¿Tijatyëts mbäät nduny kojëts ti nnayajtëwëdët diˈibëts të ngajpxy mä Biiblyë o kojëts ntsokëdë naybyudëkë mä tuˈugë jotmay?

Mä Proverbios 2:1-5 xyˈanmäˈäyëm ets nˈëxtäˈäyëm mëktaˈaky ja ëxpëjkën ets nmëwinmäˈänybyatëm tijaty, duˈunxyëp extëm mëktaˈaky nbadäjëm “tijaty ijtp yuˈutsy diˈib tsobatp”. Tyäˈädë yëˈë yˈandijpy ko nduˈunëmë mëjää parë nbayoˈoyëm wiˈixë Biiblyë tˈatsoojëmbity diˈib të nnayajtëˈëjëm o wiˈix mbäät nyaˈoˈoyëm tuˈugë jotmay. ¿Wiˈix mbäät nduˈunëm?

Mä liibrë Benefíciese de la Escuela del Ministerio Teocrático, pajina 33 axtë 38 mä jyënaˈany: “La investigación eficaz”, jap tnimaytyaˈaky wiˈix mbäät nyajtuˈunëmë ëxpëjkpajn diˈib yajkypyë tuumbë diˈib kuwijy (Mat. 24:45). Mä pajina 36 tnimaytyaˈaky wiˈix mbäät yajxon nyajtuˈunëmë Índice de las publicaciones Watch Tower, mä myinyë ayuk diˈib nnijawëyäˈänëm ets mä myinyë tekstë. Mä tyäˈädë Índice jap myiny mä diˈibë ëxpëjkpajn yajnimaytyaˈaky ja ayuk o bersikulo diˈib nijawëyäˈänëm. Mmëdatë maˈkxtujkën ko xyˈëxtäˈäyët wiˈix yaˈˈatsoojëmbity diˈib të mnayajtëyëty o ja käjpxwijën diˈib mˈëxtaapy mä ja mjotmay. Jamyats ko tsojkëp xytyunëdë mëjää ets xyjuudëdë tiempë parë xypyäädët “tijaty ijtp yuˈutsy diˈib tsobatp”.

Mäjatyë ëxpëjkpajn kyaj yajnimaytyaktäˈäy bersikulo o tijaty nnayajtëˈëwëm. Axtë ko yajnimaytyaˈaky tuˈugë tekstë, mbäät kyaj yajnigajpxy ti njanijawëyäˈänëm. Ets näˈäty mbäät ti nnayajtëˈëjëm mët ko Biiblyë kyaj tnimaytyaktäˈäy, pääty kyaj nbatëm wiˈix yaˈˈatsoojëmbity. Ko duˈun njäjtëm, oy ko kyaj nwinmäˈäygyojëm wiˈix yaˈˈatsoojëmbitäˈäny diˈib tyam kyaj yajnijawë. Kyaj xypyudëjkëm diˈib “jeˈeyë dyajtëgoy ja tiempë es kyaj xytyuˈunxëm nimatsoo, es ni xykyapudëjkëm es nguytyuˈunëm mët ja mëbëjkën diˈibë ja Dios të xytyuknipëjkëm” (1 Tim. 1:4; 2 Tim. 2:23; Titʉ 3:9). Ni mä kyopkë Jyobaa tyestiigëty ets ni Betel tkatuunkˈattë parë tˈijxtäˈäyët tijaty nnayajtëˈëwëm o tˈatsoojëmbijtäˈäyët diˈib kyajnëm myiny mä ëxpëjkpajn. Mbäät yëˈëyë ndukjotkujkˈäjtëm ko Diosë yˈAyuk xytyuˈumoˈoyëm wiˈix mbäät njukyˈäjtëm. Ko näˈätyë Biiblyë kyaj tijaty tnigajpxy, yëˈë xypyudëjkëm parë nyaˈijxëm mëk ja mëbëjkën mä Dios diˈib yajjääyë Biiblyë (ixë pajina 185 axtë 187 mä liibrë Acerquémonos a Jehová).

Pën të xyˈëxtääytyaˈay mäjatyë ëxpëjkpajn ets kyaj xypyaaty mä yaˈˈatsoojëmbity, ¿tijaty mbäät xytyuny? Mbäät xyajtëy tuˈugë mëjjäˈäy o tuˈugë Dios mëduumbë diˈib nyijäˈäp kajaa Diosë tyëyˈäjtën. Yëˈëjëty nyijäˈädëp mëjwiin kajaa ja ëxpëjkën diˈib miimp mä Biiblyë ets jeky kujk Dios mëdundë. Mbäät tsuj yajxon mbudëkëty pën mmëdäjtypy tuˈugë jotmay o pën kyaj xynyijawë ti mdunëp, pes nyijäˈädëp yajxon wiˈix myaˈixy myajpääty. Nan oy ko xëmë xyˈanëëmëdë Jyobaa ti mjotmaytyuunëp, amdowë myëjää, pes yëˈë yajkypyë “wijyˈäjtën” parë “nmëwinmäˈänybyatëm tijaty” (Pro. 2:6; Luk. 11:13).