Näägë Dios mëduumbëty, yajtuundëbë tyäˈädë aplikasion parë tnijawëdë wiˈix yaˈix yajpäättë fyamilyë o ja myëguˈuktëjk diˈib mëët yˈëxpëktë. Per ja Dios mëduumbëty diˈib tapë jyot wyinmäˈäny, myëmëdoowdëbë tyäˈädë käjpxwijën: “Ja jäˈäy diˈib wijy, yˈijxypy ko myiny ja ayoˈon ets ta nyayuˈutsyëty, per pënaty tsuu, nëjkxˈadëtstëp axtë ko tkuˈayowëdë” (Prov. 27:12).

Nnijäˈäwëm ko Jyobaa xykyuwäˈänäˈänëm. Pääty kyaj nduˈukmujkëm mëdë jäˈäy diˈib yajnaywyäˈkxëdëbë myëguˈuktëjk, diˈib të yaˈëxkaxtë o diˈib tukniˈˈijxëdëp diˈib kyaj tyëyˈäjtënëty (Rom. 16:17; 1 Kor. 5:11; 2 Fwank 10, 11). Ta näägë jäˈäy diˈib tuˈukmujktëp mët ëtsäjtëm, per kyaj tkuytyundë tijatyë Jyobaa nyiˈanaˈamëp mä Biiblyë (2 Tim. 2:20, 21). Ko ndimˈijxëmë jäˈäy wingëjxm jëjpkëjxm, mbäät njënäˈänëm pën diˈib mëët nnaymyayäˈänëm ets pën kyaj, per kyaj duˈun jyaty ko jeˈeyë mëdë jäˈäy nnaynyijäˈäyëm diˈib kyaj nˈixyˈäjtëm.

Pën tëkëyäˈänëm mä tuˈugë grupë mä nimayë jäˈäy të tyëkëdë, nˈoknayajtëˈëwëm pënaty jap yajpäädandëp. Näägë nmëguˈukˈäjtëm të tyëkëdë mä duˈumbë grupë ets të jyotmaybyäättë. ¿Wiˈix mbäät nnaygyuentëˈäjtëm mä yajpäätyë jäˈäy mëgoˈpxˈam o milˈam mä tuˈugë grupë? Tsip nnijäˈäwëm pënatyën jap të tyëkëdë ets wiˈix yaˈix yajpäättë Dios windum. Salmo 26:4 jyënaˈany: “Kyajëts nduˈukmuky mëdë yetyëjkëty diˈib andaktëp, ets njëjpkudijëbëts pënaty kyuyuˈtstëp wiˈix jyaˈayˈaty”. Diˈib mas oy mbäät nduˈunëm, yëˈë ko yëˈëyë mbäät mëët nnaynyijäˈäyëm o nnaymyëgäjpxëm ja jäˈäy diˈib nˈixyˈäjtëm wingëjxm jëjpkëjxm.

Ets oyxyëp jyaniwäänëˈäjtpë jäˈäy të tyëkëdë mä tuˈugë grupë, tsojkëp nnaygyuentëˈäjtëm parë kyaj nëgoo tiempë nyajnäjxëm mä ngajxëm ja mensaje ets nenduˈun mä tijaty ngäjpx nmaytyakëm. Kyaj tiko nˈatsoowëmbijtäˈäyëm tëgokyë mensaje, oy ti jap ja jäˈäy tmaytyäˈäktët ets oy nuˈun dyajjaktët ja myaytyaˈaky. Pablo yˈanmääyë Timoteo parë nyaygyuentëˈatëdët mä jäˈäyëty diˈib jeˈeyë “yˈabiˈtsˈattë, nëgoo oytyiity tnamaytyäˈäktë diˈibë kyaj pyaatyëty es tmaytyäˈäktët” (1 Tim. 5:13). Tyam, nan mbäät duˈun jyaty mä nyajtuˈunëmë Internet.

Dios mëduumbë diˈib japë jyot wyinmäˈäny kyaj ttuktëkëdë mä jäˈäy tˈëbääty tkäjpxpäätyë jyiiky myëguˈuk o mä yajnimaytyaˈaky diˈib kyaj mbäät pën tnijawë (Sal. 15:3; Prov. 20:19). Nan kyaj tmëdoowˈittë ets kyaj dyajwäˈkxtë ääw ayuk diˈib tsip yajmëbëkëp o diˈib kyaj të tyëyˈäjtëndëkë (Efes. 4:25). Ëtsäjtëm, japyë mä sitio jw.org ets mä programë diˈib pëtsëëmp poˈoboˈo JW Broadcasting^®, nˈaxäjëm ja käˈäy ukën diˈibë Dios xymyoˈoyëm ets nyajtuknijäˈäwëm tijaty.

Näägë nmëguˈukˈäjtëm yajtuundëbë tyäˈädë aplikasion mä tkaxtë mensaje parë jyuy tyooktë o tˈawan tˈayääxëdë tijaty o parë tˈawanëdë tuunk. Tyäˈädë kyaj mbäät nyayxyëbinyëty mëdë Diosë tyuunk, pääty ja Dios mëduumbë diˈib kyaj tˈatsokyë meeny, ninäˈä tkayajtunäˈäny ja myëguˈuktëjk parë jam dyajpëtsëmëdë myeeny syentääbë (Eb. 13:5).

¿Oyëdaa ko nyajtuˈunëmë duˈumbë aplikasion parë nˈamdoˈowëmë meeny sentääbë diˈib ndukpudëkëyäˈänëm ja nmëguˈukˈäjtëm o mä tijaty të yˈayoˈonbëjtaˈaky? Kom ntsojkëm ja nmëguˈukˈäjtëm, nmëmäˈäy nmëdäjtëm ets nbudëkëyäˈänëm pën jam ti dyajtëgoyˈattë (Sant. 2:15, 16). Per pën ëtsäjtëm jap ngajxëm ja mensaje mä yajpäättë ja mayjyaˈay, mbäät njotmaymyoˈoyëm ja nmëguˈukˈäjtëm diˈib tuundëp Betel o diˈib tuundëp mëjjäˈäy mä ja kongregasionk (1 Tim. 5:3, 4, 9, 10, 16). Ets nituˈugë Dios mëduumbë tkayajwinmayaˈanyë myëguˈuktëjk ko yëˈë duˈun të yajtuknipëky parë tpudëkët ja myëguˈuktëjk.

Nyajmëjpëtsëmäˈänëmë Dios mä tëgokyë tijaty nduˈunëm (1 Kor. 10:31). Pääty, pën nyajtunäˈänëm tuˈugë aplikasion mä yajkexy o yaˈˈaxäjë mensaje, nˈokwinmäˈäyëm tijaty jotmay mbäät nbatëm ets nˈokˈyajˈyeˈeyëm yajxon ja jot winmäˈäny.