¿Myajtëˈkxy myajjajpyë Jyobaa myëjˈäjtën?
“Dëˈën ëtsäjtëm extëm ja ijxnë wäˈätspë diˈibë nyijajpy yajxon ja myëjˈäjtënë Nintsënˈäjtëm [Jyobaa].” (2 KOR. 3:18)
¿WIˈIX MˈATSOOJËMBITÄˈÄNY?
¿Tiko mbäädë Jyobaa nyajmëjpëtsëˈëmëm oy nyajpatëm pokyjyaˈay?
¿Wiˈix xypyudëjkëmë nuˈkxtakën etsë naymyujkën parë nyajtëˈkx nyajjäjëmë Diosë myëjˈäjtën?
¿Ti mbäät xypyudëjkëm parë xëmë nyajmëjpëtsëˈëmëmë Jyobaa?
1, 2. ¿Tiko mbäädë naxwinyëdë jäˈäy dyajtëˈkx dyajjäjtë Jyobaa myëjˈäjtën?
NIˈAMUKË näjxëmë tääk teety oy naa wanaty. Waˈan të xymyëdoy ko tuˈugë mixyuˈunk yaˈˈanëëmë: “¡Duˈun meerë mˈixëty extëmë mdeety!”. O ko yaˈˈanëëmë tuˈugë kixyuˈunk: “Mijts yëˈëtsë mdääk xytyimtukjamyajtsp”. Uˈunk ënäˈk nan yëˈë tyuundëp tijaty yˈijxtëp ttundë tyääk tyeety. Ets ëtsäjtëm, ¿mbäät niˈˈijxtutëmë nDeetyˈäjtëmë tsäjpotmëdë? Jyobaa kyaj mbäät nˈijxëm, per mbäät nnijäˈäjëm wiˈix jyaˈayˈaty ko nˈijxëmë kyojy pyëjtaˈaky ets ko nˈëxpëjkëmë yˈAyuk ets nbawinmäˈäyëm, extëm ko ngäjpxëm tijatyë Jesus tukniˈˈijxë ets tyuun (Fwank 1:18; Rom. 1:20). Tyäˈädë yëˈë xytyukˈijxëm ko mbäät nyajtëˈkx nyajjäjëmë Jyobaa myëjˈäjtën.
2 Mä Jyobaa tkayajkojynyëmë Adán mëdë Eva, nyijäˈäbë nety ko mbäät ttundë ti yëˈë tsyejpy, mbäät jyaˈayˈattë extëm yëˈë jyaˈayˈaty ets mbäät yajmëjpëtsëmëdë (käjpxë Génesis 1:26, 27, Mʉgoxpʉ ja̱ noky mʉdiˈibʉ jyaayʉn Moisés [MNM]). * Ko njäˈäyˈäjtëm extëmë Jyobaa jyaˈayˈaty, ta nyajtëˈkx nyajjäjëmë myëjˈäjtën diˈib kyaj oynyapënëty mbäät duˈun ttuny. Ets mbäät duˈun nduˈunëm, oy mä ntsoˈonëm, oy ti koloor nˈixyˈäjtëm ets oy wiˈixëm ja ëxpëjkënë nmëdäjtëm. ¿Tiko? Yëˈko “Dios nidëgekyë jäˈäy ttsojktäˈäy, es tkupëjktäˈäy oytyim pën jäˈäyëty diˈibë wintsëˈkëdëp es tmëduny” (Apos. 10:34, 35).
3. ¿Wiˈix nnayjäˈäwëm ko nmëduˈunëmë Jyobaa?
