Tuˈugë peregrino (o sirkuitë) diˈib Japón japë nety tsyëënë Estados Unidos, per 6 äämbë septiembrë mä jëmëjt 1926 ojts nyëjkxnë tuumbë extëmë misioneerë jap Japón. Japë nety yˈawixyëty tuˈugë yetyëjk diˈib xëmë yˈaxäjëbë rebistë La Torre del Vigía, yëˈëyë nety naytyuˈuk ets dyaˈëxpëky tuk grupë jäˈäy jap Kobe. Ja diˈib yˈËxpëjktëbë Biiblyë ja tim ogäˈän ttundë yˈasamblee 2 äämbë eneerë 1927 mä tadë siudad. Ja tyuˈukmujktë 36 jäˈäy ets niduktujk nyëbajttë. Jantsy oy tsyondaky tyäˈädë grupë, ¿per wiˈixë nety dyajwäˈkxäˈändë ja tëˈkx jäjjën mä 60 miyongë jäˈäy diˈib tsënääytyëp Japón?

Mayë poˈo mä jëmëjt 1927, ta ttukniwijtsëdë parë ttukˈawanëyäˈändë niˈamukë jäˈäy ko dyajnaxäˈändë kanäägë diskursë. Ja tim jawyiimbë japë nety nyaxäˈäny Osaka, ta tkëxjääytyë mä mëjatypyë neky ets tmëjëdijttë mä tukëˈëyë siudad parë ja jäˈäy tnijawëdët. Nan ojts tkaxtë 3,000 inbitasyonk parë twoowdë jäˈäy diˈib mëj ijttëp, ets abëky ojts dyajwäˈkxtë 150,000. Nan ojts tnigäjpxtë mä perioodikë, ¡ets nan yajpëtsëëmdë mä 400,000 boletë diˈib mä tren! Ets ja xëë mä nety nyaxäˈäny ja diskursë, nan ojts kyaagëdity majtskë abionk parë ojts dyajkäˈädë naxy 100,000 inbitasyonk. ¿Wiˈix wyimbëtsëëmy? Tuktujktääy ja lugäär. Ja ojts nyëjkxtë 2,300 jäˈäy parë tmëdooˈijttë ja diskursë “Të wyingony ja Diosë yˈAnaˈam Kyutujkën”, ets nidukmil diˈib kyaj nyekytyëjkëdë. Ko jyëjpkëjxy, ta ojts wyëˈëmdë naa 600 jäˈäy diˈib tijaty yajtëëwdë ets yaˈˈatsoojëmbijttë. Nuˈun ja xëë poˈo ojts yˈakˈyoˈoy nan ojts nyaxy kanäägë diskursë jap Kioto ets mä wiinkpë siudad diˈib Japón.

Oktuubrë poˈo mä jëmëjt 1927, ta yajtukniwijtsë ets nyaxët tëgëëgë diskursë jap Tokio. Ta jatëgok ttuknigajxtë inbitasyonk pënaty tuundëp jëjpˈam, extëm ja diˈib wintsën mä gobiernë, pënaty nyiwintsënˈäjttëbë politikë, relijyonk etsë soldäädë wintsënëty. Nan ojts tkëxjäˈäytyë mä mëjatypyë neky, mä perioodikë ets ojts dyajwäˈkxtë 710,000 inbitasyonk. Ja tyuˈukmujktë 4,800.

Pënaty tuundë colportor (prekursoorëty) käjpxwäˈkxtë tëjkmdëjkm. Matsue Ishii yëˈë tim jawyiin tuun colportor jap Japón mëdë nyaˈay Jizo, ets ojts tmënëjkxtë ja oybyë ayuk ets jawaanë tkayaˈˈabëtsëëmdë ja paˈis: dyajtsondaktë Sapporo axtë jyäjttë Sendai, Tokio, Yokohama, Nagoya, Osaka, Kioto, Okayama ets Tokushima. Matsue mëdë Sakiko Tanaka diˈibë nety të myëjjäˈäyënë, yëˈë ijty kyuˈijxëdëbë pënaty myëdäjttëp këjxmë kutujkën, ets ko tninëjkxtë, yëˈë tyuktëjkëdëbë wit xoxë oybyë diˈib pyëjtaktëbë japonés. Tëgok, ta niduˈugë tyäˈädë jäˈäyëty tˈamdooy 300 liibrë El Arpa de Dios etsë Liberación parë tpëjtäˈägäˈäny mä bibliotekë diˈib yajpatp pujxndëgoty.

