Tyäˈädë artikulo yëˈë mbudëkëyanëp ets mä mBiiblyë xypyäädët wiˈix yaˈˈatsoojëmbity tijaty mnayajtëëjëp. Ets pën mtsojkënyëˈajtypy mbäät mëdë Jyobaa tyestiigë xyˈëxpëktë.

1. ¿Pënën Jesukristë?

Jesus kyaj dyuˈunˈäjty extëmë naxwinyëdë jäˈäy. Pes të naty yˈokjukyˈäjtpë tsäjpotm extëmë anklës mä kyamaxuˈunkˈatynyëm yä Naxwiiny (Fwank 8:23). Yëˈë tim jawyiinë Dios ojts yajkojˈyëty. Ta net mëdë Tyeety tyuuny parë dyajkojtääytyë tukëˈëyë tijaty jaˈäjtp. Biiblyë nanduˈun jyënaˈany ko yëˈë Diosë tyuˈukˈUˈunk mët ko naytyuˈugë Jyobaa yajkojë, kyaj pën pyudëjkë. Nanduˈun yajtijy ja “Ayuk” mët ko yëˈë Dios yajkugajpxyˈäjtë (Fwank 1:1-3, 14; käjpxë Proverbios 8:22, 23, 30 etsë Kolosʉ 1:15, 16).

2. ¿Tiko Jesus myiiny yä Naxwiiny?

Parë Jyobaa tkejxyë yˈUˈunk yä Naxwiiny, yëˈë yajtëgäjtsë jyukyˈäjtënë tsäjpotm ets tpëjtaky María jyodoty, tuˈugë kiixy diˈib kyajnëmë naty pën mëët tsyëënë. Päätyë Jesus kyaj tteetyˈajtyë naxwinyëdë jäˈäy (Lukʉs 1:30-35). Tëgëk peky jyaˈˈaty tiko Jesus myiiny: 1) parë tnimaytyakyë Dios tëyˈäjtën mëët, 2) parë tpëjtaky tuˈugë ijxpajtën wiˈix mbäädë Dios nmëduˈunëm ets 3) parë dyajkyë jyukyˈäjtënë wäˈätspë extëmë wintsëˈkën ets ja “nimayjyaˈay nyitsoˈoktët”. (Käjpxë Matewʉ 20:28; Fwank 18:37.)

3. ¿Tiko ntsojkëm ets nyajjuˈuybyëtsëˈëmëm?

Parë tuˈugë jäˈäy yˈawäˈätspëtsëmët mä yˈity pujxndëgoty, yëˈë yajˈyäjkpë meeny sentääbë. Mbäät njënäˈänëm ko niˈamukë nanduˈun ja oˈkën të xytsyuˈumëm. Perë Dios kyaj duˈun ttsejky ko ja jäˈäy ojts dyajkojy. Nnijäˈäjëm ko dyuˈunëty mët ko Jyobaa tˈanmääy ja Adán ko pën pokytyuump o pën kyaj myëmëdoyëty, ta yˈoogët. Pääty koxyëp kyapokytyuuny, ninäˈäxyëp ojts kyaˈooky. Per kom kyaj myëdooy, kuanë ko net ojts yˈoˈknë, oy jyaˈˈakjukyˈajty kanäk mëgoˈpx jëmëjt (Génesis 2:16, 17; 5:5). Päätyë Biiblyë jyënaˈany ko mët yëˈëgyëjxmë Adán “tsyondaky” ja oˈkën yä naxwiiny. Niˈamukë Adángë tyëëm yˈääts nbokytyunäˈänëm, ets kuanë ko nmëjjäˈäyëm ets nˈoˈkëm. Pääty ntsojkëm ets nyajjuˈuybyëtsëˈëm: parë nˈawäˈätspëtsëˈëmëm mä poky ets mä oˈkën. (Käjpxë Romanʉs 5:12 etsë 6:23.)

 4. ¿Tiko Jesus yˈoˈky?

¿Pënë naty mbäät xyjuˈuybyëtsëˈëmëm parë nˈawäˈätspëtsëˈëmëm mä poky ets mä oˈkën? Ko nˈoˈkëm, ta ngumëdoˈojëm ja poky kaytyey. Ets kom niˈamukë pokyjyaˈay nyajpatëm, nipën mbäät tkajuubyëtsemyë myëguˈuk. (Käjpxë Salmo 49:7-9.)

Perë Jesus wäˈäts jäˈäyë naty, pes kyaj tteetyˈajtyë naxwinyëdë jäˈäy diˈib tukninaxëdëbë poky kaytyey. Pääty kyaj tkuˈoˈkë pyoky, yëˈë duˈun parë tkujuuy ja naxwinyëdë jäˈäyë pyoky kyaytyey. Yä nˈijxëm ko Jyobaa mëjwiin kajaa ttsekyë naxwinyëdë jäˈäy, pääty tkejxyë yˈUˈunk parë ojts xykyuˈoˈkëm. Etsë Jesus nan yaˈijxë ko xytsyojkëm, ko tmëmëdooyë Tyeety ets dyajkyë jyukyˈäjtën mët ko nbokyjyaˈayˈäjtëm. (Käjpxë Fwank 3:16 etsë Romanʉs 5:18, 19.)

5. ¿Ti tyamë Jesus tyuumpy?

Jesus ojts dyajmëbäädë päˈäm jäˈäy, ojts dyajpëdeˈegyë oˈkpë ets tpudëjkë pënaty yajnäjxtëp ja ayoon, duˈun dyaˈijxë ti naty tyukmëdunaampy mä tiempë myiny kyëdaˈaky pënaty Dios mëduundëp (Lukʉs 18:35-42; Fwank 5:28, 29). Ko Jesus yˈoˈky, ta Dios yajjukypyëjkë tsäjpotm extëmë anklës (1 Pedro 3:18, Traducción del Nuevo Mundo). Ta net yˈawijxy axtë ko Jyobaa nyikäjpxpajtë Rey o Anaˈambë abëtsemy nyaxwinyëdë (Ebreeʉsʉty 10:12, 13). Mä tyäˈädë tiempë, tamë Jesus yˈaneˈemy tsäjpotm ets pënaty panëjkxëdëp, ta tkäjpxwäˈkxtë abëtsemy nyaxwinyëdë tyäˈädë oybyë ayuk o oybyë maytyaˈaky. (Käjpxë Daniel 7:13, 14 etsë Matewʉ 24:14.)

Tim tsojkë Jesus dyajtunäˈäny ja kyutujkënë parë dyajkutëgoyaˈany niˈamukë axëkjäˈäy etsë ayoˈon jotmay diˈib yajjaˈäjttëp. Miyonkˈamë jäˈäy diˈib myëbëjktëbë Jesus ets myëmëdoodëp, jyukyˈatäˈändë agujk jotkujk mä tyäˈädë Naxwinyëdë, diˈib jëmbitäämp jantsy oy jantsy tsuj. (Käjpxë Salmo 37:9-11.)

Pën mˈaknijawëyaampy, ixë kapitulo 4 mä tyäˈädë liibrë, diˈib yajpëtsëëmdëbë Jyobaa tyestiigëty.

[Letrë diˈib miimp mä dibujë mä pajina 11]

Miyonkˈamë jäˈäy diˈib myëbëjktëbë Jesus ets myëmëdoodëp, jyukyˈatäˈändë agujk jotkujk mä tyäˈädë Naxwinyëdë diˈib jëmbitäämp jantsy tsuj