3 Pënaty nëjkxandëp tsäjpotm yajtëˈkx yajjäjtëbë Jyobaa 2 Kor. 3:18). Ko Moisés tmëjënajky ja Mäjkpë Mandamientë mä ja Sinaí gopk, tëˈkx jäjpë nety ja wyiin jyëjp mët ko myaytyaky mëdë Jyobaa (Éxo. 34:29, 30). Ëtsäjtëm, kyaj të nmaytyakëm mëdë Jyobaa ets kyaj tyëˈkxyë nwiinˈäjt njëjpˈäjtëm. Per mbäädë jäˈäy tˈixtë ja xondakën diˈib nmëdäjtëm ko nimaytyakëm wiˈix jyaˈayˈaty Jyobaa ets ti tyuknibëjtakëp parë naxwinyëdë jäˈäy. Oy nëjkxäˈänëm tsäjpotm o nwëˈëmäˈänëm yä Naxwiiny, nyajtëˈkx nyajjäjëmë Diosë myëjˈäjtën extëm tuˈugë ijxn, duˈun mä jukyˈäjtën ets mä nmëduˈunëm (2 Kor. 4:1). Pääty, niduˈuk niduˈuk mbäät nnayajtëˈëwëm: “¿Nyajtëˈkxy nyajjajpyëtsë Jyobaa myëjˈäjtën mätsë njukyˈäjtën ets kots xëmë nëjkxy ëwäˈkx käjpxwäˈkxpë?”.
myëjˈäjtën. Niduˈuk, yëˈë apostëlë Pablo diˈib kyujäˈäyë: “Diˈibaty nmëduˈunëm ja Jesukristë, kyaj nwinguwëënˈäjtëm, ni ngamëdäjtëm ja jot winmäˈäny kubiˈits kuˈook, dëˈën ëtsäjtëm extëm ja ijxnë wäˈätspë diˈibë nyijajpy yajxon ja myëjˈäjtënë Nintsënˈäjtëm [Jyobaa]” (NYAJTËˈKXÄˈÄN NYAJJÄJÄˈÄNËMË JYOBAA MYËJˈÄJTËN
4, 5. 1) ¿Ti jotmay nmëdäjtëm niˈamukë extëmë Pablo? 2) ¿Wiˈix xyˈaxëktuˈunëmë poky kaytyey diˈib nmëdäjtëm?
4 Niˈamukë Dios mëduumbë, nyajmëjpëtsëmäˈänëmë Jyobaa mët tukëˈëyë tijaty nduˈunëm. Per kyaj nmadakëm mët ko xëmë ndëgoˈoyëm. Apostëlë Pablo ojtsë duˈumbë jotmay tmëdaty (käjpxë Romanʉs 7:21-25). Yëˈë ojts tnigajpxy tiko niˈamukë ntsiptuˈunëm mëdë axëëkpë tsojkën diˈib xyajtëgoyäˈänëm, jyënany: “Mët ko nidëgekyë të pyekytyundë es dëˈën të tmëjagamgaˈaktë ja Dios” (Rom. 3:23). Mët ko Adán pyokytyuuny, ta niˈamukë jäˈäy yˈanaˈamëdë poky kaytyey ets tyëytyunëdë (Rom. 5:12; 6:12).
5 Per ¿tidën pokyˈäjtp? Yëˈë diˈib kyaj tyuˈugyë mëdë Jyobaa tsyojkën, yˈanaˈamën etsë jyaˈayˈäjtën. Yëˈë poky yajmäˈtypyë naymyayë mëdë Dios ets jyëjpkuwäˈkëp parë kyaj nyajtëˈkx nyajjäjëmë Jyobaa myëjˈäjtën. Mbäät tsojkëngyëjxm nbokytyuˈunëm o mbäät kyaj, duˈun njäjtëm extëm tuˈugë jäˈäy diˈibë arko tyuktiˈpxypy ko tkamoˈoy mä tjatseky (Núm. 15:27-31). Poky kaytyey myëdäjtypy mëkë mëjää mä ëtsäjtëm ets pääty jagam nyajpatëm mä Jyobaa (Sal. 51:5; Isa. 59:2; Kol. 1:21). Mayë jäˈäy jagam yajpäättë mä Jyobaa, pääty kyaj mbäät dyajtëˈkx dyajjäjtë Jyobaa myëjˈäjtën. Extëm nˈijxëm, nitii duˈunë naxwinyëdë jäˈäy kyaˈˈaxëktunyëty extëmë poky.
6. ¿Tiko mbäädë Dios nyajmëjpëtsëˈëmëm oy nbokyjyaˈayˈäjtëm?
6 Oy niˈamukë pokyjyaˈay nyajpatëm, Jyobaa “xymyoˈoyëm ja awijxën” (Rom. 15:13). Ojts tkexyë Jesus parë xyjuˈuybyëtsëˈëmëm mä nety xytyuumbëˈäjtëmë poky kaytyey. Ko nmëdäjtëmë mëbëjkën mä tyäˈädë wintsëˈkën, ta “kyaj ja pojpë [o poky] nnakymyëduˈunëm” ets mbäädë net nyajtëˈkx nyajjäjëmë Diosë myëjˈäjtën (Rom. 5:19; 6:6; Fwank 3:16). Pën oy nˈijtëm mëdë Dios, seguurë ko xykyupëjkëm tyam, ets mä tiempë myiny kyëdaˈaky xyajjëmbitäˈänëm wäˈäts jäˈäy ets xymyoˈoyäˈänëm ja jukyˈäjtënë winë xëëbë. Pääty, oy tyam pokyjyaˈay nyajpatëm mbäät nyajtëˈkx nyajjäjëmë Diosë myëjˈäjtën. ¿Këdii mëjwiin kajaa tyäˈädë yˈoyëty?
¿WIˈIX MBÄÄT NYAJTËˈKX NYAJJÄJËMË DIOSË MYËJˈÄJTËN?
7. ¿Ti tsojkëp nˈëxkäjpëm pën nyajtëˈkxäˈän nyajjäjäˈänëmë Diosë myëjˈäjtën?
7 Parë niduˈuk niduˈuk nyajtëˈkx nyajjäjëmë Diosë myëjˈäjtën, tsojkëp nbëjkëmë kuentë tijaty xyajpokytyunäˈänëm (2 Cró. 6:36). Ets ko nety të nˈijxëm, ta net nduˈunëmë mëjää parë kyaj xymyëmadakëm diˈib xyajpokytyunäˈänëm, duˈuntsoo mbäät nyajtëˈkx nyajjäjëmë Diosë myëjˈäjtën. Extëm nˈokpëjtakëm, ¿ti mbäät nduˈunëm pën yëˈë xyajtëgoˈoyëm ko xëmë nˈijxëmë pornografía? Nˈëxkäjpëm ko ntsojkëmë Diosë nyaybyudëkë ets ta net nˈëxtäˈäyëm (Sant. 5:). Yëˈë diˈib tim jawyiin mbäät nduˈunëm parë Dios nyajmëjpëtsëˈëmëm. Pääty, tsojkëp xëmë këˈëm nnayˈijxëm pën nbaduˈunëm yajxon ja Diosë yˈanaˈamën ( 14, 15Pro. 28:18; 1 Kor. 10:12). Pën nyajtëˈkxäˈän nyajjäjäˈänëmë Diosë myëjˈäjtën, tsojkëp xëmë njëjpkudijëm oytyim tiijëty diˈib xyajtëgoyäˈänëm.
8. ¿Ti tsojkëp nduˈunëm oy ngawäˈätsjäˈäyˈäjtëm?
8 Tuˈugë jäˈäy diˈibë Dios xëmë tukjotkëdakë, yëˈë Jesukristë ets ojts dyajtëˈkxy dyajjäjˈyë Diosë myëjˈäjtën. Oy ëtsäjtëm ngawäˈätsjäˈäyˈäjtëm, tsojkëp nduˈunëmë mëjää parë nbanëjkxëmë yˈijxpajtën pes mbäät duˈun nduˈunëm (1 Peed. 2:21). Jyobaa kyuentë pëjtakypy ko nyaˈoˈoyëmë jäˈäyˈäjtën ets nan xykyunuˈkxëm ko nduˈunëmë mëjää parë nyajmëjpëtsëˈëmëm.
9. ¿Wiˈix mbäädë Biiblyë xypyudëjkëm parë nyajtëˈkx nyajjäjëmë Diosë myëjˈäjtën?
