Diosë yˈAyuk myëdäjtypyë mëkˈäjtën
“Dios ja yˈayuk myëdäjtypy ja mëkˈäjtën” (EB. 4:12).
1. ¿Tiko nˈijtëm seguurë ko Diosë yˈayuk myëdäjtypyë mëkˈäjtën? (Ixë dibujë).
NINUˈUN nmëduˈunëmë Jyobaa ijtëm seguurë ko “Dios ja yˈayuk myëdäjtypy ja mëkˈäjtën” (Eb. 4:12). Të nˈijxëm wiˈixë Diosë yˈayuk tmëdatyë mëkˈäjtën parë të xyyajtëgäjtsëm ets të dyajtëgatsyë wiink jäˈäyë jyukyˈäjtën. Mä nety nääk kyaTestiigëˈattë, maˈtstëp ijty, jyëˈxtëbë droogë ets axëëgë jyukyˈäjtën dyajnëjkxtë. Nan ta nety nääk diˈib mëjpëtsëëmdëp o kumeenyjyaˈayëty, per awäˈäts tukwäˈätsë nety nyayjawëdë (Ecl. 2:3-11). Per dyoskujuyëm ko Biiblyë tmëdatyë mëkˈäjtën, ta nimay tˈawix tjëjpˈixtë jotkujkˈäjtën diˈibë nety kyaj tnekynyijawëdë ti tyundëp mä jyukyˈäjtën. Seguurë ko të ngäjpxëmë eksperiensyë mä La Atalaya mä jyënaˈany “La Biblia les cambió la vida”. Ets oy tyam nDestiigëˈäjtëm, duˈunyëm niˈamukë nyajtëgoyˈäjtëmë Biiblyë nyaybyudëkë parë xëmë oy nˈijtëm mëdë Jyobaa.
2. ¿Wiˈix näägë Dios mëduumbë dyajtëgäjtstë jyukyˈäjtën mä primer siiglë mët ko pyudëjkëdë Diosë yˈAyuk?
2 Per kyaj tyamnëmëty duˈunë jäˈäy dyajtëgatstë mëjwiin kajaa jyukyˈäjtën. Pes mä primer siiglë nan yajtëgäjtstë jyukyˈäjtën pënatyë nety nëjkxandëp tsäjpotm (käjpxë 1 Korintʉ 6:9-11). Apostëlë Pablo myaytyak pënaty kyaj tyëkëyäˈändë mä Diosë yˈAnaˈam Kyutujkën, per ta net tˈanmääy ja Dios mëduumbëty: “Dëˈën ijty niduˈugëty miitsëty”. Të nety pyudëkëdë Diosë yˈAyuk etsë myëjääw parë nyayajtëgäjtsëdë. Ets axtë nääk diˈibë nety të tnijawëdë tëyˈäjtën ojts ok tyuundëgoytyë mëjwiin kajaa ets tmëjagamgaktë Jyobaa. Biiblyë jyënaˈany ko niduˈuk diˈibë nety nëjkxäämp tsäjpotm ojts yaˈëxkexy mä Diosë kyäjpn, per ta dyajtëgäjtsy ja jyukyˈäjtën ets jatëgok jyëmbijty (1 Kor. 5:1-5; 2 Kor. 2:5-8). Xypyudëjkëm ko nˈijxëm wiˈix nimayë nmëguˈukˈäjtëm të dyajtëgatstë jyukyˈäjtën mët ko pyudëkëdë Diosë yˈAyuk.
3. ¿Ti nˈixäˈänëm mä tyäˈädë artikulo?
