“Tyäˈädë oybyë ayuk diˈibë nyimaytyakypy ja tsäjpotmëdë kutujkën.” (MATEWɄ 24:14)

MÄ JA diskursë diˈib xyëˈäjt: Sermón del Monte, jamë Jesus ttukniˈˈijxë yˈëxpëjkpëty ja padrenuestro, nuˈkxtakën diˈib miyonkˈamë jäˈäy nyijäˈädëp ets xëmë tkäjpxtë agëbajky. Tuˈugë ëxpëjkpajn jyënaˈany ko yëˈë “tuˈugë nuˈkxtakën diˈib niˈamukë kyäjpxtëp mä Dios awdattë pënaty myëbëjktëbë Jesus”. Mä tyäˈädë nuˈkxtakën, japë Dios yaˈˈanëëmë: “Min mij es myajkutukët”. Per mayë jäˈäy kyaj tnijawëdë tidën yˈandijpyë tyäˈädë Anaˈamën ets ti tyunaampy ko myinët (Matewʉ 6:9, 10).

Tyäˈädë kyaj mbäät wiink nmëdoˈojëm, pes pënaty nyiwintsënˈäjttëbë relijyonk kyaj tkäjpxtëˈkxtë tidën yˈandijpy ja Anaˈamën ets jantsy tsip tnimaytyäˈäktë, ets kyaj nyayjaygyukëdë. Extëm nˈokpëjtakëm, niduˈuk jyënaˈany ko Diosë yˈAnaˈamën “kyaj yä yajpääty [...], yëˈë mä tuˈukmujkënë yˈity mëdë Dios [...], naybyäädë mëdë Dios ets mët yëˈëgyëjxm tpäättë nitsokënë yetyëjk etsë toxytyëjk”. Wiinkpë jyënaˈany ko “yëˈë tijaty tukniˈˈijxëdëp mä Tsäjptëjk”. Tuˈugë Enciclopedia Católica jyënaˈany: “Diosë yˈanaˈamën yëˈë yˈandijpy [...] ko yˈaneˈemyë Dios mä jot korasoon”.

Per mä tyäˈädë rebistë pajina 2 jantsy wingëjxy tnimaytyaˈaky, jap jyënaˈany: “Diosë yˈAnaˈamën, tuˈugë gobiernë diˈib yajpatp tsäjpotm, tim tsojk dyajjëjptëgoyaˈanyë axëkˈäjtën ets dyajjëmbitäˈänyë Naxwinyëdë jantsy tsuj”. Min nˈokˈijxëm wiˈixë Biiblyë xypyudëjkëm parë njaygyujkëm.

¿Pënaty anaˈamandëp?

Mä tuˈugë anaˈamën tam pën tuump rey. Diˈib Reyˈäjtp mä Diosë yˈAnaˈamën, yëˈë Jesukristë, diˈib jukypyëjk ets pyatëjkë tsäjpotm. Ja kugajpxy Daniel ojts yajtukˈixy kumäˈäyoty wiˈixë Jesus ojts tˈaxäjë ja kutujkën. Yëˈë tkujäˈäyë: “Tajëts koots ngumääy ets ¡nˈijxyëts!, myiny yootsoty extëm tuˈugë naxwinyëdë jäˈäyë yˈuˈunk [Jesus]; ets tyëjkë mä ja Mëjjäˈäy diˈib kanäk Xëë [Jyobaa Dios] ets yajtukwinguwoˈojë wingon mä Yëˈë. Ets yëˈë yajmooy ja anaˈamdakn etsë mëjˈäjtën etsë kutujkën parë myëdunëdët tukëˈëyë ja nax käjpn, nasionk etsë jäˈäy diˈib kyajpxypy oytyim diˈibëtyë ayuk. Yëˈë yˈanaˈamën, yëˈë tuˈugë anaˈamën diˈib itäämp winë xëë winë tiempë diˈib kyaj nyaxäˈäny, etsë yˈanaˈamën kyaj kyutëgoyaˈany” (Daniel 7:13, 14).

Tadë liibrë diˈib xyëˈäjtypy Daniel nanduˈun jyënaˈany ko tyäˈädë Anaˈamën, yëˈë Dios yajnaxkëdäˈägaampy ets yëˈë yajkutëgoyaambyë naxwinyëdë  jäˈäyë yˈanaˈamën ets ko ninäˈä pën kyamëmadäˈägäˈänyëty. Mä kapitulo 2 tmaytyaˈaky wiˈix kyumääy ja rey diˈib Babilonia, tˈijxy tuˈugë mëj awinax diˈib nikajp ja anaˈamdakn diˈibaty wäˈkpëtsëmandëp abëtsemy nyaxwinyëdë. Ja kugajpxy Daniel tnimaytyaky ja kumäˈäy ko “mä ja xëë tiempë kyugëjxënë”, “Dios diˈib tsäjpotm dyajnaxkëdäˈägäˈäny tuˈugë anaˈamënë diˈib ninäˈä kyakutëgoyaˈany. Etsë tadë anaˈamënë kyaj yajmoˈoyaˈanyë wiink jäˈäy. Dyajjëmbitäˈäny puˈxm ets dyajjëjpkëxäˈäny tukëˈëyë anaˈamën, ets yëˈëyë jeˈeyë itäämp winë xëë winë tiempë” (Daniel 2:28, 44).