9 Biiblyë xykyudëˈkx xykyujäjëm ets xypyudëjkëm parë nnayaˈoˈoyëm. Pääty jyëjpˈamëty ngäjpxëm, nbawinmäˈäyëm ets këkpäät nˈëxpëjkëm (Sal. 1:1-3). Pën ngäjpxëm jabom jabom, nëjkxëp kanäk peky xyaˈoˈoyëm (käjpxë Santya̱ˈa̱gʉ 1:22-25). Ko mas niˈigyë nnijäˈäjëmë Biiblyë, ta niˈigyë kyëktëkë mëbëjkën. Nan xypyudëjkëm parë njëjpkudijëmë poky diˈib mëjwiin kajaa, ets duˈun xytyukjotkëdakëmë Jyobaa (Sal. 119:11, 47 48).
10. ¿Wiˈix xypyudëjkëmë nuˈkxtakën parë yajxon nmëduˈunëmë Jyobaa?
10 Parë nyajtëˈkx nyajjäjëmë Diosë myëjˈäjtën nan tsojkëp nbanëjkxëmë tyäˈädë käjpxwijën: “Kyaj xymyastuˈuttët ja mgäjxtakën [o mnuˈkxtakën]” (Rom. 12:12). Pääty, tsojkëp ets nˈamdoˈojëmë Jyobaa nyaybyudëkë parë nmëduˈunëm extëm yëˈë ttseky. Oy ko nˈamdoˈojëmë myëjää parë njëjpkudijëm tijaty xyajtëgoyäˈänëm, parë dyajkëktëkëdë mëbëjkën, parë xymyoˈoyëmë wijyˈäjtën ets yajxon nyajtuˈunëm “ja ayuk tëyˈäjtënbë” (2 Tim. 2:15; Mat. 6:13; Luk. 11:13; 17:5). Tsojkëp ndukˈijxpajtëmë Jyobaa extëm tuˈugë mixyuˈunk ttukˈijxpetyë tyeety. Nˈokˈijtëm seguurë ko xypyudëkëyäˈänëm ko nˈamdoˈojëmë naybyudëkë parë yajxon nmëduˈunëm. Ninäˈä mbäät ngawinmäˈäyëm ko nˈatsijpëmë Jyobaa ko nmënuˈkxtakëm. Mbäät nmëgäjpxëm näˈä ndimtsojkëm parë nmëjkumäˈäyëm, nmoˈoyëmë dyoskujuyëm ets nˈanmäˈäyëm parë xytyuˈumoˈoyëm ko nwinguwäˈkëmë amay jotmay. Nan mbäät nˈanmäˈäyëm parë xypyudëjkëm ets nyajmëjpëtsëˈëmëmë xyëë ko nmëduˈunëm (Sal. 86:12; Sant. 1:5-7).
11. ¿Wiˈix xypyudëjkëmë naymyujkën parë nyajtëˈkx nyajjäjëmë Diosë myëjˈäjtën?
11 Dios yëˈë të ttuknipekyë tuumbë diˈib kuwijy parë yajkuentˈatëdë byorreegë (Mat. 24:45-47; Sal. 100:3). Tyäˈädë tuumbë diˈib kuwijy, tsyejpy ets nyajtëˈkx nyajjäjëmë Jyobaa myëjˈäjtën. Ko nëjkxëm mä naymyujkën, mbäät dyaˈoyë jäˈäyˈäjtën, duˈun extëm tuˈugë jäˈäy diˈib xuupy mbäät dyaˈoyë nwitˈäjtëm (Ebre. 10:24, 25). Pääty jyëjpˈamëty tsojk njäjtëm mä naymyujkën. Pën nmëdäjtëmë kostumbrë ets ok njäjtëm, kyaj nëjkx kaˈpxy nˈaxäjëm ja naybyudëkë diˈib jap yajˈyäjkp parë yajxon nmëduˈunëmë Jyobaa.
NˈOKNIˈˈIJXTUTËMË DIOS
12. ¿Wiˈix mbäät niˈˈijxtutëmë Dios?