3 Jyobaa yëˈë të xymyoˈoyëmë yˈAyuk diˈib myëdäjtypyë mëkˈäjtën, pääty nyajtunäˈänëm yajxon (2 Tim. 2:15). Mä tyäˈädë artikulo nˈixäˈänëm tëgëk pëky wiˈix mbäät nyajtuˈunëmë Biiblyë, 1) mä jukyˈäjtën, 2) mä ngäjpxwäˈkxëm ets 3) ko nyaˈëxpëjkëm mä nduˈukmujkëm. Tyäˈädë yëˈë xypyudëkëyäˈänëm parë ndukˈijxëmë nDeetyˈäjtëm ko ntsojkëm ets ko nmëjjäˈäwëm, pes yëˈë xytyukniˈˈijxëm parë këˈëm ndukˈoyˈäjtëm (Is. 48:17).
MÄ JUKYˈÄJTËN
4. 1) ¿Ti mbäät nduˈunëm parë Diosë yˈAyuk xyˈadëjk xytyuktëjkëm? 2) ¿Näˈä mijtsë tiempë xyjuuty parë xykyajpxyë Biiblyë?
4 Pën ntsojkëm etsë Diosë yˈAyuk xyˈadëjk xytyuktëjkëm, jëjpˈam ngäjpxëm xëmë, mbäät bom bom pën madakëm (Jos. 1:8). Tëyˈäjtën ko mëk njantsy tyuˈunëm, per nitii mbäät xykyayajtuˈuwëˈëmëm parë ngäjpxëmë Biiblyë, ni yëˈë tijaty nikëjxmˈäjtëm (käjpxë Efesios 5:15, 16, TNM). * Mbäät ngäjpxëmë Biiblyë jopyëp, mä nxëwnäjxëm o koots. Duˈun nnayjäˈäwëm extëm jyënany diˈib jyaayë tyäˈädë Salmo: “¡Njantsy tsyojkypyëtsë mˈanaˈamën! Xëwnaxyëts nbawinmay” (Sal. 119:97).
5, 6. 1) ¿Tiko jyëjpˈamëty nbawinmäˈäyëm diˈib ngäjpxëm? 2) ¿Ti mbäät nduˈunëm parë xypyudëjkëm diˈib nbawinmäˈäyëm? 3) ¿Wiˈix mijts mbudëkëty ko xykyajpxyë Diosë yˈAyuk ets ko xypyawinmay?
5 Per kyaj jeˈeyë tsyokyëty ngäjpxëmë Biiblyë, tsojkëp nbawinmäˈäyëm yajxon diˈib ngäjpxëm (Sal. 1:1-3). Net mbäät nguytyuˈunëm ja käjpxwijën diˈib nbatëm mä Diosë yˈAyuk. Oy ngäjpxëm nekykyëjxy o mä tuˈugë tabletë o selulaar, tsojkëp nbëjtakëmë winmäˈäny parë xyˈajäjt xyjotjäjtëm.
6 ¿Ti mbäät nduˈunëm parë xypyudëjkëm diˈib nbawinmäˈäyëm? Diˈib mayë nmëguˈukˈäjtëm tyuundëp, yëˈë ko näˈäganäˈäty tniboˈkxëdë parë nyayajtëwëdë extëm: “¿Titsë tyäˈädë xytyukniˈˈijxëp 2 Kor. 10:4, 5).
mä Jyobaa? ¿Nguytyuumbyëtsë tyäˈädë käjpxwijën? ¿Jats mää xytyëgoyˈäjtxëty nnayaˈoyëdët?”. Pën nbawinmäˈäyëm wiˈix jyënaˈanyë Diosë yˈAyuk ets pën nmënuˈkxtakëmë Jyobaa, ta nguytyunäˈänëm ja yˈëwij kyäjpxwijën. Duˈuntsoo mas niˈigyë nnaytyukpudëjkëm ja mëkˈäjtën diˈib myëdäjtypyë Diosë yˈAyuk (MÄ NGÄJPXWÄˈKXËM
7. ¿Wiˈix mbäät yajxon nyajtuˈunëmë Diosë yˈAyuk mä ngäjpxwäˈkxëm?
