëëw ets nˈoknuˈkxtakëm xëmë (1 Peed. 4:7). Nˈokpanëjkxëmë yˈijxpajtënë nmëguˈukˈäjtëm diˈib jantsy jeky të tmëdundë Jyobaa. Mbäät ngäjpxëmë yˈeksperiensyë, extëm diˈib yajpatp mä La Atalaya 15 äämbë abril 2012, pajina 18 axtë 21, mä jyënaˈany “Siete décadas aferrado a la falda de un judío”.

¹⁷ Nˈokjotmoˈoyëmë Jyobaa tyuunk, nˈoktukmëduˈunëm tijatyë nmëguˈukˈäjtëm ets nˈokˈyajnäjxëmë tiempë mëët. Net mas jotkujk nyajpatëm ets kyaj njäˈäwëm wiˈix ja tiempë nyaxy (Éfes. 5:16). Tyuk mëgoˈpx jëmëjtëp, mëkë nmëguˈukˈäjtëm Dios mëduundë, per tyam mas niˈigyë ja tuunk jyaˈˈaty mä Diosë kyäjpn. ¡Ets niˈigyë tyam ndëˈkx njäjjëm extëmë nety ninäˈänëm duˈun ngawinmäˈäyëm!

18, 19. ¿Wiˈix mbäädë mëjjäˈäytyëjk xypyudëjkëm parë nˈijtëm wijy ets duˈunyëmë Jyobaa nmëduˈunëm? Pëjtäˈäk tuˈugë ijxpajtën.

 ¹⁸ Jyobaa duˈunyëm xyyajtuunˈadëtsëm oy pokyjyaˈay nyajpatëm. Ets parë xypyudëjkëm ets nnayaˈijtëm wijy, të tnayakyë yetyëjkëty o mëjjäˈäytyëjk diˈib mä tuˈukmujkën (käjpxë Éfesʉ 4:11, 12). Pääty ko mninëjkxëdët mä mdëjk, naytyukpudëkëdë ja yˈëwij kyäjpxwijën.

¹⁹ Jap Inglaterra, tuˈugë kasäädë jäˈäy myëdäjttëbë netyë amay jotmay, ta tˈamdoowdë naybyudëkë nimajtskë mëjjäˈäytyëjk. Ja toxytyëjk jyënany ko Dios windum duˈunë nety nyayjyawëty mä kyasäädëˈaty “extëm ja yuubë diˈibë kyaj tyuknaxëty”. Ets ja yetyëjk jyënany ko kyaj tjaty yaˈëxpëkët ets ko kyaj xëmë ttukniwitsë Diosˈawdattët tuk familyë. Ja mëjjäˈäytyëjk ta tyukmëtmaytyakëdë Jesusë yˈijxpajtën mä wiˈix tˈijxˈijty tkuentˈäjty ja yˈëxpëjkpëty ets tˈijxy tijaty yajtëgoyˈäjttëp. Ta tˈanmääytyë ja yetyëjk ets tpanëjkxëdë Jesusë yˈijxpajtën ets ja toxytyëjk tmëdatëdë maˈkxtujkën. Nan yaˈˈanmääytyë wiˈix mbäät Diosˈawdattë tuk familyë ets tpudëkëdët ja nimajtskpë yˈuˈunk (Éfes. 5:21-29). Ja kasäädë yetyëjk tyuunë mëjääw parë oy tnigëbäjkˈäjtyë fyamilyë. Ta ja mëjjäˈäytyëjk yˈanmääyëdë parë duˈunyëm ttunët ets ttukˈijxpatëdë Jyobaa ko pudëkëyanëp. Tyäˈädë familyë tëˈkx jäjtëp tyam mët ko ja mëjjäˈäytyëjk pyudëjkëdë ets myëmääy myëdäjëdë.

20. ¿Wiˈix wyimbëtsëmäˈäny pën nyajnigëxëˈkëm ja tëˈkx jäjjën?

²⁰ Salmo 128:1 jyënaˈany: “Jotkujk niˈamukë pënaty tsyëˈkëdëbë Jyobaa, ets ja diˈib nëˈëyoˈopy tuˈuyoˈopy mä nyëˈë tyuˈu”. Mä tyäˈädë artikulo, të nˈijxëm wiˈix mbäät nyajnigëxëˈkëm ja tëˈkx jäjjën: ko nbudëjkëmë jäˈäy parë tmëdundëdë Jyobaa, ko nyajjaˈäjtëmë tuˈugyëˈäjtën mä familyë, mä tuˈukmujkën ets ko kyaj nnaygyumanäjxëm. Pën nduˈunëm duˈun, ta nëjkx agujk jotkujk nˈijtëm, ndukˈijxëmë jäˈäy wiˈix oy njukyˈäjtëm parë nanduˈun tmëjkumaytyë Jyobaa, diˈib nDeetyˈäjtëm (Mat. 5:16).