Ko tuˈugë kepy yajpoˈtëˈëgët, ¿mbäät jatëgok jyiitsy?
YËˈË äjë kepy diˈib yajpatp Líbano jantsy mëjaty ets jantsy tsujjaty. Ko yaˈijxkijpxyë mëdë oliibës kepy, mutsk yëˈë tyanë ets naa wiity xëgety. Per jantsy juun ets mbäät tyanë axtë tuk mil jëmëjt, jantsy këkë tyikts yˈääts ets jantsy juun. Oy yajpoˈtëˈëgëdë oliibës kepy, mbäät jatëgok yony pën kyaj tsyëˈëtsy ja tyikts yˈääts.
Tyäˈädë kepy yëˈë xytyukjamyajtsëm extëm jyënany tëëyëp tuˈugë Dios mëduumbë diˈib xyëˈäjt Job. Ojts tpëjtaˈaky extëmë ijxpajtën tuˈugë ujts kepy, waˈan yëˈë tmaytyäˈäganyë oliibës kepy. Jyënany ko oy yajpoˈtëˈëgët, mbäät jatëgok yony. Ets oy myinëdë ambë, mbäät jatëgok jyiitsy ko myinëdë nëë tuu “extëmxyëp apenë yoonëˈëky” (Job 14:7-9). Job tpëjtakyë tyäˈädë ijxpajtën parë dyaˈijxë ko myëbëjkypy ko Dios yajjukypyëkäˈänyëty pën oˈkp (Job 14:13-15).
Ets duˈun extëm tuˈugë kamduumbë yˈixaampy ets jatëgokë kepy jyiitsët, nanduˈunë Jyobaa tsyojkënyëˈajtypy ets jatëgok jyukypyëkët pënaty mëduunëp o mayjyaˈay diˈib të yˈooktë (Matewʉ 22:31, 32; Fwank 5:28, 29; Apostʉlʉty 24:15). Ëtsäjtëm nan ntsojkënyëˈäjtëm ets jatëgok jyukypyëktët. ¡Jantsy jotkujk nnayjawëyäˈänëm ko jyäˈtëdë tyäˈädë tiempë!