12 Parë nyaˈijxëmë Jyobaa myëjˈäjtën, tsojkëp niˈˈijxtutëm extëm yëˈë jyaˈayˈaty (Éfe. 5:1). Tuk peky wiˈix mbäät nduˈunëm, yëˈë ko nwinmäˈäyëm extëm yëˈë wyinmay. Pën nduˈunëm tijaty këˈëm winmäˈäny ets kyaj extëmë Dios wyinmay, ta axëëk nyajwëˈëmëmë Dios ets nan mbäät nnayˈaxëktuˈunëm. Tyam njukyˈäjtëm mä Satanás yˈaneˈemy, pääty jëjpˈam ets mëk nˈaxëkˈijxëm tijaty Jyobaa yˈaxëkˈijxypy ets ntsojkëm tijaty yëˈë tsyejpy (Sal. 97:10; 1 Fwank 5:19). Tsojkëp nyaˈijtëm winmäˈänyoty ko pën nmëdunäˈänëm yajxonë Dios, jëjpˈam ets nduˈunëm tijaty yëˈë yajmëjpëtsëmëdëp (käjpxë 1 Korintʉ 10:31).
13. ¿Tiko mbäät nˈaxëkˈijxëmë poky kaytyey, ets ti mbäät nduˈunëm?
Deu. 13:6-9). Pääty, nˈokjëjpkudijëmë apostatas ets pënaty axëëk yajwëˈëmdëbë Dios, oy jyanayajnaxëdë Dios mëduumbë ets oy njajiikyˈäjt njamëguˈukˈäjtëm (1 Kor. 5:11). Nan kyaj ti nganaräjtëm ko njatukˈixäˈänëmë apostatas o pënaty kyäjpxpattëbë Diosë kyäjpn, ko kyaj tyëyˈäjtënëty extëm jyënäˈändë. Nan kyaj yˈoyëty ko nnijawëyäˈänëm tijaty kyujäˈäyëdëp mä liibrë, rebistë o mä Internet, pes mbäät xyajmäˈtëm ets kyaj oy nekyˈijtëm mëdë Dios (käjpxë Isaías 5:20 * etsë Matewʉ 7:6).
13 Tsojkëp nˈaxëkˈijxëmë poky kaytyey mët ko Jyobaa tˈaxëkˈixy. Pën nˈaxëkˈijxëmë poky, ta jagam naybyëjtakëm mä oytyim tiijëty diˈib mbäät xyajpokytyuˈunëm. Extëm nˈokpëjtakëm, tsojkëp jagam nnayaˈijtëm mä apostatas, jäˈäy diˈib atsip aˈˈakë të ttukpëtsëëmduˈutyë Diosë kyäjpn. Pes ko duˈun ngatuˈunëm, ta kyaj nëjkx nyajmëjpëtsëˈëmëmë Dios (14. ¿Diˈibë Jyobaa jyaˈayˈäjtën mbäät niˈˈijxtutëm, ets tiko?
14 Ja tuk peky wiˈix mbäät niˈˈijxtutëmë Jyobaa, ja ko nyaˈijxëmë tsojkën (1 Fwank 4:16-19). Ko nnaytsyojkëm nixim niyam, yëˈë yajtukˈëxkäjpëm ko yëˈë xyˈëxpëjkpëˈäjtëmë Jesus ets ko yëˈë nmëduˈunëmë Jyobaa (Fwank 13:34, 35). Mët ko nbokyjyaˈayˈäjtëm, mbäät näˈäty tsyiptaˈaky nyaˈijxëmë tsojkën, per jëjpˈam ets nduˈunëmë mëjää parë nmëdäjtëmë tsojkën. Pën nmëdäjtëmë oybyë jäˈäyˈäjtën extëmë tsojkën, yëˈë nëjkx xypyudëjkëm parë ninäˈä ngapokytyuˈunëm ets parë kyaj nduˈunëm tijatyë nmëguˈukˈäjtëm axëëk yajnayjawëdëp (2 Peed. 1:5-7).