 Ko Katsuo mëdë Hagino Miura tkäjpxtääytyë ja liibrë diˈibë Matsue tmooyë, ta tpëjktë kuentë ko të tpäättë tëyˈäjtën. Ja nyëbajttë 1931 ets tyuundëjkëdë colportor. Ets naa ja mä jëmëjt 1930, Haruichi mëdë Tane Yamada, ets nimay ja jyiiky myëguˈuk ojts tˈaxäjëdë tëyˈäjtën. Ta nanduˈun tyuundëjkëdë colportor, ets ja nyëëx, Yukiko, ojts yajwoy Betel diˈib Tokio.

Kom jantsy tsooxë ijtyë karrë ets jantsy mäˈädë karreteerë, ta Kazumi Minoura mëdë wiinkpë ënäˈktëjk diˈib tuundë colportor, tmëjëdijttë tëjk diˈib myëdäjtypyë yantë, per kyaj tmëdatyë myotoor. Ja ijty ttijtë Jehú, mët ko mä Biiblyë yajmaytyaˈaky ja Jehú kyarrë ets mä wiˈix dyajˈyoˈoy (2 Rey. 10:15, 16). Mä ja Betel diˈib Japón, ojts yajkojy tëgëëgë Jehú diˈib mëjaty, ja yenyëty 2,2 metrë, ets ja wyoonyëty ets kyëjxmëty 1,9 metrë, mä mbäät tyëkëdë axtë nidëdujk ja colportor. Nan ojts dyajkojtë 11 Jehú diˈib mutskaty diˈib pawoˈonëbë bisikletë, mä jeˈeyë tyëkëdë nimajtsk. Kiichi Iwasaki, diˈib ojts tkojy, jyënaˈany: “Tuˈuk tuˈuk ja Jehú myëdäjtypyë nyikoj ets tuˈugë karrë bateriyë diˈib tuump parë jyapˈatëdë jëën”. Duˈun jyëdijttë ja colportor parë ojts dyajwäˈkxtë ja tëyˈäjtën mä tukëˈëyë ja lugäär diˈib Japón, dyajnëjkxtë ja Jehú mäjaty ja tun kopk ets mä ajoy tukjoy, dyajtsondaktë Hokkaido axtë Kyushu.

Ikumatsu Ota jyënaˈany: “Kojëts ijty njäˈttë mä tuˈugë käjpn, tajëts nyajwëˈëmdë ja Jehú nëëbëˈääy o mä lugäärë winwäˈätstuuybyë. Tim jawyiin yëˈëjëts ijty ninëjkxtëbë jäˈäy diˈib jëjpˈam ijttëp, extëm diˈib tuundëp alkaldë, ets tajëtsë net nˈawanëdë ëxpëjkpajn tëjkmdëjkm. Ets kojëts nyaˈˈabëtsëmdë, tajëts nëjkxtë mä wiinkpë”.

Ko tim ogäˈän ttuundë yˈasamblee ja diˈib yˈËxpëjktëbë Biiblyë jap Kobe, ja nety wyinëˈattë 36, yëˈë nety tuˈugë “xëë mä tijaty yiˈin waanë”, mët ko niwaanë dyajtsondaktë (Zac. 4:10). Per mä 1932 ko nety të nyaxy mëgoxk jëmëjt, ja nety wyinëˈattë 103 duˈunë colportor etsë käjpxwäˈkxpë. ¡Ja nety të tkëyäjktë naxy 14,000 liibrë! Ets tyam, ja jyapëtyë naa 220,000 diˈib yajwäˈkxtëp ja tëˈkx jäjjën, mä tyäˈädë paˈis mätsoo jawyiinë Xëë pyëtsëmy. (Yajjamyetsy wiˈix tijaty yajtuuntsondaky Japón.)