“Esë tyäˈädë jikyˈäjtën winë xëë winë tiempë, jaˈa yëˈë ko jäˈäy mij, tiˈigyë Dios, mˈixyˈatëdë es xyˈaxäjëdëts ëj extëm ja Kristë.” (FWANK 17:3)

KO TI nnijäˈäwëm o nˈixyˈäjtëm, mbäät dyajtsoˈogyë jukyˈäjtën. Extëm nˈokpëjtakëm, ko Nouhou ojts pyäˈämbety, tuˈugë maxuˈunk diˈib mäjk poˈo, netyë ja tyääk ojts tnijawë wiˈix yajtsoybyatëdët mët ko jamë nety tyuny mä tuˈugë klinikë diˈib Níger. Yëˈë myooyë sueerë diˈibë këˈëm yaˈoˈoyë mëdë wäˈäts nëë, kään etsë asukrë. UNICEF ta jyënany, ko “ja uˈunk netyë pyäˈäm nyajxy mët ko tyäˈädë toxytyëjk pojënë dyajtsoybyejty ets ko ojts tˈaxäjë naybyudëkë diˈibë doktoor mooyë”.

Nanduˈun jyaty ko nnijäˈäwëm tijaty myaytyakypyë Biiblyë, mbäät xyajtsokëm. Moisés diˈib jyaay tim jawyiimbë liibrë diˈib mä Biiblyë, jyënany ko tsobatp ja ää ayuk diˈib nnijäˈäwëm ets ko “yëˈë duˈun juukyˈäjtënˈäjtp”. Ta jyënany: “Ko xytyundëty ijxtëm yˈëneˈemyën, jeky nëjkx mjuukyˈättë” (Deuteronomio 32:47, Mʉgoxpʉ ja̱ noky mʉdiˈibʉ jyaayʉn Moisés). ¿Mbäät jeky njukyˈäjtëm ko nnijäˈäwëm tijatyë Biiblyë myaytyakypy? ¿Ets tiko jyënaˈany “yëˈë duˈun juukyˈäjtënˈäjtp”?

Mä mëgoxkë artikulo të nˈijxëm ko Biiblyë ni diˈibë liibrë mëët kyatuˈugyë. ¿Tiko? Yëˈko tijaty nyaskäjpxë adëëdaapy, tëyˈäjtën tmaytyaˈaky tijaty tuun jäjtë, tëyˈäjtëndëjkëbë kyäjpxwijën parë oy mëk nyajpatëm, tuˈugyëbë myaytyaˈaky ets xypyudëjkëmë kyäjpxwijën axtë tyambäät. Ni diˈibë liibrë kyaduˈunëty extëmë Biiblyë, ets nyigajpxypy ti mbäät nduˈunëm parë jantsy jeky njukyˈäjtëm, tuˈugë jukyˈäjtën diˈib winë xëë. ¿Këdii oyxyëp ko nˈëxpëjkëm?

Pën mˈitäämp tyam agujk jotkujk ets mä tiempë myiny kyëdaˈaky, oy ko xynyijawët ja tëyˈäjtënë diˈib myëmiimbyë Biiblyë. Jyobaa tyestiigëty mbudëkëyanëdëp parë xynyijawëdë tyäˈädë tëyˈäjtën.

[Rekuäädrë diˈib miimp mä pajina 9]

Nan yëˈëyë Biiblyë diˈib yˈatsoojëmbijtypyë tyäˈädë yajtëˈëwën:

• ¿Tiko të nmiˈin të njäjtëm yä Naxwiiny?

• ¿Tiko nëgoo tyimjaˈäjnë ayoˈon?

• ¿Mbäät jatëgok nnaybyatëm mëdë nmëguˈukˈäjtëm diˈib të yˈoˈknë?

Tyäˈädë jap yaˈˈatsoojëmbity mä tyäˈädë liibrë, ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty.