DIˈIB MIIMP MÄ NYIˈAK: MIJTS MBÄÄT XYMYËWINGONYË DIOS
Nitii duˈun kyaˈoyëty
¿Ti mbäät xytyuny parë jantsy oy mëdë Dios mnaymyayëdët? Të nˈijxëm tuk pëky majtsk pëky tijaty mbäät nduˈunëm parë nnaymyaˈayëm mëdë Dios:
-
Nˈixyˈäjtëm ets ndukmëgäjpxëmë xyëë, Jyobaa.
-
Janääm jatsojk nmëtmaytyakëm ko nmënuˈkxtakëm ets ko ngäjpxëmë Biiblyë.
-
Nduˈunëm xëmë diˈib yëˈë xyˈamdoˈojëm.
Parë mëdë Dios mnaymyayëdët, yajtuunë xyëë, käjpxë Biiblyë ets tun diˈib yëˈë mˈamdoowëp
¿Mduumpy duˈun parë xymyëwingonyë Dios? ¿Jaa ti diˈib mˈaktëgoyˈäjtxëp xytyunët? Mëjää yajtunäämp, per winmay ko mdukˈoyˈataampy.
Jennifer diˈib Estados Unidos, jyënaˈany: “Kyaj duˈunyë nyatëgoyaˈany ko nduˈunëmë mëjää parë nyajkëktëjkëmë naymyayë mëdë Dios. Mëjwiin kajaa ndukˈoyˈatäˈänëm, extëm niˈigyë ndukˈijxpajtëm, niˈigyë nˈixyˈäjtëm ets niˈigyë ntsojkëm. Nitii duˈun kyaˈoyëty”.
¿Mnaymyayanëp duˈun mëdë Dios? Jyobaa tyestiigëty mbudëkëyanëp, namayˈäjtënë mdukniˈˈixëyäˈänëdë Biiblyë. Nan mbäät mnëjkxy mä tyuˈukmuktë mä Tëjk mä yˈëxpëktë. Jap xypyäädäˈänyë jäˈäy diˈib naymyaayëdëp mëdë Dios ets diˈib yajtsobattëp ko mëët nyaymyayëdë. * Wanaty wanaty mnayjawëyaˈanyëty extëm diˈib jyaayë Salmo, diˈib jënan: “Per ëjts, oy kojëtsë Dios nmëwingony” (Salmo 73:28).
^ parr. 9 Pën mˈëxpëkaambyë Biiblyë o pën mnëjkxäämp mä ja Tëjk mäjëts nˈëxpëktë diˈib naa wingon wëˈëmp mä mtsëënë, anëëmë ja jäˈäy diˈib të mmoˈoyëtyë tyäˈädë rebistë o tëkë mä Internet www.pr418.com/mco. Winˈix tim abatkëˈëy mä jyënaˈany “Mäjëts xypyäättët” ets xywyinˈixët ti diˈib mˈëxtäˈäyaampy.
You May Also Like
DIˈIB XËMË NAYAJTËËWËDËP
¿Wiˈixë Jyobaa tyestiigëty dyaˈëxpëktë jäˈäy?
Ko mˈëxpëkët mëdë Jyobaa tyestiigëty namayˈäjtën, mbäät xyajtunyë Biiblyë mëdiˈibë mdimytsyojkënyëˈajtypy. Mbäät nanduˈun xywyoy pënaty mdimywyowaampy, duˈunë mfamilyë o mëtnaymyaayëbë.
TYUˈUKMUKTË
¿Ti yajtuump mä tyuˈukmuktë Jyobaa tyestiigëty?
Ixyˈat mäjëts nduˈukmuktë ets nnijawë tijaty jap yajtuump.
