Yajtëˈëwën diˈib yaˈˈatsoowëmbijtp mä Biiblyë
¿Mbäät jyëjptëgoy ko jäˈäy yˈayoy?
¿Wiˈixë Dios dyajjëjptëgoyaˈany ko jäˈäy yˈayoy? (MATEWɄ 6:9, 10)
Jëmëjt jëmëjt miyonkˈamë jäˈäy yˈooktë mëdë pagiˈix päˈäm ets mëdë päˈäm diˈib jaˈäjtp mët ko jäˈäy jyantsy yˈayoy. Oy jyajaˈˈatyë paˈis diˈib mëkjäˈäy, mayë jäˈäy diˈib jantsy ayoowdëp. Biiblyë jyënaˈany ko duˈunyëm jyaˈˈatyë tyäˈädë jotmay. (Käjpxë Fwank 12:8.)
Parë kyaj pën nyekyˈayowët, yëˈë tsojkëp tuˈugë gobiernë diˈib tëyˈäjtën myëët yajwäˈkxtäˈäyëp tijaty. Diˈib nanduˈun yajjëjptëgoyëbë tsip, pes mët ko jäˈäy tsyiptundë, ta jäˈäy yˈayowdë. Ets yëˈë duˈumbë gobiernë diˈibë Dios wyandakypy. (Käjpxë Daniel 2:44.)
¿Pën mbäät dyajjëjptëgoy ko jäˈäy yˈayoy?
Dios yëˈë të twinˈixyë yˈUˈunk, Jesukristë, parë tˈanaˈamëdë naxwinyëdë jäˈäy (Salmo 2:4-8). Jesus pyudëkëyaambyë ayoobë jäˈäy ets dyajjëgaˈagäˈänyë naytyëytyunë etsë axëkˈäjtën. (Käjpxë Salmo 72:8, 12-14.)
Jesukristë, ja “Anaˈambë diˈib yajjaˈäjtypyë tuˈugyëˈat”, abëtsemy nyaxwinyëdë dyajnaxkëdäˈägäˈänyë jotkujkˈäjtën etsë tuˈugyëˈäjtën. Taanëmë net niˈamukë jäˈäy tmëdatäˈändë jyëën tyëjk, tyuunk diˈib tyukxondäˈägëp etsë kyaˈay yˈukënë mëjwiin kajaa. (Käjpxë Isaías 9: 6, 7; 65:21-23.)