15. Pën nmëdäjtëmë tsojkën, ¿wiˈix mbäät njäˈäyˈäjtëm?
15 Tsojkën yëˈë xypyudëjkëm parë nmëguˈukˈäjtëm ndukmëduˈunëmë oyˈäjtën (Rom. 13:8-10). Pën ntsojkëmë ja jamyëët, ninäˈä nëjkx ngamëdëgoˈoyëm. Pën ntsojkëmë mëjjäˈäytyëjk diˈib mä naymyujkën ets nwintsëˈkëm ja tuunk diˈib nyikëjxmˈäjttëp, ta nmëmëdoˈojëm ets ngajpxykyupëjkëm. Pënë ënäˈktëjk, tsyojktëbë tyääk tyeety, ta twintsëˈëgëdët ets tmëmëdowdët ets kyaj axëëk tnimaytyäˈäktët. Pën ntsojkëmë jäˈäy, ta nwintsëˈkëmë ets kyaj mëj këjxm nnayajnäjxëm (Sant. 3:9). Etsë pënë mëjjäˈäytyëjk tsyojktëbë Diosë byorreegë, ta tkuentˈattët tsuj yajxon (Apos. 20:28, 29).
16. ¿Nuˈun jyëjpˈamëty ets nyaˈijxëmë tsojkën mä Diosë tyuunk?
16 Jëjpˈam nanduˈun nyaˈijxëmë tsojkënë mä Diosë tyuunk. Ko mëk ntsojkëmë Jyobaa, ta xëmë ngäjpxwäˈkxëmë oybyë ayuk ets kyaj nˈëxtëkëwäˈkëm oyë jäˈäy tkamëdowäˈändë. Nan nëjkxëp nˈëxpëjkëm kontiempë wiˈixë jäˈäy nmëtmaytyäˈägäˈänëm ets nduˈunëmë mëjää parë mas oyë Diosë tyuunk nduˈunëm. Pën njantsy tsyojkëmë Dios etsë nmëguˈukˈäjtëm, ta ninäˈä ngamëkjäˈäwëmë tyäˈädë tuunk, niˈigyë njantsy myëjjäˈäwëm ets ndukxondakëm (Mat. 10:7).
NˈOKˈYAJMËJPËTSËˈËMËM XËMË JYOBAA
17. ¿Wiˈix xypyudëjkëm ko nnijäˈäjëmë poky kaytyey tjëjpkuwäˈägë parë kyaj nyajtëˈkx nyajjäjëmë Diosë myëjˈäjtën?
17 Ëtsäjtëm njaygyujkëm ko mëjwiin kajaa poky kaytyey nmëdäjtëm, kyaj nduˈunˈäjtëm extëmë naxwinyëdë jäˈäy. Pääty njënäˈänëm ko parë nyajtëˈkx nyajjäjëmë Diosë myëjˈäjtën, tsojkëp nduˈunëmë mëjää parë njëjpkuwäˈkëm tijaty xyajtëgoyäˈänëm. Ko nˈëxkäjpëm tijaty xyajtëgoyäˈänëm, mbäät xypyudëjkëm parë nduˈumoˈoyëm yajxonë jot winmäˈäny ets netyë nduˈunëm diˈib oy ko xytyuktëjkëmë axëëkpë tsojkën (Rom. 7:22, 23). Ets oy amääy amutsk nyajpatëm, Dios yëˈë xymyëjämoˈoyäˈänëm parë xëmë nmëmëdoˈojëm (2 Kor. 4:7).
18, 19. 1) ¿Wiˈix mbäät nmëmadakëmë Satanás mëdë kaˈoybyëtëjk? 2) ¿Ti net ndunäˈänëm?