7 Tuk pëky wiˈix mbäät yajxon nyajtuˈunëmë Diosë yˈAyuk mä ngäjpxwäˈkxëm ets ko nyaˈëxpëjkëmë jäˈäy, jaa ko xëmë nyajtuˈunëm. Tuˈugë nmëguˈukˈäjtëm jyënany: “Koxyëp mnëjkxy tëjkmdëjkm käjpxwäˈkxpë mëdë Jyobaa, ¿mgäjpxëp mijts aduˈuk, o mnasˈixëp parë Jyobaa nanduˈun kyäjpxët?”. ¿Ti myaytyäˈägan? Ko pën ja jäˈäy ndukwingugäjpxëmë Biiblyë, duˈunxyëp extëm nasˈijxëm parë Jyobaa kyäjpxët. Pes niˈigyë mëkˈäjtënë tmëdaty tuˈugë tekstë diˈib të nwinˈijxëm ets kyaj dyuˈunëty ja nˈayukˈäjtëm (1 Tes. 2:13). Pääty nˈoknayajtëˈëwëm: “Mäts ngäjpxwaˈkxy, ¿nduumbyëtsë mëjääw parëtsë jäˈäy ndukwingugäjpxë Biiblyë?”.
8. ¿Tiko kyaj jeˈeyë tsyokyëty etsë jäˈäy ndukwingugäjpxëmë Biiblyë?
8 Per kyaj jeˈeyë tsyokyëty etsë jäˈäy ndukwingugäjpxëmë Biiblyë. Pes extëm jyajty mä primer siiglë, nanduˈun tyam mayë jäˈäy kyaj tjaygyukëdë wiˈixë Biiblyë jyënaˈany (Rom. 10:2). Pääty, kyaj mbäät nwinmäˈäyëm ko tuˈugë jäˈäy të tjaygyukë ja tekstë mët ko të ndukwingugäjpxëm. Tsojkëp nikäjpxëmbijtëm wiˈix jyënaˈany o ndukjuˈtutëm majtsk tëgëëgë ayuk diˈib jëjpˈa ets nimaytyakëm. Pën nduˈunëm duˈun, ta ja jäˈäy yˈadëk tyuktëkëdët ja Diosë yˈAyuk (käjpxë Lukʉs 24:32).
9. Nimaytyäˈäk wiˈix mbäädë jäˈäy ndukwingugäjpxëm tuˈugë tekstë parë tmëjˈixëdë Diosë yˈAyuk.
9 Ko ngäjpxäˈänëm tuˈugë tekstë oy ko nˈijxëm wiˈix ja jäˈäy nˈanmäˈäyëm, net tmëjˈixëdë Diosë yˈAyuk. Extëm nˈokpëjtakëm, mbäät nˈanmäˈäyëm: “Min nˈokˈijxëm wiˈixë Dios tˈixyë tyäˈädë jotmay”. Per pën yëˈë nmëtmaytyakëm tuˈugë jäˈäy diˈib kyaj tmëdatyë ryelijyonk o diˈib yëˈëyë pyanëjkxypy ja tyääk tyeetyë kyostumbrë, mbäät nˈanmäˈäyëm: “¿Të xyˈokmëdoobë tyäˈädë ääw ayuk diˈib tëëyëp yajjääy?”. Kom kyaj tyuknaxëtyë jäˈäy, oy ko nˈijxëm wiˈix niduˈuk niduˈuk nmëtmaytyakëm (10. 1) Nimaytyäˈäk ti tyuun tuˈugë nmëguˈukˈäjtëm mä kyäjpxwaˈkxy. 2) Oknigäjpx wiˈix mijts të xyˈixy ko Diosë yˈAyuk myëdäjtypyë mëkˈäjtën mä mgäjpxwaˈkxy.
