¿Tiko tnasˈixë ayoˈon tsatsyjäjtën?
TAAˈÄJTPË jäˈäy diˈib myënuˈkxtaktëbë Dios, per kyaj yˈittë seguurë pën jam. ¿Tiko? Waˈan mët ko tˈixtë wiˈix tyuny jyatyëtyë ayoˈon yä Naxwiiny. ¿Të mijts näˈä mnayajtëyëty tiko Dios tnasˈixë ayoˈon?
¿Waˈandaa Dios ojts xyajkojëm parë nˈijtëm pokyjyaˈay ets nˈayoˈojëm? Tsipxyëp nwintsëˈkëm tuˈugë dios koxyëp ojts xyajkojëm parë duˈun njäjtëm. Okwinmayë tyäˈädë ijxpajtën: Koxyëp mijts xynyiˈˈixy xykyuˈixy tuˈugë karrë diˈib jemy ets xyˈijxpääty ko të muum wyindëgoy, ¿mwinmayëp ko duˈunë jäˈäy të ttimyajkojy? Kyaj. Pojën nwinmayët ko jam pën o ti të yajwindëgoyëty.
Nanduˈun jyaty mä Diosë kyojy pyëjtaˈaky, tsuj yajxon të dyajkojy, per nˈijxëm wiˈix wyindëgoy ets wiˈixë naxwinyëdë jäˈäy yˈayowdë. ¿Duˈunë Dios ttsejky, diˈib tijaty yajkoj? Biiblyë tyukniˈˈixë ko wäˈäts ojts kyojy ja tim jawyiimbë naxwinyëdë jäˈäy, per yajtëgooytyë ja wäˈätsˈäjtën mët ko tyuundëgooytyë (Deuteronomio 32:4, 5). Per jantsy oy ko nnijäˈäwëm ko Dios të twandaˈaky dyaˈoyëyaˈanyë tyäˈädë jukyˈäjtën etsë naxwinyëdë jäˈäy dyajjëmbitäˈäny wäˈäts jäˈäy. Per ¿tiko jekyë tiempë dyajnaxy?
¿Tiko jekyë tiempë dyajnaxy?
Parë nˈatsoˈojëmbijtëmë tyäˈädë yajtëˈëwën, tsojkëp nnijäˈäwëm pën mbäät tˈaneˈemyë naxwinyëdë jäˈäy. Jyobaa ojts ttuknibëjtäägë parë yëˈë tˈanaˈamëdë naxwinyëdë jäˈäy ets kyaj parë këˈëm nyayˈanaˈamëdët. Biiblyë xyˈanmäˈäyëm: “Ni jeˈeyëp pyäädëdët këˈëm nyaynyëˈëmoˈoy nyaytyuˈumoˈoyëdët” (Jeremías 10:23). Jotmaymyëët njënäˈänëm ko Adán mëdë Eva ojts tjëjpkudijëdë ja Diosë gyobiernë, ets pääty jyëmbijttë pokyjyaˈay (1 Fwank 3:4). ¿Wiˈix wyimbëtsëëmy? Yajtëgooytyë ja wäˈätsˈäjtën ets kyuˈayoˈowëdë, duˈun yëˈëjëty ets duˈun ja tyëëm yˈääts.
Kanäk mil jëmëjt kujkë Jyobaa tnasˈixë etsë naxwinyëdë jäˈäy këˈëm nyayˈanaˈamëdët, per nuˈun kujkë xëë tiempë nyaxy, yaˈixy ko naxwinyëdë jäˈäy kyaj tmëdatyë madakën parë oy yˈanaˈamët. Yajxon kyëxëˈëky ko gobiernëtëjk yajjaˈäjttëbë ayoˈon tsatsyjäjtën. Nituˈuk tkamëmadäˈäktë dyajjëjptëgoyëdë tsip, päˈäm, axëkˈäjtën etsë naytyëytyunë.
¿Wiˈixë Jyobaa dyaˈoyëyaˈanyë tyäˈädë jukyˈäjtën?
Biiblyë wyandakypy ko tim tsojkë Dios dyajminäˈäny tuˈugë jembyë jukyˈäjtën (2 Peedrʉ 3:13). Per yëˈëyë jam jukyˈatandëp pënaty tsyojktëbë Dios etsë jyiiky myëguˈuk (Deuteronomio 30:15, 16, 19, 20).
Biiblyë nanduˈun jyënaˈany ko wingoonˈadëtsp ja tiempë mä “jäˈäy yajpayoˈo[yäˈändë]”, mä Dios dyajjëjptëgoyaˈanyë ayoˈon ets nanduˈun pënaty yajjaˈäjtypy (2 Peedrʉ 3:7). Ta netë Jesukristë, ja Rey diˈibë Dios të twinˈixy, tˈanaˈamäˈänyë naxwinyëdë jäˈäy diˈib mëdoodëp (Daniel 7:13, 14). ¿Ti tyunaambyë tyäˈädë gobiernë? Biiblyë jyënaˈany: “Diˈib yujy tudaˈaky, yëˈë jyaˈˈatandëbë naxwinyëdë ets tjantsy tyukxondäˈägäˈändë mëjwiin kajaa ja tuˈugyëˈäjtën diˈib jaˈˈatäämp” (Salmo 37:11).
Jesukristë diˈib tuump Rey, yaˈoyëyaambyë tyäˈädë jukyˈäjtën, dyajjëgaˈagäˈänyë päˈäm, mëjjäˈäyˈat etsë oˈkën diˈib jaˈäjtp mët ko ja Adán mëdë Eva tmëbokytyuundë Jyobaa, diˈib yajkypyë jukyˈäjtën (Salmo 36:9). Jesus yaˈˈagëdäˈägaampy niˈamukë diˈib kyupëjktëp ja gyobiernë. Yëˈë yaˈˈadëwaambyë tyäˈädë wandakënë diˈib yajpatp mä Biiblyë:
▪ “Ni tuˈuk diˈib tsëënëyäämp kyajënäˈänäˈäny: Pëjkëbëts.” (Isaías 33:24.)
▪ “Dios yajtëtsxëdët tëgekyë ja wyinnëë. Kyaj yˈokˈijnët ja oˈkën, jëˈëy yaxën o ja pëjk Diˈibʉ Jatanʉp 21:4.)
adoˈonën, jaˈa ko tëgekyë diˈibë të yˈity, të jaˈa nyaxy kyexy.” (¿Këdii xyjotkujkmoˈoyëm ko Dios tim tsojk dyaˈˈadëwäˈänyë wyandakënë parë dyajjëgaˈagäˈänyë ayoˈon tsatsyjäjtën? Ets oy tyam tnasˈixë, mbäät nˈijtëm seguurë ko myëdooˈijtypy ko nmëgäjpxëm.
Dios tam yajpääty. Yëˈë myëdooˈijtypy ko xymyëgajpxy, axtë mä xyˈëbëtsëmy xykyäjpxpëtsëmyë mjäj mjëmuˈumënë o mˈamay mjotmay, ets tsyejpy jyäˈtëdë tiempë parë mˈawäˈätspëtsëmët mä ayoˈon tsatsyjäjtën ets mˈitët seguurë ko tam yajpääty.