18 Ja tuk peky diˈib mbäät nduˈunëm parë nyajmëjpëtsëˈëmëmë Jyobaa, yëˈë njëjpkuwäˈkëmë Satanás mëdë kaˈoybyëtëjk ko nnayxyojxëm “mët ja pujxn [...] wit” diˈibë Dios yajkypy (Éfe. 6:11-13). Satanás mëktaˈaky tjaˈabëkäˈäny ja mëjˈäjtënë diˈibë Dios jyaˈäjtypy. Tiiyëm yajtuumpy parë xyajtëgoyäˈänëm ets kyaj oy nˈijtëm mëdë Jyobaa. Pääty ko miyonkˈamë pokyjyaˈay, duˈunë yetyëjk, toxytyëjk etsë ënäˈkuˈunk tmëmëdowdë xëmë Dios ets dyajmëjpëtsëmdë, ta Satanás tukxiˈiky wyeˈemy. Nˈokˈyajmëjpëtsëˈëmëm xëmë Jyobaa extëm ttundë pënaty yajpattëp tsäjpotm, diˈib jënandëp: “Nintsënˈäjtëm Dios, mijtsë dëˈën mbatëp es xyˈaxäjët ja mëjˈäjtën, wintsëˈkën esë mëkˈäjtën, mët ko mijtsë dëˈën të xyajkojtäˈäy tëgekyë diˈibë ijtp, es mgëˈëmtsojkëngyëjxm mij xyaˈity es xyajkojy” (Diˈibʉ Jat. 4:11).
19 Nˈokpëjtakëmë winmäˈäny parë xëmë nyajmëjpëtsëˈëmëmë Jyobaa oy ti myin kyëdäˈägët. Dios jantsy jotkujk nyayjawëty ko tˈixy wiˈix mayë naxwinyëdë jäˈäy ttundë mëjää parë dyajtëˈkx dyajjäjtë ja mëjˈäjtën diˈib yëˈë myëdäjtypy (Pro. 27:11). Nanduˈun njënäˈänëm extëmë David: “Nmëjkumaapy, Jyobaa Dios miyë, mët winëtsë njot ngorasoon, ets seguurëts nyajmëjpëtsëmäˈänyë mxëë axtë winë xëë winë tiempë” (Sal. 86:12). Tim tsojk jyäˈtäˈäny ja tiempë mä niˈamukë Dios mëduumbë dyajtëˈkxäˈän dyajjäjäˈändë Diosë myëjˈäjtënë ets dyajmëjpëtsëmäˈändë xëmëkyëjxm. ¡Jantsy oy jantsy tsuj njukyˈatäˈänëm! ¿Myajtëˈkxaampy myajjäjaambyë Jyobaa myëjˈäjtën winë xëë winë tiempë? Pën duˈun, ¿myajtëˈkxy myajjajpy tyam mä mjukyˈäjtën?
[Notë diˈib noky ëxˈääy]
^ parr. 2 Génesis 1:26, 27, MNM: “Tyam tsojk ënet nyajkojëm tuˈuk yëˈë yeˈeytyëjk. Duˈun yˈixëˈatëty ëëtsˈäjtëmën. Myëëtˈatëp yëˈë ënaˈamën kutujkën mä nëëjëyujkëtyën, mä joon jëyujkën, mä ja jëyujkëtyën mëdiˈibë tsënääytyëbën mä jëën tëjkën ets käˈäpë yˈëwäˈänëtyën. Nenduˈun myëëtˈatëp yëˈë ënaˈamën kutujkën mä yëˈë jëyujkëtyën ëwäˈänëtyën ets yëˈë tsäˈäny jëyujk mëdiˈibë myox tyukyoˈoybyën. Ko yëˈë Dios ojts dyajkojy yëˈë naxwinyëdë jäˈäy duˈun ojts dyajkojy ejxtëm yëˈë këˈëm yˈixëtyën, yeˈeytyëjk ets toˈoxytyëjk ojts dyajkojy”.
^ parr. 13 Isaías 5:20: “¡Përoobë pënaty jënandëp ko oybyë yëˈë duˈun axëëk etsë axëëkpë yëˈë duˈun oy, pënaty pyëjtaktëbë kootsˈat tëˈkx jäjën etsë tëˈkx jäjën kootsˈat, ets pënaty pyëjtaktëbë täˈämbë päˈäk etsë päˈäkpë täˈäm!”.
[Yajtëˈëwën]
[Letrë diˈib miimp mä dibujë mä pajina 31]
¿Myajtëˈkxy myajjajpy duˈunë Jyobaa myëjˈäjtën?