10 Nimayë nmëguˈukˈäjtëm të tˈixtë ko mëjwiin kajaa jyotjäˈtëdë jäˈäy ko ndukwingugäjpxëmë Diosë yˈAyuk. Extëm nˈokpëjtakëm, tuˈugë nmëguˈukˈäjtëm yëˈë ijty kyuˈijxëp tuˈugë nˈapteety diˈib kanäk jëmëjt kujk tkajpxyë rebistë. Per tëgok, ta kyaj jeˈeyë tmooy ja rebistë jemyatypyë, nanduˈunën ojts ttukwingugäjpxë tuˈugë tekstë diˈibë nety miimp mä ja rebistë. Yëˈë 2 Korintʉ 1:3, 4, mä jyënaˈany ko Jyobaa “yëˈë dëˈën ja nDeetyˈäjtëm diˈibë myëdäjtypy ja paˈˈayoˈon es xyyajjotkujkˈäjtëm pën ti xyjäjt xykyëbajtëm. Dios xyyajjotkujkˈäjtëm mä tëgekyë nˈayoˈonˈäjtëm”. Tyäˈädë nˈapteety mëjwiin kajaa yˈajäjt jyotjäjtë, ta tˈanmääy ja nmëguˈukˈäjtëm ets jatëgok tyukwingugäjpxëdët. Ta net jyënany ko yëˈë mëdë kyudëjk yajtëgoyˈäjttëbë nety ets yajjotkujkmoˈoytyët ets ko nyijawëyandëp niˈigyë Biiblyë. Extëm nˈijxëm, ko nyajtuˈunëmë Diosë yˈAyuk, myëdäjtypyë mëkˈäjtën parë jäˈäy yˈadëk tyuktëkëdët (Apos. 19:20).
KO MYAˈËXPËKËT MÄ TUˈUKMUJKËN
11. ¿Ti nyikëjxmˈäjttëp pënaty tukniˈˈijxëdëp mä nduˈukmujkëm?
11 Niˈamukë njantsy nyëjkxäˈänëm mä reunyonk ets mä asamblee. ¿Tiko? Parë nˈawdatäˈänëmë Jyobaa, per nanduˈun parë nmëdoowˈitäˈänëm ja ëxpëjkën diˈib näjxp. Pääty pënaty tukniˈˈijxëdëp, mëj tjawëdë tyäˈädë tuunk, per nan mëjwiin kajaa diˈib nyikëjxmˈäjttëp (Sant. 3:1). Pääty oy ko tˈixtët pën tijaty tukniˈˈijxëdëp tyukwäˈkpejtypyë Diosë yˈAyuk. Pën mijts niduˈuk diˈib mdukniˈˈijxëp, ¿ti mbäät xytyuny parë Diosë yˈAyuk yˈajäˈt jyotjäˈtëdët pënaty myëdoowˈijttëp?
12. ¿Wiˈix mbäät tˈixy ja diˈib diskursaräjtp ko tijaty myaytyakypy jap tsyoony mä Biiblyë?
12 Ix pën mä ja mdiskursë, yëˈë jëjpˈam myajtuumbyë Diosë yˈAyuk (Fwank 7:16). Ets pën extëm xynyimaytyaˈaky tuˈugë ijxpajtën o eksperiensyë, niˈigyë yaˈoymyëdoownë ets kyaj yˈokduˈunˈäjnë ja tekstë diˈib mgajpxypy. Jamyats nanduˈun ko kyaj tyuknaxëty ko jeˈeyë ngäjpxëmë Biiblyë ets ko net ndukniˈˈijxëm wiˈix jyënaˈany. Pën mgajpxypy jantsy kanäägë tekstë, mbäät mayë jäˈäy kyaj tnekyjyamyatstë, pääty winˈix yajxon diˈibë mgäjpxaampy. Ta net xykyäjpxët, xynyimaytyäˈägët, xypyëjtäˈägëdë ijxpajn ets xynyigäjpxët wiˈix yajkuytyunäˈäny (Neh. 8:8). Ets pën yëˈë mnimaytyäˈägaampy ja boskejë diˈib yajkypyë Diosë kyäjpn, ëxpëk tuk wäätsaty ets käjpx ja tekstë diˈib myëmiimpy, ets jaygyukë wiˈix nyaymyënëjkxyëty. Ta net xywyinˈixët diˈibaty tekstë mgäjpxaampy parë xynyimaytyäˈägët ja boskejë (jap niˈigyë xypyäädëdë naybyudëkë mä liibrë Benefíciese de la Escuela del Ministerio Teocrático, ëxpëjkën 21, 22 etsë 23). Per diˈib mas jëjpˈam, yëˈë ko xyˈamdowëdë naybyudëkë Jyobaa parë xyyajnaxët tijaty tukniˈˈijxëbë yˈAyuk (käjpxë Esdras 7:10; * Proverbios 3:13, 14). *
13. 1) ¿Wiˈix tuˈugë nmëguˈukˈäjtëm pyudëjkë ko tmëdooy mä reunyonk wiˈix tuˈugë tekstë yajnimaytyaˈaky? 2) ¿Wiˈix mijts mbudëkëty ko nmëguˈukˈäjtëm dyajtundë Biiblyë mä reunyonk?