Perë Jesus kyaj yˈanaˈamäˈäny naytyuˈuk. Ko yˈijty yä Naxwiiny, ojts tˈanëëmë ja yˈëxpëjkpëty ko jukypyëkandëp ets nyëjkxäˈändë tsäjpotm ets yˈuˈunyëyäˈändë mä “ja unyaaytyakn” (Lucas 22:28-30, Traducción del Nuevo Mundo). Jesus kyaj naty yëˈë tjantsy myaytyaˈagyë unyaaytyakn, pes ja Anaˈamën yˈitäˈäny tsäjpotm. Biiblyë jyënaˈany ko ja diˈib anaˈamandëp mëdë Jesus tsyoondë “mä maygyäjpn, mä [...] may ayuk käjxpëty, es mä may nyaxwinyëdë” parë “yajkutuktët naxwiiny” ets tmëdundëdë Dios extëmë saserdotë (Diˈibʉ Jatanʉp o Apocalipsis 5:9, 10).

¿Tiko yˈoyëtyë tyäˈädë oybyë ayuk?

Extëm të nˈijxëm, Biiblyë jyënaˈany ko Jesus yëˈë yajmooy ja madakën parë tˈanaˈamët “tukëˈëyë ja nax käjpn, nasionk etsë jäˈäy diˈib kyajpxypy oytyim diˈibëtyë ayuk”. Nanduˈun tnigajpxy ko pënaty mëët yˈanaˈamäˈändë “yajkutuk[äˈändë] naxwiiny”. Per ¿pënaty yˈanaˈamaampy? Yëˈë diˈib yˈaxäjëdëp ja oybyë ayuk diˈib tyam yajkäjpxwäˈkxp. Nanduˈun ja oˈkpë diˈib jukypyëkandëp parë tsyëënëyäˈändë yä Naxwiiny. Niˈamukë tyäˈädë jäˈäyëty, mbäät nëjkx jyukyˈattë winë xëë winë tiempë.

Biiblyë nyigajpxypy ja kunuˈkxënë diˈib yajminaambyë Diosë yˈAnaˈamën parë naxwinyëdë jäˈäy. Tyä yajnigajpxy:

“[Dios] yajjëjptëgoyaambyë tsip abëtsemy nyaxwinyëdë, tyëjwaˈkxypyë arkë ets pedasë pedasë ttuktëjë lansë; dyajnitoyë karruaje.” (Salmo 46:9.)

“Tkojäˈändë jëën tëjk, ets dyajtunäˈändë; ets [...] tniˈibäˈän tkojäˈändë uubës ets tjëˈxäˈändë tyëëm. Kyaj tyëjkkojäˈändë etsë wiinkpë ttuktsëënët; kyaj nyiˈibäˈän kyojäˈändë etsë wiinkpë tjëˈxët.” (Isaías 65:21, 22.)

“Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk adoˈonën, jaˈa ko tëgekyë diˈibë të yˈity, të jaˈa nyaxy kyexy.” (Diˈibʉ Jatanʉp 21:3, 4.)

“Mä tadë tiempë ja wiints yˈijxpëkäˈäny ets ja nat yˈawäˈätsäˈänyë tyatsk. Tadë tekymyäˈät kyëxpatäˈäny mumaty extëmë jatsyuˈu, etsë uum kyäjpxëˈëgäˈäny mëdë xondakën.” (Isaías 35:5, 6.)

“Jäˈtäämp ja tiempë mä ja oˈkpëty diˈibë të nyaxtëkëdë myëdowëp kots ëj [Jesus] ngäjxët, es diˈibë oy të jyikyˈaty yä naxwiiny, yëˈë jikypyëkëp es nyëjxtët mä ja jikyˈäjtën winë xëë winë tiempë.” (Fwank 5:28, 29.)

“Diˈib yujy tudaˈaky yëˈë jyaˈˈatandëbë naxwinyëdë, ets tjantsy tyukjotkujkˈatäˈändë mëjwiin kajaa ja tuˈugyëˈäjtën diˈib jaˈˈatäämp.” (Salmos 37:11.)

¡Jantsy oy yajnimaytyaˈagyë tyäˈädë Anaˈamën! Per diˈib mas oy, yëˈë ko ta yˈadëëdäˈäy diˈib ojts yajnaskäjpxë mä Biiblyë diˈib xytyuknijäˈäjëm ko waanë tiempë yˈakweˈemy parë tyäˈädë Anaˈamën tyëkët tuumbë yä Naxwiiny.