13 Min nˈokˈijxëm wiˈix pyudëjkë tuˈugë nmëguˈukˈäjtëm diˈib Australia ko mä reunyonk tmëdooy wiˈix tuˈugë tekstë yajnimaytyaˈaky. Yëˈë jantsy axëëk jyajty kyëbejty ko myutskˈäjty, per ta tˈëxpëjktsondakyë Biiblyë ets ta nyëbejty. Per tsipë nety tmëbëkët ko tsojkëbë Jyobaa. Tëgok, ta tmëdooy mä reunyonk tuˈugë tekstë diˈib ajäjt jotjäjtë. Ko tpawinmääy ets ko ojts tˈakkajpxyë wiinkpë tekstë, ta yˈijty seguurë ko tsojkëbë Dios. * Ets mijts, ¿të xymyëdoy tuˈugë tekstë mä reunyonk o mä asamblee diˈib mˈajäjt mjotjäjtë? (Neh. 8:12).
14. ¿Wiˈix nyajnigëxëˈkëm ko nyajtsobatëmë Diosë yˈAyuk?
14 Duˈunë duˈun, niˈamukë nmëjjäˈäwëm ko Jyobaa Dios të xymyoˈoyëmë yˈAyuk ets ko të tkuytyuny ko yˈitäˈäny winë xëëw winë tiempë (1 Peed. 1:24, 25). Pääty, nˈokkäjpxëm bom bom, nˈokkuytyuˈunëm ets nˈoktukpudëjkëmë wiinkpë. Duˈuntsoo nyajnigëxëˈkëm ko ntsojkëmë yˈAyuk ets ko nyajtsobatëm. Per diˈib mas jëjpˈam, yëˈë ko nëjkxëp ndukˈijxëmë Jyobaa ko ntsojkëm, diˈib të dyajjäˈäyëtyë Biiblyë.
^ parr. 4 Efesios 5:15, 16, TNM: “Pääty ixtë yajxon ets mduˈuyoˈoytyët extëmë jäˈäy diˈib wijy ets kyaj extëm diˈib kyaj wyijˈyëty. Yajtundë yajxonë mdiempë, mët ko yˈaxëëgëty ja xëëw tiempë”.
^ parr. 12 Esdras 7:10: “Esdras të nety tˈëxkukë ja kyorasoon parë tˈixäˈäny wiˈix jyënaˈany ja Jyobaa yˈanaˈamën ets tpadunäˈäny, ets tyukniˈˈixëyaˈany jam Israel ja anaˈamën etsë tëyˈäjtën”.
^ parr. 12 Proverbios 3:13, 14: “Jotkujkë tadë yetyëjk diˈib të tpäätyë wijyˈäjtën, etsë tadë yetyëjk diˈib myëwinmäˈänybyatypy tijaty, ko tyäˈädë yajmëdaty niˈigyë yˈoyëty këdiinëmë platë, ets ko tyäˈädë yajmëdaty extëmë ganaraty niˈigyë yˈoyëty këdiinëmë oorë”.
^ parr. 13 Ixë rekuäädrë “ Tim tëgäjtsëts”.